南記粉麵 (春園街)

營業中

休息中

企業化後變得冇人情味的結果.....加腩汁都要加錢，想要冬菜又話以後一世都不供應.....想點呢？算！回正題！招牌河 ＄25午餐時份買外賣不用排長龍都少有；魚肉春卷依然彈牙；魚旦和牛丸依然爽口！食落有魚味和牛味，值得一讚！幾過十分鐘路程回到公司，河粉沒有索到漿糊咁真好彩！清湯已經冇得加冬菜（此乃招牌河的精粹所在啊！）不能加腩汁也太沒人情味了，雖然明白租金高昂，企業經營的難處！！

今日約左朋友出灣仔行街, 行到攰就食d野, 行下行下就見到南記粉麵, 就入左去食.入到去地方環境都算OK, 而且好整潔. 叫左個 肥牛小窩米線(HKD32), 米線個麵質都幾滑, 不過淋左少少, d肥牛都算大塊, 有3-4塊左右, 不過肥左少少, 1塊肥牛大約有半塊肥膏, 仲有少量芽菜, 芽菜好入味, 個湯底就酸酸地幾開胃.整體份量都算大, 1個女仔食食唔晒, 係灣仔食野呢個價錢都幾抵食既.

晏晝想食點粉麵，所以又行咗去灣仔捃食，行過春園街間南記見今次唔係咁多人所以堂食。平時所見係木店內店外也人頭湧湧，望見都調頭走㗎。去完旅行回來喉嚨唔舒服同咳都未好，所以暫時食得清淡些少春卷河粉$25另二個芽菜全走$10，全部落order後才即整的。南記嘅炸魚肉春卷真係百吃不厭，條條春卷魚肉彈牙調味適中，大大話話己吃了十幾年，好彩嘅話會吃到新鮮熱辣剛炸起嘅春卷添。 芽菜烚得剛好唔會過熟仍保持爽口，$10咁多好抵食！ 今次發現春園街這分店牆上有USB插頭喎，若咁啱要叉電又多一個方便了

一條友OT完9點幾 梗係南記 落單時 亞姐係咁話聽唔到 要嗌交咁聲先落到單 真奇怪 不過 粉麵檔啫 唔通怪佢冇酒店級服務咩 哈 只係可以好聲氣啲春卷貢丸係我必叫 今次堂食 就叫清湯 慳返啲錢 自己加辣醬 只係啲麵似係未熟咁款 但我唔要嘈啦 食完返去瞓 聽朝仲要開工總之有辣 我就食得落架啦 😂講真 如果另一間唔係收9點 我寧願行多幾步

今日天氣太熱，無乜胃口食飯，想搵啲酸酸地既野食，結果就去咗南記食佢既酸辣小窩米線好多朋友都話譚仔好食，但我覺得點係南記啱我口味啲，最鍾意就係食佢既小窩米線。酸菜、腐竹、炸醬配合得非常好，酸酸辣辣的極為惹味。今日選了牛展小窩米線牛展小鍋米線 ($31) － 要了大辣，湯底酸酸的帶一點辣，其中還透著一點甜甜的，米線彈牙，牛展肉份量很足，肉質軟淋又鹵得很入味，讚，春卷質地彈牙而且魚味好夠，果然係招牌春卷。朋友點了，四寶紫菜湯同樣好食。

朝早路經灣仔，醒起南記每日朝早7：30-11：00同下午2：30-5：30會有特價，即刻去幫襯。鴛鴦粉20蚊（平時24蚊子），配細凍豆漿另加3蚊，抵過正價時㗎特價時段食物沒有將貨就價，一樣份量十足鴛鴦粉麵 ：招牌春卷、牛丸、魚蛋咁大碗米粉，早餐一定夠晒飽

今天跟hubby相約在灣仔共進午餐，約十二點正經過南記，店內的座位已差不多滿了，幸運地仍找到兩個bar枱位。我們兩個都偏愛酸辣口味，都選擇了酸辣米線。腩肉春卷酸辣米線，春卷依舊令人停不了口，口感和味道都很乎合我的喜好，腩肉超入味，不過米線好像有點硬，是繁忙時間的關係嗎？牛展春卷酸辣米線，牛展味道香濃，不錯，可是米線也是硬了點 。我倆叫了一杯豆漿，試後覺得豆味稍淡，可以加以改善。整體來說，還是不錯的，在細微地方加以改善會更好喔！

南記我真係一次食，見tea time$19，有個四寶河灣仔算係抵食，有春卷（腐皮包魚肉，彈牙，魚香，牛丸爽，魚片較溥，冇乜魚味，河粉雪白爽，$19,不錯，份量也夠

今天晚飯沒有著落，又想快點吃點東西然後回家溫書，想了想，決定到南記吃個麵加碟菜，簡簡單單解決一餐。決定走遠點到春園街這間南記，皆因這間有卡位，坐得舒服點，附近謝斐道那間座位實在太擠逼了！來南記我只吃春卷，彈牙的魚肉被外層的腐皮包裹著，味道多年不失水準，好吃！健康的一餐怎能缺乏蔬菜，今晚點了芥蘭，出奇地顔色很翠綠，入囗很爽脆!一輪「狂風掃落葉」完結了晚飯，快快回家溫書嚕

平日中午一時, 來到昔日的南記. 外賣一客春卷河 (HK$23). 在門外等候, 只等了三分鐘, 便有專人送上外賣盒, 這個安排很有條理和效率.打開外賣盒, 分量也不少, 跟昔日一樣, 有四條春卷. ( 哈哈, 沒有偷工減料, 只是價錢已上調了十塊錢了!)試一口, 幼河夠滑, 合格. 春卷才是重點, 雖然叫做春卷, 但不是炸的那種. 而是魚餅的那一類. 很香濃的魚肉味, 鹹鹹的, 配上腐皮, 真是一絕! 既有咬口, 味道又夾, 真的很美味! 

午膳時間, 走進這家打著正宗香港仔魚蛋的南記麵店吃頓簡單的午餐。店子很簡潔, 大部份是卡位, 在門口買了票找個位置坐下, 很快便有吃的了。小人叫的是中辣的雙拼小鍋米線+春卷, 另加一碟油菜。雙拼是魚蛋和牛丸各兩粒, 而春卷也是兩條。魚蛋鮮味彈牙, 牛丸則不過不失, 而最好吃的魚肉春卷果然名不虛傳, 十分入味。但問題是這些餸都是超級迷你的, 吃完還剩下一大碗米線。中辣的湯是酸辣味的, 不過酸味似乎蓋過了辣味一點點; 而整碗米線最奇怪的是有數塊腐皮, 有些格格不入的感覺。灼油菜倒是很爽, 真的是少油少鹽, 不錯!若食材的份量勻稱一些相信更佳。

還記得早年，都已經有七八年前的事，在下第一次幫襯南記，是買了一盒春卷給在下女友，之後卻斷斷續續的，在這裡吃一碗麵，無論是午餐抑或晚飯，一碗麵已經足夠飽肚了。在下不記得春園街的南記是否有裝修過，最近幾次來的時候，卻變得光猛，顧客也是川流不息的。今天在下與女友一起再到南記，各自吃一碗窩米粉，是咱們的不二之選。每次到南記，在下與女友都會必定要這裡的名物春卷，是否來一碟淨春卷抑或放在湯麵裡，也許成為了咱們的一種默契－－不用說出就會自動點出的。今天亦不例外，今天女友要了肥牛小窩米粉加春卷，在下要了菜肉雲吞米粉加春卷。在下沒有為女友的米粉拍照，卻如常的與女友互相分享了肥牛肉和菜肉雲吞。肥牛肉通常烚下烚下就非常好味，今次加在湯粉裡，卻另一滋味，半肥瘦牛肉適中，不靭也不嚡；菜肉雲吞皮也很煙靭，內裡的菜卻多於肉類，未免有點失衡。每次吃小窩米枌，總有酸菜和碎肉，也有芽菜和腐皮，然而今次吃到的酸菜，未及以往的那麼酸，也沒有這麼的濃味，而在下也喜歡不太酸的酸菜，辛辣度方面，在下要了小辣呢！咱們每次無論是否吃小窩米線，總會加上春卷，是不二之選，也許是咱們對於南記的的情有獨鐘之處。

作為我的第一篇食評，我當然要寫我最愛的餐廳。呢間係我由細食到大的餐廳，由得幾間分店食到而家成為連鎖店，不過我對佢既熱情都沒有改變，都係咁好味！在風雨交加的晚上，我跟兩位新界的好友來到呢間只在港島才找到的餐廳。可能因為下雨的關係，所以也沒有很多食客，立即看到一個卡位便坐下了。想了又想應該食甚麼 ﹣ 其實只是在想食腩肉還是春卷。最後也選擇了我最愛的春卷。如果沒有食過南記的春卷，不要說自己食過南記。我點了一碗春卷小鍋米線，小辣。小鍋米線有芽菜丶肉碎丶腐竹等材料，酸辣湯底，辣度亦有不同選擇。不能食太辣的朋友可以好似我一樣先點小辣試試自己承受得了與否。不過我覺得春園街這分店的辣度每次都不同，當我食過中辣覺得可以的時候，下次再點中辣的時候卻辣得很，所以自此以後我也是叫小辣。春卷十分好吃，百吃不厭。喜歡較香口的朋友可以叫春卷另上，免得它把湯都吸掉。

要食平靚正早餐越嚟越難，下下都廿幾蚊，仲冇乜野食。而小弟最鐘意就係食南記嘅招牌麵早餐，$16一碗麵，加$2有豆漿，十分抵食。最正當然係魚肉春卷，炸得香氣四溢，牛丸都唔錯，魚蛋就差啲，水準不穩，有次咬落食出一泡水。粗麵底亦時有走梘不足嘅情況，但大致上都ok!喺灣仔想食$20以下早餐，南記係不二之選。

早一個月前，差唔多一個星期會黎食一次。估唔到只係無黎咗一個月，會有咁大差別。叫咗一個辣肉小窩河，走酸菜，走芽菜 。另一個紫菜四寶麵。等咗大約十分鐘先有得食，比起平時繁忙時間仲要等得耐辣肉小窩河，變咗米線，又無走芽菜，份量比平時小一半，如果唔係因為趕時間既關係我一定攞去換。而紫菜四寶麵中，我平時最欣賞既墨魚丸，水準亦大不如前，無咗種彈牙既感覺，份量都比以前少咗。唔知係咪因為咁既原因，幫襯既人都比以前少咗。