千味手工餃子 (已結業)

今日隨便食間餃子店忘記了影一影環境，是一間商場食店，地方比較細，而且冷氣唔太足夠，不過好在環境好乾淨今次叫咗⚫️6隻芹菜豬肉湯餃 $44⚫️8隻韮菜豬肉湯餃 $50兩碗都係魚膠淮山煲豬骨湯底真係冇味精，而且好夠味，十分出色，而啲餃子都好大粒，如果女仔或者唔係好大食食六粒都已經好飽，餃子皮唔算好薄，不過餡就每隻都好多😊由於每一碗都即叫即整，所以唔算好快上菜整體來講，每人平均消費$50左右，湯底真係好好飲，我都飲得晒湯底仲要唔口渴，餃子大大粒，不過味道就普通，整體性價比唔錯🤤

千味手工餃子🥟🥟有時返工會返到有d憂鬱٩(ˊωˋ*)🥺憂鬱到想食清淡少少既野食呢間千味手工餃子平時都幾多人食🥟😌相信味道都應該ok今次叫左個雙拼4隻淮山雲耳豬肉餃4隻韭菜豬肉餃同埋叫啊姐比左碟茶甫🤩個湯底好清，容易入口見到有d白色粒粒，可能係蒜蓉同埋有塊粟米🤔感覺清清地冇味精咁款淮山雲耳豬肉餃比較fresh個淮山好清甜、夾埋雲耳更加爽口感覺食完好健脾?🤪韭菜豬肉餃比較重口味😬大概韭菜8成豬肉2成(？)個人認為韭菜太重手要加湯撈住一齊食或者加菜脯夾住食😅😅ps,食完有d口渴

服務態度好好！姐姐勁有人情味~ 食物方面都ok，本身以為個湯會好淡，因為睇落真係好淺色好平凡，但估唔到飲落好好飲喎！青紅蘿蔔味好重，真心好飲！餃子粒粒好大粒又足料~

以前食開呢間高質餃子店，湯底清甜，餃子大隻足料實淨，今次再幫襯，可能改咗廚房，完全同以前唔同！湯底無味，餃子散晒，服務態度也差了，正如上面樓主所講，攞麻辣菜圃都要問幾次先至俾！荃灣又少咗一間美食店，可惜！

豬肉要用放大鏡搵 唔仔細品味都食唔出 好似素菜餃咁 湯底冇魚味 就係普通嘅粟米蘿蔔湯 淡茂茂泡菜餃煮爛晒 冇泡菜味 好似白菜餃咁廚房出餐慢 水平差服務態度差 菜脯要問先俾碗水餃廚房出咗餐兩三分鐘拎黎（我望住架超伏 第一次知道水餃可以煮到咁難食整檯嘢最有味就係碟菜脯 雖然好難食都係食晒 好彩有碟菜脯可以送餃子樣樣都貴過餃子屋 樣樣都唔及餃子屋 同等價錢不如行多兩步路去食餃子屋啦 呢間唔使排隊係有原因嘅 唔會再幫襯真係好難食 唔好黎啊 真心

見地方近又唔洗排隊，試下點，都預左冇得同天花版餃子屋比，但真係一個天一個地湯底冇乜味，款式又少，冇咩人都煮勁耐唔知咩料，d餃你老鼠全部都係菜d肉小到死又係啖到死，d呀姐服務勁差，初頭以為佢地係冇送菜脯，之後食果時見人地都有，問左一問佢先比，仲要我兩個人比得一份，咩意思？姐係我唔同你拿，你唔送？同埋佢地d態度真係好差。之後店入面冇乜冷氣，好鬼熱！早知睇左評論先，仲有個重點就係仲要貴過餃子屋，個上海面因為d湯太淡變咗好難食，反正冇下次，憑勸各位真係走遠少少食餃子屋

好令人失望 叫左8隻餃子一碗米線一個豬耳外賣我要煎餃之後比壬湯餃 個服務員都幾好幫我換點解佢係拎翻個湯餃攞去煎 搞到啲餃子又淋 一咬落去全部都係湯 叫左個重慶湯米線 湯底係冇味 啲米線仲未熟叫豬耳走青 比左皮蛋我 好彩係走之前我再check多次 最後係有換比我 點知走青 變左多青

第三次幫襯頭兩次都係買外賣返屋企食今次經過試吓堂食同餃子屋菜單好似，但就唔使排隊😂好開心唔使排隊，終於食到味都OK嘅餃子味道唔錯😌服務員態度OK 鍾意食粟米香菇拼單下黑松露金菇Lunch時段可能比較多外賣單出餐有點慢 但還可以接受菜莆就一般

Hello 大家好👋🏻！今日我同朋友嚟到位於荃灣嘅「千味手工餃子」。 今次同大家分享一下我嘅美食體驗。 識我嘅人都知我係湯控， 我鍾情「千味手工餃子」其中一個原因就係佢地嘅老火湯底，最鍾意佢哋嘅「魚膠淮山豬骨湯」， 真材實料無味精😋。美食攻略：今日我同友人點咗「椰菜雲耳豬肉湯餃」， 椰菜口感爽脆清甜， 唔會蓋過老火湯嘅味道😚。「椰菜雲耳豬肉湯餃」@ $48/ 8隻另外點咗「煎韭菜豬肉餃」， 韭菜味濃提升豬肉嘅香味，煎餃令兩者味道升華🤤，香脆好味。「煎韭菜豬肉餃」@ $48/ 8隻我哋再加咗個「涼拌薯仔絲」， 口感爽脆， 芝麻味及芫茜味配合得宜，非常開胃。「涼拌薯仔絲」@ $22/ 碟 （抵食👍🏻）佢哋仲會推介一啲時令餃子，每一期都唔同，好有新鮮感。不得不讚嘅係， 佢哋自家醃製嘅菜圃， 送餃子一流🤤👍🏻。「菜圃」@ 免費添食👏🏻👏🏻👏🏻鍾意食餃子嘅朋友，推薦一試👍🏻。美食指數：5🌝最高味道：🌝🌝🌝🌝🌜環境：🌝🌝🌝🌚🌚服務：🌝🌝🌝🌚🌚賣相：🌝🌝🌝🌚🌚

［白菜豬肉餃］$48/8隻是日天氣凍，外賣訂單很多，師傅優先做外賣，堂食等了20分鐘之久。😅「重慶湯底」令人失望，似公仔麵湯底加上些許辣油 💔 餃子味道就普普通通，一般過一般，裡面還有少少骨碎。總括而言，沒有任何可取之處 😅

Taste once, you taste everything like in heaven（試過一次，可以將人生一切其他食物變得好食抵到爛啦😉）食完預備上heaven人生新體驗真係夠晒難食第一次感覺行到邊食到邊會有機會中伏短期內有D怕餃子麵😵😵yup, 而家仲係成口麵粉味diu in first time in my life 一啖野要食5分鐘仲要係平時最中意食嘅麵建議仁濟要做gastrectomy減肥嘅黎呢間食，20蚊減肥大計早知直接食8隻餃算Leo Chan from M30 2022

第一次寫食評😓啲阿姐服務態度差，入咗嚟半個鐘都未有得食，追咗幾次，原來漏單，再問幾時先有，態度好hea:（得㗎喇再等吓）店內勁多烏蠅，一路等一路趕走啲烏蠅因為Lunch時間趕住返工，嬲到走咗睇返食評原來咁差👎🏼好彩冇食到👍🏻

係某外賣平台叫左外賣自取, 去到岩岩有得拎, 但返到公司發現佢都唔知比左D咩餃我叫左: 風味三拼煎餃 (粟米香菇豬肉餃、芝士粟米海鮮餃及紫菜豬肉餃 (各3隻))拎返黎果陣見佢大大件, 但內容物係:1.蝦,瑤柱,紅蘿蔔,不知名瓜2.粟米,蝦, 個樣似有芝士果種白色細細舊(唔肯定係咪) 但完全冇芝士味3.粟米, 開頭食覺得似紫菜, 但唔肯定係咪, 定係菇...因為其實只係食到粟米味我當佢用D芝士好差, 冇味既. 我都夾硬幫佢MAP到個芝士粟米海鮮餃另外果兩種餃, 我點都搵唔到豬肉....我咁大個人食左咁多間餃子店, 正常都應該認到豬肉係點既樣掛= =後來上黎哩度睇食評先知原來唔係第一單咁痴線了哩間野絕對唔會再幫襯

8-5-2022(Sun)晏晝再同老公落荃灣買餸,老公又話要食嘢,唔知食咩好,佢諗起呢間餃子店,於是行嚟,我哋坐低後睇完menu,決定要拼盤餃子,$50.00嘅傳統四拼同$60.00嘅三式煎餃.再要一支$8.00嘅豆漿.豆漿係鴻福堂嘅,唔評.傳統四拼,老公揀湯餃,四款餃子係韭菜,椰菜,芹菜同白菜各兩2隻共8隻.三式煎餃係松茸,雞同鮮蝦各3隻共9隻.原來呢喥嘅餃子好大隻,而由於唔知邊隻打邊隻,就只好隨緣.我食第一隻係松茸,味道唔太濃.味道:2.5分第二隻係韭菜鮮蝦餃,韭菜味好夠,蝦仁爽口.味道:5分第三隻係雞,內裡有啲燈籠椒,清清地又帶點甜味.味道:3分餃子都唔算煎得好脆.而老公嗰啲呢?我食到韭菜,白菜同芹菜,佢嘅全部都係豬肉,韭菜餃正常冇問題;味道:4分白菜餃有少少怪味;味道:2.5分芹菜係苦,可能味道太濃啩.味道:1分而佢嘅湯係清甜同唔會太鹹嘅粟米蘿蔔湯.味道:5分價錢:我未開始食時,睇吓張單同menu,計吓偵錢應該係$118.00,但點解係$127.00?我又睇極睇唔明,於是趁老闆娘幫另一個客人落完單,就請佢過嚟睇,佢睇完話呢張單唔係我哋嘅.咁都得?即係我幫另一枱客找數,嗰枱客無端

黑松露蝦菇餃味度奇怪，黑松露醬加蝦同金針菇三樣配搭完全冇加其他味道咁撈埋一齊，再加個厚皮嘅餃子…味道混合埋一齊非常古怪🙄🙄再加個超級重味精嘅湯底，口渴咗我成日，不停飲水食水果都搞唔掂🙄🙄咁就$60啦…浪費quota…永冇下次………………………………………………………………………………