十四代鐵板燒 (已改名) 查看

今晚一個人walk-in ，但坐低咗成10分鐘 無人送menu, 茶都無斟， 既然咁忙，我就無謂打擾，起身離開了, 好可惜 本人都幾鍾意呢間餐廳，但轉左鋪之後， 比較多經驗少既侍應，可能要過一排先再嚟過

同朋友嚟到尖沙咀地段嘅14代鐵板燒omakase，位置方便，建議可以夜晚嚟！夜晚夜景景色優美，適合同朋友慶祝節日。廚師好友善，當日食材都好新鮮，和牛都好好食！！

十四代鐵板燒, 係最近幫襯過最高質既餐廳環境寬敞, 裝新新淨, 套餐價錢相對食物質素同地段算係非常抵食師傅係我地面前表演, 每道菜色都非常有水準, 講真食物新鮮時令已經贏左一半, 再加上火候控制精準, 令人食指大動, 大快朵兒 !當日揀左龍蝦鮑魚鵝肝餐, 龍蝦用秘製牛油炒完, 爽口彈牙, 熟度掌握得好好, 非常鮮味香煎銀鱈魚係一大驚喜, 魚肉香滑無腥味基本操作, 魚皮煎到金黃酥脆整餐食物水平超高~! 師傅一路炒一路傾計介紹, 非常風趣; 服務員爽手友善, 態度殷勤相信好快會再同其他朋友黎嘆美食

午市套餐，仲要有八折，廚師細心❤️，客人行開咗都會等埋佢返嚟先煮唔會趕頭趕命，茶碗蒸好味， 牛肉，炒飯全部都好好，咁嘅價錢有咁嘅質素真心覺得唔錯，臨走廚師仲推薦我哋去食夜晚鐵板燒都好抵食，有機會下次要試吓個晚餐😋我哋一行四人開會傾偈，坐得都舒服成件事感覺都好好，最緊要環境超乾淨，好新淨！希望可以keep到水準，下次佢仲會有驚喜，甜品仲要有雪糕，真係好開心🤭🤭🤭🤭🤭，下次要帶屋企人去試🫡！因為今次開會食飯，所以冇乜影好多相。

很久沒有去尖沙咀，今日一行8人去尖沙咀東部食午餐，有一間新開的鐵板燒店-十四代，裝修不錯，整潔明亮，我們被安排進入一個包廂，每人選了一個四百多元的午餐，除一般的配菜和甜品外，主菜有和牛薄燒和銀鱈魚，負責處理的BEN師傅十分健談，會介紹食物來源和你要求的處理方式，食物的處理和味道可以和阪神鐵板燒比美，窗外有海景，環境十分舒服，有專門的侍應招呼， 十分體貼和有禮，這個價錢在尖東吃到這個質素的鐵板燒，性價比很高，令人驚喜，不久之後還會再來。

未黎呢度食之前，見到個個正評，真係滿心期待……情人節已經早左成個月叫老公訂位，request坐窗邊睇師傅即席煮鐵板燒……點知去到，服務員叫我在最近門口2張枱任擇其一……問題來了，我係食鐵板燒，點解佢問都唔問我，就叫我坐門口呢？！我唯有揀最近門口果張4人枱（係2張枱拍埋果隻），因為隔離個張係2人枱（得1張枱）；坐低之後發現外面有d寒風陣陣咁吹入黎，感覺真係唔多好受我本身諗好左叫最貴的鐵板餐，唔知係咪情人節關係，真係咁full booking定多VIP呢，去到已經要坐門口位？！但係我隔離有2張吉枱，我係最遲入座既客，食緊期間見有人走，又唔覺好多客喎……明明見到呢度食評，不論食平定貴餐，都會被安排坐師傅對面架喎……我之前去過另一間鐵板燒，人地既服務非常之好，即使我叫最平的餐，服務都極之周到（不論係服務員定師傅）我前面係見到有師傅煮鐵板燒既……不過唔係煮比我食，係坐在窗邊房內的VIP享用，因為餐廳開左其中一道門關係，令我睇到少少房內環境……即刻有種酸溜溜的感覺湧現出黎……當時揀好左餐之後，1路就有食物上枱；但服務員都冇理我係咪食完就上，亦都冇人介紹每款食物係咩黎……可以講個餐既主菜係好食，但d

尖東尖沙咀中心開咗間日式鐵板燒一入去就安排入房，呢度有唔同大小嘅房，我地間房可以坐到6個人，約幾個朋友係房傾計都唔怕嘈到其他人，環境都幾好👍🏻午市套餐唔算貴，有3款價錢松Matsu $438龍蝦或帶子，銀鱈魚，安格斯牛薄燒或厚燒竹Take $268大蝦或帶子，三文魚，安格斯牛薄燒或厚燒梅Ume$180三文魚，安格斯牛薄燒或厚燒或日本雞肉每款套餐都有前菜，沙律，茶碗蒸，炒飯，炒什菜，漬物，麵鼓湯同甜品我地就揀咗$438，一個食龍蝦同一個食帶子一開始就上前菜，沙律，茶碗蒸，到我地差不多食完師父就介紹食材之後係我地前面煮銀鱈魚調味唔錯，魚皮超脆，一定要食帶子都唔差嘅，但如果二選一我會揀龍蝦，因為龍蝦個果個汁真係好正，蝦肉超彈牙😋安格斯牛我地揀咗厚燒五成熟，份量都唔少有8舊，連蒜片一齊食真係好正好夾😋龍蝦麵鼓湯，係用蝦頭煲，略嫌薑味重咗少少🤏炒飯好好味，好有鑊氣，甜品係綠茶雪糕食完成個set都夠哂飽😋

隨便睇開飯食評，見到有人po這間有師傅現做鐵板燒午餐set，覺得吾貴就去試下。店員話係7月中開張的裝修好新淨。最先奉上的茶好香好好飲。午餐set由$180起，牛肉試曬薄燒和厚燒5成熟，雖然吾識但覺得師傅手勢幾好。牛肉未熟的位置食得出濃牛味。墊底的麵包話係用來吸流出的牛脂，食完牛肉再食包時如果有另配少甜味的牛油或醬就更好。中間一個小菜好多層次很懷石料理風。後上的炒飯炒菜都大份。最後的紅豆雪糕超正！感覺很手作外面不會有得賣。這間service都好好，幫手影左張背景靚的相，滿意的一餐。

星期日行完山，朋友話尖東中心開咗間日式鐵板燒好食，去到見環境明亮高雅，心諗唔平吧～點知睇咗餐牌午市套餐價格好親民我哋點咗$438龍蝦+牛排餐，仲有廚師即煮才4百幾蚊，抵食啦～前菜有沙律，三文魚頭同燉蛋都好食，但份量唔多都驚唔夠飽點知開始上主菜到食埋甜品才知飽到要步行多半小時幫助消化我想講佢個龍蝦煎得勁好味，個龍蝦頭仲煮個湯比你飲，一d都唔浪費，之後仲煎塊銀雪魚扒皮脆肉嫩牛肉就都ok但龍蝦好食d食完主菜仲炒個珍珠米飯，米粒飽滿仲有脆蒜香味，飽到上頸都要食埋，之後柚子雪葩清香解暑

佢個lunch前菜有2舊唔知咩酸酸地幾開胃,2舊仔地足夠開胃多d都嫌太多沙律就其實間間都差唔多㗎喇佢呢個沙律正常D菜幾新鮮亦都無落太重汁我覺得係幾好嘅同埋佢個蒸蛋我覺得幾滑嘅上面嗰啲唔知係咪柚子粉定乜鬼嘢聞落去有啲柚子味都唔錯佢嗰個鐵板燒三文魚調味唔錯，魚皮超脆食落去有聲😋跟住佢帶子幾入味食落去個汁個味入到去帶子入邊跟住到牛肉一開始我仲以為佢比錯其他牛肉俾我，佢個美國牛肉真係超好食汁又多跟住佢麵豉湯我個人就唔太鍾意，因為我好鍾意飲超鹹嘅麵豉湯，所以就覺得佢有少少淡不過其實都幾好飲嘅同埋佢個炒飯炒出嚟幾好食，唔似出面有啲炒個飯出嚟冇味😂最後仲有個炒菜細細份都夠因為真係食到好飽食完之後有甜品我要左柚子雪粑都幾正無雪到好硬同結冰整體來講覺得環境幾好，廚師同待應都幾好招呼佢地比我感覺佢哋唔會覺得我好煩🤣

今日中午去了尖沙咀十四代食午餐，一入去被安排到房內，室內環境很好， 有悠揚的音樂，再加上有個大玻璃窗可看境外的風景，好舒服。我們點了一人餐， 非常豐富，有前菜，茶碗蒸，刺身，海鮮，和牛及甜品！龍蝦，銀雪魚及和牛一定要食， 超好味。所有食品用料上乘，再加上師傅的用心配搭及專業的廚藝， 令到這個午餐又豐富又回味，而且午餐價格很平宜， 由百多元至四百多元都有， 很多選擇， 這間真是一個不錯的選擇。