南記飯店

今晚個仔要返夜校，又剩番兩個「老野」食自己。走o左去九龍城南記飯店。呢度好有大牌檔情調。食物又平又大碟。叫o左幾樣野：蠔仔粥、椒鹽九肚魚、芥蘭沙爹炒牛肉、牙帶。
牙帶先來，鹹鹹香香，最好送粥，吃了兩塊，其餘的包起拿回家慢慢吃。
呢度o的方魚蠔仔粥好正，正牌冷飯粥咁款，稀杰適中，o的方魚同埋蠔仔好好味，加埋o的芫茜同冬菜，真係天衣無縫。
九肚魚又大條又脆口，肉質鮮甜軟滑，完全唔使點o急汁等醬料，已經好好食。
沙爹芥蘭炒牛肉乃今晚的高潮。爽脆的芥蘭，軟滑的牛肉，豐富的沙爹汁，吃到最後，我把九肚魚、沙爹汁和蠔仔粥撈成一碗，汁液淋灕地呷之，整個舌頭的味蕾被夾攻得應接不暇。
臨走才見到雪柜有幾砵芥菜排骨湯，不過已經好飽，惟有下次再吃了。
埋單146，經濟抵食。