十六座車仔麵 (已結業)

#十六座車仔麵 食得出係用心製作既車仔麵 鮮豬限量金沙青原來係豬頸肉 呢度既豬頸肉冇落好重既調味料，味道清淡，口感軟滑唔油膩 羅白煮得好淋，清甜多汁，有d 似關東煮既味道 雞翼中等size，咬落有淡淡既滷水味，肉質嫩滑 呢度既辣醬好過癮，帶有濃烈既咖喱味 後勁好強，而且唔會有勁多辣油係面 - 小編揀左自家製既藜麥麵，麵條唔易碎都唔會發脹 但麵質偏硬，唔係好掛湯，小編麻麻地呢隻口感 P.S. $35果個抗疫餐4餸（羅白、豬紅、魚蛋、紅腸）包埋罐裝飲品，超抵食！

同老公o係新世紀睇完戲就行左過去先達呢邊食十六座車仔麵。我o地都幫襯左好多次，今次真係要黎寫下食評！呢間車仔麵有2層，而加疫情關係，每一枱都有圍哂板，唔洗驚同d陌生人有面對面既情況。食物方面，我鐘意佢地既撈麵，夠大碗同埋每樣餸都好入味！其實湯麵都好好，唔洗驚話好淡，都夠入味！最鐘意食佢地既蘿白同辣魚旦，一定要揀辣魚旦，夠哂辣，如果你唔食得好辣，個麵底可以唔洗揀辣汁，只揀辣魚旦都會有辣味！好惹味！個蘿白就真係最入味又甜又大舊，好正！飲品方面，果陣去揀4餸，飲品就可以半價嫁喇！我都會揀佢地既自制檸檬汁，碗麵咁大碗，飲返d酸mei mei飲品，開哂胃啦！佢地既樽仔奶茶咖啡都好好飲，同埋都有涼茶揀！

十六座車仔麵：自選豬紅、金沙青、蝴蝶腩、紅菜頭麵(鼓油乾撈)一向鐘意食麵，當然車仔麵也是，第一次食呢間，先知道咩叫做車仔麵的新境界😂😍~車仔麵2.0，有新穎特別的食材，也有傳統的。回頭想起第一次應該要叫湯麵試下個湯，之後再試。豬紅都好入味，蝴蝶腩好淋，一口充滿五香牛味，唔會好嚡好韌攝牙罅，而金沙青肉爽爽地加少少的皮下脂好正，但又不同於豬頸肉的感覺。紅菜頭麵有誠意，聽說是特別去麵廠訂製。環境和裝修都好懷舊，好像車仔檔咁，連廁所(?)門都好懷舊，會繼續支持十六座，加油。

得閒去旺角買野，順便搵左間車仔麵醫下肚~兩個人叫左一個車仔麵、一個撈麵同埋兩個小菜車仔麵揀左鹵水豬大腸、鹵水雞腎、豬紅，而麵底就係蝦子麵個豬大腸真係好好味，佢好淋之餘，完全冇臭味!而且吸左d湯底，真係好正豬紅好滑，雞腎都好有咬口鹵水豬大腸、鹵水雞腎、豬紅蝦子麵個撈麵我叫左鮮豬五香蝴蝶腩、鹵水牛脷同埋辣魚蛋，而個麵底就係藜麥麵首先佢個乾撈麻辣醬超惹味，就算對我黎講有d辣，都搞到我停唔到口個鮮豬五香蝴蝶腩係見好似比較少見先叫，佢口感似牛腩，呢個就煮得唔太淋，個人覺得還好個魚蛋都係普通魚蛋，感覺係麵粉多，冇咩特別最出色個係牛脷，真係煮到好入味同埋好淋，會想encore!藜麥麵幾彈牙，而且闊闊地可以沾上更多汁鮮豬五香蝴蝶腩、鹵水牛脷、魚蛋麻辣乾撈藜麥麵腐乳通菜有d咸，不過通菜夠嫩腐乳通菜呢個一上菜果時係覺得細碟，但係食落其實好多，甚至都食唔晒個汁好惹味，不過愈食愈辣，如果唔食得辣嘅朋友就要注意喇~招牌咖哩魷魚車仔麵黎講呢間真係唔算抵食，不過佢勝在選擇夠多，而且有d非一般選項，所以都可以一試嘅~

一直都勁想分享呢間車仔麵 但係我以前次次食都冇影相😂 所以拖到而家先post(⁎⁍̴̛ᴗ⁍̴̛⁎)佢哋嘅餸幾特別創新 辣汁好惹味💛🥴裝修復古 乾淨企理 唔似舊式車仔麵會感覺衛生麻麻🧐車仔麵三餸起 四餸飲品就有半價( •̀∀•́ )✧我揀咗腩汁中辣 油麵$12 +慢煮滷水牛脷$11 +滷水豬大腸$11 +蘿蔔$9 +豬紅$9 +凍奶茶$9= $61🤓綜合我食過嘅餸推薦幾樣(๑˃̵ᴗ˂̵)و 🌟慢煮滷水牛脷 🌟蘿蔔車仔麵必嗌！都好入味好大塊冇渣💛🌟米糖滷雞翼呢餐冇叫到 但係滷得好靚唔會浸左10世😂 咬落仲係彈牙 甜鹹好夾😛🌟豬紅 辣魚蛋 蠔油冬菇都好正 餃子類係自家製好大粒👍🏻 但豬大腸我覺得麻麻地 脂肪有啲多🤓❣️特別推薦食得辣嘅朋友 一定要嗌辣！最好try小辣先因為真係幾辣🤣 麻辣乾撈都好正 食完真係會辣到有豐唇效果👄

好少食麵，因為我唔係幾鍾意食麵更莫講話車仔麵所以我真係第一次黎食依間十六座車仔麵～個名聽就聽得多啦，水準如何真係要食過先知！我哋兩個人食，一人叫咗一個懷舊麵餐因為睇餐牌，好大碗好多料咁而且送檸檬茶，正呀我哋見價錢合理，所以決定試吓呢個。我嗌嘅係配公仔麵～侍應姐姐一放上枱...嘩！果然係好大一碗囉，我心諗自己一定食唔晒，一試之下，食第一啖面已經覺得：「真係果然冇令我失望！」佢啲湯底都唔錯，我依啲好少食麵嘅人竟然會覺得都OK～而且佢啲蘿蔔一啲渣都冇，仲幾爽口吓～紅腸同埋魚蛋都好彈牙尤其是我好鍾意食紅腸，所以第一時間即刻食晒啲紅腸。最令我有驚喜嘅，係佢啲豬紅！唔知加咗啲咩落去，啲豬紅特別好食，唔會話太淡而無味，但係又唔會話咸到入唔到口，因為我食過有啲豬紅係又咸&口感又鞋十十咁，食到想嘔，但係佢啲豬紅唔會令我有依種感覺，好味到我竟然清晒所有豬紅！本身冇預過會食得晒碗麵嘅情況之下，最後竟然成碗食晒真係性價比十分之高連我呢啲好少食麵嘅人，都覺得又好食又抵食，而且服務都好好、好有禮貌

疫症期間，都會用foodp_____ 去叫餐，本人好鍾意食車仔麵，上星期試咗一間叫”阿X車仔麵” , 垃圾都不得了，個外賣膠盒已夠細，入面仲衰，湯多過麵，最慘係啲湯無味(我係有指明要辣架)!!! 所以今日又透過foodp______去試下呢間，首先，個膠碗size真係同堂食嘅一樣size, 三餸好正，豆腐卜好入味，貢丸好大粒，咖哩魚蛋又好入味，我選了大辣，堅係辣到阿媽都唔認得，如果自間唔係好食得辣，真係叫中辣就好了😅😅

以前成日食。太掛住所以食返。都係咁好食。平時我食開咖哩尤魚，今次店員寫錯左咖哩面筋。不過第一次食，原來幾好味。下次可以再食。其實我琴日都食完車仔面，但點都係li間最好味。

旺角最好食亦都係最旺場既車仔麵店每次夜晚去食都會遇著好多人去食雖然我覺得價錢都唔平，但質素都好好而且menu可以再用，好環保!食左幾次，我既配搭係粗麵/菠菜麵/紅菜頭麵+豆漿佢既湯底無論係食清湯定加腩汁，都好夠味建議清湯再加啲濃味/辣味既餸必食既餸有辣咖哩魚蛋，係堅辣! 好惹味仲有細細粒雲吞，好足料豬紅同大腸，滷得好入味! 而且無臭味份量就都算偏少，男仔未必飽其實呢間舖座位唔多，而且冷氣都好大不過因為好食都會等下既但叫4個餸+飲品都已經$50以上係旺角既晚餐中價位黎講，都接受到~推介: /5

又食車仔麵😂係呀 因為小黃子真係好鐘意食車仔麵😂呢間好多朋友推薦一於又黎食下一向食開既車仔麵都係好傳統自己同個廚師講要咩要咩呢間裝修就好懷舊食環境都唔錯 仲有兩層我最鐘意試新野叫左個豬面青🐷同紅菜頭麵🥬又叫左樽仔奶茶🥛🍵［奶茶怪希望可以飲晒全世界既奶茶😌］🐷豬面青好明顯我唔會知係咩黎架啦都估係咪面豬登/豬頸肉個類一黎到就即刻試下嘩！勁香！好好食🤪舊肉好淋好香值得試！🥬紅菜頭麵其實無特別 只係有色既鹼水麵但又平時食開既鹼水咁重鹼水味唔太值得試😀🥛🍵樽仔奶茶重奶味 夠甜係我鐘意既奶茶呀！不過小黃子嫌太甜😂😂呢間值得一試👍重點：佢係黃！香港人加油🇭🇰

款色都係一般車仔面有既餸.揀咗三個蘿蔔雞翼尖 招牌金沙青 都係店舖推介嘅.同埋一碟腐乳通菜 上菜時估唔到蘿蔔有三夠咁大舊只係$9 比想像中多 雞翼尖大約都有七至八隻都係$9 份量比想像多因為一般車仔麵嘅份量其實好少所以覺得都很公道揀咗豉油撈麵，覺得有啲鹹 本身冇諗住叫嘢飲都叫竹蓆茅根飲

Time to have some cart noodles as my bestie recommended this shop to me. Nice deco that gives a childhood classroom feel, also more clean and tidy than usual cart noodle shops.Ordered a Sichuan spicy mixed noodles with pork brisket, slow-cooked beef tongue, chives dumpling and soy-marinated tofu. The noodles were rather on the soft side, the ingredients were well seasoned, but the price is rather steep for a cart noodle in this area.

同朋友約咗喺旺角食飯，又想食平嘢，所以就揀咗食車仔麵呢d comfort food鋪頭有兩層，牆身同擺設都好有老香港7-80年代嘅味道食物方面有好多選擇，麵都已經有7-8種(竟然有 蕎麥麵)我揀咗少見嘅菠菜麵，再加埋冬菇，蟹棒，糖心蛋湯底揀咗小辣味道冇乜特別驚喜，但不過不失，係佢個冬菇夠入味。同朋友再share左兩個小食，一個叫米糖雞翼，另一個係普通嘅腐乳通菜雞翼份量好夠-有五隻。個味好似瑞士雞翼咁甜甜地，通菜就都係正正常常總結黎講都係會encore再食，會試埋其他湯底！今時香港人可以正正常常食餐飯都未必咁簡單...

今日為大家介紹呢個位於旺角區車仔麵店，大家對於傳統車仔麵店嘅印象可能係價錢相宜，但環境簡陋，比較唔乾淨。但16座車仔麵有別於一般的車仔麵店，環境闊落整齊，裝修更10分特別❗️但當然以食店來說環境只是輔助，食物才是最重要的。與一般車仔麵店一樣， 16座車仔麵有很多不同的選擇（配料、麵身等等）今次叫了粗麵配牛腩汁，配料方面則有墨魚丸、蘿蔔、懷舊牛腩，共$43湯底10分清甜，唔係味精湯，再加上牛腩汁等，令湯底層次豐富配料方面，牛腩不會太硬，好林，肥膏和肉身比例剛剛好， 10分出色。墨魚丸10分彈牙，又有墨魚味，不會只有冰鮮味。蘿蔔大大嚿，好厚身，蘿蔔味重，吸晒湯汁之後10分好味❗️整體來說已車仔麵來說10分出色，值得大家來品嚐

琴日同朋友收工，係時候要搵平D既野食。 今次比我地行行下旺角，發現左呢間裝修幾有感覺既車仔面店。佢個裝修超懷舊， 整係裝修都值得去睇下！帶埋小朋友去了解香港特色仲好！一坐低，叫做呢個紅菜頭面，從來都未食過由紅菜頭整既面，食落原來真係好健康，好有咬口， 佢既鹵水豆腐真係唔話得，好濃味，好有誠意呀！魚蛋好似睇得出係自己浸味，同埋魚皮餃同出面有d唔同，真係可以值得一試呢間野！聽朋友講佢既菠菜面都唔錯！下次先去再試。