南記冰室 (已結業)

今天外出工作。經過九龍城附近，那裡可以說是"美食街"各款菜式應有盡有。差不多到吃飯時間，又是覓食的時候。逛了一條又一條街後，見有間「南記冰室」門外餐牌的午餐，正合我胃口而且價錢又合理，於是入內光顧。餐廳內的裝潢設計有特色及光缐柔和。侍應的待客服務殷勤友善，整個午餐所有食物送上枱時間大約需時八分鐘內完成。我點了白汁雞皇飯，家味老火湯及奶茶。白汁雞皇飯，有切塊雞肶肉，椰菜，紅蘿蔔及白飯。雞肶肉，肉質嫩滑，味道新鮮，爽軟彈牙。翠綠的椰菜，爽脆鮮嫩，味道就淡了少少。部分椰菜的菜葉邊黑色好像燶熟，影響了觀感及口感。爽軟的紅蘿蔔，味道鮮甜。白飯，飯質夠腍軟，不用撈白汁也易入口。白汁用了香草來煮，食落好似好濃烈的薄荷的味道。家味老火湯是紅青蘿蔔㷛豬骨湯，味道鮮甜，真的好像飲家人㷛的老火湯般。熱奶茶，暖暖地。紅茶及淡奶比例適中。奶味重，好好飲。總括而言，白汁雞皇飯，味道不俗，雞肶肉好有口感又鮮嫩。家味老火湯，味道夠濃郁又清甜，好好飲。熱奶茶，真是有香滑濃郁的效果。

去開九龍城買Tony Wong 的cake食，行過幾個舖位就係呢間冰室啦下畫5點幾，九龍城街市上的餐廳都休市，搵唔到野食又好餓就入左呢間冰室叫左個麵餐 榨菜米+香腸榨菜同香腸都幾好味 米粉係比較幼身的湯底好淡 無乜味凍奶茶少冰走甜 但好似少奶禁 無乜奶味$37 係九龍城黎講 食飽飽 唔錯架啦！ 仲要呢個麵餐係全日供應的！

為食飽而食野九龍城呢個地方，話大唔大，話細唔細，食野既好選擇，重要不時有新舖，所以去極都唔夠。最近行經呢區都發現有幾間新既冰室或茶餐廳。而呢間新舖係較近商場既。肉絲炒麵夠脆，個常餐有D似全日早餐。勝價比都ok

同朋友去開九龍城，平時都好少去呢頭食野，冇咩錢食泰國野又唔知有咩好食，就求其入左間冰室食野了🙈星期六既六點幾，冰室都仲係冇咩人，一入去就有位坐！明明rush hour都唔使等位好開心😆點菜時個姨姨係咁講笑，好少見到啲姨姨咁talkative，好搞笑😂😂啲飯都係平均50-60蚊左右，仲有埋例湯野飲，係呢區黎講都算係好抵啦😂！食左個茄子牛仔骨飯，碟餸都幾大碟，足夠送碗飯有餘。啲茄子煮很好林，吸左少少汁幾好食，但係啲牛仔骨就冇咩牛味了😢

喺九龍城星期日食早餐係好多人！依家唔知係咪新開但係我未食過所以就幫襯下啦！好想食通粉呀所以order 咗個叉燒通粉做早餐！有個快餐可以配炒蛋或奄列！個炒蛋一半啊下次試奄列！我叉燒通粉嘅份量好大份呀！喺九龍城你講一個早餐夠＄38，凍飲加兩蚊！係非常抵呀！份量唔少味道唔錯！不過杯凍檸茶就差啲啦！冇乜茶味！另外呢度有冇缺點就係廁所冇紙巾呀！如果大家要喺度去廁所記得帶紙巾呀！我見到呢度啲午餐都好抵食！下次要試吓先！

早上經過呢間新開嘅南記冰室， 見到佢裝修幾特別真係好有舊時冰室嘅特色， 就衝咗入去食個早餐。叫咗個沙爹牛肉米配炒蛋厚多士加杯茶走， 覺得沙爹牛肉嗰個醬汁係幾好食嘅， 佢嗰張係幾惹味，牛肉都juicy ，但炒蛋厚多士就麻麻哋， 炒蛋比較乾身一啲都唔滑， 多士係凍冰冰嘅 茶走係甜到爆， 不過如果你鍾意懷舊冰室 ，入嚟食下嘢感受懷舊氣息都ok嘅。其實佢主打有其他小菜， 都有午分同晚市， 見佢個菜單一般都係七八十蚊一個小菜， 都有興趣試下佢嘅小菜好冇食， 不過就要約埋班朋友一齊嚟會好啲。

冰室𥚃的海南雞飯，味道不錯，老闆說用三黃雞做的海南雞飯，有雞味，雞滑，個人感覺53元算是超抵食，三色汁也很好，聽講係上環一間好出名海南雞飯大廚敎路，絕對要試食🤤🤤

依間冰室開佐未到一個月，早餐幾抵食，今日食佐奶油脆脆豬配炒蛋同熱奶茶，其實d面嘅湯底來幾正，有個扒餐類似allday breakfast連熱飲都係$35蚊，熱奶茶真係極力推薦。午餐同晚餐都日日換，午餐$43蚊送湯同熱飲，凍飲就加兩蚊。個人覺得午餐都幾好食，有d家嘅味道，湯都ok好飲，所以都係值得一嚟。