南駅 (已結業)

今日行觀塘海濱公園，之前都check過知道附近有間fusion餐廳叫南駅，今日專程嚟試一試，叫咗佢哋出名嘅海南雞飯，個雞好嫰好有雞味，同埋個皮唔肥，而佢哋有三種醬汁畀我哋點，符合唔同口味嘅要求，個油飯就好香，唔係話太油膩 ，最特別係佢哋個湯，係放喺個壺度自己因應分量倒到出嚟飲。另外叫咗龍蝦湯班球泡飯，個龍蝦湯底又係好鮮味，食到 一滴不漏，而小食叫咗鵝肝多士，好惹味鍾意食鵝肝嘅朋友一定要試 。其實佢呢度都有好多唔同種類嘅飲品畀人揀 ，我就揀咗熱朱古力飲，可能今日比較凍想飲番啲暖嘢嘅關係 。 但大家要注意，因為佢收七點嘅關係， 黎食嘢記得留意時間啦！