千味手工餃子 (已結業)

今日經過千色店見到一間個menu同餃子屋有9成相似嘅餐廳，都係主打靚湯加手工餃，一於試下佢！鋪頭座位空間都夠大，坐得舒服嘅，除左固定menu之外都有啲特別款嘅餃子會寫係個黑板到，今日係豆苖鮮蝦水餃，聽落都幾得意，可惜已經賣哂，店員話依啲特別餃嘅數量少啲，要早啲黎食先有。叫左韮菜豬肉餃同埋紫菜豬肉餃，本身諗住兩個都叫湯嘅，但店員強力推薦我地食煎，話佢地煎得好過餃子屋，咁就聽佢講試一試啦，叫左煎嘅紫菜餃。餃子嘅size都係大大粒，不過肉汁唔算好多，味道冇話好驚喜，湯底都清甜有啲膠膠地嘅感覺，都收貨啦，未到勁好味，但都算唔錯。煎餃方面，煎出黎唔會話成隻碟底都係油，而且每隻都煎得好香口，唔會燶，的確係幾有水準，可惜嘅係餃子入面嘅肉汁偏少，令到食食下會覺得好乾。總括黎講，依間都算唔錯，又唔洗排好耐，可以比餃子迷們頂頂癮！

今日經過荃灣眾安街，見倒有間餃子🥟店，入邊都坐左好多食客，我一向都鍾意食餃子嘅，見咁多捧場客所以點都要食下。鮮蝦豆苗餃🥟 8隻$58 - 期間限定餃子每隻脹卜卜，豆苗鮮嫩，菜味極之濃郁，仲有一隻彈牙大蝦，可以話皮薄餡靚，湯底用粟米🌽、紅蘿蔔🥕熬製。以$58黎講，食到飽一飽，質素亦咁好，一個字，正👍🏻。

個人認為係一間好出色嘅水餃小店 一定會多多支持😬雙拼湯水餃🥟🥟紫菜豬肉餃拼椰菜雲耳豬肉餃 $46 /8粒🤟水餃皮好薄 質感唔會感覺好粉 每粒都有成個乒乓波咁大 豬肉以瘦肉為主 好健康唔會有肥肉 豬肉明顯有醃製過 唔會散開 好似豬肉丸咁好彈牙♥️紫菜豬肉餃 紫菜唔會有草腥味 同豬肉比例大約係六四 ♥️椰菜雲耳豬肉餃 好多椰菜仲好甜 雲耳略嫌切得太碎 唔係好食到爽口嘅口感非常欣賞湯底 奶白色好滋潤 真係完全冇味精 飲晒成碗都唔口渴 🤩麻辣手撕雞🐤雞肉去皮 大讚 麻辣汁夠香夠辣 食到停唔到口 $40好大碟

小妹由細到大，都係鍾意食餸多個食飯，所以好鍾意食餃子，貪佢咬落口啖啖肉，不過又會飽wor，所以成日俾人問我係唔係北方人No la~我只係鍾意食餃子姐風味三拼 ($56/九隻)同一般餃子店一樣，有煎同煮選擇，為左試清楚d味道，我擇左湯。三拼係包括粟米、芝士、紫菜，味道唔差，不過冇驚喜，正正常常咁，芝士又拉唔到絲，唔知煎會唔會好d韭菜豬肉煎餃($42/八隻）煎得幾好，外皮香脆，餡又多，大大隻，不過調味就重手左少少，略嫌咸左d....

我已經幫襯咗好多次，非常新鮮食材，食過椰菜木耳餃子及紫菜豬肉餃子非常好，今晚我食咗個薯仔咖喱羊肉餃子非常之好味，小食方面麻辣手撕雞一流。我覺得佢用老火湯做餃子湯底簡直絕配，大家可以一試。

入到去一坐底，已經有幾隻蚊係到飛黎飛去，然後叫左一蝶煎餃子，兩碗湯餃(麻辣湯和魚膠豬骨湯)，黎到既時候，麻辣湯只係豬骨湯加左幾滴辣椒油，已經有少少失望。(菜脯要開聲問佢拎先有。水，紙巾全部都無比)食煎餃既時候，仲要有條透明膠帶係入面，最重要既衛生意識都好差！就已經知道絕對吾會再有下一次。無乜野好講，總之差。完

讚1. 好似其他人咁講，餐牌真係同區入面另一間餃子名店一樣咁，唔想排隊時，一流2.餃子的確係飽滿足餡3.以餃子店黎計，算幾企理下，上菜亦快彈1.某程度上，呢度既食物都實在令我大開眼界，食過川滬京港台各地既拍青瓜，都實在係第一次見到拍青瓜係用泰式酸甜醬淋係面頭既好味嗎？仲使講既，咁煮會好味就撞鬼啦，出晒水的青瓜淋上酸酸甜甜的醬汁，呢個係懲罰嚟噃！2.餃子足餡，但啲餡實在係好粗，西芥全部都係渣，切得大細又唔均勻，要吐渣，韭菜餃子既豬肉係有豬軟骨既，好在無發力咬，唔係崩都似唔建議黎

事先講明唔係餃子屋的人過來偏幫。我只係普通市民食個晚飯而且。經過開近近地又有魚骨淮山湯底就試下，諗住食個餃子屋呢間都唔差得去邊，點知中招無唸過差咁遠。兩個人，一人叫一種餃換一差試下。叫左椰菜雲耳豬肉餃同埋粟米芝士海鮮餃，兩隻餃完全無味，無芝士只得粟米味，咬到牙都軟。另一隻咩味都食唔到，只係爽到又係咬到牙軟。湯底如果無食過餃子屋都應該覺清清地既，食過的話就會覺得淡了。仲有可能小人食，筷子污糟到爆。浪費左一餐晚餐quota!同埋令我更加想去食返餃子屋。

一直都好中意食餃子屋既煎餃，煎得香脆、餃子大隻餡又多、湯亦好飲，但可惜而家無論任何時間都好多人排隊，每次見到門外既人群都會打退堂鼓😫，所以已經有一段長時間無食。機緣下比我發現千色匯開左一間餃子店😮，餐牌同價錢都貎似心宜果間餃子店，假日lunch time唔駛等位，決定試一試睇下可唔可以取代到。紫菜併雜菌豬肉餃6隻 $36煎餃煎得幾靚仔，三面金黃，入口少少脆；😋個人覺得紫菜餃最好味，紫菜味好香好濃，可惜加入太多粟米粒，感覺似係想用少d豬肉餡而濫加入去😥。雜菌餃有幾香既菇味，不過唔知d菇係咪唔太新鮮，有輕微帶酸😑。韭菜蝦併咖哩雞肉餃6隻 $40咖哩雞肉餃令人有d失望，咖哩味偏淡，亦無乜咖哩色，內餡奇怪地加入菇同粟米等與咖哩唔太夾既食材🤔。韭菜蝦餃味道ok，不過好睇運氣，因為三隻蝦餃中有一隻完全無蝦肉。加配$8魚膠淮山堡豬骨湯米線齋睇個湯就知味道偏淡😣，所以食米線一定要加菜脯提味，米線彈牙正常。由於職員唔會主動送上菜脯，如果有需要記得主動向職員領取。因為呢間餐廳同餃子屋好似，所以會好自然咁比較一下。呢度既煎餃煎得唔錯，不過餃子味道無餃子屋咁好味，有d餃子餡料配搭奇怪。餐廳既優點係唔駛等位、座

中午同事有約,所以自己一人食飯行過千色匯,唔想食飯的我,見有間主打餃子的店,都幾多人食,決定入去試試呢度有十數種唔同餡的餃子,食法可以煎,或放湯,價錢分別係個饀,或餃子隻數,大概由$36-$58,另加錢可加米線,麵叫左8隻韮菜豬肉餃$40,湯底好清,飲落有蘿蔔粟米味,韮菜豬肉餃入口有好重韮菜味,都幾大隻,餡多但唔會好實,食得出係新鮮包既但目測,見較多人食既係煎餃,餃子煎得幾靚,聞落幾香,下次嚟一定會試試

真實情況，盡量不涉及個人情緒自行決定幫唔幫襯啦13:00 坐低落order13:19 催單13:20 如夢初醒漏左我張單13:32 麵+煎餃一齊到，但餃子錯餡13:36 老闆娘問我等唔等，要等15分鐘，我表示等唯有食住個麵等個煎餃...期間其他食客亦有催單13:53 煎餃到，終於有得食😅😅😅之後有其他食客表示粟米餡偏硬，唔要、亦唔轉其他野，埋單走人。當該食客離開，全部店員批評該食客麻煩、貪著數，老闆娘及廚師亦參與其中。總結：如果睇緊食評嘅你，唔介意等得耐、唔介意無故俾人係背後批評你，放心去食。至於食物質素，乏善可陳......

今日經過呢間餃子店 所以入去試下本身好鐘意食荃豐中心一間叫餃子X既餃子但奈何成日太多人就算外賣都要等好耐今次就試下呢間確實有驚喜 我點左紫菜豬肉煎餃 配上海麵個麵一黎到 真係土同荃豐中心果間 不相伯仲個湯底係自家煲制香甜豬骨湯味食完麵可以飲曬啲湯煎餃 香脆 餃子皮簿餡靚好好食同荃豐中心果間有得比較好值得一試重要係唔洗等太耐有曾經懷疑過佢係唔係荃豐中心嘅分店因為個豬骨湯底差唔多係一樣係餃子餡有小小唔同下次想試吓其他唔同嘅煎餃佢有好多款式選擇

路過見到menu好熟口面，似足區內一間好多人排隊嘅餃子店。叫咗韭菜湯餃，想試下有咩唔同。湯餃一嚟到，飲啖湯已經覺得好一般，完全唔熱，味道都學到三四成，但極淡，似溝多好多水，而且湯底都唔見有料，同另一間冇得比。餃子皮算係咁，有咬口，似係手工皮，但包得唔實，一夾就散；啲餡極唔飽滿，多菜少肉，調味好淡，單嗌餃子絕對會唔夠飽。加咗個米線，一嚟到就見到碎哂，但咬落中間又有啲硬，似係浸熟擺咗好耐。試過一次以後唔會幫襯。與其花心思抄襲人，不如做好自己啦。

今日本想到千色匯二樓某食店食午餐，但原來佢地現在內部裝修中🤔失望之餘，行到地下層，發現多咗幾間新食肆。哩間舖唔大間，裝修簡單，但都幾迫，真係枱貼枱，人貼人。這店係主打餃子，有湯或煎，門口有幾個人排隊，見翻枱都快，所以排隊等位叫咗粟米香菇豬肉餃，麻辣皮蛋麻辣皮蛋，芫茜味重，少少麻辣，好味，$20抵食本來叫咗粟米香菇餃，點知嚟咗雙併，3隻粟米香菇+3隻紫菜豬肉餃，原來係可以叫不同餃子款，只需要付最貴價便可餃子好大隻，粟米香菇，餡多，豬肉少，粟米甜，香菇非常香，好好味紫菜豬肉餃，有紫菜味，豬肉多，粟米甜，味較濃