南香雞飯

營業中

休息中

知道最近可以加$15轉翠玉瓜麵或所有主食可加$5轉菜底低醣飲食就啱晒啦翠玉瓜麵份量多，爽脆，十分滿足😋但檳城蝦面湯底就很辣喇沙湯底多了椰香味就冇咁辣另外午餐可加錢配其他小食是次加了$24要了印度薄餅配咖喱汁，有兩大塊，十分鬆脆餐廳仲有很多其他菜式，如海南雞飯、馬來椰香飯、咖咉多士都好值得一試

去南香雞飯,成日都有選擇困難症因為海南雞飯同鮮油咖央多士一定係必點,只可以揀多個餐 今次就揀左馬來椰香飯配咖哩雞+三色奶茶海南雞飯從未失望過，雞滑油飯香,配埋佢三個自家醬就知佢幾有誠意多士足料牛油勁厚，配埋濃厚咖央醬好滿足馬來椰香飯配咖哩雞:個咖哩比想像中辣,好香好惹味,配個少甜椰香飯,非常滿意上菜速度快,但食物水準一流店員好忙但都好有禮貌,雖然坐得唔太舒服,地方淺窄,要快食快走，不過真的好喜歡這間小店,會繼續幫襯

今日去左元朗南香雞飯試下海南雞勁滑無骨 連雞中翼都無骨雞肉份量適中 唔算好多雞滑到真係好誇張 好嫩 超正個飯係油飯好重黃薑味但個酸辣汁唔合格唔酸又唔辣似豆瓣醬咁跟餐+6有凍飲另外加左個榴連咖吔多都好好食超鬆脆 一咬開唧哂d榴連醬+牛油落隻手度建議大家用快子夾來食 因為溶得好快真係好Juicy 咖哩雞飯好多配料好正宗個白飯仲要係椰汁飯好好食但個咖哩雞就鞋左d 可能煮得太耐有花生同小魚乾可以送飯 好正宗嘅感覺凍鴛鴦都好好飲好香價錢都唔算貴值得一試

【連雞胸都好嫩！滿分海南雞😻😻超濃咖哩喇沙麵】今日要大大力推薦元朗南香雞飯！叫左喇沙海南雞摻摻麵$64 (💝9.5/10)包熱薏米水朋友就食海南雞飯(跟油飯) $52海南雞，份量好夠，啖啖嫩滑雞肉。重要係連雞胸都係好嫩，唔鞋唔UN，係我so far食過最高質海南雞！咖哩喇沙，湯底既咖哩濃郁😻，飲到好香椰香，另加少量芽菜同豆角，大量豆卜。滲滲面底份量好夠，薏米水微甜唔過甜，總之樣樣都balance得好好！$64蚊食到性價比咁高既野食，正啦！✏✏✏✏✏✏✏👅味道：9.5/10 🌌環境：7/10👍🏻推薦：9.5/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作______________________________(📍元朗) 南香雞飯元朗西菁街10號地下6號舖

其實我都幾中意食雞油飯，今次就試南香雞飯雞好滑，即使雞胸位置都唔會鞋，飯好香，油而不膩外賣返到屋企仲係熱炳炳$52就有飯有湯，好抵食 聽聞咖映多都好出名，下次必試！

南香雞飯-馬來椰漿飯 配 巴東牛肉 (7.5/10)個賣相好正宗 完全令我諗返起果陣日日係馬來西亞食椰漿飯既回憶 記得要撈勻左先食 可能係因為要迎合香港人口味 食落冇馬拉果邊既咁濃味 但幾啱我胃口 巴東牛肉炆到好腍好入味 撈勻埋啲脆花生同魚仔一齊食幾正！-海南雞飯 （7.5/10）海南雞飯本身都好難唔好食 而呢間既海南雞飯都係 雞有雞味 亦唔鞋同唔老 啲醬油亦都唔太甜 適合啲唔鍾意重口味既人 而啲飯睇落雖然似白飯 但食落有淡淡既油香 非常唔錯

🥺為咗美食挨住餓都照等位！圖一：檳城蝦摻摻麵 $54估唔到都幾辣下，但係隻味係越食越想食，越食越過癮！摻摻入面有米粉同油麵，質感豐富啱曬啲呢樣又想食嗰樣又想食嘅朋友！🤩至於啲餸啦呢，就比較一般，不過又係咩都有啲咁，勝在豐富！👍🏻圖二：鮮油咖央多士（班蘭味）$18雖然班蘭味唔算突出，但係都幾好食，當係飯後甜品一流！🥳 總括🥄呢個價錢來講，咁嘅份量同食物質素真係唔錯！大家都可以去試吓🤓～———————————————————————————價錢：🎖🎖🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其元朗

企係門口10分鐘打算堂食無人理你，後尾有個阿姐同個啊哥仔話2位，個哥仔就同佢登記，咁我就話我企左係度勁耐都無人問下我人地問你就理人？你唔講我鬼知你間舖係要登記幾位之後先俾位人架？仲要企左係度咁耐都無人理我？態度差到一個點！

大西北平民好西🐥南香雞飯元朗出名好多美食小店 想推薦元朗國居民試吓呢間平民美食🤣🤣🍜蝦摻摻面$54 （送湯+薏米水）其實即係油面+米粉嘅配搭 口感比較豐富。最令我驚喜係佢嘅湯底，好惹味既辣。但bb辣嘅朋友未必食得到🤣同埋勁多配料 有豬肉 大蝦 雞蛋 菜推薦指數10😉🐥海南雞飯$51 （送湯+薏米水）相對地呢一個冇咁有驚喜 屬於正常水平。雞肉好滑 油飯夠香枱面有幾樽醬汁比客自己加嘅自己配適合嘅口味🤣🥖班蘭咖央多士 $18加配多士微暖夠脆 好重牛油味 班蘭味不太出 但整體配搭都OK呢個價錢收貨啦🤣呢間小店環境好細 成日都要等位如果想坐得舒舒服服傾偈嘅就唔使考慮呢一度啦～ 但如果想平平哋食一餐好味嘅人均$60-$70 有湯有嘢飲有麵食有多士 呢度係你最好嘅選擇🤣🤣🤣南香雞飯📍 元朗西菁街6號好順泰大廈B座

南香雞飯係元朗麵幾出名，咁岩呢日又唔洗排隊，即刻入得去食😝 好開心～🐣 海南雞飯（跟油飯）$63中規中舉既海南雞飯😬啲雞係幾滑既，份量都okay~啲油飯幾粒粒分明，唔錯🤗🤗但就講唔出啲超特別既食評黎讚佢🤭🍜 檳城蝦摻摻麵 $56小編最中意摻摻麵有油麵加米粉既配搭😬兩種唔同口感既麵一齊食真係超豐富😳呢個麵冇得揀辣度，點之比我之前食過其他餐廳既都辣好多倍🤣當然佢係種惹味既辣！我明明係叫蝦，但其實佢啲配料都好多，又菜又肉又蛋咁，反而原是蝦都只係配角🤣大家食得辣既都可以一戰呢個！

在香港很難找到椰香味重的喇沙，可能是為了迎合大眾口味，此小店的喇沙味道不是太辣，椰香味也不是太重，味道不會太濃或太淡，是大眾化的口味。小弟點了午餐餐牌上的豬頸肉喇沙摻摻，豬頸肉燒得十分到位，外皮少少燶，但沒有過火，不是太多調味卻與喇沙湯非常配合。總覺得成篇食評寫完好似無寫一樣，不是絕世佳餚，也絕不是劣質，六十幾蚊的午餐包飲品，小弟認為是這個價格中較好質素的一間，住在附近的街坊可能會再幫襯，但未達到成為市民山長水遠入元朗必定要食的店舖。味道：環境：服務：特色：泊車：（去元朗市中心真係唔好揸車好過揸車）評語：知道啦！好似睇緊好Hit果個造星果個歌唱比賽，參賽者唱得Okay，但總係覺得爭緊啲，未夠星味，好易令人唔記得佢嘅果一種感覺。

香噴噴的雞油香飯、嫩滑的雞肉配上惹味的辣椒醬和黑醬油，詮釋了簡單就是美味的真理肉骨茶 呢度既肉骨茶味道係偏重藥材味道  肉排份量都幾多!海南雞飯海南雞飯飯量非常多，油香幾豐富，海南雞亦都幾嫩滑!雞肉嫩滑，即使係雞胸位置都係幾滑既 ,雞油飯冇油膩感班蘭咖央多士 多士都唔錯 烘到非常脆身 非常脆口 一層厚牛油同班蘭咖央 又香又甜!跟餐送湯一碗 清湯黎既味道偏淡送飯飲地址： 元朗西菁街6號好順泰大廈B座消費$250

嚟到元朗國，就想搵啲小店幫襯下。呢間係睇住良心地圖搵到嘅，睇樣賣相唔錯，於是試下。門面一般，以為去茶餐廳，舖位唔大。門口有檳城壁畫地標，但比太多嘢遮晒，好可惜囉。雞算嫩滑，食落唔係好鹹，飯似白飯多啲，冇乜驚喜。但呢個摻摻麵，辣得嚟好過癮，摻摻口感唔錯，值得一試巴東牛肉飯，夠辣，用嚟送飯一流。我哋仲加晒佢有嘅小食，用印度薄餅點，好夾，食到清盤。如果人少少，推薦大家加點呢個多士，斑蘭冇乜味，但一食落係有新加坡風味嘅咖央口味，唔知以為去咗新加坡旅行。

今日放假去食好西兩個人叫左兩碟飯兩杯特飲仲送左碗無味精嘅青紅蘿蔔湯1.海南雞飯- 雞滑配埋自製辣醬一流個飯軟硬適中2.印尼咖哩雞飯-雞唔鞋咖哩唔太辣都幾香個辣椒醬配白飯幾惹味3三色奶茶-價回票價包香味有齊4.椰汁紅豆冰- 椰汁唔夠香紅豆未多淋

我就最鍾意跟住Openrice個排行逐間試架啦所以有時難免中下伏終於都輪到呢一間間唔中都見d人評論話元朗邊度食海南雞正呀就會一班人出嚟話呢間但今日試完我真係望唔透班人係食開屎定點先講好少少嘅海南雞飯中規中矩啦，唔係特別滑，好細件，份量好少，中間搵少少啫喱出嚟睇下都冇配果個飯我都唔知話佢油飯定白飯好似係有油嘅白飯囉......例湯就普通茶記蘿蔔湯，唔肯定有冇味精最伏係呢個馬來椰漿飯配咖喱雞得３件雞件，唔好諗住俾咗個細雞槌位我就過骨d雞肉勁鞋，醬汁本身已經唔多都算，撈唔晒d飯最慘係連個飯都又乾又硬，我相信睇相都睇得出完全唔知d椰漿加咗去邊再加一隻熟晒乾爭爭嘅蛋呢套１個餐都成50幾60蚊又唔係多，個咖喱飯我仲要芹唔落，講真除咗個地段位係人流多，比較引到D客食我真係諗唔到仲有咩原因D人會覺得呢間野好食成日係到吹奏起碼係元朗地頭我知有其他舖係好食過呢間多多聲