南小館 (已結業)

親愛的哥哥生日，我就預先黎左呢間餐廳拎位食飯係等齊人到嘅同時就睇下有咩食，一邊等一邊食住前菜先呢個菜圃真係好正，味道好好，好易入口，我食晒咁濟齊人喇，就上左呢碟冷盤先可惜，醉雞唔醉，其他都一般無乜特別黑松露蝦仁+雞絲粉皮 合共港元118呢個優惠係南小館嘅週年推廣我地真係岩時候，遇上呢到超低組合而個蝦仁又堅好食，平時我係唔好黑松露，但佢又煮得幾夾，正松子魚。見到張相就好想試相真係可以呃到下人，一上枱就已經唔係幾熱，味道大減呢個係招牌薺菜年糕，感覺幾新鮮，之前未食過，最後食唔晒，，咁你知原因喇，哈哈呢個雞翼好好食啊，好入味，炸得又脆，入面啲肉又嫩又滑yummy yummy 好唔好食都其次，哥哥開心就好

把鬼，  完全唔掂的食物，擔擔麵冇醋酸味，  上海粗炒有色冇味， 上海小籠包好強烈豬騷味，基本的上海菜都煮得不好， 枱上的獎都不知怎麼得來。惟有台上的前菜菜莆，咸花生最值得推介

這家店是第一次光顧，其實沒有刻意選擇，因為時間差唔多下午兩點，幾乎每家都唔係好多人，就挑選咗這間。 到咗的時候仲有至少一半位有人，環境看上去還不錯！ 我D即刻入座 一番挑選，點咗5個餸，仲有一個似小籠包D嘢忘記影。上菜速度其實都算快，好快就上晒。竹笋同埋白菇都好新鮮，仲有少少香菇！ 相對清淡，但都是好健康，營養的一道餸。好比較中意這個蝦仔，外脆內香！ 點上配製的醬，味道贊！知唔知道是咩來咁？ 是雞啊！ 一開始我以為上面一層是肉鬆一類D嘢，食一啖才知是姜絲絨，雖然唔鐘意食姜，不過味道挺特別的！其實我最鐘意D就係這個！ 好似紅燒牛肉粉條，當然我鐘意D係粉條，唔係牛肉！ 總之覺得味道不錯，推薦！总体来说都还ok

和友人到南小館午餐，點了個燉湯，芝士野菌䇞筍，手抓餅，㙰肉小籠包同甜品，好回味好滿足。想重點推薦個芝士野菌䇞筍，啲芝士好濃郁好多芝士，鐘意芝士嘅朋友，仲可以嚟個芝士撈飯，好正！跟住個蟹肉小籠包好多汁，咬落香甜呀，朋友話個蟲草燉雞湯都好好味，唔錯，手抓餅都鬆軟可代替飯，唯獨係個甜品差少少，太燶喇，係脆嘅，而且等到頸都長，但我想講，如果想食到好飽好飽就要叫多幾個餸，因為佢碟碟都好細，好小巧架，整體嚟講唔錯

食得多西式野偶然都想轉下味食哂d中式菜今次黎到南小館表示有d失望可能個人口味問題 好多菜我都麻麻地 水平普普通通 唔係特別好食 但價格比較高 覺得有種食貴左既感覺第一次食可以 但有得揀就未必有第二次

今日外籍阿頭請客，而佢係對gluten敏感嘅，喺越/泰/滬菜餐館之中，我哋揀咗食南小館。原來阿頭之前喺elements分店試過，佢都好鍾意！聽聞呢頭lunch time人頭湧湧，為咗避免要等位，我11點半打咗去book枱！我哋未夠12點半就去到喇～餐廳好大！有17x個位，我哋入座時餐廳應該只有3成滿～不過約1點就已經full house了！餐廳裝修好靚！有好多舊式擺設，有水壺、手提皮喼、油燈，等等，整體感覺係好contemporary！一入座就serve咗杯蕎麥茶，我唔係好識飲茶，我覺得似玄米茶嘅味道，唔知玄米茶同蕎麥茶有咩分別呢，好香！今餐由阿頭同同事發板，我負責食食食 上菜好快，即刻睇相！本身我好鍾意食爽口嘅菜，四季豆啱晒我 唔會好油，味道唔會好濃味，鹹味適中！ 100分！跟住有四小拼涼拌，雲耳秋葵中規中矩，四喜烤麩應該係豆腐乾，兩款素食都係比較清淡。我食得太慢，想食口水川雞時已經冇晒，所以冇份食，但我要大讚花雕白雞好香酒味，雞肉質好滑，只係食咗一塊，已經好impressive!! 100分！呢個蝦肉紅油抄手，蝦肉Q彈，略嫌唔夠辣得刺激！呢個大良炒飯，我同同事都覺得好疑惑！明明呢

一坐落就有前菜 辣菜寶同毛豆叫左擔擔麵 本人唔食得辣 食左兩條 真係媽 好辣呀 但怕辣好似無得揀唔辣餃子 係唔錯既 有個麵粉底做既煎底 脆卜卜 好香口雞絲粉皮 麵係果句 夠細碟 小食多滋味蟹粉小籠包係唔錯既俾貴少少多個蟹粉既味道係出色好多甜品 難食到無朋友 碎碎超大粒 成件事食落唔match 普通糖不甩仲好食過佢

很久以前喜歡到小南國，近幾年開咗南小館走比較簡約風格，價錢比較低而份量相對細一點。 今天去葵芳新都會廣場即想起去光顧一下。門面不太大但原來內𥚃座位很多。六時左右到來自然不用等位👍🏼🤗酥燜紅燒牛肉湯麵 - 牛肉味相當濃不會硬很香而且牛肉份量不少，麵質地亦非常滑，不錯。老干媽炒年糕 - 就是因為它令我再次光臨🤓每塊年糕都好薄但不會黐埋一齊，軟身但煙靱度十足。配合茶樹菇、豆豉及醬料拌炒十分惹味👍🏼👍🏼👍🏼百步香蔥大餅 - 好脆口，面洒上大量芝麻好香， 不過每人要食三件有啲滯😅菜式十分多，下次可以再試其他😍

入去前，職員會提你用膳時間只有半個鐘，但我去左2次，如果人唔多，都唔會特登趕人，係吹水食飯㗎好地方野食方面大部分都唔錯，分量偏細，好處係可以試多幾樣。值得一讚㗎係當我地食飽之後，係度吹水，待應都無不耐煩，而且重不時幫我地加水，值得一讚。因為掛住吹水，完全無影相，哈哈！不過都有小推介:1。上海炒年糕2。雲吞麵3。前菜拼盤，可以揀四種唔同嘅小菜， 雖然份量唔多，但價錢相宜，可以一試。4。甜品拼盤，有2個布丁同4件甜點，當中芒果布丁大推， 味道似楊之金露，幾特別!

請同事食餐開工飯，大家揀黎揀去揀唔到，所以去左呢間唔太多人等位既南小館度食。我地一行三個女仔叫左松露小籠包，擔擔麵，炒年糕；自選冷拼盤，冷拼盤份量好少，醉雞酒味幾濃，不過雞既部位比較少肉，唔太食到雞肉咁滯。醋雲耳唔錯，好爽口，而且食落好開胃。仲有栲夫都不過不失。作為前菜都ok啦。到擔擔麵我個人就覺得個花生醬太多了，甚至將辣味完全蓋過，所以食左兩啖就「漏」到食唔到落去。至於年糕份量都比較細碟，不過年糕好彈牙，係碟野油多左d。最好食莫過於松露小龍包，好濃菌香，肉亦好多汁，正！

經過葵芳想lunch食好d，但係好多間都等位，呢間就最快有位。前菜有新鮮感，雪菜同醃漬野都好開胃。一行三人咩都想試，所以叫左四式拼盤，醉雞、口水雞，雲耳同四喜烤麩，味道都唔錯。清清地既菜肉水餃。擔擔麵個湯ok，不過我地放耐左先食，搞到個麵腍左炒年糕，落左豆豉都幾香口。最正都係小籠包，叫左黑松露，入面真係有好多黑色一點點，估唔到又同小籠包夾到喎！飲品試左芒果乳酪，調得幾好飲！最後既桂花拉糕相當煙韌。食物質素同環境都唔錯。

入座時已被通知只限1.5小時，很不爽！但食物都可接受既，葵芳新都會裝修緊，都無乜中式餐廳選擇，選擇原因在乎可靜靜的傾計同好坐。雞絲粉皮屬正常味道；小籠包絕對夠熱，皮都很薄；豆漿勝瓜，好勁臭青味，麻麻地；牛肉麵，牛肉份量都算多，湯底濃；蝦肉餛飩，饀料彈牙，不錯既，總括黎講，如果唔係限時，都算好食好坐。

我媽媽未試過這間店，試一次，無下次！今日5点半倒到這店試食，叫咗3個小菜，小菜上枱，便叫二個白飯，点之侍應話無白飯，未㷛，真笑話，將近6点都無飯！！如果無飯，侍應應該早出聲，我可以轉食其他野食！！！真激死，啲侍應掛住傾傾講講，未停過！！！

同朋友去了葵芳這間南小館，環境唔錯叫了個老重慶擔擔麵，招牌生煎包及鹹肉菜炒飯擔擔麵幾辣，但又唔係辣到食唔到，而且幾香口，幾好食招牌生煎包熱辣辣，肉汁非常多，麵包部份亦唔覺黏牙。鹹肉菜炒飯，賣相似一般炒飯，但熱辣辣食，入口非常好食，唔會太鹹，菜同肉的比例亦幾好。但飯真係要熱食，飯放耐少少再食，凍左味道已經變得麻麻地。埋單兩人共$148，覺得價錢公道，味道及環境幾好。只是有時叫服務人員，要等較長時間先有人回應。

尼間店都光顧左幾次每次黎都係要食四小拼今次我只係影左尼碟每次我都必點醉雞！超級推介入味、酒好香其他三款亦不錯只係價錢稍貴比較想提一提既係服務方面唔知係唔係侍應唔夠好忙定係佢地扮聽唔到成日無人應每次招手都要等好耐見到好多份食評都有提及此問題餐廳真係要正視下！