南駅

營業中

休息中

本來見到得20個人like, 以為一般, but don't want find another restaurant so go try try. 點知幾有水準, 有啲驚喜, 環境又唔錯, 地理位置都 ok (易搵), 唔明 why just 20 likes牛肋條超好食, 夠曬淋and嫩, but not quite feel 到 the 香草 and 紅酒味 (but I didn't 專登留意)黑松露意大利粉超好食, 黑松露一啲都唔孤寒, 味道好濃, but this one the size too small梅菜豬頸肉籠飯味道唔錯, 可以揀白飯或者糯米飯全條鰻魚飯, 鰻魚size還好, 味道ok海南雞都ok, 唔算好驚豔, 不過擺設幾特別, 同埋有湯 for 解油飯嘅膩, 設計幾特別, 用個小茶壺倒湯整體算係食物幾有水準嘅一間, 絕對值得更多like

態度欠佳，服務質素有待改善。我叫咗個$83口水雞飯，之後問職員要少少蔥油，得到既回覆係「唔得，口水雞唔可以加蔥油」然後完全沒有任何解釋就走做去。如果話我知要加錢我都可以接受，而唔係直接拒絕客人要求。

試過佢地既2人餐，海南雞飯，咖哩牛腩飯，意粉，都有一定水準，他們賣點不是要鬥平，所以唔好期望食最平又超有水準既野….民生小店，以香港仔食店平均水準來講絕對是不錯的…

🏠南駅 入香港仔探親戚 佢地推薦食呢間小店有少少窄 但坐落都幾舒服雪菜肉絲配煎雙蛋/香滑炒蛋/烚雞蛋+牛油多士 $40$40早餐係香港仔黎講都算幾抵食雪菜肉絲米都幾足料 再落埋少少辣椒油吊下味配埋多士同煎雙蛋

南駅 蒜香海鮮籠仔糯米飯（龍脷柳、蝦、帶子、蟹棒）話說早前工作時入左去田灣，搭左程車落香港仔，見有籠仔糯米飯好吸引🤩就決定入嚟一試啦.Sticky rice in bamboo steamer 有三種口味- 梅菜豬頸肉- 蒲燒鰻魚- 蒜香海鮮 *好明顯我揀咗海鮮啦一食就覺得出事啦因為個糯米飯好硬，又冇香味之餘最緊要係個海鮮呀，唔好以為香港仔容易得到海產啲海鮮就新鮮呀，一啲都唔好味！*點解水準會係咁樣嘅呢？我見之前個質素都好好，可能真係最近個質素下降咗好多 *如果想試龍仔飯嘅朋友可能就要再去尋找其他嘅餐廳啦而佢最出名嘅海南雞飯呢我就冇事到，如果大家都仍然覺得可以俾個機會佢嘅就可以試吓囉

上星期平日夜晚去咗南駅食吉列豬扒餐，質素一流，從未在香港食到如此鬆化的吉列豬扒，非常好味😋。另外叫咗海南雞脾飯，都好味😋。今次第一次試這間食肆，想不到有這麼大的驚喜！

📍香港仔 南駅 海南雞飯呢間以前讀U成日食好似出咗嚟做野之後好似第一次食同以前對比係退步咗 又加咗價個玻璃碟係幾適合打卡 但係食野會好唔就手雞 - 雞胸 唔鞋口；雞翼 有骨但幾滑油飯 - 有油 但唔係雞油味酸辣汁 - 比較稀 同埋淡味咗啲配菜(豆角) - 白灼 有草腥味 唔嫩 可能for裝飾湯 - 幾清幾好飲 但以前係有雪耳 而家變咗幾條海帶乾住附近可以一試 山長水遠特登食就唔建議HKD 82 海南雞飯🚩南駅香港仔南寧街6-12號香港仔中心(第五期)地下5號舖

回港探親，偶然行過南駅，見到個海南雞飯廣告牌，好吸引，我一向都係海南雞飯嘅 fans, 所以就即刻入去試吓，同埋屋企人去，冇理由叫哂兩個海南雞飯，於是就叫左一個鰻魚糯米飯。海南雞飯相信係主打菜式，所以佢哋嘅擺盤好用心，玻璃盤好靚，一睇就已經開胃，食落就真係無失望，無骨，好滑，湯用個壺仔上枱，好特色，玻璃盤有位放筷子，好有心思，價錢比外面餐廳貴少少，但係值！講到鰻魚糯米飯就真係好失望，啲魚好明顯喺外面超級市場買番嚟，啲糯米飯又硬，又乾，覺得中伏！下次有機會再去，都係食海南雞飯就夠囉！

行街見呢間有人等位，八卦地排埋一份試新嘢。首先嗌咗個海南雞飯，個display好靚，未食已經覺得視覺好滿足，食落味道都唔差，雞肉嫩滑，不過個飯就一般，冇咩雞油味，另外個菜湯都正常，只不過擺喺個茶壺入面有種特別嘅精緻感。之後再嚟蒜蓉海鮮蒸飯，本來期望好大，不過食落都係正常味道，蒸海鮮如果用冰鮮食材係好易食得出，呢度啲海鮮正正就係咁，食落已經知道唔新鮮，當堂打咗個折扣，而且個糯米飯亦唔係好吸收到海鮮嘅鮮味，只係得豉油味，不過不失咁啦。

連續兩晚幫襯，第一晚叫咗例牌香蔥雞，雞件佢分咗兩層，面曾嗰啲雞正常，底層嗰啲雞肉明顯俾人偷曬啲肉淨返啲骨。我同朋友去食我朋友話你多心啫，於是再去食多一次，結果一樣。今次叫口水雞都係面層啲雞正常，下層嗰啲畀人偷咗啲肉。於是叫個侍應過嚟睇睇，佢哋話咁樣都好正常喎。擺明係廚房內部畀人切起曬啲用，都唔知係咪啲員工自己食番所以叫正常。又或者偷咗啲肉攞嚟煮其他餸😡

香港仔近年開左好多新餐廳，今日就同朋友來試「南駅」。😋要定義「南駅」係咩類型既餐廳有D 困難，因為佢實在太多野食啦！由東南亞既海南雞、中式既糯米飯，去到海膽意粉都有得食。而早餐同下午茶更加係好經典既滑蛋、多士，配個公仔麵。如果要分類，我會叫佢港式Fusion😂「南駅」令我最驚喜既絕對係佢既海南雞飯基本上餐廳有四份之一既食客都點來食雖然佢既價錢比一般茶餐廳或者東南亞餐廳貴，但係佢由特別設計既玻璃碟、擺盤、湯，以至主菜（雞、飯），都俾到一種好受重視的感覺食客✌🏾而佢既雞亦都好嫩滑，唯一缺點係唔算好大份，所以食完d雞仲有好多飯不過d飯又夠油香，唔想浪費，唯有落多d 薑蓉同埋d 菜撈埋黎食，好味！😋

今日嚟咗南區 諗住喺香港仔中心一帶食個靚早餐🥣 點知見到好多連好多茶餐廳到要排隊 就知道呢頭真係好多人住呀 難得嚟到香港仔 梗係唔會食周圍都有嘅餐廳啦 搵咗呢間叫做南駅嘅餐廳 喺門口等咗大約10分鐘就可以入座😮招牌香茅豚肉通粉呢個香茅豚肉餐 係Menu上標明店長推介嘅🐷 所以就叫咗嚟食 不過食完真係唔係好明點解會推介 豚肉係類似豬柳嘅感覺 雖然係有香茅味 但係唔覺得特別出色😅沙嗲鮮牛肉公仔麵因為個人好鍾意食沙嗲牛肉 所以沙嗲牛肉嘅質素好影響我會唔會再去食早餐 呢個沙嗲牛肉又唔可以話係唔好食 但係比較普通 有部份牛肉過韌 但係佢係鮮牛肉 至少唔係罐頭貨 我又覺得呢個價錢還好😗見到餐廳特別有個幾塊黑板寫上好多款咖啡 可能呢間餐廳仲主打咖啡 不過今次就冇試啦 留返俾大家試啦🤣

由佢開店食過一次早餐覺得好一般，都咁耐咪比多次機會，咁啱唔使等位，今次食下午茶，豬豚肉公仔麵餐，包埋煮蛋，多士，熱檸茶，個豬豚肉冇乜味而且口感麻麻地，個多士比較淋，冇下次

仲記得第一次幫襯南駅係筲箕灣店，點知上次再去已經撞正佢結業今日咁啱去開香港仔，就特意去幫襯下。可能因為係平日嘅關係，六點幾店內都仲有吉位，唔洗等就入得去，侍應姐姐仲俾我地揀位坐最後坐左係sofa位，枱面空間唔算大，不過食物先係重點泰式炸蝦餅 (原本有五件，急不及待食左兩件)，唔點泰式醬就只係一件平平無奇嘅炸蝦餅平平無奇得黎，咬落口係會冒煙嘅好似啱啱炸起咁，食果時要小心盪口。好好味嘅蒜香海鮮籠仔糯米飯。尤其是蒜香+鼓油，令人感覺面頭嘅海鮮味滲入左糯米飯入面咁值得推薦咖哩雞粒菠蘿炒飯，炒飯粒粒分明，個人覺得咪道偏淡，靠雞粒嘅咖哩味＆菠蘿嘅清新口感去配襯。凍檸茶，一般貨色。堂食但用膠杯，扣少少分。

因為有朋友仔住開呢頭附近，咁就問吓佢附近有咩好食，跟住佢就推介左呢間南駅俾我喇🥳咁見到出邊舖頭都幾靚，同埋多幾多人食，就決定咗去食佢啦🤩咁我哋就嗌左蝦多士，吉列豬扒烏冬同埋黑松露醬薯條😍😍😍😍首先嚟咗蝦多士先嘅，蝦多士十分之好食！！首先個多士個底真係炸到好脆口，跟住上邊再鋪溝咗厚厚既蝦肉，食落十分之有口感同埋個味道都好出色👍🏻🥳跟住第二樣就係薯條，薯條都係真係啱啱新鮮炸起，外脆內熱，同埋啲薯條都好有薯仔味，但係最出色嘅都係佢嘅黑松露醬，佢嘅黑松露醬非常非常好食，個醬真係有好濃厚嘅黑松露味道🤩🤩🤩跟住最尾嚟咗吉列豬扒烏冬，吉列豬扒都真係好好食，又係新鮮炸起，仲要炸到好脆口👍🏻👍🏻同埋豬扒嘅肉質都食得出係好新鮮嘅，所以食落十分之好食，而烏冬就正常發揮既🤩