半島冰室

營業中

休息中

今日去半島冰室個下午茶☕️先⋯⋯⋯小公主好邪惡食 #椒鹽炸雞脾🍗 配紅豆冰🥤 仲追加薯條🍟 ，個雞皮係脆既，但我地握人椒鹽因小公主食野食比較plain，小公主話炸雞脾好juicy，薯條🍟好正⋯⋯杯紅豆冰就麻麻地，之後跟餐叫咗杯凍徐都⋯⋯⋯水鬼尿咗啦😰Vienn叫咗 #芝蛋豬扒飽🍔 一開芝士🧀流心，個蛋就喊係流心既，so far係幾得意既，豬扒係煎所以唔係脆，會有d肥膏位，可以接受，如果未食過可以試下，係咪勁好食就得意囉，未算係好好食🤔🌟但勝在服務超好，勁nice，價錢今時今日來講係「抵」Tim la🌟真心講咁價錢，有咁既質素，已經算好❤️✌🏽✌🏽餐飲再好d就正啦⋯⋯🌟平時諗唔到食咩好都可以試下，種類選擇都多半島冰室 (北角)地址：北角炮台山宏安道14-28號威德閣地下2號舖#TR90達人 #怎吃也不胖#肥dodo食記

半烏係呢區可以話非常出名，無論好天落雨，甚至打風，排隊人潮依然，由開舖到關門人龍永遠都有十幾人或以上，可見大家為左美食幾努力💪🏻但公司只有一小時食飯時間，真係無時間再排隊，好彩可以買番公司食。砵酒炆牛尾($62)非常入味，好好食，每一啖都有肉醬。牛尾非常大舊，肉炆到好淋，唔會韌，入口好易咬開，仲有沙律菜，增加清爽感！ 食完覺得好滿足，送飯一流，份量非常足夠，食肉獸大滿足🥰🥰🥰半島的人龍反映左食客對佢食物質素既支持，希望佢可以一直保持👍🏻👍🏻推介指數:

呢間半島冰室其實係公司附近, 但一直冇去食, 因為每次經過都見到係排隊既, 不論朝早中午定下午茶時間, 非常之受歡迎, 但同時又好好奇佢點解咁受歡近, 所以其實又好想食, 今日咁岩打風D少左人食, 就成功比我入到去食喇!午餐有5款, 一坐低店員表示有兩款已經賣哂, 好彩淨番個3款都岩食, 同同事各點左特濃粟米肉粒飯配特式炸雞脾 同埋 牛肩肉併豬扒飯(本身係雞扒,但雞扒賣哂就轉左豬扒, 個人認為係賺左既!)。特濃粟米肉粒飯感覺上冇好特濃, 同平時其他地方食既差唔多, 反而係個特式炸雞脾真係非常有特式, 薄薄地既外層炸得非常之好, 咬開睇睇見到有薄薄既蛋漿, 外脆內嫩, 香脆多肉多汁, 非常之有驚喜!同事既牛肩肉同豬扒都比我jam左D黎食, 牛肩肉夠嫩冇筋, 豬扒一D都唔UN, 而且煎得好脆, 整到有D香煎雞扒feel。

每每星期六放假行經時都見到人排的，實在吸引我的好奇心，有什麼咁特別冰室也要排隊呢，咁同媽媽老公三個人決定左去排下隊，原來媽媽話佢做完運動久不久也會行黎呢間店去食全日早餐，所以我一講佢就話好，因為佢話味道真的不錯，唯獨是係等位需時，咁好野大家先係等的。星期六1030到達，我同媽媽就更係排住隊先，大約要等20mins到啦，不過同媽媽傾下計，諗下食乜好，等老公拍埋車，轉眼間已經到我們。媽媽推介全日早餐 非常豐富的，煎豬扒，火退，煎蛋，廚師腸，薯餅和沙爹牛肉通粉(可選米粉，公仔麵或加錢改一叮添) 樣樣都好好味，尤其豬扒大大塊有軟淋入味！凍奶茶少甜，剛好茶味濃但都好滑身，星期六假期第一日就已經好醒神。還有多款營養或輕營早餐，選擇何其多A- O餐P餐係芝士磨菇雞肉奄列 配七吋法蘭腸 還有牛油熱香餅 $38 熱香餅比某品牌還好食，香軟。奄列夠晒巨型，餡料有多，真心係值得排隊。排隊期間也會留意其他 poster原來老細個樣黎架，夠晒卓頭 gimmick

今天早上洗好衣服之後，肚子也餓了。趁著陽光正好走在炮台山的電氣道上覓食。忽然發現有個店家不少人在排隊，就一起排隊了。因為可能是一個人用餐，所以我只等了十分鐘就有位子，其他人倒是等了比較久。我點了西式的J餐，包含了牛肉、炒蛋跟腸，牛排肉上來了之後我覺得不是很好咬欸，有點咬不爛，香腸的部分還算不錯，炒蛋就是一般般那樣。麵包的部分我覺得蠻好吃的，奶油很恰到好處的融入在吐司當中，所以這家店應該是麵包類好吃吧？奶茶部分就茶香蠻重的，下次是還是會再來啦。

應該唔係因為電視介紹掛，因為剛前一星期xx香港介紹完。呢間嘢應該好習慣有人排隊，佢5點幾6點就預備收爐。我4點幾去到 見有幾個人排隊中，不過我外賣啫。 入去叫芝士煎蛋豬扒包，居然無平時嘅脆脆包，只可轉白麵包了，即當多士囉。$38，我以為係個包咋，原來係餐黎嘅，包埋一杯飲品。返到去食，雖然個芝士唔再流心，但都仲溶溶地嘅，個豬扒好林，唔韌，一咬就食到，唔駛用牙用口扯，當然有豬味嘅。雖然唔熱了 但個多士都仲keep到少許脆，整體都比8.5分啦！

呢間茶餐廳喺炮台山開業以來次次去親都排長龍每逢係早餐尾段或者就黎下午茶就特別多人要食就真係要預早黎，仲要記住佢地唔做晚市兼且星期日同公眾假期唔開講返食物方面，每日午餐既選擇都會有啲唔同，但大致上都會有湯飯/麵、蔥油xx飯、西式扒餐，再加上常餐類既嘢食，可以話總有一款啱心水今次既午餐menu蔥油煎蛋飯係我既十次黎九次都會叫既嘢下晏一點左右到等左差唔多四十五分鐘先入到去入到去既時候嫩雞都冇晒最後c 餐變左做蔥油豬扒煎蛋飯反而仲吸引 —成塊面咁大既豬扒加上半熟荷包蛋，豉油汁同蛋汁撈埋蔥油落白飯度，食過自然會返尋味不過野飲方面，個人覺得偏甜。少甜左之後同其他餐廳正常既甜度差不多想食又唔想等（太耐）既話，最好就十二點左右去啦

最近成日要嚟炮台山上全日堂，發現呢間茶餐廳， 咩時段都要排隊， 早餐又要排、午餐又要排 、下午茶又要排，令我更加想去食。自己叫咗碟「咖哩吉列豬扒飯」，下午茶價37蚊,大大碟， 吉列豬扒熱辣辣，食得出係即炸嘅，CP值極高。另外同同事share咗個芝士煎蛋豬扒包$32， 麵包外脆內軟， 豬扒唔會整到又乾又硬乾，加埋溶化嘅芝士，超邪惡！

🍅 蕃茄薯仔排骨湯通粉 牛油多士 HK$33番茄真係煮到淋，湯味道好濃，見到嘅材料有啲似羅宋湯。另外，雖然佢話係就係排骨，但其實主要係豬肉，而且份量好多，唔會話得反骨。 🤣

食物 : 一般lunch 嘅食物賣相 : 唔係太特別，始終冰室唔係太著重係外相上味道 : 以lunch 黎講個味道係絕對一流環境 : 7/10 長期有人排隊，連下午茶都要排隊價錢。:hkd 50 /人性價比 : 7/10

 朋友說任何時候經過半島冰室都見到大排長龍，很受歡迎的，而且它不做晚市的。我早已耳聞它的名聲，所以今日趕來吃下午茶。大約5時30分到達，我們排了十分鐘到便可以入座點餐吃。單單睇這四個餐已經好有創意:型男餐、索女餐、頭等餐、商務餐。我們叫了馬來咖哩吉列豬扒飯$37，忌廉芝士焗雞皇飯$36。下午茶餐供應時間由下午二時至六時，總共有18款。這麼多選擇，每款試一試也要18天才能試吃完畢，哈哈！出餐時間很快，吉列豬扒很大件，金黃香脆，豬扒非常夠淋，配上馬來西亞咖哩汁，香濃惹味，令我胃口大增，味道非常好。忌廉芝士焗雞皇飯，用錫紙盤盛載著，熱騰騰的，白飯混有蛋絲而且很軟熟，忌廉芝士的白汁，味道調教得很好，不會太鹹太濃味，雞肉很多又軟又滑，真是越吃越滋味。下午茶餐還奉送飲品，我們叫了凍奶茶少糖，奶茶夠香滑。

十二點幾黎到已經分左兩條長龍🙌🏻 但係等左唔洗20分鐘就有得入啦😲諗左好耐食邊個午餐定常餐好🤨忌廉芝士焗海皇意粉配帶子 ($58)唔夠3分鐘就上左🤪 一黎就香氣撲鼻！白汁同芝士份量好夠🥺 平時好憎食意粉唔夠汁同濃稠 但呢個唔會。味道雖唔算好重味但勝在夠香，算係較清淡既白汁意粉！雪花霜降牛肩肉飯 ($62)同意粉一樣夠汁☺️ 而且有成兩三塊肉😍 份量夠曬！牛肩肉8成瘦肉2成肥肉，滿足到食肉獸之餘又唔會太有罪惡感。成餐飯最滿意就係佢♥️半島煎肉餅皇 ($52)本來見到 有冬茹，臘腸都係我好鐘意食既野，以為咸魚都唔會落好多🤔 點知...太鹹啦🤮 原來三種咁香口既野係唔可以共存喺同一味餸到㗎！雖然個combination好正，但真係over左少少，如果減左咸魚成件事可能好好多。冰糖雪燕紅豆冰 ($8) 跟餐加Overall黎講所有野都幾好，唯獨唔食得咸既你千萬唔好揀肉餅😲 下次會再黎食埋佢啲常餐🤣

禮拜尾加上就月尾，多嘢做到氣都冇丁唞！時間就快來到兩點，門口嘅人龍仍在，反正食完嘢又要返公司繼續做嘢，咁不如等下啦，就算烈日當空亦無阻我哋要出街hea嘅心態，跟住條隊～排啦！你有你排，餐廳都好努力為你做多啲，未及入座已經落定單，然後上菜都好快，變相縮短你嘅等候時間。我叫咗個午餐嘅牛排豬仔包配薯條，但竟然薯條薯條賣晒，雖則有啲失落，不過店家轉咗個意粉比我。開頭以為係普通意粉，結果係番茄免治牛肉意粉，好驚喜，成個餐得個沙律係配角。啲醬好好味，撈埋啲意粉一齊食，唔會dry仲好香；沙律好新鮮，至於個牛排豬仔包呢，比大家睇睇個橫切面，個包外脆內軟，件豬扒juicy 的來又大件！呢啲質素，呢個價位，我只能說：難怪門庭若市！

 半島冰室應該大家都唔會陌生啦?位於炮台山既一間小店茶餐廳, 出哂名抵食夾大件啊!講真依間我成日都去食既茶餐廳, 點解又會值得我為佢打一篇食評呢?就係因為我今日心血來潮叫左碟咖哩吉烈魚柳飯啊~~上台果時我D同事見到都呆哂, 塊魚真係仲大過塊面啊!我分左比2個同事都夠哂飽魚柳唔只得個大塊, 仲炸得非常香脆配埋咖哩汁真係好好送飯, 食唔停口啊~而且仲伴左小小沙律菜, 減輕左些少罪惡感, 哈哈所以下次黎到半島....冰室, 唔好淨係食佢既蕃茄通同豬肝麵啦, 黎試下咖哩吉烈魚柳飯一定比到驚喜大家~

本身屋企人特登話去食，本身都唔知係咁受歡迎。12點左右去到排到一小陣，大概10分鐘左右，見到餐牌寫型男索女餐，當堂醒神哂。結果叫左個飛機師餐，的確結幾好食。個龍蝦湯底感覺似用左龍蝦去熬，唔同出面罐頭嘅味道。雖然得三隻蝦，但份量都唔細。炒蛋加左蝦柳，食落去唔係cheap個隻，似係日本靚少少個d。最重要當然係價錢先50，平時喺茶餐廳食個午餐都唔只，質素仲要咁好，性價比真心唔錯。所以大家都可以去試下，如果近近地。