南記粉麵

營業中

休息中

香港仔南記粉麵，我諗佢哋最出名都應該係佢哋嘅春卷，平時多數都係幫場下午茶，今日第一次食佢早餐；選擇方面唔算太多，但係有將佢哋嘅春卷擺落早餐入邊，識做咁就一於試試佢個春卷早餐。今次點呢個係鮮茄套餐，鮮茄春卷米通，配牛油餐包加炒滑蛋。鮮茄湯底，食落真係似用新鮮蕃茄煲，唔係剩落茄膏，冇嗰種腥腥地嘅鐵味，米通爽滑，口感不錯，春卷都係平時嗰啲咁樣，吵吵地又實實地，但都幾好味最緊要最緊要係咩？成碗嘢夠熱！其實炒滑蛋都有好多種，有好多種炒法，不得不提係幫你切埋、擺埋牛油嘅牛油餐包，係餐包，唔係方包；講真喺中環都食過有幾間早餐係有餐包，但係間間啲餐包都怪怪地，唔係硬就一係實，今次個供應商來貨不錯，咬落鬆軟，似返一個麵包。實話實說，喜出望外。

去呢間南記買外賣，超中伏！用南記apps網上落單，純粹買1碗米線，點知等咗1個鐘先有得攞。中途去counter想要求退錢，counter就話要打返公司申請，但係個電話號碼係冇人接聽。冇下次！

等一人外賣等了一個小時，我以後都不會再在這餐廳食。好生意可以買嘢食時同人講聲嘛，加一句有幾難，我得一小時午飯時間，排隊就已經一個小時，真係痴晒線，浪費人生，千祈唔好幫襯。

朋友哋，喺中環行累嗰陣，揾到間南記米線，我就湊熱鬧去試吓佢哋嘅招牌菜。話說，肥牛酸辣米線真係正！湯底夠哂勁，酸酸辣辣，完全挑戰你嗰個味蕾，點個中辣就已經夠晒刺激。肥牛滑溜溜，薄切得啱啱好，喺辣湯嗰下，煙韌過癮！😋仲有呢，魚肉春卷嗰個香呀，外皮微脆，裏面卻保持咗肉感，配埋酸辣湯一齊嚟個口爆浪漫，真係唔錯。若唔係魚蛋，換上魚片，軟腍腍嘅質感亦都唔錯，食落少少清新，平衡咗湯底嘅濃烈。梗係少唔到三寶嘅組合，魚蛋彈牙、牛丸軟綿綿，每嚿配料都係得嚟又唔搶戲，都算係好貼心。嚟到中環，能夠搵到咁嘅地道好味道，仲要唔洗煩選擇，嘆碗米線搞掂，實在太方便喇！而家諗返起，都覺得肚仔再叫我幫襯番次！🍜👍

下午茶時段清閑便去了南記吃魚肉春卷魚片小窩米線，讓我來分享一下我的食評。首先，讓我談談魚肉春卷。這個春卷餡料充滿了魚肉，口感鮮嫩多汁。每一口都能品嚐到魚肉的鮮味，搭配蔬菜和香料的組合十分搭配。接下來是魚片小窩米線。這碗小窩米線的湯頭鮮美，滋味濃郁。米線本身Q彈有嚼勁，融入了湯頭的美味。魚片鮮嫩多汁，入口即化。湯中還加入了豆腐皮、蔬菜和香料，增添了豐富的口感和風味。這碗小窩米線真是一道令人回味無窮的美食享受。

南記對港島人黎講一定唔會陌生，一直都深受香港人嘅熱愛，喺E 10幾年來不斷擴張，中環店就已經開左幾年🥰.平時最愛叫肥牛酸辣米線，酸辣米線係紅色嘅重酸菜湯底，揀開中辣，都算接受得到個辣度🌶️.配料方面，健康嘅話可以選擇經典三寶，包括魚蛋、牛丸等等，但邪惡之選就一定係魚肉春卷同埋肥牛❣️.南記米線喺港島已經成為一個居民熟知嘅品牌，周不時都會突然好想再食一食，以性價比嚟講算係幾高，中環來講搵到$50度嘅一碗米線，係中環平民之選👍🏻💕

本身唔係米線愛好者唔食譚仔但係食過南記嘅春卷米線就愛上咗佢嘅春卷去南記基本上淨係會叫春卷通常都係單拼 有時再加多半份總共6條春卷朋友鐘意嘅程度係仲會放工路過都要買淨春卷返去當加餸😱😱😱.湯底可以選擇麻酸辣 番茄 酸辣 麻辣 清湯 腩汁或者蠔油撈麵南記嘅酸辣湯底湯底本身有酸菜 炸醬 腐皮 芽菜 韭菜等配料小辣對我嚟講啱啱好 好開胃好適合呢啲天氣冇胃口時候食.登記做南記嘅會員可以網上叫定外賣自取唔駛等仲會有電子優惠券生日月份仲會送仙草奶茶扣埋優惠券就更抵食

「南記」近幾年愈來愈出名，分店就越開越多，雖然他們可以選擇的配料比較少，但係他們的招牌春卷和辣豬肉真心係好食，而且下午茶最平$30就有交易，簡直就係打工仔嘅褔音啊之前咁啱經過見到他們最近新推出咗芫茜湯底，但因為本人並不是芫茜愛好者，所以今次就沒有試他們的芫茜湯底，反而試咗下面那個青瓜系列的「炸墨魚丸拼青瓜」唔知點解圖片上係正常的胡麻醬，但係今次外面的是青色，雖然除咗表面嘅芫荽之外，食唔到有芫荽味，但係見到青色嗰時真係心都離一離，但食落其實都幾好食，因為青瓜配上胡麻醬，青瓜味就並不突出，而炸墨魚丸就正常發揮，只不過係比平時墨魚丸實身少少，整體嚟講，作為一道涼拌菜，的確唔錯

星期六都要返工啊🤦🏻‍♂️🤦🏻‍♂️香港做人真係辛苦返工時間又長⏰，錢又唔多💸💸咁冇辦法啦唯有月頭食豪啲，月尾食頹飯但係窮L係中環返工食嘢選擇邊有咁多吖😫想搵個頹飯都$60-70食得多頹飯都厭，有時都想食啲有湯啲野咁岩比我搵到南記，唔諗啦衝啊最後就叫左個清湯雙併河粉（魚肉春卷、魚皮餃）仲有5粒魚片頭 +埋杯廢水成為$53 抵啦平時食頹飯，野飲都未必有杯，食黎食去都係嗰個汁，返工冇時間都好食嗰方便都要對自己好啲😎😎回頭率：50%

因為年尾關係公司好忙要到差唔多兩點幾先放食飯,等咗咁耐先食飯都冇咩胃口所以去南記食個下午茶餐還,我就叫咗個酸辣米線四條春捲加魚片,因為酸酸地嘅關係,食落口有返啲胃口可以成碗食曬！

好開心今日同屋企人去咗中環嘅一間餐廳，轉系食粉面，呢一間餐廳食物超級好食，只要響中環站一行5分鐘，就會到呢一間餐廳，呢一間餐廳真係超級好食，嚟到中環嘅朋友一定嚟試吓呢間粉面餐廳，首先講吓佢嘅食物，佢呢度嘅食物主要係賣河粉米粉米線，只要你想食咩類型嘅粉面，呢度都會有，我覺得呢度最好食嘅就係佢嘅四寶河粉，佢嘅餸好足料，而且我好鍾意食佢嘅春卷，仲有個炸魚皮，個炸魚皮好脆，份量又多，而且佢嘅湯底都好開胃，如果有埋牛肉或者係豬肉，佢啲肉質都好鮮嫩，浸埋個湯配搭一流，而且佢嘅肥牛都係好好食㗎，而且呢一度出名嘅係湯底，佢呢度有四個湯底，分別係麻辣湯，普通清雞湯，佢每一個湯底都好特別㗎，所以唔同嘅客人你鍾意咩口味，呢度會配搭得到，而且價錢廉宜，唔太貴，所以我覺得物超所值啊，去中環一定要食㗎！

今日試食南記嘅芫荽蓉湯底米線套餐。自問唔係芫荽控，吸引我嘅唔係個湯底而係套餐配嘅芫荽可樂🤣好奇嘅我真係好想一試。第一啖即試個可樂，我本身唔怕芫荽陣味所以對我來講係唔臭嘅🤣🤣飲落去係有淡淡的青味，好似飲緊五青汁咁。而可樂嘅甜味令佢更加容易入口，我唔反感，不過本身唔係好飲凍嘢嘅我下次就未必會再嗌啦。至於個米線，由於係用芫荽蓉做嘅湯底，芫荽味真係好濃郁，仲有一大堆新鮮嘅芫荽，芫荽控真係一定要試呀！不過個人喜好如果啲芫荽淨係比葉嗰部份，少啲根莖部份就會更好啦。配料方面，除咗豆卜比較硬之外，豬扒皮蛋同芫荽丸味道都唔錯👌🏻同我一樣好奇心重，或者真係好鍾意芫荽的話要試試喇。😄

終於可以堂食返當然出街食挽救香港經濟啦，喺公司無聊篤篤下手機見有一個廣告，立即去試啦，食咩呢？就係芫茜豬扒麵！🎉好得人驚呀！成碗綠色，睇嚟佢張大量芫茜磨成粉做湯底，當然都有正常版一棵棵嘅芫茜，成塊豬排都充滿芫茜味，喜歡芫茜就咪錯過。再叫埋杯芫茜可樂，不得了！呢杯嘢我頂唔順，臭青味重😣可樂加入生拗拗嘅芫茜粉唔係人人飲得到。另外叫咗碗辣豬肉春卷米線都係誠意之作，由其個豬肉，少少辣夠野味👍飲埋杯仙草咖啡，滿足😋

喜歡吃粉麵的我們，今天途經中環南記當然就要來一碗河粉才繼續行程啦！這店的食客很多，要等一會兒才找到座位。下了單，付過錢後，便靜坐等著拿食物。～大雜錦河粉河粉幼滑，配料豐富：計有爽口墨魚丸、牛丸、魚丸、魚皮餃和魚春卷。大雜錦河粉份量頗大，適合男仕吃，相信女仕難吃掉整碗粉呢！～凍豆漿凍豆漿是常溫的，不是冰凍那款，有著淡淡的豆味。～魚春卷、牛丸、魚旦河粉招牌魚春卷好有咬口，味道適中，是我的至愛。牛丸和魚旦質素一般，不是我杯茶。清湯河粉不會膩，加點魚露，味道更佳。～生菜🥬煮得剛好，不會太生又不會過熟，仍然爽口。加了點蠔波，味道更突出。整體而言，這店的食物也是不錯。

聽好多人說南記好味，今日就買來試試，買了招牌番茄牛腩春卷米線外賣🍅🍜除了春卷真的好味彈牙外，其他的真的沒特別😅😅蕃茄湯底感覺不是鮮蕃茄煲出來的（味精），牛腩勁韌咬唔爛，米線正常，食完會有點口喝😳😳不過中環區$46一碗麵，這個質素是否都屬正常😂😂😂