千味軒

本身自己住長沙灣,但平時都係成日出旺角食開飯,琴日心血來潮想打個火鍋,就同朋友上openrice搵下睇下附近有冇好既食店見呢間鋪有3個食評,又好似係新開冇幾耐, 本人又喜愛食辣, 就決定拉大隊去食啦!! 去到 間鋪人唔多, 所以招呼好周到,一班人就決定叫2個煲 幾個小食, 當然唔小得就係肥牛等配料啦~~~! 一度飲啤酒一度等,個感覺不知幾爽~~ 老闆同我地一樣~都係後生仔 所以比較岩傾 仲有啊~~d野食出黎啦!! 比起我係其他地方食既唔同 好有風味, 唔似以前食個d一味得個辣字, 蓋晒其他味道,真係好好食 但係因為個個位置比較偏僻 所以冇咩人食 我地一班fd仲開大d音樂係度唱歌~ 老闆都好好人~冇咋我地型如果人家鐘意食辣or 鐘意一班fd 搵個好既環境傾下計~ 唔洗晒咁多錢去cafe shop~ 可以試下去打邊爐!!有得食又有得飲!!我地都決定聽日會再去 睇下到時見唔見到你地 …查看更多

之前聽過人講元朗有間"來來"食雞煲好正, 要排長龍等位, 一路都因為太遠未有機會試; 最近聽朋友講原來"來來"喺長沙灣開咗間分店, 咁啱喺正我公司附近, 所以決定約朋友到此一遊.一去到, 見到唔使等位, 心諗: "弊! 名又唔同, 係咪真架...", 不過見橫掂約咗朋友黎, 不妨一試啦...一入去, 見到傳說中"來來"嘅唇環大廚, 心又諗: "唔! 應該係呢間嘞..."坐低第一時間叫個麻辣雞煲, 睇睇吓個 menu 再叫咗涼拌皮蛋同涼拌青瓜, 雞煲一到... 我同個 fd 都忍唔住話: "好香呀!", 食落係一個好獨特嘅味道, 我唔叻形容味道, 講唔出係咩味, 總之好味涼拌皮蛋同涼拌青瓜到咗, d 皮蛋係糖心架, 真係想問吓老闆喺邊度入貨, 個人認為係必食之選!其實一個雞煲加一個涼拌小食對兩個女仔黎講已經好夠, 不過見佢唔貴, 都係忍唔住再叫咗蘿蔔同蓮藕擺落雞煲度淥, 索咗雞煲 d 湯真係好好味...順帶一提, 如果雞煲開始水少, 佢地係加湯唔係加水落雞煲架, 咁嘅價錢, 有咁嘅誠意真係值得一讚!…查看更多

以前經朋友推介，話元朗來來食坊既重慶雞煲超好食, 又平，於是山長水遠走入去。一試後，不枉我長途跋涉走入去... 超好味啊 w早幾日行經福榮街，有間叫"千味軒" 既重慶火窩新開張，於是在門外八卦望下... 店員隨即出來招呼。咦，咁熟面口既？！原來係元朗來來個老闆！千味軒係佢地既第三間分店！唔洗講野啦，我地一行四人即刻坐底，起筷啦各位！必食第一位:重慶雞煲* 有辣有唔辣. 個人選擇就緊係有咁辣得咁辣啦, 但要照顧同行友人，鴛鴦煲丫唔該！湯底濃郁，陣陣麻辣的香味，雞肉勁入味必食第二位:麻辣青瓜* 老闆知道我們朋友中有唔辣得的，便細心的把麻辣漿分開上....超好食呀！我們把有剩的麻辣漿都倒進辣窩裡，正！！必食第三位:涼拌皮蛋糖心架 糖心架...............好好味啊..(幸福)那夜我們坐在門外，街上其他食店不太多，有種市鬧中的寧靜感。晚上門前可泊車，駕車人士必選食店！…查看更多

第一次食雞煲就在這間，味道讚，愈食愈濃味，又可以當打邊爐落其他配料，例如肥牛都變得好味，因為我係港烏島區人，之前入元朗食過覺得好好味，知道老闆開左分店，所以特登再去，值得過海去食。…查看更多