南記粉麵 (寶明大廈)

營業中

休息中

「南記」對於 #小秘書 嚟講可為童年回憶，小時候嘅我由外婆湊大，爸爸媽媽要做生意，所以佢哋只會假期過嚟搵我🥳 細個嘅時候我都幾可愛㗎，所以啲 #舅父、#阿姨 都好鍾意帶我去街、有時仲會帶埋我跟佢哋啲新相識嘅男女朋友見面... 後來大個咗先知原來佢哋係搵我做掩飾，免得外婆識穿佢哋拍拖😅諗返起，細個嗰時成日要跟 #阿姨 入 #香港仔 㗎... 而家先知佢應該搵我借橋😅 不過算啦佢哋都會請我食啲好嘢嚟慰勞我嘅，而「南記」就係我記憶最深嘅一間餐廳，而「南記」#招牌河 就係我嘅 #童年回憶🤪呢日我叫咗個 #大雜錦湯米線 跟 #豆漿，唔好以為 #小秘書 生咗 #大食積 呀！我只係貪佢有唔同嘅配料，所以我係寧可要少啲河粉，都要keep住各種各樣嘅配料。#什錦湯米線 裡邊有 #春卷、#牛丸　#魚皮餃...呢幾樣都係「南記」出名嘅食材，我就鍾意以清湯底配搭，口味又唔會太濃，牛丸嘅鮮味跟湯底好夾味，係我食極唔嫌之選👍🏻「南記」波斯富街新店開咗之後，我已經好少再返去怡和街分店，一來唔使行樓梯，地方又無咁迫。貪新忘舊咪就係我囉🥳

今日係勞動節小編當然要響應勞動節啦所以一早起身就去呢度食早餐然後開始我既yoga day小編已經係第二次黎呢度食早餐、對上一次都只係上個禮拜、食過佢地既艇仔粉確實唔錯，今日8:40到達發現佢地都有賣d港式茶餐廳feel既早餐，見到有個叫做沙爹仔既物體當然吸引到小編既視線啦因為小編係沙爹fans、最愛係元朗永x既沙爹麵，今次見到有沙爹食當然不能夠錯過。佢地既沙爹仔麵可以選一款單拼或者肥牛、小編唔食牛梗係食佢地既超有名春卷啦、配米粉，野飲可以選豆漿、奶茶或咖啡不用加錢、如果其他飲品就額外加5元，其實都好抵，小編選擇熱既桂花烏龍茶另加5而成個餐都只係30元，都真係非常抵食。抵食之餘仲要係非常濃厚沙爹，絕對絕對不是其他茶餐廳d hea野清水沙爹，係完全好似打邊爐沙爹湯底好濃厚ｏ個d味道，真係食到小編lam曬脷，真係勁回味，我打算明天返工去中環間鋪都試下個早餐睇下係咪一樣咁濃厚先，小編今日真係爆開心，食到好味濃厚沙爹、以後唔洗入去元朗咁q遠，可惜呢個係早餐啦，否則小編我夜晚都可以食到打邊爐沙爹麵

是日同同事去呢間南記度食lunch， 由於太餓既關係，所以我叫左個蕃茄湯珍寶米線，份量足，餸有招牌魚蛋、牛丸，春卷同魚皮鮫墨丸，個蕃茄湯加左腐皮真係幾好味，個人黎講喜歡酸d, 下次會叫多茄汁，但唔叫佢都係夠味既，正

呢個期間限定艇仔粉真係不得了呀，唔食過唔知甘好味，據稱用大地魚做湯底既，小編覺得D湯比正常南記湯底係比較濃D既，最好味就係佢用D魚仔蝦乾仔做配料真係好鬼惹味，個艇仔粉套餐好似大約40元，確實唔算好抵，但勝在足料，菜又多，配料除左魚仔蝦乾仲有兩條春捲，魚片，叉燒，仲配埋雙檸可樂比你，個雙檸可樂都好鬼正，堅飲到青檸味，小編雖然一向唔太LIKE正常可樂嫌佢甜左D，但呢個青檸檸檬可樂真係幾好飲。翻兜指數極高！

食南記食過好多次，呢間南記比係另一間係銅鑼灣既分店環境舒服d，木造枱椅，環境都光猛。每次都係叫 魚肉春卷魚腐酸辣米線❤️佢既配料全部都好好食，無論係腐皮、酸菜我都好鐘意。魚肉春卷同魚腐都好味，感覺新鮮，再吸埋湯既精華，酸酸地好開胃。今次既湯底我覺得比之前失色左少少，鹹左d，食完好口乾，不過佢既酸辣湯係會令人上癮的！ 佢係我食過咁多既酸辣湯米線入面算係比較鐘意既味道！ 埋單38蚊，呢餐晚餐價錢好抵亦好飽！

銅鑼灣食南記梗係要來利舞台對面嗰間，真係明顯地比怡和街嗰間少人好多。今日中午過嚟排隊買埋都唔使5分鐘👍🏻👍🏻今日突然想食辣，所以點了B-招牌滋選小鍋米線,分量非常好,又多餸，最緊要就係有我最鍾意食嘅豬腩肉，春卷同埋冬菇😋😋😋😋再配埋一杯冰凍嘅可樂，真係非常豐富滿足嘅午餐😋😋

#小秘書 由細幫襯「南記」到今時今日，對佢哋嘅 #牛丸、#春卷 始終情有獨鍾❤️ 加少少自製辣醬喺湯入面，簡直完美組合。最近 #銅鑼灣 #波斯富街 分店又重開，#小秘書 再唔需要爬幾層樓梯幫襯 #怡和街 分店喇🤩 呢日食完飯，收到媽媽急call，原來佢九點幾都未食飯，咁啱我又喺「南記」附近，一於買碗 #招牌河（牛丸、魚旦、春卷河）、另加一份淨 #春卷 返去同媽媽撐枱腳。比錢果果時，好在醒起要「分湯上」，唔係返到去一定變咗份「漿糊」啫😅由銅鑼灣返屋企都要30分鐘，好在返到去啲湯都未凍，媽媽直接倒落碗粉就食得👍🏻 而我咪不停喺旁邊偷食新鮮炸起嘅春卷囉 好味呀！

在利舞臺逛完的Uniqlo後，又餓又攰，剛好見到對面就有間南記~平平地食個下午茶。之前食過SOGO附近個間，超級多人!  呢間就無咁多人，我下午4點多入去一個人食都無搵位既煩惱。店內全都是木枱木櫈，光猛簡潔。叫咗個四寶紫菜河，呀姐比咗包紙巾我，原來宜家買碗粉就有，又唔錯喎。四寶河大大碗。白魚蛋、牛丸、墨魚丸、魚肉春卷各兩舊，仲有好多紫菜，覆蓋哂成個碗，放得幾靚仔!想重口味，仲可以加辣椒醬,辣椒油,醋同魚露。不得不提佢個辣醬，好好味，都真係幾辣吓~我大約取了一小羹，就辣到有少少食到出汗

今日黎到銅鑼灣既波斯富街，行過見到香港仔南記粉麵，鋪頭門面黑底加黃色字都幾搶眼，就行左過去睇。之前食過銅鑼灣另一間分店，果間係樓上鋪，無咁搶眼既招牌。出面有哂餐牌可以睇食咩，下午茶套餐都好抵食，$28 有碗麵加飲品，不過午餐時間係點唔到的。入左鋪頭之後，未有人龍出現點餐，我最後點左一碗招牌河粉，付完現金之後就慢慢等號碼，呢度除左接受現金付款之外，支付寶都可以，但不接受八達通付款。等左十分鐘左右，終於拎到，入面包左兩粒牛丸、兩條春卷、兩塊魚片，好彈牙，配料好豐富，好抵食。

晚上在銅鑼灣吃完甜品，肚子空盪盪的，走在怡和街上，竟發現南極粉麵重開了！麵店燈火通明，雖然接近9時，依然有不少客人。裝潢以簡單醒目為主，木製桌椅，配以黑色和白色的磚頭牆壁，十分簡潔呢！以前南記得分店並不多，最近的就是光顧中央圖書館附近那一家。點了一碗辣豬肉小窩米線$38。湯頭辣中帶甘甜，吃一片辣豬腩肉，薄薄一片，入口肉質軟腍夾點辛辣，十分開胃，加上酸菜、蔥等配菜，又香又惹味！不過我最喜歡還有他的米線，幼米線吸附著湯汁一起吃，我可以把湯汁全數喝完呢！

一向都好鍾意食粉麵，粉麵鋪特別係酸辣米線真係通街都係，但又有幾多間好食?酸辣米線做得好食唔多，清湯都做得好食仲難。南記係我覺得最好食嘅一間。之前波斯富街南就執左之後真係無點食過，最近波斯富街開返，當然要去朝聖一番，雖然坐位比之前多，但Lunch依然爆滿，一行五人等左15分鐘左右終於等到限4人枱，不得不讚南記嘅姐姐，我地差1張凳，姐姐主動幫手問其他客人仲幫我地拎埋去我地張枱，真係好抵讚。去到南記唔食牛嘅我必食嘅一定係清湯春卷米，米粉爽口，慢慢食到尾都唔會變，春卷食落唔會有油味 口感亦都軟硬適中唔粉口，食落有少少魚味，有調過味又唔腥，就咁食都好好味。雖然係清湯，但絕對唔係清水，雖然應該都係味精湯，但唔會死鹹，如果覺得單調可以加少少辣椒醬，即刻變得超惹味。米粉份量都唔少，唔會食兩啖就食完，加4條春卷，成碗野都係收$27，你話去邊度搵!

好耐之前呢度有一間好噏耷嘅南記跟住佢裝修咗之後就冇做而家租金回落個業主又租番畀佢 真係攞嚟搞不過佢個裝修真係要彈下個自動門開到咁大冷氣全部走曬其實點解要兩個自動門呢定係冷氣唔夠凍呢度個廚房真係堅係混亂南記平時十分鐘內肯定出單梗係新手唔熟手都等咗一段時間我嗌咗下午茶餐魚片春捲小鍋米線要米粉大辣轉麻辣湯底其實已經係寫得好清楚第一次出咗米線畀我第二次出咗酸辣畀我第三次唔係大辣不過我已經懶得再換最後佢亦都冇扣底畀咗大量米粉我雖然我好落力咁食都係食唔曬雖然佢唔夠辣但都算好食嘅啲春捲冇以前炸得咁燶入面做嘢嘅人都好隨意

小編係愛辣之人、基本所有麻辣都係大辣or大大辣至滿足到小編我！今日介紹既可能大家都會認為佢只係好hea既麻辣米線皆因呢家店唔係出名麻辣既，佢地最出名係小窩酸辣米線！之所以要推介下佢地既麻辣米線係小編今日去左買碗外賣、返屋企食到chep chep聲，你話佢好麻又唔係，但今次煮得確係唔錯，湯底濃得黎剛剛好、食到有麻辣味而唔係話only喪落辣油ｏ個隻、小編咁樣講係因為之前確實幫襯過呢間嘢既另外一間分店（同樣ｏ係銅鑼灣）ｏ個間嘢既麻辣米線係不x知所謂既（和中環ｏ個間一樣都係勁難食！），所以小編今夏次純粹又係博一鋪精神、睇下銅鑼灣另一間新開既店會唔會好d啦，果然冇令小編失望，確實水準係唔錯！除左麻辣米線大家要試之外、佢地既椒鹽春卷粒都好好味架，真係新鮮炸出黎，唔似得銅鑼灣怡和街ｏ個間嘢咁、炸完好似冇炸過咁！所以大家黎到銅鑼灣食南記記得去利舞台對面ｏ個間就穩陣啦

lunch係銅鑼灣諗唔到食咩好，又唔想食太貴，就食好耐冇食嘅南記啦。我第一次食南記個陣佢都未有咁多分店，以前係要特登入香港仔先食到，個陣會心思思成日走入去食。依家多左分店，反而仲小左食，人就係咁犯賤🙈太耐冇食，連佢menu轉哂都唔知。好奇怪，以前我成日食嘅招牌春卷小鍋米線唔見左。望住個新menu又唔係好識嗌，就膽粗粗咁走去收銀問呀姐：請問有冇春卷小鍋米線呀？呀姐又竟然答有😂😂😂halo 請問發生咩事，呢個係穩藏版menu嗎？證據係呢到，我真係嗌到春卷小鍋米線，佢張飛都真係咁出。成件事好搞笑😂😂呀不過咁，佢杯野飲點解會咁貴😩- 春卷小鍋米線 $38 👍🏻👍🏻👍🏻👍🏻👍🏻主角泥喇，主角春卷咁多年都冇變，依然係咁好食，大家唔好誤會，佢唔係脆卜卜個款炸春卷，佢係彈牙好重魚肉嘅春卷🤤有成四大條咁多！小鍋米線係類似酸辣湯咁，入面有肉碎、腐皮、九菜、芽菜、酸菜。米線亦彈牙！好味👍🏻總結：佢嘅招牌春卷小鍋米線咁多年都咁好味，冇變過👍🏻$38一碗大大碗差唔多啦，只係野飲好貴，下次食完先出去飲野🤪

環境4分，衛生4分：新開呢間南記樓面明顯比較乾淨企理，啲枱枱櫈櫈都好新，又見到阿姐勤力掃地。廁所位置容易發現，新店畀四分佢。 服務3分：自己排隊買飛，自己排隊攞嘢食，自己搵位。正常快餐店即唔可以計服務分，所以三分。 味道3分：叫左碗魚蛋魚腐小鍋米線少辣，少辣嘅辣味程度可以接受，唔食得辣嘅朋友都可以試一下。魚蛋算彈口，但魚腐比較淋，相比之下魚蛋好食啲。小窩米線跟啲酸菜同芽菜都算幾多，可以畀三分。 抵食3分：38蚊碗雙拼都幾大窩，算係OK抵，畀佢三分。