千杯串居酒屋

營業中

休息中

原來元朗有間新開一排嘅日式居酒屋🎏 環境幾有氣氛🫶🏻 有outdoor座位✨今次lunch hour 時間到訪全場滿座，人手唔係好足夠😢 幸好食物種類多元化，價錢合理😆 有咖哩飯/烏冬、定食、拉麵、炸物串燒小食💁🏻‍♀️星期一至五包飲品🫠 如果下午3-6點前離座🍻生啤仲有買一送一同主餐牌一律85折優惠🥳黑松露燒雞扒定食 $68定食附送麵豉湯、蒸蛋同珍珠米飯🍚 可惜蒸蛋賣哂轉左做溏心蛋🫠 照燒雞扒成日食日本菜都見到啦～甜甜哋嘅燒汁配埋嫩滑既雞扒送飯一流🤤 面層既黑松露令味道更突出😍 +$10仲可以轉牛油紫菜飯☺️銀咖哩珍寶吉列蝦飯 $72吉列蝦有三條呀🥹炸得幾香脆唔會油膩🍤咖哩質地稠身唔會好稀🤓食落香濃唔會太辣，帶點甜味🍛 啱晒唔食得辣嘅朋友仔😆 呢個飯都有包麵豉湯，鹹咗少少🤏🏻 Menu:

想食串燒慶祝朋友生日，就試吓哩間，店舖坐位坐得好舒服，唔會迫迫夾夾，讚👍燒白鱔外脆內軟😋叫完再叫，雞品拼雞肝腎好甘香，用嚟送清酒係絕配😙炸年糕、海膽冷麵、明太子雞翼、海鮮天婦羅🍤牛魔王拼牛舌好好味真心不錯👍會再幫襯的小店😍😋（和朋友共渡一個愉快的晚餐）.

這間位於朗屏站附近的居酒屋，晚市主打串燒及一人前套餐外，還有多款小食。汁燒活鱔即叫即鱔，鱔皮脆口，肉質彈牙，充滿魚油脂香，是必食之一。牛舌燒至兩面帶焦，十分彈牙。杏片日本溫室南瓜沙律及一口芝士南瓜蓉香甜幼滑，中間有些蛋碎；炸芝士外脆內軟，新鮮熱辣。杏片日本溫室南瓜沙律及日本炸薯餅紫薯餅炸至金黃香脆，中間紫薯香甜。茶碗蒸有些肉碎及蘑菇在蛋內，香滑且有蛋香。厚切吉列豚肉定食吉列豚肉大過我手掌，一件等於平時兩件份量，炸漿不算太厚，外脆肉嫩，十分juicy。蒜片牛柳粒定食牛柳粒肉質很腍，完全無渣，而且份量十足。原來下午茶所有串燒七折，另外生啤買一送一，下次早少少去試下先。

喺元朗廣場後面呢間居酒屋，有得食拉麵又有得食串燒，拉麵有齊日式叉燒、溏心蛋、木耳絲、葱花，簡單得黎又有齊食拉麵想食嘅野，唯一可以挑剔嘅係湯底清淡左少少，不過咁就唔會搶串燒味道，因為串燒味道較重🍢照燒雞肉串、冬菇、菠蘿之中，冬菇燒得唔錯，燒菠蘿超多汁，留返最後食完美作結🤤🤤蒜片牛柳粒定食望落好豐富，仲有茶碗蒸😍牛柳粒沾滿葱蒜，軟腍juicy, 可惜被洋蔥燒汁蓋過咗牛味😌 午餐加配咗朱古力latte, 朱古力同奶balance得好好，口感香滑，中意latte 一定要試試🥰

好多時喺朗屏站落車去元朗廣場都會經過呢間餐廳，一直想試但時間都唔就。呢次Lunch time咁啱又同男友去朗屏附近做嘢，就去咗試一試佢~ 🧡泡菜炒豚肉定食（$68）店員推介話呢款Lunch time多人叫，味道確實唔錯！上枱熱辣辣，即炒起就係好食，味道夠濃好送飯，泡菜同豚肉夾到無得輸！ 🧡銀咖喱蛋包飯（$58）蛋包飯個蛋外表閃靚靚，做得好靚仔，勁吸睛！日式咖喱汁入口舒服，偏甜唔辣，份量充足！飯係珍珠米，甜度夠，香味足，唔錯！ Lunch整體食完覺得幾唔錯，見佢下午茶時段3-6pm 離座有優惠，生啤買一送一，主餐牌一律85折，好抵食~有機會要再嚟試下佢啲串燒先得~

與朋友回憶廿年前❤️小時候總想長大，長大後卻想回到從前無憂無慮的生活那時候的我們是最單純最快樂，很想念從前的人和事。燒鯖魚朝食 $52配左白飯，味增湯，胡麻沙律我諗日式便當嘅鯖魚飯係我經常食嘅，無意中比我見到可以加$10轉牛油紫菜飯，即刻諗都唔諗就話要加😍因為有牛油同紫菜令到個飯真係香勁多，朋友都表示好好食😋吉列黑豚扒套餐 $48本身係想食我例牌嘅魚柳滑蛋多士，但係魚柳咁岩賣晒，吉列黑豚都唔差，唔會好鞋，仲好香脆。除咗黑豚扒，入面仲有滑蛋，茄汁豆，牛油多士，胡麻沙律我最愛嘅多士，朋友表示嚟到覺得好香，我真係好鍾意食多士🥰滑蛋份量都多，而且真係好滑👍黑松露炸薯條 🍟 $48我哋叫咗一份細嘅，份量都已經唔少，仲有好香嘅黑松露醬，真係好多黑松露🤭下午茶時間3-6pm 離座仲有生啤買一送一，主餐牌一律85折

周圍食開既餐廳因疫情停業或停堂食，令我有機會試新嘢。呢間餐廳開左差唔多一年，本因價格原因未曾一試，今日見店內人少多位，就去一試。點知人少少中大伏，未曾食過如此失敗既吉列豬扒定食。🤢🤢$80蚊既價錢:一個粉沖麵豉湯，唔算鹽算ok; 一個日式蒸蛋，冇咩蛋味，但可入口；一碗白飯，濕左d，算；一塊大大塊硬到好似咬石頭既吉列豬扒我只想講呢塊豬扒既硬度係好似咬緊🦞殼，你知到咬得爛，但會驚咬崩牙。我相信老人家食唔到呢塊豬扒，個廚師自己都未食過。個人食過既$60以上吉列豬扒定食，呢個係最難食既頭3，唔係味道上難食而係食都食得好艱難，只係試到硬，肉實，冇咩味。價值$80蚊既吉豬定食，可能50蚊茶記都做得好食過佢一倍！我唔敢講呢間餐廳其他食物都一樣差，但一個廚師咁都拎得出黎比客人食，我諗佢都唔係好熱愛呢份工作。到最後，叫埋單，個待應企系我隔離望著隔離同事幫隔離權落單應都唔應，找錢果陣想拎單，都要問同事比唔比得張單我，第一次食飯拎單都咁困難，完。

今日行過千杯串居酒屋,竟然不多人就地試下兩個早餐,估不到性價比幾好吉列豬扒炸得不錯,鷄蛋炒得升滑,連埋D菜好新鮮系個包烘得重手左DD鷄扒拉麵,口感OK,湯味濃郁,味精湯算系咁上下勝在抵食

💖經過元朗呢間居酒屋🏮，見串燒選擇幾多，決定試下。1️⃣牛魔王串燒拼盤🍢 $175💖有燒牛舌👅同和牛🐂各2串、牛柳同冬菇🍄，總共6串，連鐵板一齊上熱辣辣🔥！每次去居酒屋都一定食牛舌，厚厚嘅一塊Q彈有嚼勁，多汁鮮嫩。和牛串同牛柳串灑上烤蒜片🧄同蔥，肉質鮮嫩，冬菇香軟爽口。2️⃣燒紐西蘭羊架🐑 $58💖連沙律🥗，大塊肥厚嘅羊架表皮燒得微焦脆，肉質軟嫩，肉香混合油脂香，邪惡但食唔停！3️⃣軟殼蟹天婦羅🦀 $62💖連沙律菜🥗同車厘茄🍅，軟殼蟹口感柔軟，炸皮香脆。蟹黃幾多🤤，鮮香濃郁，可以配天婦羅汁一齊食。4️⃣燒蠔🦪 $38💖燒蠔上面灑上蒜蓉🧄、蔥同紅椒絲。蠔肥厚多汁，調味唔會冚過海鮮味，飲埋暖笠笠嘅汁～5️⃣德島縣雞肉串🐔 $26💖肉質嫩又爽口，油脂感低但肉質唔柴，表皮燒淂焦脆。6⃣️Sangaria蜜瓜🍈/橙🍊梳打汽水💖蜜瓜味道清香，唔會假甜，好飲！橙有啲似fanta，不過味道唔會咁甜，果香味天然。💖餐廳坐落幾舒服，同朋友食啲嘢飲番杯唔錯🍻。

其實在元朗串燒店不少，但是高質的有多少？今次朋友帶我來到朗屏附近搵食，其實想不到在大街旁便是，今次兩個女孩子不知可以把多少東西吞下。很多串燒選擇，我們最後點了些拼盤因為可把特色的都可以嘗試到。海鮮串燒拼盤鮑魚，蝦，扇貝，魷魚，最出色的是魷魚，煙韌口感。鮑魚彈牙，口感不錯。牛魔王牛舌，和牛，牛柳，冬菇，牛舌厚度恰好，加上黑椒和醬汁更惹味，彈牙鮮甜。和牛軟嫩多汁。雞盛三角軟骨還不錯，脆骨很有口感。汁燒活鱔鮮甜的魚味，彈牙不黏牙。雞皮

🍽千杯串居酒居有差別既兩個套餐👍🏻👎🏻🍱滑蛋鰻魚飯+麵豉湯（$78）起筷前一啖麵豉湯，麵豉湯正常無咩特別。滑蛋鰻魚飯有少失望🙈鰻魚肉厚汁香但係魚煮老左有DD諧，個蛋好食既，但係熟左D似熟蛋多過滑蛋🥲🍱吉列蠔定食+ 麵豉湯+蒸蛋套餐（$68）反而個炸蠔就有驚喜啦，皮脆，蠔都岩岩好唔會熟過頭，唔腥（應付我已經足夠😂）燉蛋都okay，餃子🥟多汁有煎底，不過可以再煎燶多少少香D就好啦🤣

依家夜晚冇得出去食，lunch要好好搵一間真係好味嘅食店滿足下，今日經過千杯串居酒屋，見佢哋裝修好舒服，入去試吓個拉麵先今次食咗豬軟骨拉麵，豬軟骨好林，超易入口拉麵都彈牙，我最鍾意個湯底，係濃郁嘅豬骨湯，沙律又好足料，好似我去日本拉麵專門店嘅味道老公嗌咗酥炸蠔，佢話夠晒肥美三文魚都好新鮮跟餐仲可以加一口芝士，超長拉絲好正地方好舒服，午市套餐都好優惠都係60幾蚊起，如果想回味下日本嘅感覺一定要過嚟原來仲有全場清酒八五折，希望遲啲夜晚可以過嚟食

千杯串居酒屋 (元朗)元朗安寧路110-136A號好景樓地下10號舖#下午茶chill一chill#元朗人居酒屋@senpaifoods 三文魚刺身拼三文魚子杯丼 $52✔️三文魚有三片，新鮮✔️三文魚子爆多✔️唔好以為佢細細杯，食得好飽！✔️$52蚊包嘢飲🧃性價比高炸雞軟骨粒 $48✔️香脆juicy✔️大大份✔️下午茶chill 下不錯德島縣雞肉串 $26✔️juicy！燒汁調味！大大嚿鹿兒島五花腩串$32✔️juicy & 肉質鮮嫩✔️少少肥，口感啱晒👍打卡度 Igable: 7/10美食度 Taste: 8/10翻兜度 Worth revisiting: 7/10

⭐️千杯串居酒屋⭐️📍:元朗安寧路好景樓地下10號舖⏰:12:00pm-11:00pm⭕️:現金、Alipay呢間新開既日式居酒屋 環境唔錯 帶室內、外既座位 食物既種類都多 有炸物、串燒、小食及丼飯 價錢唔算貴 性價比唔錯！-德島縣三品雞盛- 💰138(燒雞胸三角軟骨、雞腎、雞肝)🌜會有個熱鐵板一直燒熱啲串燒 雞腎好爽脆有咬口 調味岩岩好 燒雞胸三角軟骨 好得意 小小鞋口 有肉汁 燒得好香口 雞肝就比較淋 好香🙈-海鮮拼盤天婦羅- 💰108🌜即叫即炸熱辣辣 拼盤好豐富 有炸大蝦、帶子、蟹柳、鯛魚同紫蘇葉 外層皮薄粉漿唔厚 酥脆好食👍🏻食居酒屋必點！大蝦彈牙新鮮🍤 帶子好大粒👏🏻最有驚喜系有黑松露起裏面 鯛魚肉質嫩滑 紫蘇葉好脆口！整體感覺香脆而不膩-滑蛋蒲燒鰻魚飯- 💰98🌜份量都多 肥美既鰻魚好厚肉 略嫌較多骨🥲 滑蛋好嫩滑 撈埋啲飯食一流👍🏻-炸池魚仔- 💰48🌜好吸引叫左🤣 份量好多 池魚細細條 酥脆可口 上枱個陣熱辣辣 好細心咁用個隔網隔住個底 唔會令到下面啲池魚熱淋晒 都好脆！如果搭配埋沙律醬就一流啦🙈希望之後會提供☺️-石板燒牛仔骨- 💰78🌜用石板燒牛仔骨 一上枱就會熱住佢

最近好鐘意食日本菜, 所以中午放假都去左新開幾個月既日本餐廳食lunch!呢間其實係居酒屋, 但中午有提供lunch set, 選擇都好多, lunch會送飲品, 不過只限星期一至五先送, 要注意喔!叉燒火山拉麵 $78呢個set會跟胡麻沙律, 叫得火山, 當然係辣。呢個湯底望上去已經好紅, 食落都幾辣同幾麻, 愈食愈辣!碗內仲有1塊厚身叉燒同肉碎, 肉碎出奇地好食!拉麵份量亦好多, 麵質都幾好。蒜片沖繩和牛定食 $98呢款定食包括蒸蛋、味噌湯、胡麻沙律, 相當豐富。和牛切成粒狀, 食落幾有牛味, 唔錯!蒜片同洋蔥都好多, 夾埋和牛一齊食更好味!飯用左珍珠米, 不過硬左少少, 個人鐘意食軟身d既飯。蒸蛋內裡有少少豬肉粒同冬茹。個碗好熱, 大家要小心拎喔!飲品方面, 呢到提供既款式都幾特別, 而且唔洗額外加錢。有抹茶latte, 朱古力latte, 焙茶奶茶同一般既檸茶檸水等等。餐廳都佈置幾有日本feel, 而且都坐得算舒服。入座時坐滿哂人, 到我食完之後大家已經去哂返工, 可以影唔到人!門口都好易認!餐牌: