卡莎338 (已結業)

難得今天老婆仔來到長沙灣區接我收工就決定吃點好東西本來打算吃特式茶餐廳但又想吃貴一點意外網上發現到這間餐廳感覺不錯之下決定在這裡晚餐我們分別選了兩份廚師推介晚餐分別是118元的虎蝦忌廉野菌墨魚汁意粉以及108元的自選12吋意式薄餅餐湯是紅湯感覺很足料喝起來很濃味鹹度也適中算是不錯而虎蝦忌廉野菌墨魚汁意粉虎蝦雖然只有兩隻但很貼心地切開了肉吃起來很方便加上肉量佔很大部分配上濃度高的墨魚汁也是值得推介的菜色至於自選12吋意式薄餅醬汁方面選了千島汁材料方面有帕爾馬火腿、海鮮、粟米、菠蘿其實是很特別的點法因為可以組合出自己喜歡的味道這薄餅送來時我們都嚇一跳因為之前對12吋並沒有概念送來才知這麼大件而且吃起來非常濃味真的吃一件就開始飽了雖然製作得很認真但還是建議胃口大的人才好點這個

Happy Friday就梗係要搵個可以坐耐D靜D既地方食晚餐架啦~~所以就決定到長沙灣一間出名既平民西餐廳早前經OPENRICE訂座，禁幾粒掣就攪店，十分方便；而且仲有各人惠顧滿$100有九折既優惠，感覺非常抵玩6點半去到，已經有幾枱人係度；我同朋友兩個人被安排坐4人卡位黎之前已經諗定左叫乜，但點知餐廳轉左新餐牌，無左個PIZZA SET，唯有散叫啦結果我地叫左一個SET，PIZZA，蠔同薯條是日餐湯湯係雜菜湯而非羅宋湯，無肉味，而且落太多糖，甜得制，唔好飲蒜茸包都烘得脆身，不過略嫌牛油香草唔夠，令蒜茸包好有茶餐廳既頽包FEEL法國花城之蠔 ($20)職員話師傅新鮮開出黎，所以知道我地會叫蠔之後，就即刻幫我地落左柯打先其中一隻蠔有一塊大殼碎，所以食果陣要小心D聞落同食落都無怪味，剔起佢果陣都睇得出新鮮，有海水味，但太鹹且唔夠肥美不過十蚊雞過下口痕都ok既黑松露醬薯條 ($58)送上枱果陣真係陣陣黑松露飄香~~不過認真D睇原來個汁好稀而且有一舊舊半透明好似啫喱既野係入面…講真有少少嘔心薯條用上粗薯條，加上新鮮炸出黎熱辣辣，好好味；點左個汁終於明點解一上枱就咁大陣松露味啦，原來個汁係暖!

星期日晚係屋企附近搵食，如果怕多人要排隊，可以選擇去卡莎。喺長沙灣區，話就話有好多嘢食，但西餐廳就冇乜，唯一選擇就係呢度，平平哋，都叫做有得鋸扒，食生蠔。呢晚我哋三個人唔算肚餓，所以帶咗兩份肉眼牛扒set,一個薄餅，同埋半打生蠔。最值得推介嘅一定係佢嘅主打， $10蠔我哋叫咗半打，雖然＄10 ,但都好大隻，你食自助餐嘅更大隻，更鮮味，中式到有淡淡的海水味，超值薄餅種類有好多款，價錢都相宜， 80至100左右，我哋揀咗隻海鮮香草薄餅，都幾大份架，絕對抵食，餅底係又薄又脆種跟住就到我哋嘅主菜：澳洲肉眼扒， ＄100鬆啲，都叫做可以嘅。不過薯條配菜份量就相對少，我叫5成熟，但上枱嘅我諗都有七成，比想像中熟咗啲，不過都有牛肉味，咬落亦鬆化，個人應為黑椒汁做得比蒜蓉汁好。不過來呢度食扒，都要睇少少彩數架，有時塊肉又大又靚，但係有時亦都會有頗多筋。叫晚餐仲有餐包，湯同餐飲，不過略嫌忌廉湯稀左少少同埋鹹左小小，有改善空間。整體來講都算OK嘅，不過如果環境可以改靚少少，會有多啲氣氛囉

本來我和朋友在深水埗辦點事，順道在附近吃晚飯。附近食肆選擇不多，亦無甚吸引度，最後隨意挑選了呢間餐廳，怎知中伏。餐廳最大的問題是衞生情況很差，每件食具可皆見剩餘殘渣，地面滿布垃圾。另一問題是服務，筆者自問要求不高，亦會以同級餐廳作準則，但服務水準仍然低於應有水準。食具弄髒，嘗試要求關注更換，最後當然未予理會。筆者點餐有額外要求，加錢是應該的，但也不用每個店員途經也檢查賬單一番吧！難度那張單是我自己寫及存心欺騙那一兩元？？感覺佷差！最差就係本人電話查詢了有無10蚊生蠔賣，電話中確認左有無限制任叫生蠔賣，但係過到去，坐底點餐才跟我講無。。賣完。。真係無奈至極。最後叫了2個套餐。。難食至極。。唉。

最驚喜既係免費既board game corner!!! 又無限時又無附加費，絕對抵過去cafe玩😀💙而且種類都唔太少，我同朋友全晚就玩呢個strategy game XD重點係食物水準都幾高，CP值👍🏻👍🏻Set dinner價錢約為HKD$100~150，餐湯餐包餐飲都是一般貨仔，不過主菜都幾唔錯。🍤鮮蝦忌廉墨汁意粉 ((HKD $108))最喜歡之一的墨汁意粉好怕遇上得個樣既墨汁🤦🏻‍♀️😎呢個雖然不是墨汁製意粉，不過味道十足！加上兩隻跟手掌一樣大的大蝦已經覺得抵左，而且肉質幾彈牙又有蒜香👍🏻另外試了一下朋友點的燴牛舌加薯條都好正😳好淋但咬落又帶勁...而且配合個汁有點晴之效！

友人相就小人，約了下班之後臨近小人工作之處共晉晚餐。頭盤有經典炸物和生蠔，炸物普普通通；反為四款生蠔set有法國花城之蠔N4、法國小王子N3、法國GuilleadeauNO以及法國LambertN1之類，總之都是法蘭西的出品，勝在夠平，以本蠔怪而言可說是入得口的。豬手德國鹹豬手乃加分之作，豬皮竟可脆到這個程度，焗得通透，油膩感極低，肉還是嫩的，惟酸菜太少鳥。澳洲的和牛都比得上日本的，不乾不柴，有些油份，配上一大堆白飯，淋些醬汁，又是一餐。小人的工作天一定不會到這兒，但試過之後，或許改觀。

今晚點了意粉同pizza，味道算可以，但餐具有d污糟：請waiter取兩個空碗給我們，發現裡面有d唔知係茄汁定咩野未洗乾淨的污跡，後來好心的經理幫手換左兩隻碟，睇到佢仲特登抹左幾下先放心俾我地。後來讓取一杯清水過來，卻發現水杯外面又有d白色的唔知咩液體水跡，看上去很嘔心的感覺。搞到後來想試下佢地d生蠔，聯想到甘既衛生程度，可想下d廚房環境係點樣，都係怕怕了。總結之前係睇到甘多稱讚佢地食評，先專門過去試下間餐廳d美食，但經過今晚呢d甘既經歷，呢次假期的美食之旅留下深刻的回憶。

朋友派炸彈，做姊妹嘅就喺佢公司附近食飯收帖。朋友話佢嘅同事推介呢間餐廳質素唔錯，而且上網訂位有折添，抵食又好食咁話，所以一早就book定枱先。七點半去到，果然人頭湧湧，好在一早book定枱唔使等位即刻有得食。套餐嘅種類都相當多，我哋分別就叫咗羊架同埋豬手開心share。做得姊妹真係好多野要傾，rundown、物資準備等等，叫定杯啤酒邊飲邊傾先。小店生啤都有六種，估唔到咁多選擇，而且返咗正價同餐飲價，低飲又經濟。朋友叫咗Bels radler，充滿citrus&青檸香氣，清爽易入口。我就叫左delirium norturnum，因為佢話榮獲多個奬項咁就試吓啦。果然層次豐富，麥味夠香，唔錯。傾到咁上下侍應就比兩塊蒜蓉包我哋，質地偏硬脆，放入湯一齊食啱晒。我哋叫咗一紅一白，味道ok。先來主菜係烤焗羊架配意粉，羊架做得到想要嘅七成熟，嫩得來冇血水。肉味香得來唔係太羶，幾好食。之後德國鹹豬手配蜜糖芥末汁就到啦，連骨切開一半都係第一次見，方便晒我哋一人一半share食。雖然豬皮外層未做到燒腩仔咁脆，不過皮肉之間做到口感q彈，感覺骨膠原豐富。豬肉軟淋不過鹹，配芥末汁解油膩，唔錯嘅送啤酒主菜。總括嚟講

今時今日晚餐應該冇100蚊都食唔到好野但長沙灣唔係食車仔麵竟然有5X蚊就可以食到晚餐既餐廳!!真係少之又少 呢間餐廳位置都算近民居格調都唔錯但係價錢係勁超值 今次見左既呢個係咖哩牛腩飯 5X蚊仲要包埋有餐湯蒜蓉包 餐包, 係蒜蓉包, 新鮮滾熱辣, 而且超RICH蒜蓉, 好香口又香脆 餐湯係白湯黎, 仲要有火腿絲同粟米係湯入面, 味道提升左! 唔錯 咖哩帶點辣, 更加野味最正係佢D牛腩係爽口彈牙一點都唔覺得會痴牙!! 呢一個飯大約個份量可以分比2個人食(女仔)因為都幾大份, 而且幾足料下!! 非常抵食!! 性價比超高!!!

今日同家人去食飯去左呢間西餐廳食門口見到個午市MENU全部餐都好平!!以為唔會有正野食啦點知個套就吸引到我 和牛二人套餐餐湯 蒜茸包 二人小食拼盤一份見到咁大份我地都哇左一聲!! 好似叫左個小食拼盤出黎咁, 又有薯條, 雞翼, 春卷同雞寶! 淨係食呢個都食飽飽 德國咸豬手半份原來半份都已經咁大份, 超抵食, 用餐刀輕輕一整就已經可以將D肉起哂出黎, 仲要外脆內軟, 雖然皮下脂肪有點多, 但係都令人難以抗拒, 食左幾塊!! 和牛肉眼佢有西冷同肉眼揀, 而我就揀左肉眼, 要7成熟, 口感同味道都係和口既口味, 雖然未至於係入口即溶, 但係就和牛味極重, 而肉質都幾鮮嫩!!! 好抵食 呢個餐仲送2杯野飲, 3個人食都夠哂飽!!

長沙灣一直都有兩家餐廳是我飯堂，但今次行街時見到一家外型很有日韓感的餐廳，整橦建築物只有一層，獨立的一層，有霸氣又特別。餐廳是吃西餐的，價錢是街坊價，大約70元已經有前菜主菜甜品。我們被餐紙上的二人餐吸引，畢竟和牛我是很難拒絕的。和牛二人套餐，$398是日餐湯一紅一白的餐湯，白湯是忌廉南瓜湯，南瓜味道清澈。紅湯的蔬菜湯有點酸，很開胃。蒜茸包兩件一塊全都是蒜茸但薄得很，另一塊是全沒有蒜茸但正常厚薄，很難選擇呢！最後我選了塗滿蒜茸的那塊，很香口呢！二人小食拼盤一份炸雞翼很 juicy，皮都炸的香脆，漲卜卜的。還有薯條等等，啱哂我們這種大細路。招牌德國鹹豬手配蜜糖芥末汁半隻豬手半隻，份量剛剛好。皮脆而多肉，肥膩的部份都切走了，吃到香口的那部份，而且沒有太鹹。8安士澳洲頂級和牛西冷一份配意粉最期侍的畫面出現了，和牛8安士己經很大塊，牛扒面有很多肉汁和油份，看到已經吸引。西冷吃柔軟口感，牛味不算濃，但已經很滿足！餐飲兩杯

三款生蠔SET.發現這裏吃生蠔好抵😍 三款蠔分別是法國花城之蠔N4/ 法國小王子N3/ 法國Lambert N1! 生蠔新鮮沒腥味 微爽口甘甜 這個價錢來說絕對收貨😋美國16安士T骨牛扒.T骨牛扒好大塊 煎得剛好帶粉嫩 肉味有 不過肉質偏韌! 配薯菜或飯或意粉 薯條絕對吃得飽 晚市套餐包了餐湯/蒜蓉包/飲品 這個價錢來說 過得去吧! 兩個人來的話 大約$400埋單 性價比都算不錯 如果喜歡飲手工啤的話 可以加$88 1.5小時任飲6款手工啤酒 不過當日就冇試了

好少黎長沙灣食飯，今次朋友帶左Vi黎呢間幾抵食既西餐。我地點左一個2人餐+12吋pizza.2人餐好豐富，先有餐湯蒜蓉包。之後小食拼盤有春卷，雞件，雞亦同薯條，炸物唔太油，用黎送啤酒一流。主菜先黎德國豬手，豬手唔太大隻，岩2個人share, 肉質嫩滑，個皮脆脆地唔錯。而8oz西冷就有驚喜，剛好7成熟，肉味濃而且多汁，好味。而pizza亦好抵食，$108有咁大個pizza, 配料可以自款4款，汁都係自己選擇，仲配餐湯同飲品。pizza係好薄身，食落脆脆地好香口，而且配料夠多！最後加左法式田螺拼薯蓉，田蠔幾大隻而且彈牙，薯蓉有勁多，食到好飽xdxd整體呢間西餐幾抵食，仲有多款酒類選擇，幾岩傾計

自從老公調咗去長沙灣返工後，呢一區幾乎已經變成我倆的搵食飯堂。對上一次去咗元州商場食越南菜，今晚就一於行遠啲，試下這間長沙灣數一數二高性價比的西餐廳「卡莎338」。店子位於東京街，是間地舖，環境雖然是有點僻靜，但其實位置挺就腳，從港鐵長沙灣站  A2 出口走約 5 分鐘便到達。踏進店，裝潢以木色為主調，地方唔算好大，但感覺寬敞舒服，配上帶點法式風情的設計，氣氛很不錯。拿起餐牌逐一細看，晚市套餐選擇非常豐富，共有13 款，包主菜、是日餐湯、蒜蓉包及餐飲，如果惠顧套餐加 $88/位，更可享六款手工生啤放題 1.5 小時。另外餐廳亦備有 5 款每周優惠套餐，價錢十分經濟，最貴都只是 $88，超值！至於散點方面，就有 Pizza、小食、生蠔及美國安格斯肉眼扒。如果是兩口子到訪嘅話，最正當然就係揀二人套餐，唔使傷腦筋，而且仲有斧頭扒同和牛餐兩款可供選擇。 選了和牛二人套餐 ($398)，套餐包是日餐湯、蒜蓉包、小食拼盤、德國咸豬手、和牛肉眼或和牛西冷同餐飲，如果想食埋甜品就要另加 $28/份。是日餐湯係火腿粟米湯，呷一口，質感頗稀，味道極淡，水準一般。反而配吃的蒜蓉包，質素不俗，入口邊位鬆脆，中

先點Caesar Salad開胃餐點fresh一下，沙拉菜新鮮且份量多又健康好味黑松露野菌鮮蝦意大利飯~意大利飯不會黏著一圑，黑松露野菌香味濃郁用黑松露味令整個意大利飯非常香，不妨試試這個牛肝菌意大利飯，讚喔！鮮蝦忌廉野菌墨魚汁意粉，本身好中意食墨汁意粉，睇落已經好好食好正，特別想講大蝦味道鮮美，而且超大隻的der...加＄20叫左芝士蒜茸焗蠔，焗蠔size細細的加左金黃色芝士至完全溶化配合蠔同食滿口鮮味芝士味道更有層次!^^餐跟紅湯和蒜茸包都算抵食!另+$ 38 House White /杯好香唔會太甜，為今晚晚餐畫上完美"雞冀春卷"小食好豐富又好香口，春卷好味好味呀!不妨試試Casa338 ，推薦!!七