南記粉麵 (寶明大廈)

營業中

休息中

番工放lunch 只想要一個快靚正既食物就選擇左「南記」單拼，春卷河$29質素感覺不及以前咁好個春卷太乾河粉又太淋身湯底唔夠鮮甜不過唯一有樣好既係出餐速度依舊快😉岩哂番工放lunch 食個快飯

曾幾何時，我食南記都會叫嗰啲咩酸辣小窩米線，然後曾經有日，見到一個食評，話其實佢啲辣椒醬先正。於是，我就開始叫清湯米線，然後點辣椒醬食。一試之後真係不得了，我就冇再試過要小窩米線啦。今次我叫咗個春卷清湯米線，只係20幾蚊，有四條春卷，米線略嫌細碗咗少少，但飲多幾啖水都勉強夠飽嘅。個辣椒醬真係不得了，夠辣，正。南記嘅春卷就真係無可取代，啲魚肉真係不得了，好好食。食極都唔厭。另外我仲特登買咗樽辣椒醬返屋企，咁我就可以自己煮麵嗰陣都食到南記辣椒醬，開心。

好耐好耐冇食過南記啦，聽朋友提起就放工即刻去食，叫咗個B餐，好抵食，有辣豬肉、春卷、冬菇、魚片四樣嘢，仲有埋嘢飲都係50幾，味道都如以前，米線煮得啱啱好，麻辣味道濃郁，有啲似老干媽味，啲餸好好味，料足！

早上來到銅鑼灣看電影，旁邊有一家南記於是入去吃早餐。原本想吃粉麵，但居然看到早餐有提供糯米雞二話不說馬上點了。而且還有魚皮餃生菜湯和咖啡才28元，性價比實在太高。可能是疫情期間早上人客還不多。糯米雞超大份，裏面有臘腸和雞翼配料還算豐富。而且重點是糯米飯不像外面餐廳做得那麼硬，飯質非常彈牙柔軟。魚皮餃生菜湯湯底很好，我幾乎全部喝光。生菜泡在湯底滲透了湯底的味道很好吃。咖啡就不過不失吧。整體第一次在南記吃非粉麵的食物原來質素還不錯。

天氣炎熱🥵，胃口唔係好大，喺銅鑼灣有咩好選擇，於是揀左價錢較平靚正的粉麵—南記。自選套餐之一清湯系列，餸當然揀了招牌春卷，無得輸😆，由於魚蛋售罄，唯有食魚皮餃，一樣咁好食，身旁呢個西生菜🥬才嚇我一跳，本以為是一碟，結果是一大碗🤣，加埋杯附送汽水🥤（可揀豆漿），真係超抵食👍🏻逆市的求生

一日早餐，真係好重要，一定要好好對自己！不是每間南記也提供早餐，有些分店可能也有早餐時段，但不見供應腸粉， 只有粉面提供！這裏的牛腩汁腸粉，真係好好味，會加一2⃣️嚿牛腩，加芽菜，再跟一碗粉面，簡直飽到下午茶也不會肚餓！ 喜歡的話可以飲奶茶咖啡水準也不錯，想食馳名春卷河粉亦都可以， 比起單調嘅炒蛋多士火腿通粉，南記，多謝你用心去演繹一個美味的早晨！

南記粉麵為區內名店，以魚肉春卷、牛腩及滷大腸等成名，卻一向有不少街坊支持，因為價錢平，份量多！每到午餐時間，一位難求，所以一向都係電話落單，之後自取拎走😋😆我每次都必定單點的魚肉春卷👅春卷是南記的名物，用腐皮包裹魚肉而成，其聲稱每日在店鋪內鮮炸而成😋😋其次選擇就係牛筋，佢哋啲牛筋炆得入味，👍🏻軟硬程度適中，但有一樣野好奇怪，每次都要出餐位同廚師姐姐講聲係要淨牛筋，否則就會有一半牛腩出現😂😂佢哋啲牛腩我都食左好多次，但水準一般，每次都有啲柴皮甘樣所以到而家我就放棄了牛腩🤐🤐提示，食南記必須要多葱😂😂

我買左一個麻酸辣魚蛋米線， 本身黎講食南記，今時今日真係唔係因為佢好食架啦！都係貪快同平。我本身都見到其他食客拿外賣既時候，要問返個阿姐有無呢樣有無果樣，原來真係執漏野，我自己都無睇清楚，畢竟我只係要左一個餸，同埋唔想係疫情期間係咁多人既地方打開d 野食，點知返去真係見到入面一粒魚蛋都無，失望到呢！不過算啦，食南記真係因為平同快，唔通我落返去追討返5粒魚蛋咩... 希望大家係呢間南記買外賣既時候記得check 清楚有無執漏野先走。

今晚買左南記外賣，因為好耐都冇食到，但今次食完估唔到有意外驚喜，因為比以前好食左好多，由其杯仙草凍奶茶，因為好好飲，而肥牛都幾好食，不錯👍🏻👍🏻叫左酸辣小辣湯底，都不錯👍🏻

呢朝早我特登請咗半日假，先去領事館，再落銅鑼灣搵醫師把脈。本來好想返公司見下我一班好同事，不過返到去又過哂lunch時間，咁我一於趁仲有時間，喺附近食少少嘢，再去快閃shopping先返工。路經 #波斯富街，我又不期然咁走咗入 #南記， 不過聽講最近 #南記 比第二間公司收購咗... 唔怪得風格都唔同晒。#古靈精怪 到居然出咗個 #沙嗲牛肉米線套餐（取名為肥牛沙嗲仔），雖然有啲格格不入，不過$30有碗 #米線、#牛丸紫菜湯、仲有 #凍豆漿，用 #雲閃付 俾錢仲可以扣$10，真係抵到爛。講到食物，如果呢度係一間 #茶餐廳 我覺得冇問題嘅，#沙嗲牛肉米線味道 好濃，#紫菜牛丸湯 就爭咁啲 #左口魚，唔夠香、唔夠鮮味😅 不過$20同一當lunch... 大家一試無妨😃

今晚晚餐唔知食咩好。就揀咗食南記，本身諗住平平地食一碗粉面，但比佢個套餐既餐牌吸引住，套餐有幾款不同比你選擇，我就比佢個D2套餐吸引住，食粉麵無理由唔叫埋杯野飲架。佢個套餐D2係單／雙拼自選清湯套餐加魚片頭一份（5粒）及1 杯飲品。自選單／雙拼1 碗自選清湯麵（可以選擇一至兩款配搭），可選擇湯底、 麵底、 配料及飲品。我今晚就真係食得比較多，我食咗4條春卷+3粒墨魚丸既米粉+魚片頭一份（5粒）及1 杯大豆漿。食麵最重要就係有南記不一樣既辣醬，別有一番風味，真係勁豐富及勁滿足既晚餐。

銅鑼灣南記最近搬了新舖，環境比之前更好，至少在地舖，不用行樓梯了。每逢2:30pm, 每天都大排長龍，收銀都忙到無停手，下午茶當然要食招牌米線，有魚肉春卷．魚蛋同牛丸，仲跟野飲，真係好食又抵食，加上佢嘅辣醬真係好好味，難怪任何時間都是坐滿食客😋

香港仔南記粉麵嘅分店已超過20唔間，行開銅鑼灣見肚餓就走入去幫襯下。可能假期關係，接近下午3點都要排長龍比錢而店內亦有多人幫襯。雖然長龍，但職員收錢確係快，等咗陣就好快比錢等攞嘢食。1. 清新滋味套餐(魚肉春卷，魚腐，竹笙，木耳河粉)連飲品 ($45)，魚肉春卷保持一貫水準，好味竹笙爽口，吸晒啲湯美味。2. Shake 脆脆粉連海苔椒鹽($23)，魚肉春卷，即叫即炸熱辣辣，連個紙袋比你放埋海苔椒鹽落去shake 幾吓，粒粒春卷面都有海苔味，確係吸引。

又到Causeway Bay ,shopping 大灑金錢之後 。當然食嘢就要慳番少少啦😣😣好在有經濟實惠之選， 清清淡淡可以去南記食個套餐。雖然嗰套餐而家加咗一蚊， 但係都只係41蚊啫。😚😚😚套餐可以 選擇生菜或者牙菜，二選其一。跟住可以揀一款兩餸嘅粉麵。 跟住再揀一杯嘢飲， 汽水或者豆漿。我同朋友各自要咗一個套餐，我哋要咗生菜同埋牙菜各一個，我就要招牌春捲 河粉，朋友就揀咗，招牌春捲魚片頭米粉。真係好鍾意食佢哋嘅招牌春捲， 外皮香脆內裏煙煙靭靭， 點呀秘製嘅辣醬就更加好食。 河粉滑捋捋好好食。不過衛生就差咗少少啦有啲烏蠅仔， 但還可以接受的。 間間食肆都有㗎啦.。

如果南記同譚仔比，我會揀南記。次次嚟親都食佢個招牌河，清清地得嚟份量夠大。春卷出名係有佢原因，係幾好食。而且我個人比較鐘意河粉多過米線，南記夠多選擇，又平又好食。多啲支持下佢咁就可以開多啲分店係香港其他區。