千賀日本料理 (已結業)

上星期一人經過千賀 , 見少人於是入內醫肚 . 叫左魚生雜錦及牛肉窩 , 魚生雜錦賣相甚差 , 毫無光澤 , 食落口淡而無咪, 應該係雪左好耐 . 之後呆坐半個鐘等牛肉窩 , 唔通廚房只有一人在工作 ? 見那唯一的樓面姐姐在我面前忙碌地穿插 , 令我眼花燎亂 . 最後等到個牛肉窩 ,但牛肉窩上枱竟無火坐熱 , 窩裡的菜又未熟 , 無晒胃口 , 匆匆埋單 . 離開千賀門口時 , 我的頸已僵硬 , 頭已暈佗佗 , 牛肉窩的味精湯底開始作怪啦 !  

呢間日本嘢一向唔錯，今日去開呢頭！兩個人去食午餐！去到中午時段都只係得兩枱客！坐在梳化位！地方唔大！裝修木傢俬為主！燈光比較暗，傾偈真係幾好！叫咗：吞拿魚蓉魚生飯定食--個飯好多魚蓉，上面放好多蔥，不過係白蔥絲，自己比較喜歡青蔥，入口啖啖肉！好滑，淋少許醬油配飯食，剛剛好！飯面放紅椰菜，覺得比較古怪，不過都新鮮，麵豉湯一般！雖然唔係即沖貨，又唔係咸，但唔特別！沙律菜新鮮，蕃茄片juicy,撈油醋汁清新好味！飯後有一粒雪榚糯米糍，獨立包裝，普通雲尼拿味，難得係凍得剛剛好，唔係死實實嘅，食到外面煙韌，裡面鬆軟嘅雪榚糯米糍！good!服務好，唯一嘅女侍應有禮，不過信用卡要夠$200先可以用，就有少許唔合理！

還記得每月第三個星期五與一個好友飯聚的每次食評嗎? 今次因訂枱的原故, 需要將聚會改了星期三, 今個月輪到由我帶她食好野, 之前買了一張日式二人餐團購 , 好友話吃什麼菜式都沒有所謂, 那便決定一起試試吧! 其實吃什麼並不是重點, 有空跟她相聚才是重要。一直沒有講及過我這位好友, 其實她是我以前同事, 是我工作上的明燈; 生活上的小支柱, 以大姐姐的身份指引着我, 而今次的飯聚, 郤讓我看到她的另一面, 亦發現自己事實上了解她太少。原來…..朋友真是需要用時間去關心和了解, 不是單單說掛在心中!由於好友正放假中, 故她不介意走遠一點來到北角這間日式食店一試。《千賀日本料理》店子小小, 招牌以木牌配紅字, 門口地上放了兩個日式大酒桶, 由玻璃門看進去便見到一些日式擺設和不同的日本酒。內裏的木枱木櫈以深啡色為主, 亦有米黃色的沙發座位, 牆上掛了一些日本畫及食物海報, 設計簡簡單單。樓面只有一位女店主打理, 事事親力親為, 上菜、添水、執拾、下單, 全是她一手包辦, 實在用心用力, 原來經營一所小食店是那麼辛苦!二人極上日式料理套餐($188)包以下的食物外, 還有一杯飲品, 可揀汽水、啤

北角食日本菜, 價錢大眾的選擇不太多. 這間在和富商場附近的, 食完可以嘟兩蚊, 算是不錯的選擇.午飯時間通常都是叫set lunch, 通常配有麵豉湯(不是普通的麵豉湯, 而是有蜆肉的麵豉湯!!) , 沙律. 不同的是主菜. 今次點了雜錦魚生飯, 貪它魚生夠多款.有頭甜蝦, 吞拿魚, 三文魚, 八爪魚, 帶子, 夠新鮮, 鮮甜味美, 正!!飯有陣陣的醋香, 不太酸, 易入口. 正!!但不足之處是比較細碗, 大食的未必夠食. (睇落好似好大, 但下面有生籮蔔)整體而言, 料夠新鮮, 份量算足. 七十幾, 免加一, 差不多. 連埋麵豉湯, 沙律, 份量剛好.

這天我到北角找舊同事吃晚飯去。不久之前聽他們說過這家新開的日本餐廳相當不錯，他們常說午餐抵食好吃 。在他們的極力推薦之下也就來試試了！但間餐廳比較難搵，之前又唔記得睇定地圖。我7pm 去到，預先訂了桌所不用等，舊同事已坐低了。今晚一行六人，要大吃特吃!!!!烏冬灼得爽口，入口也甜香，混在烏冬sauce裏是另一番滋味，很相配呀。但份量不夠吃一大塊鯖魚倒是相當厚身，入口也沒腥氣，質素不錯，魚皮少少焦但入口微甘，好吃。鮮味十足，令人回味無窮。清酒煮蜆，不時推出的，蜆肉是新鮮，有少許酒味，很清新。肉質嫩滑，皮夠香脆，但比想像中辣，帶點刺激，值得一試。好吃，滿是菌類的香。下半場比較重口味，叫了出名的燒油甘魚頭和一個泡菜豚肉鍋。泡菜豚肉鍋不算太辣，內有我喜愛的日本年糕，而豚肉放湯下肉質依然未有死實，不錯。 另order了"千賀卷"，中間是炸牡丹蝦，很精彩。忘了一提這裡的啤酒都是日本啤酒來的。

是日到左北角搵食，一時唔知食咩，就行左去和富道，發現新開左間日本餐廳，見佢無咩人，又夠企理，咪試下囉。一行五人，咁首先就試左魚生，同壽司先，嘩！好驚喜，三文魚真係有魚味架，油甘魚仲鮮味到要encore，就連活赤貝都要一人一隻。不過由於叫左海膽手卷，而佢又同時上菜，當食完刺身之後，手卷紫菜已淋晒唔好口感lu。如果分開上會好啲囉。之後叫左燒蠔、燒牛利，頂呱呱，一定要必試，驚喜度滿分。之後炒飯，天婦羅都不過不失，最後要比全晚最高分嘅係個洗手間。是晚每人$200（沒有飲料）

這間新店開業已一段時間, 終於有時間來試了. 從不喜歡有壓迫感的食肆(有人在你附近等位)和太過殷勤的服務(不停為你收碟), 這裡雖然地方不是太大, 枱數不多, 但有一種舒服的感覺. 日本魚生基本要求是新鮮, 就算不加鼓油, 仍有一種鮮味. 這裡食得到. 壽司: 手握壽司即叫即做, 不會有太散的感覺, 用料新鮮. :冰鎮赤貝: 水準之作. 必食.生蠔: 有不同地方的選擇 (澳洲,南非,法國) 價錢由$28-48 / 1隻)鍋物: 不是有太多選擇, 還可以增添多款選擇.燒物: 不會太燶, 恰到好處. 燒煆還放鹽在煆穀上, 有意外驚喜之感. (要預早ORDER) :甜品: 燒波蘿, 串燒一口番薯 (一口番薯好得意, 暫時未在其他地方食過)