半島精品店與咖啡廳

營業中

休息中

第二次前來, 慾買Strawberry Roll.上次沒有看見.今早剛要來尖沙咀, 便來碰碰運氣.見到整齊的兩排Strawberry Roll.暗喜.兩件起有盒裝.於是決定買兩件.瀏覽時拿不定主意...結果買了四件Strawberry Roll - 初嘗沒有特別, 再吃, 那sponge cake 很有蛋香. 有點兒糖砂咁, 幾得意.Black sesame with green apple- 配搭很襯我的弟弟. 結果... 太甜.Chestnut Tart- E.... 我真的不喜歡吃栗子蓉Napoleon- 還是天后的Mimosa Patisserie 好D價位與Mimosa 及 Antique 相約.要選的話, 我會選 Antique.

去酒店餅房買蛋糕食, 通常只會去Royal Garden... 上次試完文華的cheesecake 後回味無窮, 決定繼續周圍買hotel 蛋糕試試, 今次就0黎了半島買了3 件個樣好靚(個盒都好靚) 的餅.Rich chocolate brownie ($20) 賣相真係幾rich, 不過一拮落去就剝落成碎, 質感似sponge cake 多過brownie, 亦乾得有點兒那個, 好在食落朱古力味都算幾香.Chocolate hazelnut ($30) 面頭拮了一塊魚翅形狀(!) 的white chocolate flake, 仲有粒cherry 點綴, 賣相幾靚, 感覺亦有少少似tiramisu... 拮落發現係mousse 質感, 食落朱古力味好出, 奶油mousse 香滑, hazelnut 味就唔多覺; 面頭塊白朱古力甜到甩牙, 唔0岩口味; 整體唔heavy 亦唔算好甜(面頭塊白朱古力除外), 亦唔係特別好食.Nougat apricot ($30) 賣相又係好靚, 面頭有一層薄薄的淺黃色糖霜, 上面放上一粒粉紅色的macaron, 仲有一篤橙色膠水(!) 狀的apric

Dark Chocolate Dipped Macadamia Nut Butter Cookies - 6 pieces 曲奇真係好好食好香可惜太貴$l30得6塊!!Chocolate-Covered Caramelised Almonds 100g杏仁朱古力甜而不漏,食到停唔到口...正!

買完聖誕曲奇, 順便買了件芝麻青蘋果cake($25)試下, 外表好靚, 外層是黑芝麻, 中間是青蘋果霧思, 夠芝麻味好香, 反而青蘋果味就差少少, 整體比較甜了點.

我買左3款蛋糕sesame green apple mousse, chocolate & chocolate 及chocolate brownie. 3款都比預期差. Sesame green apple mousse 唔夠芝麻味, green apple 味好古怪, 好'香精'味. Chocolate & chocolate 係朱古力mousse榛子蛋糕, 味道唔錯但個coating 就做得唔靚, 好多cake shop 做得比佢哋好. Chocolate brownie 就簡直失望. 通常Brownie 都係比較結實及朱古力味濃, 但佢d Brownie就比較鬆散及淡,我唔係咁鍾意.

**唔係嘉麟樓出o既半島酒店月餅**銀行每年都送一盒八個o既半島酒店迷你奶黃月餅畀我工作o既公司,o岩一向鍾意食奶黃o既我.擺o左兩日,今日(22-9-2007 Sat)終於可以食喇,打開包裝,影相,奶黃味即刻攻到我鼻了.咬落去,餅皮o既奶黃味好好味,酥皮算油,但內裡金黃色o既餡料卻係好重蛋黃味.餅皮約有5mm厚.註:其實個盒o既設計同嘉麟樓一樣,只係logo唔一樣,於是我電話去問,原來我呢款唔係嘉麟樓做,係半島畀出面o既餅店做,我冇問係邊間,但唔知將呢個食評放o係邊好,唯有寫o係呢o度.而我亦只可就味道一欄評分,希望評分對嘉麟樓o既影響唔大啦.味道: 2 會給'喊'面

bought a box of cocoa granules to home. add milk to make hot chocolate. very rich and delicious. $150 one box. i think it can make at least 10 cups of chocoalte. good price.

名不正，言不順；沒有一個正式的生日蛋糕，一句生日快樂總說得不順暢，不由衷!　本週六是壽星妹的農曆生日，與正日只相隔兩天，我打算再買一個蛋糕正式讓她吹一次蠟燭，切一次蛋糕。這次時間充裕得多，與龍到了半島揀個最靚最正的蛋糕，順便也回味半島蛋糕的美味!　今次揀的是紅莓白朱古力蛋糕，外表純白中帶一點紅，極其漂亮；即使吹完蠟燭，面層的白朱古力四處飛散後，都仍然精緻動人，帶給壽星妹不少驚喜。蛋糕切開，約有十多層，看來這是半島特色。吃一口，質感輕軟棉，無疑餅身做得十分好，不過白朱古力本身很甜，又不似黑朱古力或咖啡帶有苦味，很快就會吃膩了。結果四個人很努力的吃，都清不掉，我想六至八人分嚐應會更好。　無論如何，為壽星妹留下了一個美好又完滿的記憶，很高興。生日快樂! 　P.S.實價不便透露給壽星妹知!

去了半島酒店地庫Cake shop買蛋糕吃，令自己開心一點。剛剛吃完朱古力外表那件chesnut & blackberry cake，一件蛋糕竟可有十多種的口感，每一啖味覺都有唔同的感受。再加上精美的包裝,貴得黎都係值得，吃後令自己情緒無咁低落~~

上星期食文華既, 今個星期論到試食佢啦! 店鋪在低層, 麵包同scone 係後排, 又係無得睇清楚! 目標鮮明, 買了plain scone and raisin scone 各一! size 較文華的小, 價錢亦平一點, 共十七元!隔朝在家焗熱先食, 我覺得質感比較鬆, 味道就蛋味重, 提子既味道怪怪地, scone 暫時黎講, 文華既好食!

妹妹從這裡買來兩盒曲奇餅，不論食味，包裝已經相當好看，光是放在聖誕樹下做裝飾已經夠數，Boxing Day拆開，每粒丁方狀的曲奇食味不錯，牛油味香濃之餘亦夠脆身，比起嘗過很多坊間曲奇超班不小。值得一嘗！

壽星的daddy很有心，特地在半島訂了一個白咖啡蛋糕。　蛋糕賣相精美，味道更加令人拍案叫絕：白咖啡味又香又甜，忌廉香軟滑兼有之，半濕半乾的隔層蛋糕是我最愛的口感；除了咖啡比芝士味濃，其口味與Tiramisu是幾類似，但口感與味道只有更見細膩。要縱合評價，只有完美兩字。飽極也吃得下。　吃完R66平庸的甜品，再吃一個完美的生日蛋糕，為這晚畫上一個完美的句號!

係有分別o既. o係香港境內賣o既月餅都係由嘉麟樓師傅弄製o既"嘉麟樓月餅", 無獨立包裝, 只有奶皇味. 至於o係機場禁區內o既半島boutique同埋上海sogo出售o既半島月餅係落左防腐劑, 由廠製o既"半島月餅", 有奶皇同蓮蓉口味, size較前者大個d.我兩種都食過, 覺得"嘉麟樓月餅"o既酥皮香酥d, 奶皇餡亦滑d又無咁鹹, 好食d -- 我上次食"半島月餅"o既奶皇味時覺得同奇華差無幾, 但食左"嘉麟樓月餅"就真係覺得係佳作-- 而家仲後悔今年只係訂左一盒, 食晒無得再食...不過"嘉麟樓月餅"o既保鮮期相對"半島月餅"就短好多, 而且價錢亦貴一成(8個裝迷你奶皇月餅係$160 vs $148).

上年因工作關係, 可以每天"隊"這個奶黃月餅, 吃得增磅很多, 今年真要節約一下在microwave翻熱了, 依舊香味四溢, 由於以西式做法, 減少了中式月餅的油膩口感, 吃落則發現有分別了, 因為奶黃饀料的香滑度退減了, 甜度差不多, 蛋黃味依舊濃郁, 但香滑度之減退令人大打折扣, 為何要這樣呢?味道雖退步了, 但它依舊是奶黃月餅中最好的一個品牌!

月餅是我的至愛。一般的美心、聖安娜、大斑冰皮全都會食勻。另外，我每年都會買嘉麟樓的奶皇月餅，我認為是最好食的。今年來的是半島的雙輝月餅，即傳統的蓮蓉和奶皇兩種口味。蓮蓉其實已好好味，但最好的，還是那奶皇，看到已經好吸引。啖啖的奶皇味，加上蛋黃，每次吃一個，份量岩岩好。題外話: 淨係睇佢個package，唔睇入面個d"涵"都知好味。