南昌咖啡麵 (已結業)

大家唔好以為女生們下午茶一定要去食tea💕好多懷舊冰室價錢好平都坐得好舒服😉呢間冰室望落去有啲似studio，地方都好乾淨企理。我叫左王牌煎蛋叉燒通粉，升呢鄉村咖咉多士，當然唔少得要嗌番一杯凍奶茶🤤，自己覺得奶茶幾香幾滑，不過奶味就可以再濃d! 三樣野加埋都係$60，價錢真係好大眾化！如果經開深水埗嘅朋友記得試吓~最重要嘅係呢度嘅場地好有以前香港特色味道，女仔們食嘢之餘仲可以影吓相打卡，傾計都係一個唔錯嘅選擇🙈

深水埗搵食 見呢間面店裝修靚有懷舊 feel 落雨濕濕食野都唔覺辛苦環境舒服 就入去試試面店入面仲有電視 可以一邊睇住愛回家 一邊嘆米線個嫩雞米線 啲雞好滑 而個牛都ok 係d 分量比較少值得一讚真係員工有禮貌

女女每逢星期六上完興趣班，都會同她去搵食。今日我地就選擇了這間新開不久的茶餐廳。裝修精緻，有文青feel，坐得好似去左cafe咁舒服。店員好有禮貌，讓顧客感覺舒服。叫了全日餐同上湯白菜仔，叉燒通粉好巨型，通粉唔會太淋岩岩好。白菜仔之前有食評話苦，我呢碟就問題,個上湯仲幾好飲添，哈。呢餐晚飯60蚊落樓，所費無幾，兩母女已能吃飽飽，值得推介。

餐廳：南昌咖啡麵 (深水埗)地址：深水埗汝州街190號地舖深水埗區出咗名係窮人福地，無論買嘢定食嘢，只要係呢區消費基本上都係平靚正。今次去到汝州街，見到有間南昌咖啡麵都幾多人，門口睇餐牌見到食物價錢又好平（$2x-$4x不等），所以就入咗去呢間餐廳🤓精選飯餐 秘製肉燥滷肉飯 $42呢碟飯有大概六舊厚厚嘅滷肉🤤 滷肉嘅比例係2/5係軟骨，2/5肉，同1/5肥膏。成舊滷肉都唔會好痴牙，好容易咬得開，入口即溶，鍾意食軟骨嘅人一定係會將成舊軟骨咬碎食埋落肚😍肉燥醃製完之後偏咸，不過撈飯食都還好啦，汁都要隔開唔好撈哂，如果唔係就太咸了😂😂😂上湯白菜仔 $18上湯唔會好濃，唔似係雞湯，不過白菜仔浸完上湯之後帶少少苦味🙈唔知係湯嘅苦定係菜本身苦呢？下次可以試下腐乳唐生菜，希望會有驚喜比到我啦🥺

路過見隔離咁多人，呢間唔駛等就入左黎。叫左全日餐B煎蛋叉燒通，下午茶c餐麻辣牛肉煎蛋三文治。全日餐跟果個牛油多士好美味。下午茶餐既三文治原來無烘底，如果烘左就正。微辣幾好味，不過有d旦瞉！

窮遊香港-深水埗高質豬潤麵.今日講下深水埗南昌咖啡麵我係因為望到 咖啡麵？咖啡味既麵？價錢算平 又大碗 即刻去食下點知原來 係南昌。咖啡。麵完.今日食左個⭐️麻辣牛肉米線$34 唔錯但今日重點講下佢地招牌⭐️清湯豬潤米線$32（餐牌睇圖）.講下同譚仔分別啦.呢間茶餐廳 😋豬潤方面真係高質既一碗大概5舊 👍🏻厚切 👍🏻勁爽👍🏻軟嫩有口感 👍🏻唔腥（🤔相比譚仔叫親套餐 薄切 又老 又粉 差好遠）👌🏻清白湯 方面都比譚仔好（譚仔清湯真心太淡唔甜）👌🏻似係魚湯？清清地 小鮮甜 唔錯.⭐️住開呢頭 鐘意豬潤 可以一試～.#南昌咖啡麵 (深水埗)地址：深水埗汝州街190號地舖.⭐️評分：味道：4/5 單講豬潤4.5分環境：3.5/5服務：3.5/5抵食：4/5

深水埗最近多左不少新餐廳，本來諗住去食馬來西亞菜，但見到太多人等位，T先生就話去新開餐廳—南昌咖啡廳。由於新開唔係好耐，人流唔算多，坐得幾舒服，同埋唔駛同人迫🤣🤣我地試左叫左個南昌全日餐，有沙爹牛肉撈米，沙爹味幾突出，有小小辣，套餐仲有塊大件牛油多士，同埋跟餐帶杯飲料。我地仲叫左麻辣金錢展，麻辣味好香好濃味，但又唔會太辣，牛展好爽口，喜歡濃味的朋友不妨一試；最後雪山金磚是值得推薦，即叫即整，用麵包糠包住麵包再拎去炸。麵包表面炸得黎唔多油，但內裡卻炸得好脆，與雪榚簡直是絕配。

<深水埗好味豬潤>🐖呢間南昌咖啡麵 同平時深水埗 d食店類似 主打粥粉麵 仲會有多士 之類野食 入面燈火通明 環境可能因為新開既關係都幾舒服 唯一扣分係有個等外賣既食客喺門口吸煙 d煙係甘吹入黎 老板冇叫佢行過 d 😒 但野食方面都唔錯既 🍴升呢鄉村咖咉多士 18 蚊 🍞我唔知佢點樣升呢， 基本上個樣同平時既咖咉多士一樣 我懷疑係上面既醬好多既關係🤣 甘佢個醬又真係整得唔錯 椰香味夠 仲有少少蛋甜味 🥚 多士偏薄少少 所以連甘多醬食落好軟淋 個人建議食呢個要配埋咖啡同奶茶先正😍🍴招牌生滾豬潤麵 32 蚊🐖🍜既然寫住招牌甘就試下啦。 佢係用左普通公仔麵 所以唔夠爽彈既🍜 但豬潤成五六舊 件件都厚身 甘樣食落好爽 完全飛走哂血水味 製作用心 入面軟淋 🐖配菜 有比較煙靭既腐竹 juicy既芽菜同薑花 🌿 點 d 辣醬仲正 甘既價錢算係甘 雖然同我食過最好食既漢發豬潤有少少距離 但佢已算係中上 (唔好問我維記 . 簡直垃圾 冇得比🤨)凍飲貴左 d加凍飲要10 蚊，但佢既凍奶茶奶香都幾夠 茶味都有 係唔錯既🙂#西多士 #咖咉西多 #多士 #豬潤 #公仔麵 #豬潤Score

食過早餐同晚餐先講講晚餐先叫左全日餐，王牌煎蛋叉燒通粉，湯底幾夠味喎通粉都好多，但叉燒麻麻地有 d un 牛油多士有成一塊甘多牛油味唔太香的！其實配半塊多士都夠食啦 不如配其他野仲好 一片火腿都好啦其實好想叫埋雪山金磚食但自己食左成塊麵包，再叫幾舊炸麵包黎食好似好誇張 ,係甘食包芝士雞翼都ok 啦，但唔算好香濃既芝士味麻辣金錢肚又正喎，30蚊好抵果隻麻辣味係好香 , 但唔會勁辣唔食得辣既朋友都食左幾舊份量好多！好好食呀------------------------------早餐篇: B餐既珍珠帶子火腿粒通粉配多士其實怪怪地個配搭珍珠帶子得幾粒仔，火腿係用火腿粒，無味的跟住又係配一塊多士，個餐好鬼dry下次唔會再食早餐 ~佢D早餐好唔吸引

深水埗真係好多特色小店！連茶室都咁得意👀👀 呢個金磚好推薦❤️炸得香脆又唔油(^^) 配上雪糕食冰火天重天咁😂😂😂 主食都好抵，30幾蚊就有碗麵，份量適中👍🏻👍🏻👍🏻💁🏻‍♀️ 撈米粉第一次食，又幾夾👅沙爹味突出，小小辣⭐️🤤 #hk #hkfoods #hkfoodie #hkfooddiary#hkfoodblogger#hkdessert#soup#hkig#goodwest#hkfoodies#hkfoodporn#coffee#南昌咖啡麵

南昌咖啡麵位於深水埗汝州街，與同一街道南昌冰室是姊妹店。南昌咖啡餐牌較為簡單，主打麵食及多士類簡餐。居於深水埗的朋友極力推薦，今天路過便來嚐嚐。點了南昌麻辣嫰雞米線(走雞肉)，湯底不算油膩但辣勁十足，沒有過鹹的問題。米線煮得剛好，帶彈牙口感。麵上的蔥段刨成幼長絲，清新爽脆，吃起來口感一流，小處中見真章。南昌雪山金磚有別於普通茶餐廳的西多士，沒有甜膩的糖漿，也沒有邪惡的牛油。金磚即叫即製，表面裹上麵包糠，炸得非常熱辣香脆而不帶半點多餘油份。內裡的麵包保持乾爽軟綿，吃起來竟然感覺輕怡，是近來吃過最美味的炸物。熱辣辣的金磚蘸著冰凍的雲呢拿雪糕同吃，冰火交纏，衝擊味蕾。熱奶茶茶味與奶味平衡，喝下順滑不帶苦澀，筆者其實不太懂分辨港式奶茶的優劣，總之這個喝了胃子不會感到不適吧。不得不提，這小店的服務不錯，店員不多言但有禮貌。男店員見到枱上的紙巾快用完，就悄悄地更換了，感覺非常貼心。南昌咖啡麵食物質素與服務都相當合意，必定會推介其他朋友一起再來。

#南昌咖啡麵 (深水埗)深夜放毒 ☠️☠️☠️其實我都幾鍾意食茶餐廳😍😍有時食下啲香港傳統小食又係另外一番風味😉😉😉叫咗芝士炸雞翼 🐣🐤🐥🐤🐣🐥雪糕紅豆冰 ⛄️⛄️⛄️西多士 麻辣肚絲等等🐮🐮🐮🐮🐮佢杯紅豆冰係我近期飲過最高質嘅紅豆冰好正😍😍呢度環境唔錯唔會好嘈好驚茶餐廳好嘈但係呢度環境呢就裝修幾靚唔會怕話好污糟嗰啲感覺反而冇咩係好殘舊嘅感覺所以都食得好舒服再加上又咁抵食三個人先食咗150港紙下次會再嚟

#懷舊紅豆冰係外國讀書...一直好掛住紅豆冰...個人有少少冇衣食😂😂我剩係鍾意食晒啲豆😂😂但係佢地好好....係用維他奶做奶...所以最後成功清哂☺️#麻辣牛展個醬其實好重口味...而且牛展好爽...好香牛味不過個人其實係清淡人士....所以食完個肚一路唔舒服😞😞#芝心雞翼即！刻！ 炸！即！刻！ 炸！即！刻！ 炸！佢已經去咗骨...入面放咗芝士...忌廉...蘑菇🤤重點係：即！刻！ 炸！所以出嚟嘅時候熱辣辣！

今日去深水埗行行地見到間新開唔太多人的茶記就入去試試！可以選擇的食物其實不多。我們點了兩個出名的主食三個小食一個甜品豬肝牛肉麵-麵是公仔麵 豬肝好香好滑煮得剛好沙爹牛肉米-沙爹牛好香味道也好好麻辣金錢肚-這個麻辣的辣比較重，是比較像是香辣的.麻辣金錢展-這味道其實和麻辣金錢肚差不多不過不食內臟的人應該會喜歡！芝士雞翼-外脆內軟😍😍內面有芝士爆就出來！😝😜🤫實在太好食！最後是甜品🍮雪山金（專）-熱熱的炸麵包配冰凍的雪糕🍦！食感有冰火的感覺🤤🤣😂😝總結-價錢-ok低食環境-新開幕地放清潔味道-不錯👍🏻

今日要去深水埗買電話卡行行吓有啲肚餓就諗住食晚飯因為剩係得一個人諗住求其食下本身我都幾鍾意食有湯嘅嘢特別係酸辣米線嗰啲我係香港仔南記嘅粉絲所以行到呢間南昌見到冇乜人都入去試吓啦因為喺門口我見到有麻辣米線所以好吸引價錢又唔貴都係$32姐我就叫咗個麻辣鮮魚片加豬潤加牛肉米線 &42+10另外在叫咗個麻辣金錢肚$30嘢飲呢就叫咗杯懷舊紅豆冰 $+10本身我諗住應該係個米線最好食但係估唔到個紅豆冰出奇意外勁好飲佢嘅淡奶係搞得啱啱好配埋啲紅豆又有口感又好味唔會過甜當然米線都唔差不過我就覺得個先魚片有少少腥豬潤呢都正正常常唔算特別出色不過個牛肉呢就好有牛味 正咁嘅價錢可以話好抵食金錢肚都夠啦同埋配埋啲配料好爽口呢間野我後尾過咗兩日都去食多咗一次唔差唔差