千禧古早烘焙坊 (已結業)

因為係附近返工 都買左好多次了買過原味 芝士 朱古力味屋企既小朋友好鍾意食上次去慶祝老人家生日買左兩個原味當生日蛋糕由觀塘區拎返元朗區都唔會有回縮既情況得到眾多長輩既一致好評原味蛋糕唔會太甜 軟熟 亦冇回縮既情況蛋香味濃 會回彈芝士味中間有拉絲 有咸香既味道但陣味都唔會唔夾朱古力味蛋糕亦食得出有蛋香味 唯獨價錢貴原味一倍整體黎講原味最值得推薦 廉價物美 老人家同小朋友都鍾意食每次買都會有$10蚊劵俾你下次用想食古早味蛋糕可以試吓呢間

今天到ＳＰＫ探朋友，知道上有几個細路，所以逛逛這邊有什麼特別的東西可作伴手禮。看到這個近來很潮的甜品～臺式古早蛋糕。 而店員剛好提供几款樣品供試食，一於試一試。最後買了一底原味蛋糕。 付款後，職員送上一張10蚊現金劵，可在下次購買時使用。 心想朋友家裡有几個細路，再加几個大人，人數众多，所以再多買一底，即場使用10蚊現金劵，抵左。抽著2底蛋糕上朋友家，  不再是2梳蕉了！！細路仔看到2個蛋糕盒很感興趣。  原味蛋糕        前題：在台灣淡水見過， 但未曾食過！印象中，在台灣淡水老街几家類似的蛋糕店，當時每家店門都有長長人龍在排隊等待大大盤蛋糕新鮮出爐。只怪當時未有一試。  現在香港越來越多打著＜古早＞之名的蛋糕店了！既然此店標榜是＜臺式現焗蛋糕＞，所以點一份原味。 視覺 ：蛋糕平滑的表面, 中間綿密, 空氣含量不高.    手感 ：剛才提著2袋蛋糕, 蛋糕好墜手.  以附送的膠刀把蛋糕分件，落刀之時要比少少手力。切出八個正方形，2底糕就是16件，應該足夠多人享用。抽出一份原味蛋糕，左掐掐右掐掐，糕身也没有爆開，而且很回復原狀。   口感＆味道：左掐右掐，糕身也没有爆開。先咬一口，

大大話話都食過四五間古早味蛋糕，除咗一出爐好鬆軟外，放耐咗咪同普通蛋糕一樣。早兩日夜晚去新蒲崗搵嘢食，見到有新開嘅古早蛋糕，本身都無乜期望，因為一個人都無，同埋蛋糕好似由朝擺到晚咁，但既然有得試食，咪食咗先講。依間好在係可以半條買 （除咗流心奶黃外），先試抹茶，有宇治金時嘅味道，但唔算重所以吸引唔到我，但試咗舊芝士時，就決定買半件食，因為又軟又有芝士味。第二日切開時發現芝士竟然有輕微拉絲仲黏住把刀，當刻係幾驚喜嘅，因為無食過蛋糕類有半溶芝士質地，平時食嘅都係變咗硬嘅芝士，由於蛋糕第二日食唔晒，我就繼續放室溫第三日食，估唔到一d走樣都無，蛋糕仍然仲係軟同半溶芝士，我唔知咩原理可以做到咁，但$30係抵比。後記：朋友第一晚買完返屋企就即放雪櫃，第二日拎出黎食佢話仲係軟嘅。

估吾到新蒲崗都開左古早味蛋糕店，見暫時有原味、抹茶、朱古力、流心芝士、伯爵茶、流心奶黃(要假日先有😞)。蛋糕分別有原條同半條賣。而家一幫襯就會送返張$10現金卷可待下次使用😐👓清新抹茶 $60/1個 $35/半個唔知係咪抹茶味要多啲甜味中和返甘苦，好耐之前試Andy嘅抹茶味道一樣係偏似長崎蜂蜜蛋糕，而唔係好重蛋味嘅原始古早味蛋糕。依間嘅抹茶蛋糕抹茶味都出不過唔算係非常濃郁帶甘苦，蛋糕質感反而幾出色軟綿綿好鬆軟👍🏻整體叫做中規中矩，蛋糕款式唔夠多同特別，可惜最特別嘅口味-流心奶黃要星期六日公眾假期先有😐評分：7/10

見新蒲崗終於都有古早蛋糕店特登去睇下見到都有好多款味道揀基本既原味，芝士，肉鬆，朱古力，抹茶，特別少少有伯爵茶。而奶黃味就要星期六日先有。問店員幾點閂門，佢地話8-9pm,賣晒就早啲閂。買左半件肉鬆 半件朱古力，一共$85（$45+40），送左一張買$50減$10嘅現金卷下次用。應該都要買至少一件先有得減，因為只買半件唔使$50。有古早嘅蛋香味，大概兩三點買，都仲係暖。見到店面冇標示出爐時間而啲蛋糕又擺晒出黎，似係一lot全部由開鋪賣到閂鋪。因為夜晚先食，所以都叮熱左。肉鬆味：好一般嘅蛋糕，冇古早嘅鬆軟口感，而且肉鬆好少，同埋加埋面頭啲黑白芝麻味道一般。朱古力：比起肉鬆好少少，但都係冇之前吃過既古早蛋糕咁鬆軟同有蛋香，入面好似想做到有啲流心但係冇。都真係幾失望😞，冇諗過一間專賣古早蛋糕嘅居然會唔似食緊古早蛋糕，價錢仲要同出面好好食嘅差唔多，唔知係咁岩依批係咁定點，未必會再試。