卓越食品餅店 (已搬遷) 新店位置

個日行過呢度..買左...花生糯米磁--皮薄...不錯的椰汁牛奶砵仔糕--有椰汁味，但太細了！仲有兩個野...我相信其中一個係豆沙燒餅...不過我係凍左食..相信叮番熱佢會好食d...但真係冇乜油..另外一個...我開頭又以為係豆沙燒餅..佢係豆沙燒餅的形狀...但係呢...食落去完全有豆沙的..淨係得d糯米皮...講真我覺得有d怪...

Mar-25又係我八卦睇到食評話呢度既燒餅同奇趣有得fight所以想又思思想試下. 星期六晏晝放左工自己一個人由上環行去西環. 初時仲怕唔識路, 但未去到門口已知道冇蕩失路. 因為門口有好多人, 除左果頭既街坊之外, 仲要好多應該唔係住晌果頭既年青人去(我就係其中之一). 相信佢地都係好似我咁睇完食評先去!講返果度有D乜野食先, 糯米滋, 砵仔糕, 光酥餅, 林林種種既唐餅. 我自己就買左都好多野諗住扲返屋企同男友分享:1)砵仔糕: 我都係見呢度話正宗先試, 可能我唔係為太太識欣賞,都唔知同出面有乜分別, 仲要咁細個, 一啖一個就咁就冇左, 唔太抵食.2)蒸蛋糕: 原本冇諗住買呢個,但事頭婆不停咁sell人地,佢都已經好成功地叫排晌我之前個男仔買左兩個. 咁好啦, 見佢咁sell得, 我都買左一個. 3蚊一個都係出面既市價,因為肚餓所以即時食左佢. 個蛋糕仲暖暖地, 唔太甜都幾好味. 3)豆沙燒餅: 呢個真係佢地既鎮店之寶, 好多人都係特登黎買. 初時我怕買左唔好味, 所以只係買左兩個諗住同男友一人個. 點知呢個又真係好正架喎, 正如其他食友所講佢地既燒餅唔係煎而係烘, 所以一D都唔油

一向鐘意食紅豆餡gei野, 見到呢個嚤囉酥就買黎試試,都係第一次食, 幾特別, 仲獨立包裝tim!!個味有少少似光酥餅, 不過就冇咁軟身,紅豆餡分量適中, 好好味!!又係$3一個, 絕對食得過!!

睇完食評, 專登行過去買..光酥餅($5/1包4個小型or $5/1包2個中型or $5/1包1個大型) - 買了1包小型+ 1包中型, 比較鬆軟, 阿爸鍾意食, 但不適合我口味....旺角奇趣餅家係我買光酥餅o既首選.花生糯米糍($2/1粒) - 媽咪唔鍾意食豆沙糯米糍($2/1粒) - 媽咪唔鍾意食嚤囉酥($11/4個or $5.5/2個) - 獨立包裝, 買了2個, 媽咪唔鍾意食, 佢話旺角奇趣餅家o既嚤囉酥好過佢p.s. 個亞姐勁好人

除左甘草檸檬行過呢度又買左糯米磁size唔係好大皮又唔係薄但真係好軟熟煙韌雖然放左成個下午先食但仍然無損口感餡料有花生同芝麻唔太甜overall黎講都幾正!不過餡料黎計我都係鍾意以前屋企樓下間麵包城如果呢間既糯米皮可以mix麵包城既餡就prefect喇阿姐真係好sell得不停咁叫我買多d但奈何得自己食買o個日又唔駛番工想買多d請人食都唔得下次再試其他

今日同朋友食完多士後陪佢行番屋企路經呢度記得有人大讚呢間既糯米磁我又不嬲都好鍾意食糯米磁既又買番個當下午茶2蚊一個雖然size唔係好大但放左成個下午個外皮仍然係好軟熟雖然皮唔係薄但煙煙韌韌又唔太甜係唔錯餡係花生加芝麻一粒粒幾有口感但個人覺得如果可以係以前屋企樓下間麵包廊既餡加上呢度既外皮簡直係perfect日日食都得呀!!!阿姐好sell得不停咁叫我買多d又話個個都起碼10蚊10蚊咁買但無計啦我都想呀但奈何而家我唔係同屋企人住而今日又唔駛番工想買俾佢地試都唔得啦

很欣賞它的紅豆燒餅,不會太油(因為它不是煎,而是烘製的),又不會太甜,吃到停不了口!本來只想買4件止瘾($2件),可是都不能滿足,冬天吃就最合時,因為就是喜歡它暖烘烘和煙煙"un""un"的感覺...

呢間鋪老闆好好人..我地d 大學生搞function..mark sponsor..個伯伯就放左一盤合桃酥比我地..合核酥好鬆化..又無市面的油淋淋..我同房都話好好味..後尾我地都幫襯買左盒砵仔糕都唔錯...^,^.

今日買多左個豆沙燒餅試下, 見咁多食家比好評,果然真係一d都唔油, 不過我prefer糯米慈多d,因為餡多d, 同埋個燒餅皮冇糯米慈咁軟咁好味!!!

尋日心血來潮千辛萬苦終於來到幫襯，買花生和紅豆糯米茲各一個、光酥餅、皮蛋酥、迷你砵仔糕、還有少不了的紅豆燒餅。紅豆燒餅: 外皮烘得小小燶脆脆地, 豆沙餡甜而不膩, 外皮"煙刃"，比奇趣餅家還要好吃花生和紅豆糯米茲: 外皮和紅豆燒餅一樣,只不過係圓形同無烘製的分別,一樣好味皮蛋酥:極之好味，好傳統的製法，內有皮蛋、子姜同蓮蓉，味道剛剛好、不太甜，誰也搶不了誰的味道。以前泰昌好食，點知一山還有一山高．．．光酥餅－內外都很乾，唔知怎樣為之好食迷你砵仔糕：好彈牙，好大粒紅豆下次試試其他的糕點先．．．

20051028 7pm真係唔知呢間o野原來咁出名, 係呢期有咁多magazine 寫先知.actually 我住響呢間o野附近, 成日都落o黎買糯米茲. 差不多都食晒呢度咁多款唐餅. 樣樣都好食.首推, 一定係糯米茲($2@), 有兩隻味, 兩隻都好食. 係街賣果的一般糯米茲我唔食架, 呢度就多多都殺, 不過好飽lor 食一粒都. 次選, 就雞仔餅($22/磅), 你食過又脆又唔會有油益味o既雞仔餅未? 未就幫襯下. 我星期五晚買o左包, 放到星期日都仲脆口, 比男朋友食o左半磅.其他皮蛋酥呀, 大/小光酥餅, 或者摩囉紅豆酥呢o的其他唐餅舖未必有, 都係好味. 好多人讚o既缽仔糕我就麻麻地, 食慣街邊果o的.為o左唔好比呢o的舊舖絕跡, 大家都快o的去幫襯下啦. p.s. 入面有幾個阿姐, 個個都好似殺死人咁惡, 或者我買得少啦. 老闆就好nice.

個蛋糕$3好似係蛋白蛋糕, 白色的,清清的甜, 不過食落都幾滯;糯米慈$2有豆沙同花生餡,我緊係揀豆沙啦, 好好味呀!!佢個皮唔係薄, 不過個口感係非常之咁好!!個豆沙餡又好味, 好幼滑!下次試下豆沙餅先!ps: 去既時候見到有人係度訪問, 唔知係唔係某飲食雜誌呢

其實一路都有在這裡買糕餅食，呢度係一間傳統的糕餅店，除左砵仔糕，仲有西礁大餅、香蕉糕、合桃酥等等，當新式西餅充斥市面時，都係時候來吃多一些傳統餅食了。最多就是會來買砵仔糕，用的是真正的砵仔，非市面其他地方用的，多是碗仔。記得上年得龍之聚會，同牛油果一起買些砵仔糕給大家品嚐，她買來的盡是碗仔糕，吃落的口感及質感跟砵仔糕是兩回事，不過同檯食友一致喜歡碗仔，都無話可說。這裡的砵仔糕有兩個味道，椰汁或牛奶，豆亦多，我本人就兩種味都喜歡。九元五角有八件，買廿零三十蚊夠成個部門食，非常之經濟實惠，值得一試的。

我係睇《忽然一周》介紹所以去架~~開頭第一次去佢冇開~~因為佢中秋節會放3日假~~~之後再去多一次~~終於有開喇~~~我買左以下o既野：豆沙o摩囉"so"：呢個好好好味呀~~d感覺好似肯德基o既鬆餅~~鬆鬆化化咁~~但佢好味少少.......而且入面有d豆沙~~好正呀!!!花生糯米滋：呢個就普通左d喇~~冇咩特別~~不過都幾軟~~唔會硬倔倔~~"撥"仔糕：呢個我覺得冇咩特別~~但我mummy話好好味~~佢話卓越呢d先係傳統o既"撥"仔糕喎~~佢話而家d現代人已經唔係好識分架喇~~我mummy食野都幾麻煩~~所以如果佢話好味~~我諗真係傳統啦~~不過佢話有多d豆就仲好喎........香蕉糕：呢個都係冇咩特別~~不過細細條幾好~~唔會食過量~~整體黎講都好好呀~~果然冇介紹錯~~佢又唔係賣得好貴~~平過旺角o個間"奇趣"啦.......而且佢仲有好多其他野~~我下次要再買多d試下先~~

因為見到一連兩個食評都讚這間鋪的糯米滋，而我又幾好這樣食品，所以二話不說，食完飯就連跑帶跳咁，只用了半小時就來回信德至這裡。去到間鋪先在門口睇下個玻璃櫃和四周，之後就行入去買了。五個花生芝麻糯米滋（$10)，這個味道幾好，外層的糯米皮真的又厚又軟熟，但內裡的花生粒幾硬，芝麻粒又少了些，原來不是心想的那種沙狀的餡。兩個中形的光酥餅($5)，這個幾軟身，不過表面很污穢，味選一般，不過如果我在買前見到哪些污點，我一定不買。二個摩羅酥($5.5)，這個外層幾鬆化，入面的椰榕都OK。十一個迷你合桃酥($9.5)，這個原先買六個，但因為不想找錢，所以只用了$4.5買了五個，這個真的很鬆化，可能剛出爐，味道都幾好。**順帶一提，這裡有小昆蟲送。因為當我打開個袋取出食物時，發現了三隻黃絲螞蟻。