南香雞飯

營業中

休息中

海南雞飯睇到 都覺得正雞肉唔乾唔柴，啖啖肉😋，青瓜🥒又好新鮮脆口例湯非常正👍充滿紅蘿蔔🥕青蘿蔔💚味道好有住家湯feel🏡唔知有冇得追加例湯呢熱薏米水唔會太甜，幾多薏米，一杯有4成係薏米😊如果鍾意，可以在 ordering apps 要求再多d🤗多人時座位有些擠逼，但都 ok餐廳一邊是玻璃，唔會有焗促感職員勤快

🍽️食物方面：喇沙豬頸肉/海南雞摻摻🥘 溫和派好大碗多料🤰🏻🐔嫩滑 🐷燒得好靚 唔想食麵/飯可以加$5轉🥬推薦食得🌶️嘅朋友食咖喱🍛（我今次無食）個醬同魚乾仔超夾 愚蠢嘅我仲叫佢多咖喱 辣到痴咗線🤧🥵小食要食咖央多 姐姐會提你快啲食 脆同甜甜地 一咬啲醬多到唧出嚟🧈🍞嘢飲必飲薏米水 多薏米 唔苦唔硬又唔會過甜💓📷打卡方面：我求其影咗幾張就即刻趁熱食😋啲色咁好睇點影到靚🤪🔈環境方面：出面有2張枱🚬裏面有5張枱 繁忙時間多人 要搭枱坐埋一邊 💬其他資訊：南香雞飯 📍元朗西菁街10號地下6號舖⏰ 12-8pm (⭐️🚩1️⃣❌)

其實食過好多次 佢既值得推薦程度令我想寫個食評。呢間小餐廳唔算大，位置唔多大約十令個位，所以週食預左要等位啊。午市套餐有10個選擇，我就最愛喇沙豬頸肉摻摻面，湯底香濃，陣陣椰香，辣度適中，油面米粉參半，多重口感，豬頸肉超有口感，煙韌彈牙，一試難忘。怡保芽菜雞飯，超多芽菜，同蔥絲，雞份量十足，配埋秘製醬汁簡直係絕配。咖哩喇沙摻摻面就更加惹味，有蝦，魚片，豆卜，食得好刺激。加$20可以加配小食，第一次已經食過，班蘭味，多士新鮮厚脆，牛油香滑加埋陣陣班蘭香，好味，配埋香濃幼滑既馬拉奶茶係一絕。飲品方面每次都飲重料薏米水，大熱飲品，有時晏左會賣晒啊。確實係推薦一試既小餐廳！讚！

最近特別愛食泰菜、馬拉菜之前諗住買外賣但撞正休息，今次特意堂食，就算人多都等😤🥪咖央多 (蛋椰味 / 跟餐+HKD22)必食‼️‼️每枱都必叫嘅小食🫣有得揀要幾多塊牛油同切幾多塊厚身脆口多士夾住滿滿咖央同一小塊牛油，好想叫多份食🤤先牛油香後甜甜咖央，甜而不膩又唔漏，味道啱啱好👍🏻Ps有斑斕同蛋椰味2款選擇🍴馬來椰漿飯配咖喱雞內有花生、銀魚仔、洋蔥、蛋半隻青瓜上黑色一pat係洋蔥，甜甜辣辣又有少少咸咸地幾好食撈飯正🤩雞鎚味道好有層次，一開始較濃香茅味其後甜甜地椰汁味，仲有啲辣辣地，肉質軟軟嫩滑又juice🍗微辣咖喱汁椰汁奶香味濃，撈飯食一流😍咯嫌有點少只有碟底少許，點得雞黎唔夠撈飯🥺🍴海南雞飯 跟 例湯是日例湯青紅蘿蔔，材料一定好足因為好甜好重蜜棗味，而且飲完唔口渴，有家的味道🧡平時食開海南雞都有醬汁跟埋，雖然呢間無但原汁原味一樣正🥰油飯好香味足又唔太油膩，雞有唔少肉質嫩滑雞味重，可惜雞皮較多😅- 跟餐送薏米水，但我地2個都叫特飲 (跟餐半價)🤣🤣☕️黑白咖啡(熱 / 走甜)入口好細滑味濃，走甜都好ok唔苦(本身咖啡甘甜)，仔細品嚐下感覺有少少朱古力味🤔🍫鴛鴦美祿 (少甜 / 少冰)我係比個名

之前曾經幫襯過一次南香雞飯，今朝一早要同家人去西菁街附近，就順便到位於附近的南香食飯。家人叫咗喇沙海南雞麵，雞肉無雪藏味，而且都幾嫩滑。喇沙湯底都幾濃。我就叫咗巴東牛肉飯，牛肉肉質唔會太韌，肥瘦亦算適中，個汁唔會太辣，好味。另外跟餐加錢要咗2串沙嗲雞肉，雞肉同樣美味，個沙嗲汁亦好好味。凍馬來拉茶，茶味對比港式較為淡啲，不過都算OK。至於餐廳服務方面，整體服務令人滿意，正正亦留意到有唔少客人都係熟客，。

南香雞飯其實聽過好耐，但一直無機會試，終於去開附近，可以去食個BRUNCH！ 2點鐘好多個餐都已經賣晒 雞飯： 叫咗白飯，試唔到油飯正唔正中，同店員講要雞胸，嚟到都真係雞胸（唔係間間做到㗎），唔好以為雞胸就一定鞋，佢好滑喎，都夠味！ 蛋椰多士： 走咗牛油，多士微溫硬硬哋，加上啲醬凍凍地又淋淋哋，口感幾得意， 夠多醬，但偏甜豬頸肉摻摻面：有油面同米粉，豬頸肉夠晒多！湯底偏淡 凍檸茶正常，都夠濃！係餐廳張枱有啲油，其他都唔錯，係附近可以再食吓 

呢間班蘭咖央多士簡直超級好食呀！！！！！！超級香脆嘅麵包，配上斑斕醬同鮮牛油，簡食一啖接一啖，好食到不能形容🙈😎😎😎😎另外佢嘅芽菜雞亦都非常嫩滑，雞嘅份量亦都足夠，爽滑嘅雞皮，配上嫩滑嘅雞肉，超滿足嘅蛋白質😆😆😆

叫咗海南雞喇沙，檳城蝦麪，黑咖啡，兩碗麵啲湯底辣到噴火，完全唔係正常人可以食到，杯咖啡苦過廿四味，勉強食到兩啖，頂唔順，大家千祈唔好中伏，伏店，千祈唔好去，千祈唔好去

班蘭鮮油咖央多士多士微暖又夠脆，唔算太熱，一上我都快快手食左去，唔脆就唔好食。多士重牛油味，班蘭味唔算話好多，但整體嘅配搭唔錯。有時都會番尋味，專登嚟食依個多士喇沙豬頸肉摻摻麵 摻摻麵姐係米粉同油麵，索哂喇沙湯底，湯底有椰香味。豬頸肉亦都好爽口，肥膏唔算多海南雞摻摻面海南雞份量多又滑嫩，但湯底對我嚟講都幾辣，最後都要用朋友嘅喇沙湯底嚟溝淡佢。2個lunch set 都有薏米水跟埋，薏米水甜甜的，仲有粒粒薏米，唔算太食得辣嘅我都意要係咁飲薏米水嚟止辣

《巴東牛肉》這份午餐價錢$57 + $3 熱奶茶是茶記價錢，但水準高師傅制作絕對無馬馬虎虎，個汁以多款香料整成似咖哩汁，還帶點酸味食落特別開胃撈飯一流呀！一份有4至5大舊牛肋肉相當抵食。《海南雞飯》海南雞皮脆肉滑，油飯有輕輕的雞油香味道不錯。這間餐廳細細只有 6-8張枱，相信以外賣為主。

Lunch一個唔知食乜好，又趕時間想拉個地方快食，見呢間唔洗等位就衝左入去。喇沙豬頸肉摻摻麵$64湯底好香濃，少少辣，豬頸肉大大舊約7-8舊，咬落口感偏韌😥要扯好耐先咬斷，而且要咀嚼好耐，食到牙都攰，味道普通。米粉同油麵份量都多，幾掛汁，豆卜都幾吸味，唔知係咪太多肉既關係，食到一半左右開始覺得有d肥膩😅馬來拉茶+$3跟餐轉熱飲拉茶入口幾香茶味，口感幼滑，但最好襯熱攪拌杯底既奶盡快飲，凍左會結焦，飲落口感亦無咁好。粉麵味道正常，但餸就失色左d，未食過咁厚又韌既豬頸肉😥

📍南香雞飯食過好多次但一直未介紹，呢間就算非繁忙時間都好多人🥹午市50-70蚊就有主菜小食飲品‼️好抵✧ 海南雞飯（跟油飯）$52呢個係我首選！雞肉非常入味同嫩滑，份量剛好～✧ 喇沙豬頸肉摻摻麵 $64豬頸肉望落燒得好靚仲有焦邊，但食落同喇沙個湯底一樣唔算好濃，個人稍嫌佢唔夠味🤣✧ 班蘭鮮油咖央多士 午市套餐+$20我每次都一定會加呢款小食，切開有四舊好抵！每舊嘅咖央醬同牛油份量都好平均，好香好邪惡🥹回頭指數😼4.5/5（食物出色又抵食（≧∇≦）

有日想係元朗食喇沙所以上咗OpenRice睇，發現咗呢間舖頭。已經見到食評好多人話要排隊 大概一點幾兩點去到門口有五至六個人排隊等緊位 我大概等咗5分鐘都冇就入得啦 😆入面嘅座位都算有啲迫😖叫咗咖喱喇沙湯麵無叫摻摻麵，個麵質似係意粉😂 個湯都算OK嘅有應有嘅喇沙味！加咗兩串沙嗲串，味道中上。仲嗌咗海南雞飯，啲雞都算嫩滑。但係附送嘅例湯就有一浸怪味😂 仲叫咗青檸梳打就係普通梳打水+2粒青檸😂整體來講都合格但係如果要我排好耐嘅話我應該唔會再食 （成餐飯有個重點係佢可以走咗個青瓜唔使浪費）

同老婆一齊去食，聽講咖哩好出名就叫左咖哩雞飯，但係咖哩雞飯冇咖哩味，啲雞就鞋颯颯。老婆嗌咗個喇沙麵，但個麵完全唔係馬拉風味，枉稱馬來西亞餐廳，個湯又唔酸又唔甜，淡而無味；熱奶茶嘅茶味唔香。另外通常喇沙應該得一種麵，但佢一碗喇沙入面又有米粉又有麵，我同個店員講，佢話如果要淨係一款麵嘅話要預先同佢講，但個餐牌又冇寫；叫左杯西洋菜蜜，呢杯就正常，應該都好難沖到唔好飲嘅菜蜜。唔會再有下次幫襯，真心懷疑點解會有咁多人讚呢間嘢。

南香雞飯都算係👦🏽👧🏻勁早期就幫襯嘅💛店👍🏼咖喱雞飯 $52👧🏻鍾意佢嘅咖喱夠辣😋一碟都有好多雞同薯仔，有成3至4件大大舊雞肉，肉質幾嫩滑同好入味👍🏼斑蘭咖映多士 $22一送上黎即刻食，熱辣辣，個多士好脆👍👍斑蘭味唔算好出，反而牛油味好香🤣甜甜地咁，可以飯前當小食，飯後當甜品食又得👍👍印度薄餅 配咖喱汁 $20/2塊感覺同咖喱雞飯既汁有小小唔同，感覺更香，同埋無咁辣🤔👧🏻👦🏽都比較鍾意食依個咖喱汁👍薄餅好酥脆，配埋咖喱汁食好惹味😋😋平靚正之選，兩個人唔想食太多粉麵飯嘅話就好似👦🏽👧🏻咁叫就一流👍🏼👍🏼