南記粉麵

營業中

休息中

又到o左下午鬆一鬆tea 一tea o既時候，今次o係開中環呢o抖，想食平o野都唔係咁易，本來我提議食恆生總行對面間翠x，但朋友則介紹呢間叫南記o既餐廳。聽個名以為係茶餐廳，原來食中式粉麵的。間餐廳係類似快餐店形式運作，門口cashier 點餐俾錢，然後等嗌number 攞。見到d 價目，又真係幾吸引！下午茶套餐，一個雙拼粉麵再加汽水或者豆漿，$26！如果叫淨餸生菜底，更加只需要$20，中環wo 講緊……同埋如果叫下午茶餐，仲會送zenses 紙巾一包。拿通常一般d 鋪頭都會好奸，假日唔做呢d 優惠。咁我地中秋翌日幫襯，suppose 係紅日，但總之我問佢有無下午茶餐佢話有，於是就叫o左。嘩……良心企業呀……我點o左個墨魚丸魚蛋配米粉($26)，份量ok o既，d 丸俾足七粒但唔算好大粒，兩種丸o既彈牙度都欠奉。湯底只係好普通o既鹼水味，無任何特別。我配汽水，但朋友叫豆漿，個豆漿好細杯(圖後方都隱隱約約見到)，感覺叫汽水抵d。我諗呢間麵店如果論抵食係真係算係抵，但味道就一般，適合頹食只求飽肚之人仕。

叫左小鍋魚片生菜，酸辣湯底退步，食到一片以為是切薄了魚片。。。。一咬 是膠。。。之前就有頭髮都算，有手套膠真太過份。。。食死人 ，究竟姐姐係煮融左個膠手套 定點。碗麵入面有橡膠

喺中環番工, 如果想食酸辣米線嘅話, 我諗10個有9個人都會選擇食南記, 而且都係揀外賣, 因為店內座位唔多, Lunch 比較難搵到位｡ 想慳時間, 通常我都會先打 ☎ Order 左 (不過要打好多次先打得通), 之後先落去拎｡ 辣豬腩肉酸辣小窩米線 (中辣)一如以往, 我非常鐘意食佢 D 🐷 腩肉, 因為絕對唔係有成層肥膏嗰種, 而口感好似食薄片豬頸肉咁｡ 記得以前叫中辣, 我一定係辣到食唔到, 所以永遠只係叫小辣 (小辣辣度對於我黎講啱啱好)｡ 但近呢幾年, 佢 D 米線連小辣都唔辣  (千祈唔好俾佢 D 顏色騙到), 所以今日挑戰左佢嘅中辣, 我仲加埋佢附送嗰包辣椒醬添, 但味道只係屬於微辣 (我覺得), 唔通下次要試大辣 

Lunch好耐都冇幫襯南記, 見今日落雨, 所以去買外賣番公司食｡根據以往經驗, 如果唔想去到要等太耐, 咁就一定要打電話去Order, 之後先再去店舖拎｡ 由於Lunch嘅關係, 個電話好難打得通, 最後我Redial 左起碼20次終於都通左｡ 兩個人外賣左一個招牌春卷酸辣小窩米線 & 一個辣豬腩肉酸辣小窩米線, 去到店舖俾完錢之後就即刻有得拎｡佢嘅豬腩肉一D都唔肥, 感覺似食豬頸肉, 口感幾好｡ 春卷較硬, 味道OK, 無咩特別｡ 可能係外賣嘅關係, D米線浸到好淋, 米線配料有豬肉碎、酸菜、芽菜同腐竹, 湯底比較薄, 好淡味, 叫左小辣一D都唔辣, 好失色｡

於中環返工，想食辣於是打電話預訂外賣自取。推薦麻辣小鍋米線，會辣過酸辣湯底，很過癮，食完一身大汗。招牌春卷每次必食，而我的接受程度已由小辣提升到中辣，湯底好好味。美中不足的是這間分店的服務。今日去到發現外賣落錯單，好彩未煮，服務員拎走我張單（已給錢）即場幫我修改。等到外賣出來時我去拿，另個服務員態度很差的認為我沒給錢就要拿外賣，我耐心解釋你的同事收走單據幫忙修改，她多次大聲說「給錢啊？給了錢那單呢？不然就給錢！」搞到周圍人以為我插隊未付款。最後我進去找到兩位服務員作證才給我⋯服務員負責任是好事，但是否可以有少少禮貌，不要一來就指責顧客「不付錢」，弄清事實先。

一早未食早餐出去開完會回中環，本想食個午餐，但經過南記，唸起自己都幾乎成年冇食過，平時中午時段逼都逼唔入，今日十一點難得又少人，即興入去偷得浮生半日閒下！而家先知南記早餐好抵！單拼餐加豆漿$18？！有點肚餓，叫左墨魚春卷米加豆漿$26！等左五分鐘左右就可以開餐！墨魚丸的確足料，食到粒粒墨魚，好香墨魚味及好彈牙，同平時出去食墨丸比較，南記算唔錯！南記特色春卷當然係好食啦，有點魚味！加埋南記特製辣椒油，呢隻辣椒油只要放少少就好夠味，香辣可口！豆漿就不過不失啦！總括都係好抵食！

比起譚仔同雲貴香等等嘅米線鋪，我更喜歡南記，尤其係佢嘅酸辣湯底今次我叫左碗豬腩肉酸辣小窩米線，加春卷同大豆漿。小窩米線本身已經有腐皮、酸菜、芽菜等料，湯底酸度同辣度都適中，十分惹味。米線煮得岩岩好，唔會太淋或者太硬。特別推介佢個春卷，並唔係普通茶樓果種，而係反而有啲似炸魚肉腐皮卷，好好味

香港真是一個拼搏的城市，在外國餐廳不斷湧入與租金無限量上升的惡劣環境下，餐廳們也拼了吃奶的力來想新意！第一次想早餐來個滑溜河粉，一訪南記才發現早餐餐牌的華麗。是，是孤陋寡聞，最近除驚訝於榴槤 pizza 以外，這道牛腩爽魚片腸粉也在驚訝之列。😂點 F 餐，份量和食材選擇的豐富度都算華麗級！而且價格也非常令人驚喜，一道蕃茄河加腸粉不過是 $29 ！而且材料非常足！蕃茄肥牛河是維持水準！👍🏻 當中還有條狀豆卜吸盡湯汁，一流。牛腩爽魚片腸粉也是滿滿半碗，量非常多。芽菜和青蔥也大方地下，不手軟。可是南記的腸粉沒有特別滑溜，而且腩汁配腸粉不太對味兒。值得一讚的是南記物盡其用，將店裏食材左搭右搭打造新菜單，而且定價不貴又非常飽肚，盡見舊時香港人的拼搏精神，良心企業！👍🏻

已專文分析客家，雲南粉麪。南字，一方面是指發源自港島南黃竹坑，另一方面，我解讀是有雲南米線令業務大躍進深意。以下是最近一次光顧經驗分享 :👩:你在中環三聯書局看書，請去隔離南記買外賣，送上辦公室。👨:中環有第二間南記？👩:是潮店，迎合我們OL需要。👨:肯定妳要酸辣的，加6元紫菜吧，可免去紙碗費。👩:你食清湯啦。👨:已堂食了，食材豐富，不似廣東雲吞，牛腩麪偏咸。反映客家人樸實無華。👩:一樣可選大，中，小辣，真周到。除了午餐時間，都有供應。下次再煩你……👨: 用food panda的apps外賣送貨便可，只加15元。買滿80元便可。👩:可送到家中？👨:我雖住近中環，但星期日不送，平日17:00後不送。應加強服務。潮店亦不夠特色，應改為旗艦店啦。

明天不用上班的時間到了中上環一帶享用下午茶。走著走著到了很馳名的南記。我點了一個四寶湯米線。 內有腐皮，魚蛋， 魚腐， 芽菜 等餸菜。 湯底是酸辣湯， 但辣的分量很少。整體來說 湯的味道層次濃厚， 雖然湯底有一點鹹蛋你不會只能吃出味精味。 米線份量很多， 對於一碗二十多塊錢的麵來說， 其實水準不錯，味道也很好。 如果喜歡腐皮魚蛋的話可以一試。 餐廳亦有牛丸 魚蛋 墨魚丸 类的麵類選擇。

住香港仔的人基本上都是食南記大的，不過中環皇后街這間分店我倒是第一次試。原來南記現今已先進到有自助賣票機，不過我嫌食餐南記都要如此機械化實在覺得很怪，所以還是乖乖排隊到收銀處買飛。招牌鴛鴦河 $25南記辣椒醬對我來說是非加不可的，其自家製辣椒醬本來是杰身的 (因為我有在分店原樽買過)，然後分店同事每天都會將辣椒醬加水稀釋，所以檯面上的辣醬才會出現流質。招牌鴛鴦河包括有春卷、牛丸及魚片 (本來應該是魚蛋的，但因休魚期所以只得魚片)，春卷我覺得比從前的短了點，而且牛丸也沒有以前的咬口了，感覺很"鬆拋拋"...南記生意越做越大，當所有食材均經工場劃一出品後，味道再不能返回過往的小本人情味了。

通常一間分店一個大廚嘅餐廳先可以維持品質 尤其越普通嘅菜式越難令人一試難忘.... 這就是香港仔南記的成功之處 越嚟越多分店 但間間都好味道！呢日喺lunch peak hour來到中環分店 雖然有條十幾人嘅隊 但由等落單到有得食只係用咗10分鐘 咁嘅效率認真抵讚小妹每次都係點招牌河 一來平 只係$25（中環wor 經濟實惠到極啦） 二來唔洗諗就有三個餸——牛丸、*招牌*春卷、魚片（本來係魚蛋 但由於休漁期 暫時得魚片）小妹特別喜歡呢度嘅*招牌*春卷 佢唔同港式小食店啊酒樓嗰啲炸春卷... 咬落去有啲似魚肉 外層唔係熱氣嘅脆皮 似腐皮～～ 由於佢鹹鹹哋 一邊食河一邊細細啖咬就正啦河粉雖然係大量製造 但一樣唔輸蝕 又滑又爽口好多小店嘅河粉反而一pat嘢...

有心想去破地獄或有自瘧傾向既朋友 可以試一試 呢個 明明係魚腐都可以話係春卷 叫左個酸辣既中辣豬腩米線 酸辣一d都唔辣 酸應該係茄汁 失敗中失敗 根本唔係果樣野 米線應該用清水煮 出黎冇味 再加上湯都冇乜味 難食既層次超乎想像

肥妹今日被流放到香港站晨咁早唔知食乜好 走去食南記叫左個等價米線 30蚊魚片拼春卷小鍋米線再加埋大腸 都係38蚊個春卷一向都係賣點之一配埋個酸辣 個皮吸左啲湯 好味但小小唔夠酸 魚片都彈牙大腸有鹵水味 唔會有豬臭味大辣都唔算好辣 咁嘅早餐都幾醒神

每次到港島必定到訪南記 皆因其腩肉小窩米線比譚仔（包括三哥）及雲桂香嘅更為出色由於南記為半自助式餐廳 本人只會集中分析其腩肉米線嘅特色及優勝之處腩肉小窩米線基本上有腩肉、米線、腐片、酸菜及肉碎等南記腩肉小窩米線特別之處在於腩肉湯底、其新鮮及啖啖肉嘅腩肉及自創辣醬和冬菜先論其湯底可用三字總結「香、濃、鮮」「香、鮮」來自上盛嘅腩肉 其湯底本身就用腩肉淆出 腩肉嘅精華已充分溶於湯中「濃」來自其配料 酸菜可去除肉酥味 湯帶微辣 若加入冬菜 可令湯嘅味道更佳再論其腩肉色澤偏啡 顯然腩肉已吸入湯汁精華肥瘦大小適中 啖啖肉 可讓食客整塊放入口中 慢慢細味質感「嫩、軟」咀嚼時並無多餘嘅根阻擋咀嚼時肉香散致整個口腔 帶有微酸及咸味只有南記嘅腩肉才有上幾個特點 上品南記辣醬「香、麻、辣」 為整碗米線生色不少本人認為辣醬不應加入濃湯之中 反而應該放於湯匙中將米線及腩肉沾上辣醬食用辣醬浸於湯中 不但污染湯底本身嘅味道 而且令辣醬失其原味普通辣醬只是為辣而辣 但南記辣醬出色之處在於其香濃蒜味及味道層次感 蒜蓉經過爆香 令辣醬帶有濃香進食前先令品嚐者聞其香味 進食後則先有麻嘅感覺 再有辣嘅刺激感 而整個過程會嚐出