南記飯店 (已結業)

的確幾滑同好味,而且D骨入面無血,但凍咗D,雞油凝固了成透明一塊塊

兩個人打冷可以食的不多招牌咸雞拼鵝片雞鴨加上墊碟豆腐可說三分天下份量不多不過真的很夠雞味雞咸得來香而且不算肥雞味這東西其實很玄妙我想很少人可以準確描述不過有就係有無就係無如果係雪藏雞真係差少少架鵝片肉厚都好食蝦蟹棗雙併其實唔多分得出邊一粒係蝦定蟹後來食到蟹殼就知果粒係蟹棗感覺蝦棗較香口和爽蟹棗應混入了其他肉質感同味道較古怪方魚蠔仔粥十分足料蠔仔同方魚食極都有起身拎晒袋走果陣俾老闆娘叫住食埋海帶綠豆沙先好走以一般潮州糖水黎講已經唔算好甜覺得岩岩好抵食又有風味伙計態度以打冷黎講都算友善還是九龍城才有打冷的感覺新派那種潮菜總令人若有所失

今晚個仔要返夜校，又剩番兩個「老野」食自己。走o左去九龍城南記飯店。呢度好有大牌檔情調。食物又平又大碟。叫o左幾樣野：蠔仔粥、椒鹽九肚魚、芥蘭沙爹炒牛肉、牙帶。牙帶先來，鹹鹹香香，最好送粥，吃了兩塊，其餘的包起拿回家慢慢吃。呢度o的方魚蠔仔粥好正，正牌冷飯粥咁款，稀杰適中，o的方魚同埋蠔仔好好味，加埋o的芫茜同冬菜，真係天衣無縫。九肚魚又大條又脆口，肉質鮮甜軟滑，完全唔使點o急汁等醬料，已經好好食。沙爹芥蘭炒牛肉乃今晚的高潮。爽脆的芥蘭，軟滑的牛肉，豐富的沙爹汁，吃到最後，我把九肚魚、沙爹汁和蠔仔粥撈成一碗，汁液淋灕地呷之，整個舌頭的味蕾被夾攻得應接不暇。臨走才見到雪柜有幾砵芥菜排骨湯，不過已經好飽，惟有下次再吃了。埋單146，經濟抵食。

龍城潮州菜,無可否認創發係表表者.但其他潮州食店,一樣有其實力,南記此老字號,亦是其中之一間.上周友人派帖,又要我安排一局.選址九龍城,在竹園同南記之間取捨,結果還是後者.最大原因係,撞正賽馬日,而南記在正投注站隔離,以便小弟之不時之需.是日病到五顏六色,身為搞手,無理由就此倒下,唯有硬著頭皮頂硬上.七個人,來個套餐,免卻點菜之煩惱.套餐包羅萬有,有咸雞,烏頭,水瓜烙,胡椒豬肚湯等等.特價$428,非常便宜.咸雞先上,雞味濃郁,淡淡的咸香,雞肉亦嫩,還吃到有,肉同皮中間,還吃到Jelly狀的物體.黃油烏頭,吃不出有任何黃油.魚肉唔腥,就算不沾豆醬,也吃不出任何腥味.魚上唯一一個魚扣.無人認頭之下,小弟老實不客氣吃下.重感冒之下,一碗胡椒豬肚湯,也能起到短期的刺激作用.海鮮水瓜烙,木薯粉下得太多,好似吃漿糊似的.方魚炒芥蘭,如果轉成沙爹牛肉炒,相信會更受歡迎.蝦蟹棗雙拼,香口非常.可惜帶病在身,不能多吃,蠔仔肉碎粥同菜甫煎蛋,普普通通.食物,環境並非上乘,一樣吃得滿足.與友人傾開,近日無線收費電視的生活台,正在連載九龍城美食全攻略,現在已去到差不多六十擊.不知道南記,有否榜上有名?單在九

再執筆寫食評為的是要表達一味吃不到、看不到、聞不到﹐但感受得到的「人情味」。又一次小型食友聚會﹐我又係最遲一個(冇理由﹐D人太準時喇﹗) 。地點是九龍城的南記﹐旁邊是投注站﹐星期三晚上﹐非常熱鬧。在三人缺席下﹐依然有九人﹐好似食友mayluk話齋﹐少人坐得鬆動D重好。先上檯的是蒸烏頭﹐這碟是冷盤﹐已事先切開了兩份﹐魚肉很滑又唔散﹐肉質很有鮮味﹐但跟的醬汁太過鹹和太霸道了﹐唔蘸重好﹐可以吃到魚本身的味道。跟著是招牌菜鹹雞﹐看樣子似普通白切雞﹐味道就似鹽焗雞﹐但非常有雞味而且嫩滑﹐可惜份量太少﹐而且真正有肉的部份不多﹐唔覺得太特別。之後是炒米線﹐份量很少﹐每人只分得幾著﹐但落足材料﹐有鹹肉、蝦、韭菜、紅蘿蔔﹐米線幼幼極為爽口﹐難得的是不油膩﹐味道適中。胡椒豬肚湯﹐食友說喝到有酒香﹐我就唔多覺﹐反而覺得胡椒味夠晒濃﹐味道好正宗﹐除了豬肚外我還吃了不少豬腸。咕嚕肉﹐唔粉﹐肉質很鬆軟﹐炒完後外皮呈暗橙色﹐沒有某些酒樓鮮橙色的那樣很假的感覺。還有兩個蔬菜﹐分別是西蘭花炒秀珍菇和金銀蛋莧菜﹐講真﹐城市人太過少吃蔬菜了﹐這樣平衡一下最好不過。蠔仔肉碎粥﹐幾乎每間潮州菜館都有的蠔仔粥﹐很難會唔好食﹐中規

約了幾個朋友聚聚，見早前來這裡食幾好，就決定再來一試；想試的菜式竟和套餐差不多，人數又唔算太多，就不多想了。食物包括：潮洲咸雞、清炊黃油大烏頭、咸菜胡椒豬肚湯、白灼中蝦、蝦蟹棗雙拼、椒鹽九肚魚、西蘭花鮮魷、巧手生炒骨、雙色蛋時菜、紫菜蠔仔肉碎粥和潮洲炒麵線。潮洲咸雞- 很窩心的分開為兩碟，不用左轉右轉，大家也可以一同起筷；雞雖然唔係新鮮雞，但雞肉唔韌，咸味又唔過咸，味道剛好，雞唔會太肥，值得一試。清炊黃油大烏頭- 魚肉唔新鮮、又洗得唔大乾淨，帶有一點點煋味，都幾失望。咸菜胡椒豬肚湯- 胡椒豬肚味香濃，又唔會過份咸，非常出色，不可錯過。白灼中蝦- 蝦大大隻，雖然唔算新鮮，但肉質還幾爽口，清蒸也沒有怪味或肉質變腍的情況，算係幾好的了。蝦蟹棗雙拼- 蝦蟹偏硬，味道也不算出色，普通啦。椒鹽九肚魚- 九肚魚炸得幾脆，味道幾好，粉醬唔會太厚；雖然沒有大排檔出色，也算交足功課。西蘭花鮮魷- 份量足夠，魷魷唔會太韌，可惜魷魚味唔多出。巧手生炒骨- 雖然唔夠脆，但味道調配幾好，又唔會太酸。雙色蛋菠菜- 菠菜幾新鮮，但茨汁過多，有點可惜。紫菜蠔仔肉碎粥- 紫菜很多、蠔仔又大大隻，可惜沒有什麼蠔味，好在紫菜

收音機度阿陸軍裝推介這裏嘅咸雞,阿媽話要嚟試吓,於是兩個人點了1)咸雞例牌- 的確幾滑同好味,而且D骨入面無血,但凍咗D,雞油凝固了成透明一塊塊(2)沙爹牛肉炒芥蘭- D菜幾大條但硬咗D,牛肉就普普通通啦(3)椒鹽中蝦- 蝦的大小適中,個殼都整到脆卜卜,但D肉就吾係話好彈牙,整體OK每一碟嘅份量都幾多,所以食吾晒打包.連一枝青島找數$186.一班老伙記嘅服務吾錯,是一間值得再去嘅老舖.

為慶祝兩口子的每月紀念日上星期四我地再次到南記食潮州野!我地叫左以下食物(叫左好多野食..哈哈俾老闆講中..真係食唔晒要打包走呀!)咸雞+鵝片- 第一次食咸雞,其實都唔算係好咸喎..味道岩岩好~ 鵝片就覺得唔係太入味~ 不過都算好味的!蠔餅- 唔算太油,兩個人食都真係幾大餅下~ 蠔仔都係幾大隻呀!方魚肉碎蠔仔粥- d蠔真係粒粒都好大粒喎~~好味呀!!炸蝦蟹棗- 好味..有d味味地汁點來食的~ 不過就熱氣左d~加送每人一碗熱紅豆沙..其實果一刻已經食到好飽..不過都一定會食埋先至走!!老闆同老伙計都幾nice..會不停咁介紹你叫d乜野食..哈哈..其實都有d煩~不過有左經驗啦..唔理佢地自己睇menu都無問題的~上一次食過豬肚湯..不過d胡椒好勁呀..勁到我一邊飲一邊流鼻水~~ps:其實人多去叫套餐食都好抵呀!! 平日晚佢地都算幾旺場..值得一試的!!

早幾日有事到九龍城，每次來這頭都係食泰國菜，今次就轉轉口味食潮州菜，上這裡找找，看這間的食評幾好，就決定來試試。我們叫了個二人世界餐，包括有潮州咸雞(例)、咸菜胡椒豬肚湯(小)、家鄉炒魚麵、潮州芥菜和甜品。潮州咸雞(例) - 一向唔多喜歡凍食，但這隻雞，凍食都唔差，雞肉唔韌，還帶有點點雞味，肥膏唔多，再加上醬汁就更加好味；難怪差不多每一都有叫。咸菜胡椒豬肚湯(小) - 胡椒味幾香，但唔夠濃，如可以再濃一點，就更好了。家鄉炒魚麵- 魚麵幾有咬口又好味，但放面的幾隻蝦就差，唔新鮮又腍，食半隻便放棄了。明知道這樣炒一定會好油，但又真係唔少。潮州芥菜- 芥菜一向唔多喜歡，因怕它的苦味，所以只食了少許。甜品- 綠豆沙，煲得都幾腍，又唔會太甜，可惜綠豆偏少；但在食店來說，已算好的了。侍應哥哥好搞笑，我們問他有沒有其它甜品可選，他竟然話：除了綠豆沙還有我。食物都算幾好，價錢又唔貴，值得再來幫襯。

bf突然想吃蠔餅, 所以試試呢間潮洲店, 叫左:1. 蠔餅- 幾大餅, 都幾油, 蠔仔很多, 蠔味重, 所以不太好蠔既我食得唔多.2. 咸雞拼鵝片- 咸雞比較鞋, 鵝片也唔夠嫩滑, 鹵水味也唔太香, 豆腐好食D wor.3. 沙茶醬炒牛肉- 牛肉鬆化而有肉質, 沙茶醬很香.昆布緣豆沙不太甜, 不過綠豆少.衛生清潔情況普通.

我今年廿七歲喇~講講呢間南記同我既成長啦其實呢間南記佢唔單止同我成長~都係睇著我阿媽大架佢地以前係樂富七層大廈樓下度開檔~我婆婆住果度~所以成日去食~果陣時已經好好味架喇~成日高朋滿座~炒野香到上樓上架~而且果陣係街邊食仲有風味~仲好記得果陣時成日都有明星去幫襯添啵~咁七層大廈擦左~佢地搬左去九龍城都好耐~我地都跟著搬左去附近~又係成日去食~d野都係好好味~同埋依家唔係坐街邊~d野食都好乾淨~食得安心放心開心^_^我地一家人都係潮州人~所以食得出真係正宗潮州打冷特別介紹一下~豬肚湯~煎蠔餅~蠔仔粥~魯水餓~魯水蛋~仲有凍食魚(點啡啡地既潮州豆漿)呢d真係好好味既潮州野

啲野其實幾平，星期一至五都有85折，平均每個小菜都係30蚊到，又幾大碟吓。我地叫咗6碟餸都係2百幾蚊真係好平吓，不過食物質素就普普通通，唔差亦唔係好，勝在夠平咁啦，鹹雞亦無特別，好明顯係冰鮮雞，好"實"無雞味但係就例牌唔夠半隻都要65蚊。

我十年前, 機乎日日幫襯, 因為佢碗牛肉湯河, 又平, 又大碗, 所以我同我D同學都叫南記做大碗麵.今日, 我再重臨此店, 作風不變, 價錢公度, 美味依然!特別推介: 豪仔粥, 沙爹牛河, 點煮都好食既鵝腸

今晚未夠7點同男友黎打冷,入到去環境尚算光猛四正,星期一至五小菜85折,全日免加一茶芥,晚飯仲送糖水.我地叫左蠔餅$35,金銀旦莧菜$34,鹵水豆腐2件$10,白粥$5.蠔餅---十分多蠔仔,算大隻且無沙,吾錯!但若炸得脆身d會更好.金銀旦莧菜---頗多皮旦,莧菜頗嫩頗鮮甜!鹵水豆腐---豆腐肉質相當滑!$5件非常抵食!白粥---一大碗,絕不欺場!埋單吾知點解計左$91,服務都算周到,咁既價錢同食物水準,絕對系食得過!

一行3人, 叫左-胡椒豬肚湯(好正,只係胡椒多左少少)-水瓜烙(味道ok,不過太油..)-滷水拼盤(麻麻o地,冇想像中咁好)-鹹雞(雞幾入味)可惜太少人, 唔係可以試多幾個菜.