南角

營業中

休息中

Cafe前身係好有歷史嘅五金舗 好欣賞呢啲活化歷史嘅cafe😌 我都排左大約20分鐘 不過佢上菜都幾快 所以客人都唔會食好耐🤔炒蛋、西班牙火腿、黑魚籽酸種多士($58)想輕食可以試下佢幾款酸種麵包 都幾足料架 舖滿哂炒蛋同西班牙火腿😋😋 配西班牙火腿真係唔錯 唔會太咸但又令味道豐富🤤🤤 而黑魚籽雖然唔係太重味 但係撈埋啲蛋一齊食又幾香🤗泰式冬蔭大蝦幼意麵 ($128)意粉真係好幼 所以可能男仔就未必食得飽啦🤔 冬蔭味唔重 應該係唔睇都唔記得我係食緊冬蔭公醬😅😅 淨係有辣味同啲肉碎😟 不過蝦都幾大隻而且爽脆彈牙 唔錯😋 班蘭椰啡 ($54)基本上每枱都會叫嘅飲品 真係幾特別😍 班蘭椰汁同咖啡都幾平均 有咖啡味同時有椰汁同班蘭香味😋😋仲有埋椰子雪糕 正😍😍

自從屯馬線開通，九龍城開咗好多新Cafe，我哋就去咗試一間小復古Cafe 「南角」◭ 煙三文魚羽衣藍沙律 $88哇～呢個沙律一上枱，份量有點驚人，比我哋預期中大份，鋪滿大量羽衣甘藍，仲有切成細細粒既南瓜、紅菜頭粒等等，味道非常清新◭ 泰式冬陰公大蝦幼意麵 $128賣相好吸引嘅泰式冬陰公幼意麵，一上枱已經聞到陣陣冬陰公嘅味道，配合埋蕃茄醬，味道香辣又惹味👍🏻◭ Flat White $38 與坊間的Flat White 大致相同，奶味比較濃◭ Cold Brew $48味道較濃，不是Fruity的那種，味道比較Raw

放假行過都大排長龍，終於放平日黎試試聽朋友講以前啲店員係友善既後生女，但點解今日係個黑面阿姨帶位既😓剩係問我幾多位，講完冇岀過聲，我呆等😅腐乳帶子意粉睇食評話好伏，又未算既，不過超普通既味道，份量好細，真係唔值過百呢個價，帶子有刺身口感，但食得岀佢並唔新鮮，可以唔洗試all day breakfast 聽朋友講，已經係呢度最好食既野🤣🤣因爲係唔需要功架既野，的確係既，不過成碟最好食係塊包，煙三文魚偏腥，都係麻麻啦Coconut Dirty嘩，佢啲咖啡發生咩事？有冇試過味先？點解咖啡加落椰奶可以難食成咁？唔夾不得止，椰奶好甜，配咖啡仲好苦澀，真係唔好試終結黎講，大家可以唔洗試，去左都唔明好評邊度黎，服務麻麻，舒適度都麻麻，最重要係又貴又難食🙄

去開九龍城諗住搵間新咖啡店試下，滑社交平台搵到南角，這間由舊五金鋪變身的咖啡店裝修有特色，氣氛幾悠閒舒服，仲有幾款充滿泰式風味的咖啡都好特別。有一陣子沒來九龍城，原來南角道有宋皇臺地鐵站出口，南角咖啡店基本上就係地鐵出口對面，交通異常方便。原本的五金鋪招牌在騎樓外面，想影埋的話要行出馬路。基本上係一間影相位處處的咖啡店，平日都算多人。門口就個賣東西的小角落，有些大豆蠟燭和飾物之類。入面裝修都有少少懷舊風味，上層閣樓的招牌和窗花都有保留，外露磚牆都幾有質感，背靠大座墊都坐得幾舒服。環境都幾通爽光猛，座位就唔算好多，午飯時間會滿座。天花保留斑駁痕跡。午市有套餐可以揀，當中都有一個芝士番茄酸種包係無肉之選，價錢包埋飲品算合理。另外都見到有個素全日早午餐，看內容蠻吸引。輕食有多款甜點揀，仲有健康仔乳酪碗。特色飲品有椰子奶咖啡和斑蘭咖啡，不過都係凍飲我就放棄左，養生寶寶唔飲凍飲。櫃台見到英式鬆餅。Flat White HK$38咖啡又唔算貴喎，現今的文青咖啡都要四十幾蚊起碼。飲起來都幾算口，有咖啡香又未至於好濃烈，屬大眾化口味。店後方有這個懷舊影相角落。廁所在後園，室外仲有兩個座位。搵日再過來九

這家餐廳在九龍城南角道獨特的裝修，帶有懷舊的感覺狗狗友善餐廳 pet friendly restaurant 狗狗 可以坐外面店員都好親切友善點單要進入櫃面點餐或者有qr code點單點完單店員會幫你送上食物🍝肥妹🐶 都好乖坐在外面不會吠坐在旁邊打呵欠🤣🤟🏻我點了一個lunch set 煙三文魚羽衣甘藍沙律班蘭咖啡☕️-當中咖啡中的班蘭味道是因為加了班蘭糖漿，非常特別！📍南角 (九龍城)九龍城南角道3號地下3號舖

成日都見呢間Cafe有人打卡，經過都會見到門口有幾個人排隊，今日早咗到九龍城，唔算好多人排隊，所以就排埋一份，大概等咗10分鐘左右就可以入座。餐廳嘅裝修保留返舊有嘅鐵閘閣樓同埋麻石牆，再加入一啲新式嘅簡約設計，係一間幾有特色嘅Cafe。但係環境係比較擠迫嘅，枱同枱中間係得比較近，相對地都比較嘈雜。🍝Tom Yum Kung Angel Hair $128我明明睇人哋啲相，人哋嘅擺盤係勁靚🤔冬陰功嘅味道其實唔算突出，反而似墨西哥蕃茄醬意粉，蝦有四隻，都算彈牙嘅。🥗Veggie Brekkie $98 平時都係食開有肉嘅ADB，轉下口味食個素嘅，配搭係蕃茄、蘑菇、炒蛋、沙律同乳酪，佢杯乳酪整到好似小丑咁🤔水準正常，較為特別嘅就係佢用芝士代替咗肉類，芝士同埋酸種麵包加埋一齊係幾好食嘅☕️Iced Cappuccino $42☕️Coconut Espresso Dirty $44咖啡嘅水準算正常，反而杯Dirty 口味自己唔係太接受到，可能真係個人口味嘅問題。總結：食物質素正常，但係偏貴。如果揀一個人流比較少嘅日子嚟可能會比較舒服。當日我就坐得比較近open kitchen嘅門口，其實用餐嘅期間

去到weekend 當然係覓食時間啦😋可惜颱風拎走左我一日可以周圍食嘅機會😅一落波，就走出去🏃🏽‍♀️有左屯馬線真係好開心架😂可以好快就去到九龍城😆呢多美食嘅地方，今次揀左活化戰前唐樓嘅一間Cafe😎❣️忌廉腐乳醬帶子闊面😋好惹味，又唔會好咸，帶子係剛剛好熟👍係坊間好少食到呢種味道，望落唔多但好飽肚🤓❣️椰子味Dirty, 我真係好鍾意飲dirty😂呢到係用椰子奶，感覺好特別，重點係啡味仲係好出呀😍飲落又好fresh😃（職員仲好細心係落order 個陣有同我講👍唔喜歡椰子朋友，可以轉普通奶架🤗)❣️呢個建築物係活化歷史嘅唐樓，坐入去好有一種現代但又可以欣賞舊時建築物嘅感覺🏠❣️香港人應該要珍惜呢種地方去回憶💚💚💚💚

一路聽身邊朋友都話呢間嘅咖啡店好唔錯 但實在太少專登入九龍城 今次終於有機會試到🤪整體都好滿意😍環境同裝修走懷舊路線 樓底好高 坐得好舒服~~最可惜嘅係繁忙時間限時 如果唔係應該可以再坐耐啲🤫-☕️Cold Brew ($48)佢使用嘅咖啡杯真心好靚 同半路咖啡一樣都係有大量懷舊款式😆而且個cold brew我幾滿意！飲落好清爽 以前帶微微果香 但又完全冇我唔鍾意嘅咖啡酸味😝-🍞Smoked Salmon cream cheese on sourdough ($60)煙三文魚嘅份量都幾多 不過就比較碎片啲 唔係大大片嗰種 但最重點嘅係好喜歡佢嘅sourdough😍一來厚切對我黎講好加分 口感好好 二來佢個邊係烘脆左 內裏非常軟熟 帶煙靭口感 想就咁買佢嘅sourdough嚟食🤪

宋王臺港鐵站出口旁邊的南角，直接以店舖地址為店名，將戰前建築重新裝潢，保留當年五金舖的事物，亦加上盛行的木系和水泥裝潢，達至新舊共融。特飲之一的斑蘭椰啡，以 House Blend 咖啡配上椰奶、斑蘭醬和椰子雪糕，濃濃的南洋風情，是杯透心涼而不過膩的夏日特調。

自從屯馬開通真的很興奮之後🤪放假去九龍城附近搵食，順便explore下呢個舊區嘅歷史，感受下呢度好有舊香港特色嘅氛圍。今次就去咗係正宋皇臺站出口嘅cafe 南角，前身係一幢歷史悠久嘅五金舖，店舖裝修融合新舊特色，既保留咗舊建築嘅鐵閘、招牌、牆身等，亦加入現代cafe嘅簡約風格，兩者結合又唔會覺得突兀。除咗環境，呢度嘅餐牌都有好多款中西合壁甚至揉合其他地方特色嘅選擇😗忌廉腐乳醬北海道帶子闊麵中西合璧嘅代表，結合咗西式pasta嘅煮法，醬汁加入港味濃嘅腐乳，仲有帶子。帶子分量甚多，上菜前淨係輕輕火炙過，幾鮮甜😋闊條麵夠al dente，幾掛汁，醬汁只係帶輕微腐乳鹹香，略嫌唔夠濃郁😅😅畢竟叫得呢個pasta就係想感受濃濃腐乳「香味」嘛～另外配菜都可以豐富啲，例如加啲露筍／蘑菇，咁食落就無咁寡。班蘭椰啡Weekday lunch set本身包咗基本嘅茶或咖啡，想飲特飲就原價減$10。呢個班蘭椰啡係呢度signature，將普通嘅latte加入班蘭糖漿同一大球椰子雪糕🍨東南亞風味出晒嚟。飲落味道都唔錯，有幾明顯嘅椰子香味，不過撈勻底下嘅斑蘭糖漿之後班蘭味都唔係太覺，有進步空間。人均消費：$180

要去九龍城做啲嘢 ，經過南角道，見到一間外面裝修懷舊嘅餐廳，既然肚餓就走入去食嘢，試下佢哋啲食物會唔會一樣係咁懷舊。 睇到餐牌，發現都係新穎嘅食物，於是最後叫咗個忌廉腐乳醬北海道帶子闊麵， 加多個乳酪做甜品。講真，闊麵味道超難食，乳酪又過份酸， 到咗夜晚仲要 可能係因為呢餐搞到有啲肚痛。 由於第一次未能impress到我，相信 短期內經過都未必會再行入去。

美好的一天。從南角開始.怡順榮與南角新舊並存,在同一個空間裏毫無違和感新舊之間展現完美中的不完美 완벽해 ...☕️沖繩黑糖豆花飲有驚喜的一杯，拌勻後更好飲, 豆花令整杯變得有層次,口感更豐富☕️凍斑蘭椰啡 (椰子雪糕)椰子雪糕細滑, 椰奶好突出, 整杯帶有九龍城獨特的東南亞風味🍴法式煎多士 表面的厚焦糖再加上椰子雪糕𝗧𝗲𝗺𝗽𝘁𝗶𝗻𝗴 🍴忌廉腐乳醬北海道帶子闊麵沒想到忌廉腐乳醬可以如此𝗠𝗮𝘁𝗰𝗵 個人幾喜愛🍴煙三文魚忌廉芝士酸種多士

自小在九龍城區附近長大，見證呢個舊區的改變。第一波衝激係1998年啟德機場搬去赤鱲角，高度限制放寬，很多舊樓被清拆建成高樓大廈。好彩廿三年來既改變未至於面目全非，除左九龍城廣場同太子道西外，區內連鎖店不算多，都仲係充滿潮州味泰國味糖水味同街市味，買既嘢食嘅嘢加埋個份情懷係大商場替代吾到。第二波衝激就是今個夏天開通的屯馬線，宋王臺站延伸到九龍城，會否加速呢區既士紳化？舊樓會否加速清拆？業主會否瘋狂加租令小店結業繼而連鎖店進駐？舊區的歷史文化會否褪色？於我而言就真心希望唔會喇！屯馬開通最興奮的應該是業主。宋王臺台站兩個出口開在九龍城南角道，出口旁成段南角道的舊樓已經清拆成為地盤，兩年後將會有高聳、奪目、華麗的「豪宅」落成。不過，新有新嘅吸睛，舊有舊嘅內涵，你睇八月尾完成復修嘅中環街市，日日人山人海，就知道老舊事物都有佢嘅魅力。正正就係南角道不日推出的豪宅對面，有一幢夾在夾縫中的戰前唐樓，經已丟空多年，但兩個多月前地舖卻開了一間coffee shop，直接取名「南角」。騎樓柱、大露台、樓頂雕花石牌、門口的通花鐵閘、金漆掃上「怡順榮」的古老木牌匾、牌匾後的木欄柵及閣樓、麻石牆身…….像一個老人

終於有時間嚟嘆杯咖啡，襯今日公司中秋節放早，即刻約老公去。好彩等咗陣就有位，見到keep住都有人出入，好熱鬧。斑蘭咖啡，目標明確，我嚟係為咗呢杯咖啡。底部係斑蘭糖醬，同咖啡好夾，甜度剛好，香濃咖啡味配上清新斑蘭味，頂部有椰子雪糕，雪糕加咖啡又係另一種享受。其實我覺得仲有少少進步空間，斑蘭味可以再多少少，冰就一定要減，太多冰，無足夠位置去均勻味道。朱古力，濃濃朱古力味再加上朱古力雪糕，無得輸，不過又係太多冰，想食雪糕嘅時候就係食到冰，冰嘅份量可以少啲，或者下次叫少冰試吓先。炒蛋、西班牙火腿、黑魚籽酸種多士，因為未食lunch又唔想食得太heavy，就叫咗多士。蛋炒得好滑而且份量多，配火腿同黑魚籽嘅咸味剛剛好，如果多士可以脆少少會更好。

見佢開業咁多人打卡就試下啦食咗個「忌廉腐乳帶子闊麵」，其實個味唔伏嘅，你係重口味都應該OK不過今日唔雨佢啲冷氣又大，但個意粉就凍嘅，好似「丁都唔丁下」咁（當然呢個價錢唔expect佢丁）好啦飲個美試啡，點可能酸㗎？茶記仲好過佢服務係OK嘅，一般café咁#冷氣大唔係問題#女厠冇勾係個缺點