南駅 (已結業)

蒜香海鮮籠仔糯米 - $78海南雞(半隻🐥) + 油飯🍚 - $138+15黑松露蝦多士🖤🍄🦐🍞💩 - $78好開心無啦啦經過觀塘可以去試南駅！佢有三間分店，一間係香港仔一間係觀塘一間筲箕灣👀 咁佢最出名就係海南雞飯啦，所以就叫左黎食🐥 隻碟真係好大好開心有個咁靚嘅大玻璃碟😂 叫咗半隻雞啲肉真係好嫩滑有我一半咁肥美(即係唔會太肥)🤤 個飯有雞味之餘又唔會太多油clapclap真的不錯喔！之後就到個籠仔蒸糯米飯🍚 糾結左好耐要鰻魚定海鮮，最後因為想食帶子叫咗海鮮🐙🦐🐠🐟 真係好好食！估唔到$78都可以咁足料🤩 嗰個豉油汁都真係好正🥰 蝦多士就同我想像中有少少唔同，我以為佢係成隻蝦咁deep fry定點好油果隻，不過原來係蝦沙律上面仲要有黑松露冇咁肥又健康啲👍🏻✨ 間野喺宏利大樓入面😂 行入去覺得自己好似唔知做乜入侵人哋公司咁🤣 不過南駅係正觀塘海濱長廊對面，有海景，食到飽飽仲可以落去散步消化添🎊 已經想再去食😋

芝士薯條 $68一口安格斯 $88吉列魚柳伴薯條 $38 *下午茶餐冬蔭功海鮮意大利麵 $88-觀塘出名多野食尤其係工廈好多選擇 今次係近海濱呢邊發現間唔貴既Fusion菜 冬蔭功意大利麵少少辣 冬蔭功味唔算好濃烈但兩者都幾夾 一口安格斯口感唔韌幾好味 至於芝士薯條 芝士加煙肉碎趁熱辣辣食好邪惡🤤吉烈魚柳個炸漿唔厚 唔會淨係食到一口炸粉 如果加少少他他醬更好-整體黎講味道唔差 睇落唔算份量多但食完都幾飽肚 散叫價錢都唔算貴 而且下午茶呢度都係個好選擇 可以考慮吓 可惜今日黎冇龍蝦湯泡飯好想試呀🥺

中西日東南亞Fusion菜餐廳： 🔸蒲燒鰻魚籠仔糯米飯$78 👍🏻好有風味地用木盒裝住盒飯熱騰騰地上菜，夠熱才能令糯米飯更易入口，糯米煮得好軟腍；以荷葉墊底一齊蒸，糯米飯也食得出荷葉香😋選用了較幼身嫩口無骨鰻魚；如果鰻魚汁可以俾再多啲黎送飯就好；木盒望落好似好大份，實則內裏墊高了，只有約2-3cm一層的糯米飯量，唔怕食唔晒，個人認為分量調節得剛好，畢竟糯米飯容易飽滯。 ——————————————————————環境：6服務：8 (侍應好細心，上菜時見食客行左開就主動搵蓋蓋住盒飯保溫，見食客返嚟後又主動問需唔需要加熱)味道：6性價比：中回頭率：40%

這間南駅雖然賣feel純，餐牌有中有西，都係中式傳統飯比較好吃。這個中午到了牛頭角的南駅，係宏利大廈上電梯去，環境也不錯，很開陽，座位寛躺，食物也很精緻。海南雞飯，雞肉不多，白飯勁多，個透明餐碟更更更大，湯存在白色茶壺內，真係勁fusion，甚至有點confusing ，味道其實也可以的。湯麵看來正常一點，就沒有那樣特別啦。亮點在這個四方蒸籠糯米飯！蒜香海鮮籠仔糯米飯真心說，味道非常令人回味。材料非常充足，有龍躉魚肉，有帶子，有鮮蝦，不是下欄材料。糯米飯也恰到好處，沒有濕潤立立的感覺，跟海鮮一同吃很爽口。單看這個籠仔，好像很高身，以為有很多飯，其實個底很淺。在沒有加一之下，這個籠仔糯米飯，質素不錯，唯一不足的，就是實相跟餐牌差距很遠。雖然如此，這還是到這間食店幫襯的一個原因。@Eaten by CalvinCanEat.com

今日行觀塘海濱公園，之前都check過知道附近有間fusion餐廳叫南駅，今日專程嚟試一試，叫咗佢哋出名嘅海南雞飯，個雞好嫰好有雞味，同埋個皮唔肥，而佢哋有三種醬汁畀我哋點，符合唔同口味嘅要求，個油飯就好香，唔係話太油膩 ，最特別係佢哋個湯，係放喺個壺度自己因應分量倒到出嚟飲。另外叫咗龍蝦湯班球泡飯，個龍蝦湯底又係好鮮味，食到 一滴不漏，而小食叫咗鵝肝多士，好惹味鍾意食鵝肝嘅朋友一定要試 。其實佢呢度都有好多唔同種類嘅飲品畀人揀 ，我就揀咗熱朱古力飲，可能今日比較凍想飲番啲暖嘢嘅關係 。 但大家要注意，因為佢收七點嘅關係， 黎食嘢記得留意時間啦！

近海濱中午想食野 上隣近商業中心食人多不過至少水準不錯跟友人上去傾下點 食完去行下望海景是一個幾好的提意南駅係觀塘宏利大廈有分店中午套餐選擇多 湯飯 拉麵 套餐今次點了咖啡吉列魚餐前小菜 我就飯前食 當清清口有蕃茄仔同蘑菇 跟芝麻醬一齊食甜甜地又開胃相比起吉列豬雖然多了點油但落外脆內軟 魚無雪藏味分量唔少 都有5塊 夠share食個人中意食佢個咖喱汁 唔算辣偏向似日或咖喱 點下汁再食飯 中和下油份咖喱中的薯仔夠淋 不過唔算入味 可惜埋單$70多 觀塘餐廳的性價比不高至在夠近海濱有靚景

面對新環境，#小秘書 呢個星期真係有啲壓力👉🏻👈🏻 所以lunch盡量都唔想行咁遠，寧願喺附近搵間 #餐廳，休休閑閑傾吓計☕️ 所以「南駅」幾乎已經變為我哋嘅 #飯堂🍽 早兩日食咗 #籠仔糯米飯，今日試吓新嘢 #香草紅酒燴牛尾飯🐮 加個 #凍咖啡😋原來 #牛尾飯 個 #套餐 係跟埋個 #沙律 嘅，#師傅 將 #秋葵、#蕃茄仔、#什菌 用 #芝麻醬 撈埋，口感清新，如果大份啲，直頭我會揀佢做 #正餐👍🏻 至於啲 #牛尾，我比較鍾意個 #醬汁，用嚟撈白飯一流👍🏻👍🏻 不過唔知係咪講嘢講得太興奮呢，#小秘書 途中唔小心打瀉咗杯 #凍咖啡😅 急忙清理過後，#服務員 將我杯 #凍咖啡 收走，諗住佢會安排另一杯比我啦... 點知原來佢哋都無諗過😑 我追問 #服務員 啦，佢答一句「吓」... 幾分鐘之後就送咗杯 #凍咖啡 過嚟，再補一句「係呢次㗎咋，下次唔會有咁嘅安排」😑 咩料呀？我又無話唔比錢，而且只係一杯 #凍咖啡 啫😖 嬲呀！

雖然都係望住同一個海景，不過 #小秘書 就由 #香港東 搬咗過嚟 #九龍東... 當然好多嘢都唔習慣🤪 每朝都要經過 #舊區 先返到我哋個「五星級的家」... 心理依然唔係太平衡🤯為咗盡快適應，就由我最熟嗰範「食」開始。#筲箕灣 有 南駅 Hainan South，估唔到 #東九龍 都有，仲要同我哋好近😃 人生路不熟... 啱哂。打開同一個 #餐牌，#小秘書 叫同一款食物 #梅菜豬頸肉籠仔糯米飯🤪 #梅菜 甜甜哋，配合 #半肥瘦豬頸肉 放喺熱辣辣嘅 #糯米飯 上面，煙煙韌韌好味呀👍🏻👍🏻#餐廳 #裝修設計 貫徹#簡簡單單，#燈光 比較暗，不過又幾舒服😌 lunch break唔錯嘅選擇。

這間餐廳環境不錯，菜式款式多多，令人期望自然更高，首次惠顧打算試試精選菜式，誰不知⋯⋯伏！！！海南雞飯，算是相當差！全雞胸，雞味完全不知去了那裏？！又嚡！配湯，一個字：清如水👎白飯沒有任何香味，普通之中的普通！龍蝦湯泡飯，賣相特別但是試一次就夠啦，沒有龍蝦不緊要，可是龍蝦湯味不夠已經好錯，加上泡飯完全沒有驚喜，口感麻麻。如要再次幫襯，提議食其他。或者試試主打的甜品，希望會有改善，唔會再中伏吧！😅

位於觀塘寫字大樓中的南駅，開店已經有兩年，多國菜食物選擇很多，一次可以食到不同國家的美食。海南雞飯 $80用玻璃盤上十分精緻雞肉與雞皮之間沒有肥膏也超嫩滑，雞皮爽滑，旁邊還有三款醬汁可沾飯有油香味，粒粒分明，不會太過油膩，平時我很少可以吃掉一整碗飯，今次都吃到一粒不剩還有雪耳湯很清甜。一口安格斯 $88牛肉粒加上蒜片很惹味，蒜片脆口，牛肉粒牛味濃郁、肉質軟腍又有咬口。南駅惹辣炸雞鎚 $68遠遠已經嗅到很香，雞鎚外皮炸得酥脆，炸粉不厚，外脆內軟很香口。焦糖鮮奶咖啡 $38奶味香，濃度適中

最近發現觀塘海濱道有間不錯的食店（其實是在牛頭角跟九龍灣中間的感覺）因為附近食店不多lunch比想像中多人要等人齊先可以入座雖然好像海南雞飯比較出名但結果我們點的都是海鮮😂😂.🍤 蒜香鮮蝦意大利麵 $78（加配涷薄荷茶 +$8）值得一提個薄荷茶雖然是熱茶加冰變涼但是上的時候不會見到冰感覺幾貼心.🥗 凱撒沙律伴煙三文魚 $78本來想點小食但午餐小食選擇不多所以點了個沙律吸收一點纖維也好😂.🍚 蒜香海鮮籠仔糯米飯 $68（加配熱薄荷茶 $5）有帶子、蝦和珊瑚蚌海鮮味都幾香而上菜時看到個籠以為有很多飯還怕食不完還好其實不是很深糯米飯有海鮮味又有咬口都值得一試～.南駅 @hainansouth📍觀塘海濱道83號One Bay East宏利大樓1樓4A號舖

在牛頭角Manulife tower 久仰了南驛大名，無奈在午餐時間都會大排長龍，今天朋友也是海南雞飯迷，所以決心吃到海南雞飯才肯罷休。碟的裝飾擺設精緻，內心也感謝服務生及洗碗碟的人。配上自家制醬料，雖然試了味也不清楚是甚麼味就；中間是酸酸的；右邊是甜醬油。右上角的茶壺原來是放湯，要澆在他下面的碗內，匙羹上是一粒雪耳；第一口湯以為是羅宋湯，再喝才估計是青蘿蔔湯。右下角是油飯，大大碗。海南雞色澤很光亮，肉很滑而有雞味，而且沒甚麼脂肪，果然是好吃。怪不得很多人也點海南雞；也怪不得會賣光光。旁邊的配菜也很爽很好吃。店內環境算舒適，海南雞是很好吃，這個價錢也算是可以接受。值得一讚是店員不停地為食客加水。值得推介的一間餐廳。

第一次經過此店, 就被餐牌吸引了, 由於午飯時間, 只能有45分鐘用餐 (由入座開始計, 連埋點餐等餐, 即係只有35-40分鐘食飯, 其實係有D趕…), 見人個牛尾飯好靚, 就點了這個, 上菜時間都好快, 見賣相好吸引, 就馬上享用, 味道是很好, 但可惜食到第二舊牛尾是凍, 都諗住算, 繼續食, 但第三, 第四舊都係凍的, 完全接受不了, 馬上跟店員投訴, 店員亦馬上換給我, 點知換了第二個給我…汁是熱的, 但D牛尾是一半凍一半暖的, 己經覺得好唔掂, 又不想浪費, 只好盡量食吧, 但食了一半, 店員已說用膳時間到了, 那就放棄不食了, 反正飯都是凍的…不會有下次了!!

Lunch 黎呢度食，平日lunch呢度都多上班族幫襯，每次都要等位，我地人比較多，都大約等左十分鐘先入得。我叫左「蒲燒鰻魚籠仔糯米飯」，賣相都不錯，不過其實份量唔多，鰻魚做得都ok, 但問題係覺得都幾唔夠餸黎送啲糯米飯，食晒啲鰻魚仲有四分一糯米飯剩，只好叫侍應拎啲咖哩汁比我送飯如果可以多啲汁或者餸就好雖然個籠仔好淺，兜野其實份量唔多，但糯米飯好滯，食完個飯飽足全個下晝@@ 結論係下次都係食番咖哩豬扒飯算啦

自從聯安街的泰國菜結業後，已沒有再吃雞飯了。同事說公司附近有間不錯的海南雞，一於試一下。 餐廳位於海濱道的Manulife Tower，附近食肆不多，要提早出門吃lunch，才不用等太久。 海南雞飯 $80 這裏的雞飯是星馬式。油飯配試黑醬油、薑蓉，還有雪耳湯，蠻豐富。 跟據餐牌所示，雞來自清遠。雞皮夠薄嫩，帶微微脂肪。雞肉味道蠻濃，但有點硬。 飯一碗滿，份量不少，大男人吃也夠飽。 油飯粒粒分明，夠乾身，還帶淡淡椰香，有一定水準。 海鮮籠仔糯米飯 $68 吃過一次，覺得不錯。再幫襯就試試其他，這個海鮮糯米飯也值得一吃。 糯米飯蒸得軟熟、入味，海鮮有帶子、珊瑚蚌，$68實在抵食。 還試了吉列豬扒咖哩烏冬 ($68)。吉列豬扒炸得酥脆而不乾，所謂的馬來咖哩其實偏向日式，醬汁濃厚，帶甜而不辣，也是不錯。 食物有一定水準，lunch來說也物有所值，但服務態度有待改善。可能lunch太忙吧，店員大多視而不見，某女店員態度更有點令人生怕⋯⋯ 餐廳資料： 南駅 地址: 觀塘海濱道83號One Bay East宏利大樓1樓4A號舖 電話: 28987298