南海一號

營業中

休息中

訂了窗邊位置和家人冬至聚餐，最低消費是每枱2000元，但就景觀而言，不算太吸引，亦因為在窗位放置了兩行餐桌，感覺有點擠迫，用餐過程中我的椅子被職員踢到不下5次。餐前小食是口味極重的蝦片，味道很咸吃後非常口乾。5人晚餐，點了兩位和牛套餐和3位鮑魚套餐。但由頭盤開始我便一直奇怪，和牛套餐的每道菜都是每人份量上枱，但鮑魚套餐卻都是3人一碟上枱，不但吃起來不方便，而且就3人來說份量偏少。我本身不吃牛，終於等到了主角鮑魚，見侍應在一旁分碟，端上的鮑魚伴菜竟然是2條尾指大小的西蘭花，令人無言。再主菜之後的一道是蔬菜，兩種套餐都是碟上，但份量竟然是2人餐比3人餐更多，向經理查詢，最後他請廚房換了一份比較大的給我們。整晚用餐的體驗比一般集團酒樓的水準高不了多少，包括食物味道和服務水準，也令人非常失望。連同茶芥（小食）收費，最後結帳是人均800元的晚餐，根本談不上有CP值可言，絕對不會再光顧，亦不推薦朋友來嘗試，無不論集團酒樓或者一些小店私房菜，食物味道和服務質素都高太多了。這個價位的晚餐，結果掃了家人的興。

今日11:30到左食任食點心放題，乜都有d，味道大致上可以，比較好食嘅糸黑松露素粉果，几香，脆皮素春卷，好脆好鬆化，蜜糖薑汁糕啲薑味好重，話梅石榴d話梅粉好好味，d石榴亦都啱啱熟，辣子雞球都幾好，其他食物就普通，90 分鐘有少少趕

今日放假去尖沙咀行街買聖誕禮物，血拼前朋友想舒舒服服咁食下中餐，所以我哋就簡左南海一號。店員安排咗窗口位比我哋,除小小曬之外，可以欣賞個靚海景又真係幾舒服。坐低見到呢間可以揀任食點心或者單點，我哋就簡咗任食，可以試多幾樣唔同嘢食。點心來之前店員每人先上咗一杯茶，望住個海景慢慢嘆，完全視覺享受，另加錢叫了杯芒果特飲，甜甜哋的梳打芒果汁很開胃。因為大家都肚餓，所以以食物一上檯就秒清，我哋冇全部影相，叫咗招牌燒賣，晶瑩蝦餃，上湯水餃，山竹牛肉球，豉油王炒蝦米腸粉，葡汁鱈魚酥，脆皮素春卷，芝麻綠茶餅，杞子桂花糕，話梅石榴，鮮果咕嚕肉，上湯浸時蔬，辣子雞球，椒鹽魚條，同埋干炒肥牛河粉。每樣試少少已經好飽。所有蝦嘅點心，例如蝦餃，燒賣，菜苗餃嘅蝦雖然細細只，但都非常彈牙。葡汁鱈魚酥，脆皮素春卷。芝麻綠茶餅個皮熱辣辣，脆卜卜。極之好味，葡汁鱈魚酥食落冇乜特別，似普通咖喱角。乾炒牛河炒得乾身食落唔算肥膩，仲有濃濃的牛香味。而豉油王腸粉就冇乜特別，如果啲腸粉炒多一陣再入味啲就會更好食。菠蘿咕嚕肉就幾好食，酸酸甜甜，多汁得嚟又夠脆皮，好好味。石榴加咗話梅粉甜酸適中，食完點心可以消滯解膩。杞子桂花糕好香桂花

生日去了南海1號慶祝食了午餐點心放題，用了很開飯網優惠訂位星期日$198+$20+10%.但去到服務員說荃星期日不適用，統一收費：$218+茶芥+10%但無所謂，最緊要佢留單嘅情況好嚴重，說就90分鐘限時食，但留單已經第二次我再點時候他說已經差不多截單，因為這店客人太多，所以留單情況真的好嚴重，至於食物方面，我之前食嗰一次OK唔差，但今次食物已經下降了很多尤其是辣子雞完全唔好食，菠蘿咕嚕肉，海鮮炒飯。。。。。真的很一般，所以我應該唔會再去了

訂咗11:30PM點心放題.空定個肚諗住食到飽.點知？首次落單 咕嚕肉,蝦仁炒蛋,蛋角,馬拉糕等.…重點係我仲有落12粒蝦餃,燒賣10粒.都唔係多啦.1籠4粒.3籠左右.等咗10分鐘左右,結果嚟得一籠2粒蝦餃兩粒燒賣.其餘嘅咕嚕肉蛋蝦仁炒蛋等份量又少.唯有落第2次單,10粒蝦餃,8粒燒賣,炒飯.結果又係嚟得2粒蝦餃,2粒燒賣.炒飯仲超快到“添”,仲快過d點心到.第3次落單,8粒燒賣,8粒蝦餃.結果又係嚟得2粒燒賣,2粒蝦餃.last order諗住試下唔叫燒賣.净叫6粒蝦餃,最後又嚟得2粒蝦餃.所以佢哋係特登嘅.無論你寫幾多,佢哋都係嚟得2粒俾你食.我唔知其他人俾正價,會唔會有4粒食？定係成個籠咁大,又俾得2粒人哋食？有冇攪錯？不如呢個唔好叫點心放题..叫小菜放題.人哋order咁多點心,你净係俾得果幾粒我食.當我”乞兒”呀？限住人哋食,咁“沽寒”,唔好學人做點心放題.叫果d蛋角,炒飯等永遠咁快就到,想用d大件嘢填飽人哋個肚,唔俾人食點心.d燒賣,蝦餃又超細粒又唔好味,個size就係同超市買嘅差唔多大,分分鐘仲細d“添”.真係要讚你d師傅好嘢.造到d咁細粒嘅點心.$l98茶位加一.to

滿以為以南海一號的名堂，期望是一間很不錯的食肆，誰不知第一次惠顧，卻帶來了失望又失望～我們選擇了任點任食點心放題，點心質素很一般，味道跟一般酒樓一樣，沒有帶來驚喜之外，其中葡汁鱈魚酥的味道簡直與吃咖哩角的味道一樣，不知為何叫“葡汁鱈魚酥”？奇怪的是只提供一款茶葉而沒有任何其他選擇？部分服務員的態度並不友善。所以這次算是不令人愉快的體驗，結論是：再不會惠顧了。

今次是第二次去、上一次己是上年較多人。食譜冇變及優化。今日下午茶三點大量空位。腸粉略涷，炒飯又不夠熱、米粉多油！最後討厭是另侍應成日騷擾提你快夠鐘，當D客乞丐一般！感覺不佳！中伏！似乎二百五元真不行！建議俾多小小去九龍酒店或 hotel ! Service 也重要！食物又差左好多！什麼也涷冰冰

南海一號做緊午市點心任食套餐🥟想食下點心又想chill啲，iSQUARE 30樓即係高處歎住海景食點心，落地玻璃設計採光非常好，坐擁270度維港景色就算食物唔算突出，淨係個環境都值呢個價錢，值得一讚既係服務態度唔錯🤵🏻‍♀️用餐時間90分鐘，每位$198，星期六、日及公眾假期加$20，總共有14款點心甜品、10款小菜、4款粉麵飯選擇，食物質素一般。當中比較推薦既係蜜糖薑汁糕、家鄉炒米粉、黑松露素粉果、滑蛋蝦仁🏻蜜糖薑汁糕熱辣辣，食落煙韌薑汁味濃；家鄉炒米粉炒得夠乾身；黑松露素粉果有淡淡黑松露味，粉果皮有咬口。而蟹子燒賣、蝦餃、山竹牛肉、脆皮素春卷、欖菜四季豆、葡汁鱈魚酥、辣子雞球等都係中規中矩，比較失望既係陳醋雲耳、沙嗲京蔥牛肉、芝麻綠茶餅同黑糖馬拉糕🏻馬拉糕奶味太重，冇黑糖味；沙嗲京蔥牛肉冇沙嗲味

昨晚去食，7點已經冇燒鵝又冇片皮鴨！唔知以為要預訂！食物質數唔太差嘅景方面，一般啦，D窗太密影響景觀咁散叫其他野食啦，到埋單又收片皮鴨嘅錢咁都會攪錯？埋單9千，唔算性價比高，冇下次😂呢間野真心唔掂！

喺OpenRice見到餐廳嘅秋冬精選套餐， 當中嘅魚翅鮑魚餐都幾吸引，難得套餐入面每個餸都啱食，就諗住去試吓我哋預早幾日book枱，仲有 window seat，維港夜景真係冇得輸。前菜係口水雞同埋拍青瓜，口水雞係幾正，啲雞入味又滑。之後就係蟹黃翅， 好香好正好足料。飲完翅就到炆鮑魚同埋蒸石斑球。蠔油炆帶出鮑魚嘅鮮味出嚟， 但係XO醬配斑球就普通啲， 斑球變咗斑片，切得太薄。完咗海鮮類就到花雕醉鴿同埋竹笙青菜。 醉鴿嘅份量兩個人食啱啱好， 鴿肉滑酒味香， 而竹笙青菜就可以一掃油膩感。食中餐又點可以冇飯呢，龍蝦湯泡貴妃飯果然係 推介菜式之一。 前面已經食到好飽，諗住會食唔落呢個泡飯。但係個泡飯真係好香好好味，最後都成碗食晒。 最後嘅精美甜品係南瓜佬，佢入面有珍珠。另外 額外加咗杯 Susie Wrong cocktails ，可以揀有酒精定係冇酒精 ， 你杯嘢飲都幾fresh，配中餐合適。 個杯型特別，飲完之後佢會幫你拎個杯去沖下水， 比個袋你拎走。成餐飯嘅服務都唔錯，人手充足，上菜速度夠快，每個餸上到嚟都係熱嘅。

早前趁母親大人生日，到訪星級中菜——南海一號，曾連續兩年入選米芝蓮星級推薦 ⭐️ 近年餐廳人氣稍微下降，十年人事幾番新，何況生在以嘴刁著稱的香港，是次透過 OpenRice 訂座，以 $350 享用原價值兩倍的套餐，另加 $200 就可加點葡萄酒一枝，不容錯過 😛 此優惠限期至 10 月 31 日，但餐廳不時進行推廣優惠，同期推出的買 3 送 1 生日套餐同樣超值 🎂甫步入餐廳，已被窗外景色牢牢抓住目光，採用全落地玻璃設計，上下兩層打通設計空間感巨大，近距離俯瞰維港夜景，讓人瞬間放鬆 🌃 菜品非一般行貨，在美味的基礎上發揮適量創意，當中不乏鮑魚、和牛等矜貴食材 ✨ 10 道菜中片皮鴨及古法蒸虎杉斑略為遜色，其餘表現不俗，仍非常值得一試！🍽 菜式推薦‣ 九層塔鮮鮑魚煲｜𝐎𝐫𝐢𝐠𝐢𝐧𝐚𝐥 $𝟒𝟑𝟖超高質五星推薦 🌟🌟🌟🌟🌟 材料只有寥寥數項，味道卻異常複雜富層次，白胡椒嗆辣、鮑魚彈牙鮮美，配上九層塔獨特的香氣 🌿 濃郁惹味中滲出一絲東南亞風情，完全無可挑剔，單一道菜已值回票價！💯‣ 金盞和牛菘｜𝐎𝐫𝐢𝐠𝐢𝐧𝐚𝐥 $𝟐𝟔𝟖坊間生菜包多使用免治豬肉，此菜式聰明之處在於廚師將牛肉切成約 1 厘米丁

10人慶祝生日飯，雖然要分開兩枱進食，但兩桌位置靠近，而且安排了海景位置，當晚盡在夜景之下享受晚餐，十分滿足。1。蜜糖脆芋絲，話梅石榴2。蓬萊炸素鵝3。脆皮BB乳豬4。香燒乳鴿5。花膠黃耳羹6。大閘蟹7。三蔥鮮鮑魚8。古法蒸虎杉斑9。芝士蟹肉炒飯10。杏仁茶湯丸Remark : 以上套餐提早訂位及付訂金，可任飲白酒，紅酒和橙汁及免加10%Comment : 最後晚膳因為服務生與廚房欠缺溝通發生了小插曲，什麼事就不說了，經理也妥善解決。我就想說一間米芝蓮高級餐廳，某 些錯誤是不可能發生的，希望下次再光臨可有改善。大致上食物質素相當不錯和環境很有氣氛。

秋天嘅感覺話嚟就嚟，除咗即刻搵番長小小厚小小嘅衫出嚟，就係開始見到蟹🦀出現！我承認我懶，最好咩都準備好，我只需要專注食就得啦🤤是日晚餐，嚟到南海一號，正，有個set咩都搞掂哂。雙葱海鹽焗奄仔蟹，味道剛好，膏濃，蟹肉小咸幾突出，蟹開哂整好哂，拎嚟食就得。香茜菜絲魚蝦蟹粥，淡淡鮮味十足，肉夠粥入哂味，我麻麻芫茜，但我覺得小小地配得好。鮮蟹肉元貝蒸滑蛋，蛋滑，繼續鮮味爆發🦀百花炸釀蟹鉗，粉薄蟹滑而且好多，呢個蟹鉗很可以（我呢其實好鍾意食炸蟹鉗）脆皮BB豬，皮勁脆，肉唔係薄薄der海底椰花膠燉竹絲雞，一飲湯，喉嚨落到胃勁舒服，反而呢啖湯令我開咗個胃，好豐富燉得好夠味。湯渣好多，當然夠哂淋，入口就融。青芥末螺花，其實係前茶，青芥末確實有開胃，青瓜爽葱油淋香妃雞，呢道有驚喜（去飲食到雞通常食唔到），雞滑唔再講，爆葱味令雞味提昇，不得了，我都係咁食。最後甜品，桂花糕玉棗糕，冰火完結。我哋揀咗飲白酒，食到飽住走。係角落頭呢個位正，浪漫自成一角。以前上過嚟去飲嘢，個景無得輸，不過疫情關係範圍無之前咁大，但戶外仍然有🙂

男朋友生日，提早預訂左南海一號食晚餐，可惜忙中有亂，唔記得訂望海景嘅位，不過都安排左好舒服嘅沙發位比我地，都算望到靚景。叫左個二人套餐，包括前菜、主菜、中式糖水，套餐優惠叫左cocktail ，每杯$50，同男朋友一人一杯，個杯仲可以拎走，好靚～右手邊嘅就係杯 cocktail ，裝酒嘅容器係旗袍陶瓷，走果時可以拎走，仲比埋袋仔我地裝住。圖中大蝦炸到好脆，殼都可以食埋～～～餐廳附有Bar，野食未到果陣就出去望下，景色優美。食完都可以出去望下，夜景又唔同左～～靚靚前菜：因為其中嘅主菜係食乳鴿，但本人唔食，故改加一項叉燒做前菜取代。前菜不過不失，令我驚喜嘅係口水雞，雖然辣味不多，但雞味幾出，略有驚喜，👍上菜速度Okay，但略嫌催客，有啲未食完就拿拿臨上第二道。👍景色靚👍野食味道不俗👍價錢合理🥲服務態度麻麻，入門口果下叫叫人填紙到帶位都覺得感覺麻麻，叫人填紙果下完全無禮：喂 填左紙先，咩事咖？有無訂位咖當時只係1800，入座客人少，亦無人排隊，覺得食景多過食食物同服務。雖然想有第二次，但諗起門口果位職員嘅態度令我有少少卻步。

今日放假同屋企人3個人黎呢度食點心放題......諗住點心應該都OK啦唔會差得去邊......點知中大伏!!!啲伊面凍嘅......燒賣蝦餃勁細粒......水餃一食就知係灣仔碼頭......咩炒蛋蛋角個啲仲衰過屋企工人煮......咕嚕肉酸到癲......比較落到口嘅係炸子雞同豉油齋腸粉......真係唐記都好食過佢完全係好似佢係入面訂啲公仔點心出黎就算數...千其唔好黎食點心放題啊!!!!!!!!!!