南小館 (已結業)

經過葵芳想lunch食好d，但係好多間都等位，呢間就最快有位。前菜有新鮮感，雪菜同醃漬野都好開胃。一行三人咩都想試，所以叫左四式拼盤，醉雞、口水雞，雲耳同四喜烤麩，味道都唔錯。清清地既菜肉水餃。擔擔麵個湯ok，不過我地放耐左先食，搞到個麵腍左炒年糕，落左豆豉都幾香口。最正都係小籠包，叫左黑松露，入面真係有好多黑色一點點，估唔到又同小籠包夾到喎！飲品試左芒果乳酪，調得幾好飲！最後既桂花拉糕相當煙韌。食物質素同環境都唔錯。