南記粉麵 (銅鑼灣中心)

營業中

休息中

本來好鍾意食南記嘅辣豬肉，好耐冇食，咁啱經過買咗個外賣。我係要蕃茄辣豬肉春卷米粉，但係俾咗我肥牛春卷米線，我仲要係唔食牛嘅！真係好唔開心好嬲，打電話去係冇人聽嘅，我行咗20分鐘返屋企先見到俾啲咁錯嘅嘢我！唔係錯一樣，係錯兩樣錯到離晒譜，米線我都勉強食，本來想食米粉，但而家咁樣少咗個餸係咪要賠錢俾我呢？不過我唔會行返去拎囉勁唔開心。買外賣，真係要check清楚，佢哋鍾意點就點錯又唔聽電話

今日冇帶飯, 都唔知食乜好,仲要係銅鑼灣區, 而家物價高漲 😔好在附近有一間南記粉麵, 呢間食過好多次 ， 平靚正。 最鍾意佢個春卷, 每次都選擇佢個酸辣湯底, 酸酸辣辣好開胃🥰. 不過今日就清清地 食佢呢個招牌春捲河粉 ,河粉份量十足 春卷依舊好味， 湯底偏淡， 原來 一條芽菜都冇😖 ( 酸辣湯底會有芽菜墊底) 好在我加咗一碟生菜 五蚊,好抵👍 不過33蚊 跟飲品， 呢個價錢完全冇投訴😋( 以前仲抵29蚊)🤣 下午茶:招牌河套餐 $33生菜 +$5 外賣+$1

夜晚自己一個人食，所以去咗南記， 去到 一定要食佢個辣豬肉同埋招牌春卷， 如果係下午茶就一定叫招牌河， 所以當晚叫咗個b餐 (招牌滋選小鍋套餐) 裏面有 辣豬肉， 招牌春卷，魚片，冬菇和米線， 想健康啲所以叫咗蕃茄湯底， 再加咗碟腩汁生菜， 再加埋杯凍奶茶。 首先辣豬肉口感好正， 豬肉爽口，再加少少辣味 招牌春捲 冇腥味， 魚肉夠彈， 而且每條質量一樣， 相信有好多人 食兩條都唔夠要再另外加， 而蕃茄湯 一定要加佢個辣椒醬再加辣椒油，比例一比一，增加風味， 最後食埋冬菇同埋炸魚片， 健康啲食多個生菜， 因為都係加五蚊 ， 又大碟， 如果覺得太辣嘅可以飲凍奶茶 解辣， 非常滿足， 飽肚我畀五星星佢

南記既春捲好食就唔駛講啦，但係佢既牛魔王都好正！雖然牛腩會有d硬，但係佢既分量真係多到飽到嘔。雖然價錢黎講又唔係最平，但係佢既量又真係對得住個價錢，更何況佢既價錢都唔係真係好貴！ 佢個春捲shake（海苔）都好正，外皮脆，炸得好好！

第一次食南記既早餐 沙嗲湯好有驚喜👍🏻叫左沙嗲豬豬扒公仔麵 🍜有牛油餐包同炒蛋 🍞熱奶茶 ☕️早餐好豐富沙嗲好濃郁 豬扒好香 🐷🐖炒蛋一般 不過幾抵食有甘多樣野😋

上次試完芫荽，今次又有驚喜去南記就可以感受到避風塘嘅風味😋 佢哋推出咗期間限定「艇仔粉」套餐，湯底值得一讃，，每一啖都保留著大地魚的鮮甜味道，要飲佢個湯底。最啱我呢啲濃味friend。配料分量十足，有具港式風味的紅腸、脆炸香口的銀魚仔及新鮮生菜再搭配皇牌爽爽豬肉、招牌春卷，再加上我最鍾意嘅shake脆炸魚皮。食一碗熄晒滿足晒所有願望。再配埋個芒果冷泡鐵觀音，淡淡茶香絕配去感受下懷舊風味都唔錯

自從上次不愉快的俾錢經歷今次再次俾機會 嚟消費食個平平地快餐😚😚南記獨特嘅湯底令人難忘我因為簡單食個下午茶所以揀左promo做緊嘅 沙爹牛麵取餐時 發現其它人嘅餐配羹&筷子但神奇地 姐姐唔肯俾羹我用 叫我自己去隔離自取估計 🧐下午茶沙爹牛 只能夠配筷子🥢

唔知幾耐無食過南記 今日心血來潮揀左黎南記食下午茶估唔到有驚喜😋🍜自選雙拼套餐 (包汽水🥤/細豆漿🥛) $𝟺𝟺🫔招牌春卷+🦑墨魚丸🫔招牌春卷 夠彈牙🦑墨魚丸 新鮮彈牙 夠墨魚味重點一讚既係佢地既麻酸湯底🍲完全滿足哂我地呢d選擇困難症又想食麻辣🌶又想食酸辣🌶麻中帶酸 酸中帶麻 非常有層次 一試便愛上❤️下次我都會再揀麻酸湯底🍜🌶🌶真心推介‼️📍南記粉麵 (銅鑼灣)銅鑼灣糖街15-23號銅鑼灣中心地下1-2號舖…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗…⃗

今日同事買了這新推出的《酸菜石斑魚米線》外賣回公司，她一開我就見到好足料下喎，奶白色的魚湯內有蘿蔔，另上一碗滿滿的石斑魚及酸菜米線底，香味撲鼻。本人立刻買了一碗回來食，味道果然相當不錯，除了石斑魚肉外，原來也有蝦米，怪不得湯底那麽鮮甜，少少微辣，除酸辣米線外，又多一個好選擇。不過建議加少少花椒，應該再提高湯底層次😋😋👍🏻👍🏻

下午茶時段憑上一次消費嘅收據下半部可以免費換取半份生菜，本身清湯系列單拼或雙拼都只係28蚊，而酸辣系列雙拼係38蚊。喜歡食南記嘅冬菇同竹笙配酸辣湯嘅話呢就十分吸味，亦都係我最愛嘅一種。仲有豆漿或其他飲品配，疫情下簡簡單單清湯系列28蚊，真係十分之慳錢嘅一個晚餐。

南記既酸辣始終令人念念不忘春卷又係必點，因為出面食唔到仲有甜酸菜，先酸後勁甜米線唔會偏粗偏幼 岩岩好重點係湯底，食到肉碎，如果可以再酸多少少就更加好就算唔食辣既人都可以食到小辣，食開辣就起碼叫中辣以上菜心另叫$19, 偏苦身，但碌既程度還可以d 莖太粗，太多纖維

南記真係由岩岩畢業出黎做野食到而家 記得岩岩畢業搵得果萬幾蚊一個月 又要俾家用又要還non mean 作為「窮人恩物」既南記就成為左我既飯堂 而家人大左 冇以前咁手緊 但間中都會食下南記 食既係果種親切又熟悉既味道 令我好欣賞既係咁多年來佢既價錢都唔係話貴過以前好多 依然都係「窮人恩物」！佢地既招牌春卷堅係無敵 次次食南記都一定會食佢地既春卷 係出面真係食唔到！而佢地既湯底同樣都係出面食唔到既味道 我又聽唔住係咁飲佢既湯底喇 聽日實水腫啦 快d stop我呀救命！！！P.S. 晚餐50蚊有找 仲要配埋野飲 真係好抵食！

南記，本身就係以香港人為標題嘅，當然就符合返香港人嘅味道啦，大家都知道呢排大家都會好鍾意食米線，米線已經成為一種文化啦。所以本人都食過好多間米線，但係南記永遠都係鍾情果一個，事關佢嘅話都係真係好符合香港人。今次帶咗肥牛同埋牛丸，因為我個人係非常之鍾意食牛肉嘅，牛肉都唔會好硬。最緊要係個湯底辣得來又有啲酸，加上佢送嗰塊腐皮又大塊。仲落咗好多芽菜。嘢飲方面我就係飲返我自己最鍾意嘅奶茶，呢度嘅奶茶甜到啱啱好。good

本人很喜歡貴公司的酸辣米缐，好多時係貴公司食野，之前反應過肥牛好鞋已跟進，覺得貴公司接納意見，即時跟進，很好本人很喜歡食辣，不過太辣對身體唔好，所以我多數揀中辣，不過有時中辣好似小辣咁我又食得唔過癮，有時揀大辣又過分辣，我有時都唔知辣度點會符合我要求，我男朋友唔食得辣有時叫小辣都好辣，有時又唔辣，所以叫辣度時好煩，希望貴公司跟進下辣度標準，謝謝，等我地選擇辣度時候冇咁困難，希望可以繼續食貴公司食物

今晚係銅鑼灣附近上堂，所以放工去咗銅鑼灣附近食個快嘅晚餐！等我又上Openrice 搵下食乜，最後揀咗食粉麵嘅餐廳「南記粉麵」，因為已經超過半年冇食過。每次去南記差不多都一定會食「招牌春卷」，有時去朋友屋企打邊爐，都會買春卷外賣！今晚我叫左「招牌河 $29」，但改咗米粉，因食米粉比河粉較健康，招牌河有3個餸，包括1️⃣ 招牌春卷2️⃣ 牛丸3️⃣ 魚蛋唔知係咪係因為休魚期嘅關係，今次無咗魚蛋，改了魚片價格💰：$29味道😋：OK