半島冰室

營業中

休息中

說起半島，通常都會想起尖沙咀那家高級酒店。我只是普通的「打工仔」，沒可能每一餐都大富大貴，不過炮台山還有一間很貼地的半島。早前只做早餐、午餐及下午茶，最近他們開始做晩市。星期六的午餐時段，約要等五、六人才能入座，約等了十分鐘，是可以接受的時間。餐牌有四款是日午餐及四款常餐（型男餐、索女餐、頭等餐及商務餐）。看來店主對自己的樣貌很有信心，不少餐牌都有店主的樣子做生招牌。雖然男仕都是喜歡索女，不過型男餐的薑絲豬潤通粉比較有特色，所以都還是選型男吧！檸檬茶茶味香濃。比較其他港式多士，這個比較厚身。炒蛋滑溜不過火，沒有花巧的日本牛乳，展現出傳統的美味。薑絲豬潤通粉的湯底也有清澈的薑味，豬潤不硬身、有咬口也不腥。可惜店內座位比較迫。

聖誕節當然係一家人歡聚既好時光，唔想出街同人迫，嗌到會喺屋企食絕對係唔錯既選擇今年就試試人氣十分高既半島冰室到會，整體來說食物質素頗高，特別推介以下幾款食物：半島龍蝦沙律原個龍蝦殻上，呃like一流，龍蝦肉亦相當鮮甜小食拼盤始終到會唔即炸即食，就咁擺入口的確會淋左啲，但用微波爐既烤焗功能烤一烤，即時十分脆卜卜鮑汁時菜扒冬菇絕對唔係行貨，粒粒冬菇大大舊，勁厚肉，食一舊都唔少野瑞士雞中翼瑞士汁夠惹味總括來說，每款食物都得到家人高度評價，話俾以往嗌開連鎖餐廳既到會好味得多

週六陪細周生上興趣班，總會有一小時的空閒時間，最佳的活動當然是飽吃一頓豐富的早餐。上星期經過半島冰室，因輪候者眾，最後到斜對面的茶記用餐。今趟冰室門外同樣多人，決意耐心等候，探究冰室受歡迎的原因。冰室內部以紫色作主調，配合閃閃馬賽克裝飾，隱透一份型格。留意餐牌，既有「型男餐」，又有「索女餐」，同樣玩味十足。 牛油多士厚身，火候剛好。牛油用量慷慨，食味香口。 吉列魚柳火腿炒蛋是歐陸早餐的一部份，吉列魚柳比預期大塊厚身，雖然肉質略鬆散，但滑感挺高，外層香脆。炒蛋香滑，蛋汁豐盛同樣富水準。 熱奶茶出品滑溜，茶奶口味平均。 雖然半島冰室的坐處較迫及需排隊輪候入座，但因茶餐食品普遍富水準，定價合理，難怪長時間吸引到大量街坊食客。

薑絲鮮牛通💋-雖然餐廳位置唔顯眼 但依度既型男餐同索女餐🤣永遠吸引一班喺附近番工既OL同靚仔黎食😂☺平日都依舊多人!!(點解會知? 因為黎親都要喺門口排隊🙈)-連肥妹都要叫既型男餐 吸引之處就係!!! 薑絲鮮牛通💋原本係豬潤既😭但未到下午茶時間 就已經賣哂喇😭😭😭不過唔緊要!!!鮮牛肉肉質都夠嫩😋-重點係!!! 個湯底❤️❤️❤️ 鮮甜之餘帶點酒味 好有驚喜😍仲有薑絲 用黎辟味😼👍🏻湯底冇落味精之餘 通粉亦唔係普通既快熟通心粉 抵讚☺-除左型男餐 依度既💋D24榴連西多💋都係我地既最愛😏😏咁用心煮野食既餐廳 難得🤤

行過北角蜆殼油站，見到很多人排隊嘅冰室，於是走去排隊試試食，雖然地方細細，但是座位尚算舒適，早餐非常多選擇，價錢來說也OK，叫咗一份牛扒早餐，多士方面熱辣辣，牛油查勻整塊多士，不是每一間快餐店都會做的，牛扒味道方面都好，還有啲黑椒汁認真不錯，炒滑蛋方面也很滑很有蛋味！

香港有數唔到咁多茶餐廳，但好味而製作用心的卻很少。日前下午茶時段由炮台山行去北角期間，經過這間「半島冰室」，見到入面幾有人氣咁，於事便走入去試吓。選來選去最終叫了一個豬扒蛋芝士包，結果出奇地啱自己口味。蛋不是流心那種，但熟的程度剛好，肉看得到是慢慢煎香，而且質感上沒有用鬆肉粉加工過。個包是豬仔包，頗脆身。值得一提的是個包來到後等一、兩分鐘才吃，芝士便溶化得剛好，yummy。雖然沒有嘗過此店其他食物，但從等待呢個包的緩慢速度來看，估計店主製作都頗為認真。

一上好友車聽着張學友柔和的歌曲不知不覺睡着了，醒來後發現原來已經來到這間餐廳，心裏有着10萬個為什麼，奇怪為什麼每個人也喜歡帶我來這裏吃飯？ 一大堆回憶又再湧出來。。。第一次來這裏是吃早餐雖然很嘈吵，但很有家的感覺，看着不知道是兄妹關係還是夫妻關係的型男和索女，當時的我有幻想着我們的將來，也會擁有一樣的快餐店，一起為未來打拼。今次來到這間餐廳11點幾不需要像上次人多，老闆在門口招呼客人落單，我今次照舊吃着一樣的型男餐，因為有我最喜愛的豬膶通粉。型男餐包括有鮮薑汁豬潤通粉，珍寶香草腸，香煎火腿，和牛油多士。豬膶通粉湯底有濃郁豬膶味，幼幼的薑絲癖了本身豬膶的腥味，厚而大塊的豬膶又爽口又新鮮，通粉軟硬適中恰到好處，再配合沒有味精的湯底，真的令人回味無窮。至於珍寶香草腸和香煎火腿就不過不失，我覺得煎熱一點會比較好，這次感覺好像冷盤似的。另外要讚下個檸檬水和牛油餐多士，檸檬好新鮮完全沒有苦澀的感覺，牛油餐多士就外脆內軟。不知道是不是給這間餐廳的急速氣氛感染，令我可以漸漸回復心情準備工作，今晚再重施故技，重頭開始，可以暫時停止胡思亂想。

超級無禮貌！！！！！野都未食完就想收我碟飯，坐唔夠半個鐘就係咁叫人走。過份到食食下侍應放reserved牌趕我地走。之後我地唔理佢，因為杯野未飲完。離譜到行過黎話，兩位要埋單 total呢個價錢。咁趕時間想反枱，我建議你限制進食時間15分鐘，保證你秒秒鐘幾百蚊上落。食物又唔係特別好食，服務又唔係特別好，你覺得邊個仲會黎？要服務啊？大排檔都好過你

下午茶排队，坐得好逼。套餐加既和风沙律唔错且分量好多，奶茶一般，芝士煎蛋猪扒十分唔岩口味:由包到猪扒到煎蛋都超级干，吞都吞唔落，味道又唔突出。下次要试下其它先得

其實幾乎個個星期六的下午茶時間都會經過這冰室, 每次都會想入去食, 因為這裡的下午茶餐有好多選擇, 例如: 焗飯, 咖哩, 多士等, 而且味道亦不錯, 不過近期經過時都見門外排長龍, 已經一陣子沒有去過了! 今日睡懶覺, 晚了出門, 幾乎5點才到, 終於不用等位。自從有次聽到有人叫榴槤西多士, 一直念念不忘想要試, 等到今日終於食到!我今日點了榴槤西多士($30)加凍檸茶(+$2)! 榴槤西多士的外表跟普通西多士無大分別! 糖漿已經放左向碟邊, 無得自己加!中間切開, 可以見到2塊包夾滿榴槤茸, 見到都覺得正咀嚼時就食到啖榴槤茸, 已問隔離果位話聞不到有榴槤味, 但我自己覺得口入面充滿榴槤香, 每啖都有, 份量剛好!! 推介俾鍾意榴槤的人!!仲有飲品跟埋, 凍飲加2蚊!隔果位就叫左公司三文治($39), 但我唔記得影相, 我食左1/4件, 麵包厚薄適中, 烘後外脆內軟, 材料好足呀, 都好好味!!

搵大大食tea順便openrice下附近有咩好食，發現左呢間好似幾有特色既冰室，2點到岩岩去到已經有7,8個人排梗隊睇睇原來個個黎食tea，睇睇個牌tea又幾抵食🤔三十幾就有個飯！叫左個焗芝士茄牛飯，好多汁多料仲有呢d餐，都幾得意！

因為朋友介紹，所以黎左呢間冰室試下。呢到既店員好風趣，呢間餐室都幾有人情味。我叫左個型男餐。型男餐其實係鮮薑汁豬潤通粉，跟炒蛋、火腿、牛油多士。個鮮薑汁通粉有薑絲，好夠薑味。豬潤好爽口，好有豬潤味，加埋薑絲一齊食好滋味。炒蛋係鮮奶炒蛋，而且係入口即溶果種質感。牛油多士脆脆地。

上兩次試左辣妹餐同全日早餐，今次專登黎試試個型男餐。個型男菜其實係鮮薑汁豬潤湯通粉，有鮮奶炒蛋、香煎火腿、牛油多士。個通粉中既豬潤好爽口，係我食過最惹味既豬潤，而且個湯底加左d薑絲，同d豬潤好夾D鮮奶炒蛋係半溶果種，入口即溶，而且好有牛奶味，回味無窮個牛油多士同d火腿就不過不失我仲叫左杯熱朱古力，好濃郁既朱古力我已經好耐未試過去餐廳都飲到呢d咁好飲既熱朱古力

因為上次食完覺得幾好，所以專登再黎試試其他餐。今次我叫左個辣妹餐，個辣妹餐其實係蕃茄牛肉烏冬。個蕃茄湯底好濃好足料，仲有d蛋絲同蕃茄，真係好香口，我差唔多成碗湯飲曬。D牛肉好軟身，淡淡肉，但份量好似少左d。個烏冬係稻庭烏冬黎，唔太硬又唔太軟，岩岩好。呢個辣妹餐其實份量唔多，男仔食未必會夠飽，但勝在底湯好味

係附近捉精靈，發現左呢間特色小店，所以決定試試。一入去，老闆好nice好風趣，好有人情味既餐廳跟住我叫左個全日早餐食嘩！原來好大份-有雞扒、雞肉腸仔、火腿、煎蛋、薯餅，我簡左個沙嗲牛肉公仔麵雞扒好大塊好香口腸仔係雞肉腸，不過不失個煎蛋唔係全熟，好似太陽蛋，入口即爆，好好食薯餅好脆，好食過麥當勞因為食咗其他野先，最後先食公仔麵，所以令到d公仔麵淋左。d沙嗲牛肉有少少硬個全日早餐真係好大份，我一個人都食唔晒食唔晒。下次可以再嚟試吓其他嘢食