南記粉麵 (謝斐道)

營業中

休息中

南記係朋友介紹我黎食, 話南記既春卷好食咁啱一個人黎灣仔做野, 就去南記試下見到單併/雙併都係$33咁抵?  一於要碗春卷米線中辣企係到等拎餐時, 阿姐就係咁叫人坐低啦, 覺得好似阻住佢, 阿姐態度麻麻, 少少黑面我碗米線終於有啦, 係要自己拎餐, 又要自己搵位, 自己一個人食係麻煩D米線湯底係橙紅色, 酸辣底, 夠酸夠辣, 辣度比我想像中刺激左, 要邊食邊飲野春卷, 包住既魚肉, 幾有魚味, 幾彈牙不過我覺得叫應該叫腐皮卷, 雖然外層經油炸過, 但已經唔脆米線整體不過不失啦, 不過未覺得春卷超好食, 下次試下其他偀餸先

仲記得以前初初出來做嘢，星期一至四會帶飯，星期五一係去飲茶，一係成班同事一齊買南記外賣，當時係俾佢的春卷吸引住，而且價錢唔算好貴，所以當時對我來講係其中一間窮人恩物。有一天返工，成個 area 得番我一個人，但又好懶想中午食咩，於是去咗附近的南記買外賣。去到鋪頭，經已堆滿哂人，今次買咗個春卷紫菜小鍋米線，現在要賣成 $40，價格真係貴咗唔少。拎到返工作地方，其實湯同米線係分開裝，唔駛浸到 D 米線淋哂。另外在食料的味道方面，其實同以前食過的都相差無幾，但是我總覺得辣味是變了樣，味道並沒有以前的那麼香了~

係灣仔中午時分 南記外賣碗出鏡率好高係新界住既我一直都只係識食個幾間今日終於有機會一試小窩米線配墨丸 招牌春卷湯底 酸酸地 好夠味配料好足 好多肉碎招牌春卷似魚腐 墨丸彈牙 米線唔會太淋 食到最後想飲埋D湯 食左一次南記之後 成日都心思思再想食

記得學生時代及剛剛投身社會時，非常貧困，致貧原因太多，不想回憶，未敢忘記。不過這階段在我輩朋友當中實屬普遍，用長期糧尾及月光族來形容那時的我貼切不過。想當年的糧尾日子，有時要攤大手板，有時要借貸度日，而勒緊褲頭，吃得Cheap Cheap Cheap 的日子，當然亦常有發生。今日在這裏向年輕一輩推介一間嘅便宜又飽肚的食肆，而且它是一所連鎖食肆，有多間分店可供選擇，它便是南記。南記吃過多次多間，早在香港仔店只得一間店鋪時已開始光顧，起碼二十年了，那時後已經以爽滑魚蛋聞名，我愛它猶過謝記，及後分店越開越多，感覺是湯底及魚肉春卷水平稍稍下降，但河粉及魚蛋仍有高水準，今天路過灣仔決定重温味道。時間為下午約3:00pm，點了招牌湯河加了牛腩及豆漿。招牌河粉在早餐及下午茶時段均賣HK$20份量絶對可以令一成年男士人八成飽肚，有兩粒牛丸兩丸魚蛋及兩條魚肉春卷，河粉份量亦超過半磅，只賣HK$20，份量性價比真的無敵。魚蛋是依然的爽滑彈牙，魚肉春卷有五香粉味，魚肉煙韌，牛丸爽口彈牙有牛味，兩種魚製品及牛丸的質量都屬不俗貨式。粉底滑滑漏，沒有米糠味道，來貨相當好。湯底是魚骨湯而味道可以，喝後不口渴，沒加太

從前成日都會食，星期六、日返黎OT必買!因為平日LUNCH根本冇可能排到 -_-無錯，即係話我今日係要返工... 行返公司10分鐘到啦，冇分湯，亦都冇即刻食，因為天氣實在太熱啦!但D麵都唔會淋晒!春卷貢丸小辣走9可謂我的招牌叫法!! 雖然我食得辣，但以往食左好多年，都知佢的辣度係睇心情架! 有時小辣好似中辣，有時中辣變大辣 XD所以我會拎辣椒油自己加，再加埋一包辣醬!! 啱啱好!!不過今日當我去買的時候，佢話冇冬菜，我都有一下唔開心。然後望下周邊D枱，都見到冇冬菜喺枱面。唔通以後都會冇冬菜? 唔....最後想講的是，今日碗野冇咁辣，加晒辣油辣醬都係一般，同埋春卷係細條左... 春卷&貢丸味道不變LOL

今晚約了朋友睇話劇，她熱烈推介南記粉麵，反正我們都要吃點東西，就去試試吧~才剛食完一個豐富的下午茶，不太肚餓，所以點了一份魚皮餃魚春卷米線，才$24，很抵呀!!米白色的湯底，味精味都頗重... 幸而有點香蔥，令湯底加添點清新~ 魚春卷煙韌有嚼勁，頗有魚香味，炸過後，本應脆身的，但因為放湯了，所以變得軟軟的，不過正好，減低了它的油膩感~ 魚皮餃爽口彈牙，也不錯~朋友的推介，是不錯啦~~ 才廿四大洋，還要求什麼?

識食，一定要食下午茶時段啦！話說前個排去完灣仔會展，出到來已經兩點幾，所以原本只是打算去南記食午餐，點知突然見到兩點半開始下午茶，於是決定等多5分鐘先點餐。鴛鴦河水準keep到，魚蛋彈牙、牛肉香濃、春卷新鮮，每次食完都覺得一次過滿足3個願望，好過食出x蛋。記得加少少辣油、醋，個河粉即時索味，重口味人士必定啱食。

今朝的早餐，特價招牌河二十蚊，幾抵，第一次食南記，好有名氣既魚春卷無太大驚喜，湯底似係味精 yim水，可能散叫酸辣果啲湯底會好食好多，20真係抵到..食2碗.乜都夠.

今晚又加班，夜咗放工好肚餓，即時想起行過灣仔食南記。今晚趕得切去謝斐道間南記，以前直頭在附近返工，基本上每日其中一餐會食南記。雖然成日都好多人座位少環境迫，尤其午飯時段，但勝在方便快捷、價值大眾化、選擇多同埋味道不錯嘛。春卷小鍋米線走酸菜小辣加腩肉$32+$8不過這碗的賣相 ……………依個係來南記午餐或晚餐指定款式，實在太愛南記招牌春卷同南記嘅招牌豬腩肉，點解 ？？？ 因為好啱我口味；豬腩肉少許辣好入味，春卷係由腐皮包著魚肉來炸。如果當日晨早炸果大批晚市後段賣晒，會即刻炸㗎，今晚兩碗中其中一碗嘅四條就好好彩。依碗本來係春卷小鍋米線走酸菜中辣加腩肉，但春卷存貨唔夠，要後上。熱辣辣新鮮炸既魚肉春卷，新鮮炸起真係好鬼正，今晚好好彩呀！讚！讚！讚！油菜 ～ 西生菜 $10- 全走，份量都幾足㗎

有朋友請食 lunch,仲要買埋俾我魚皮鮫小鍋米線大辣魚皮鮫個皮有少少"煙癮"feel; 肉質唔太多但都食到少少肉味米線 今次煮得有少少偏林口感唔太彈牙湯底 油咗少少同埋今次好似冇之前咁辣

是日跟豬大人打算血併書展,於是乎一早來到了灣仔。入場前先來個南記米線做早餐。『一日五餐喺南記』這個口號未免有點誇張吧 由於由購票到取食物都是自助形式,所以全權由豬大人負責!! 晨早去南記就是有好處,不用排長龍點食、等位、等長時間才能取食物, 有夠開心吧?!記得多年前青蛙仍在附近的公司工作,豬大人會在午飯時間前, 提早到這所南記找好座位等青蛙!!　說回食物吧, 春卷是我倆每次必點的一款食材,當然還要配上它的辣椒醬來吃,簡直令人回味無窮呀!!!!雖然吃完它的辣椒醬就會非常口渴,但它那帶微苦又香的味道,青蛙就是情有獨鍾 ^^至於青蛙另外選了的豬大腸,夠腍、夠入味, 而且清潔得非常乾淨~最重要是份量十足呀!!至於豬大人則另要了的牛腩,青蛙就沒有試了~不過見豬大人食得津津有味,相信都有一定的水準吧!!講開又講他們的湯底,雖然青蛙本身是不吃酸辣粉的,但南記的小鍋米線的確出色~酸味主要來自酸酸甜甜的酸菜,而且酸的呈度不算強,青蛙反而能接受來自食材的酸味。再者, 它的中辣果然夠辣,青蛙開動前先喝一口湯,即時被嗆到, 果然夠刺激呢!! ^^另外, 豬大人還加了份芥蘭,青菜入口沒有渣,亦有助中和米線的

太陽矖到周圍都熱，去南記自取牛腩麺牛腩太碎太細腩，口感不大，不過算淋，牛筋得一舊仔，麵底份量亦少左D，麵吾夠旦牙，湯底味不錯，好大碗湯，有又重牛腩香味。外賣木筷子質數極差，開哂义

聽講南記米線好出名，仲好食過“譚X”。當真？今日lunch決定去會一會。由公司行過去只是五分鐘路程，十二點十五分已排長龍了，果然多人。我叫左一碗菜肉雲吞米線＄32，有麻辣，酸辣及清湯選擇，我要了小麻辣 ，等左五分鐘左右就有。值得一提嘅係店內有個“自取區”，咸酸冬菜已分了一小包，若嫌不夠酸，歡迎任取，仲有甜醋已分好一小杯，都是任取  ，店方真係好細心地照顧客人的需要啊。米缐份量多，配料充足，有大量芽菜，酸菜，腐皮。六粒菜肉雲吞，雲吞餡料足，皮薄，口感不錯，米線連配料一齊食，好正，湯底酸酸地，好醒胃。春卷大腸米線是招牌菜，下次一定要食下先得。

猶記得第一次光顧南記，是太太帶在下去，多年來，售價依然保持在合理水平，個人最喜歡在下午茶時段幫趁，可說是平、靚、正之選。下午茶今次來不及光顧，散叫亦問題不大，招牌春卷加墨魚丸配河粉，另外再加灼菜澆牛腩汁，算起來不到$40。魚肉春卷很香口，軟綿入味；墨魚丸咬來味道偏淡，但總算彈牙；河粉很滑溜，喝口湯，感覺師傅不太重手，可以接受。生菜底一向喜歡澆牛腩汁，因為沾上牛油的濃香及味道的生菜，即時昇華，好吃得多了。

又是去會展的日子，先前當然要醫醫肚，南記分店可算多，亦是太太跟在下拍拖日子常去的地方。雙丸是牛丸及魚蛋，另外有自己最愛的魚肉春卷。由落單到上菜，前後不到五分鐘，超有效率的；河粉是一貫的滑溜，牛丸爽口彈牙，魚蛋反而無乜味，魚肉春卷柔韌有嚼口，而且肉味香濃，不錯。生菜份量不少，而且澆上腩汁，好味。前後不到十五分鐘，是時候入會展博命了。