協盛大排檔 (已結業)

氣溫連續兩日得番十三四度，收工就想打邊爐，見0係港島區，試下呢間協盛﹗最鍾意街邊打邊爐，比0的冷風吹住對住個爐，凍中感覺暖烘烘最開心﹗真係最舒服的事﹗10:00先黎到，竟然有幾台客等位，在我煩到嘔的攻勢下等左兩個字就有電視位坐喇﹗真係好多人，0的待應阿哥阿姐忙個不停，不過在呢0的地方都算不失服務同禮貌﹗點了個咸菜粉腸茄湯底，點知無粉腸賣哂，佢話比多0的茄我地喎，是旦啦﹗點左特級肥牛、手打墨丸、象拔蚌及大花甲﹗象拔蚌仔及大花甲都超鮮甜，真係海鮮新鮮的清甜，無沾任何醬汁都好正﹗手打墨丸彈牙到....好好咬口，一流﹗特級肥牛都唔野少，份量十片以內，不過牛味足，無渣好重肉味，輕輕一灼加少少豉油放落口，牛香滿溢，真係片片都要搭真0的﹗泰象beer不可少啦﹗最後仲加多樣椒鹽豆腐腰果蝦乾，好重華鹽味，豆腐細細粒好脆，我最愛的蝦乾加左少少蛋醬炸過咬口野味﹗佐酒一流﹗有條友仔飲大左係咁打人係咁叫，店員都見怪不怪，由佢發癲，好多休班警員0黎呢度食飯喎，仲要幾鬼nice添﹗不算便宜，不過0的食物真係正呀呢度，怪不得咁多人﹗有機會去試下﹗

來這裹食火煱都一定點手切牛$48及特級肥牛$68！！前者有好實在的口感和牛肉味，而後者就有點入口溶化！再加上甜甜的鱔片、彈牙蝦丸la、爽脆鯇魚腩、象拔蚌仔、生菜、苦瓜拼冬爪、連鴛鴦煱底及3支大coke只係$401.00！上次跟同事們6個人吃了17碟火煱料、另加少許啤酒汽水都只不過$780.00！簡直係火煱行業嘅東華三院！！！！

點解咁折墮?!大熱天時燃燒地球能源?一句講晒- 好奇law, 見夏天咁多人露天打邊爐/食飯,一定有D野!友人心血來潮, 無訂位, 隨時有驟雨情況下博一博...結果坐係街市落閘魚檔對出,有曱由散步ga,唔好理,照食!蕃茄咸菜粉腸湯+ 皮蛋芫茜湯( GOOD)四寶丸(各4粒), - 蝦丸good +墨魚丸good +魚丸(我一般but 友人very like) + 牛丸(very good and i love it with lots of 芫茜)花甲very sweet, mini 象拔蝆very fresh牛肉very fresh , a bit " 韌",but 有home feeling.酸梅湯very good, remember to request 加冰others-蘿蔔, 菜, 羊肉,烏絲,4人total $430 , ok la, 如有冷氣更值.p.s. 是日星期三, 依然好旺, 9 點後要等位tim, so 巴閉!冬天肯定超爆場!美中不足,個爐息左3次火, but 伙計萛係very nice la, although they are busy.

如果在食物品質方面能時常都保持一定的水準及伙計服務方面攺善一下。那就更好了！不過；現在也算是物有所值！

If you don't mind the environment is not very nice, it's a very good place for hot pot. Value for money!!! Food are very fresh!! My friend and I ordered 10 dishes including baby lobster, big clam, beef, fish, eel, meat ball, vegatable and many many.... all are very fresh!!!! Will come again for sure

26/11(日) 8pm男友強烈爭取是晚打邊爐作晚飯,本想先致電其店訂座,卻忘記抄下其電話,唯有放工後快馬加鞭急步前往,男友早數分鐘到達,眼見店內座位全場,開出後巷的圓臺比店內的還要多,被安排坐於魚檔旁,一馬路之隔是街市及垃圾房,還有小貓咪在簷篷上上演一幕"空中飛貓"!環境之惡劣實在不敢恭維!既來之,則安之,要是食品優質,哪怕環境欠佳!我倆要了蕃茄咸菜湯$45,唐蒿$25,蘿蔔拼豆腐$30,脆鯇魚腩拼金菇$35,蝦丸拼墨魚丸$43(各8粒),肥牛拼黑栢葉$33,黑豚肉拼美國肥牛$33.各火鍋料份量均不少,而鮮度其高,水準有點超乎想像.出眾之鮮味,味道之簡樸,足人令人樂道!而蕃茄咸菜湯沒加入茄膏吊味,味道天然;反而附送爽口粉腸數條,湯底經過各火鍋料的洗禮,最後喝下味道濃鮮的湯底作圓滿句號,相當滿足!是晚全場爆滿,加上人手不足,服務方面招呼不周屬意料之內.花費$219,吃一頓風味十足,實而不華的火鍋晚餐,樂意之至!

尋晚(17號),媽媽突然話想打邊爐,話好食(之前她同班師奶食過話ok),甘就去試下.八點去到(三個人食)好彩她之前打左電話book,如果吾係我想會等好耐.不過太多人,坐底等左二個字先有人清潔張台,本來把鬼火想走,因為ot完好肚餓有d燥底,跟住叫野食,有叫左好耐先至落order.不過都有禮貌叫左蕃茄咸菜湯底,一見到心諗哇一鍋水+蕃茄咸菜,叫左:生蠔($78),貴菲蚌,烊肉,黑豚肉,墨魚丸,生菜,脆肉魚片,花甲($38)(其他吾記得幾$),因為吾食牛無叫(媽媽食,之前叫過幾好)三支氣水之後一路食,原來好掂,好新鮮,我們一至覺得花甲,生蠔最掂好鮮.原來食到最後,個湯蕃茄同咸酸菜出哂味,好正.$410走人,我覺得好過去食一百任叫個隻而且好似無咩味精(因為我食完重味精會身痕)都幾好,可以一去.

人在附近，想吃個盎飯，就來這裡。午市人客可不少，幸好剛有位，不然就要等了。沒有最想吃的窩蛋牛肉飯，唯有要了次選~鹹魚肉餅飯。一看已知份量不少，上面舖著薄薄的肉餅，鹹魚一點也不香，棄之。肉餅實實的，可幸還有冬菇及馬蹄在內，口感不錯。飯偏硬且乾身，合個人口味，但份量真的太多，一邊吃肉餅一邊吃飯，是一半飯也吃不到。從好的一方面看，這個飯是夠飽肚的。連凍咖啡一杯，23蚊，非常經濟。下次來未必會吃蒸飯，吃對面的靚OL吃的牛什也可不錯。

是夜氣溫高達29度, 但最終都係選擇呢度. 點解? 不如俾三個choice大家估下:1. 鍾意犯賤.2. 成個香港島淨係協盛個邊無啦啦得番二十度,所以坐街無問題.3. 有狗在身,坐街邊檔可以方便d睇埋一齊食飯.有朋友問過我上述問題, 我同樣俾左以上三個choice. 但佢\諗左一陣之後答錯...唔打邊爐,就要左睇右睇,睇下有咩好食. 最後叫左勝瓜蝦干煮豆腐,蒜香骨,薑蔥魚雲同鵝肉.個勝瓜蝦干煮豆腐,個人覺得都幾難煮得難食. 不過可能係個人喜好問題, 覺得勝瓜可以再煮腍d.蒜香骨勁香口,又入味,正!至於薑蔥魚雲,魚雲夠鮮,但薑蔥未係百份百入味.鵝肉...好鬼鞋!睇下邊日真係冇咁熱,夏天走去坐街邊打邊爐先!

19/4(三) 1pm幫公司去City Gdn Hotel取回物品,順道到天后搵食,1點左右黎到前舖已爆滿,唯有坐出大排檔,要左墨丸軟骨丸河$19,4粒的骰墨魚丸,外表粗糙,但鮮味十足,份外彈牙!軟骨丸2大粒亦頗有口感,但沒墨丸那般鮮!河粉尚算滑!$19食得過,但$19既盎飯較吸引!

12/4(三) 1:30pm帶著5成飽既肚子,懷著少少希望,希望此店可滿足我既胃口!要左個咸魚肉餅飯$19,盎頭相當之大,普通女仔一定食剩!肉餅新鮮有口感,而且無肥豬肉,抵讚!咸魚夠咸香!飯粒吾算爛,甜豉油略多,但卻令人食多兩啖!$19比$40既垃圾"築地"抵食得多!!!

呢度好似火井咁，又係愈食佢愈多舖位，仲愈食佢愈多野食，而家連煲仔飯都撈埋。比較火井，這裡食物種類較少，坐得無咁舒適，卻又平一點又份量多一點。前一排，見天氣差不多凍完，但是晚都有點北風，氣溫是十三度，就同太座把握火窩的季尾時刻，去打邊爐。來電訂位說了七時，來的時候已經七點半，例牌給大聲公哦了幾句，但哦還哦，在這裡訂了位還是會有位的，就加了張二人檯在路中心給我們，吹著北風在路中心吃火窩，幾入形入格。兩個人吃不了那麼多，就隨便叫了幾款，包括手切牛肉、鮮魷、豬腳筋、魚餃、蘿蔔、支竹、粟米、金菇，最後還來了盤西洋菜，而湯底就要了皮蛋莞萎湯。湯底是非常的清淡，連鹽也不下，都好，起碼吃完火窩也不會太口渴。相信是靠近街市的關係，所以這裡的食物勝在新鮮。手切牛肉雖然帶點韌，但都幾滑身又有牛肉味，個人覺得比雪藏肥牛好得多；魷魚也新鮮，口感爽脆又鮮甜；豬腳筋夠爽口，如小頭之前的食評所言，是不能淥太久的。以上幾款，差不多是這裡必點的食物，不是因為十分出色，而是這裡選擇不算很多；菜蔬亦新鮮，粟米鮮甜，西洋菜翠綠，蘿蔔也又腍又甜。最後的湯底，都清清地，喝了也不覺口渴，不錯。開頭見「力加啤」做緊特價，就叫支來試下，

上星期六和朋友一行四人到此打邊爐。晚上有驟雨氣溫下降，正好。花鵰醉雞鍋- 好香酒味，內有紅棗杞子淮山黨參等，還有半隻生雞另上。老公話隻雞烚了都幾滑幾好食。手切肥牛(x3) - 幾有肉味又不會和有渣。但我覺得老坑和火井的牛肉較好味，不過價錢也較貴。見圖第三碟特級肥牛(x1) - 圖中第一碟，較爽和嫩，但肉味較淡薄。牛肉滑(x1) - 如南瓜兄所言像吃山竹牛肉。豬腳根(x1) 圖中第二碟- 口感特別，爽中有煙，可能烚了相當時候(你知牛筋炆到咁上下會點)。黑柏業(x1) - 普通四寶丸(x1) - 一般，蝦丸和墨魚丸都是自家製，但嫌不夠實淨彈牙。魚餃(x1) - 又幾好味喎。生筋(x1) - 麻麻軟骨丸(x1) - 幾特別，外貌似貢丸(味道都似)但內心有些軟骨，口感不俗。美國肥牛(x1) - 咁多碟牛肉最差(價錢也最平)，食落有渣，真係一分錢一分貨。成檯食肉獸牛魔王，酒醉(自紅酒不另收費)飯飽，埋單五百多。我們也見到阿叔林尚義，老公向他打招呼，他也揮手回敬。阿叔自斟自飲自得其樂，不過知道他老年喪偶，此情此境又好似有些淒清。星期六晚好旺，最好早到或打電話訂檯: 2571 2222 / 9318

如果唔係有朋友推介之下,實在無可能摸到去水星街打邊爐,名叫"協盛",一名西環朋友向我大力推介,講明今夜唔要去火井要遠征.仲話比火井更好吃抵吃.傍晚去到未滿,三個人求其坐下,一個簡單莧茜皮蛋湯底,再叫些手切肥牛,美國肥牛,仲有幾樣特色配料:牛肉滑,墨魚滑吃得多,牛肉滑又少聽過,味道似山竹牛肉,質感更滑,如果唔係又點會叫牛肉滑?問黎都多餘.蟹子丸,同醬爆少少異曲同工,不過又唔會爆出黎.感覺咸香,唔錯.豬腳根,味道似豬皮,口感更爽,手切牛肉例牌有牛肉味,呢一味,如果都唔似樣的話,不去也罷.叫些汽水,三個人二百七十,今次作東,一點也不肉赤.朋友仲問我,有無介紹錯.離座之時,赫見阿叔林尚義一個人來開飯,禮貌一句阿叔,你好嘛?).聽友人講,阿叔係呢度的熟客仔.PS:事後徒步行去美華氏,比我用$80買到件Vintage 皮褸,無睇錯,係$80 HKD.仲平過London Portobello market.是夜可話係雙重滿足.

昨晚勁凍，一班人來火勁warm，雖然係街上食飯，但個火鍋湯底好好味，食物種類又多，價錢都係一人一百咁上下，一街人齊齊打邊爐，風味一流!!!