十二味 (奧海城二期)

營業中

休息中

好多分店嘅十二味，今日又黎食啦，奧運呢間分店坐得都ok舒服，紅鐺鐺嘅餐廳環境好易認😆🔸黯然銷魂炒飯 (HK$78）唔想食白飯咁普通，所以叫左佢地既炒飯，飯粒都分明，配料有蝦、叉燒、蛋同蔬菜，唔會太濃味😎🔸經典香辣鍋 (HK$222）可以揀5個配料，我地就揀左雞翼、肥牛、豬頸肉、蓮藕片、鮮腐竹，送上檯個陣比個大碗嚇親🤣本身仲怕唔夠食，完全唔會！全部配料都好入味，配飯食最啱，辣度都可以選擇，朋友唔食辣嘅都carry到小辣～

我今日放工後，約同好友去位於大角咀海庭道18號奧海城2期1樓146號舖的十二味食晚飯，環境舒適開揚，坐得舒服。我點左個 鮮菌爆牛肉$98，好友點左個 杏仁青檸蝦球$158，另外加左個 蒜泥黃瓜$43，及米飯1碗$12。牛肉爆得香口及鮮嫩入味，伴菜的雞脾菇新鮮好味，亦配有彩椒及大蒜，十分惹味。杏仁青檸蝦球賣相不錯，蝦球大大隻，炸得皮脆肉嫩，整碟的蝦球份量不少，好有特色。蒜泥黃瓜好食，蒜茸味濃郁，好好味的晚餐。

以前最常食就係中環蘭桂坊嗰間十二味，因為近返工。估唔到而家越開越多，因為經常喺奧海城附近打golf, 見到新開左十二味又黎懷緬一下🙌🏻。 👍🏼👍🏼咁多年價錢都冇咩變化，兩個人揀咗個經典香辣鍋，可以揀5-35款配菜（嗰下真係諗咗諗35款會係幾大盤😹），同埋覺得食素嘅朋友都好啱可以揀全部素菜，仲要係素菜夠入味，炒到好乾身好香口💯。🈵今次就揀咗肥牛、肥腸、雞軟骨、萵筍、蓮藕片，朋友食小辣，同埋我哋揀咗少油感覺健康啲，so far食完都唔會口乾，感覺唔係重味精。🌟🌟🌟肥牛入晒味好腍身又唔會好嚡；肥腸同雞軟骨炸到脆身帶少少肉好好食；萵筍同蓮藕片就係標配，比香鍋嘅香辣味佔據着，配咗個白飯一流👍🏼。🈵香鍋份量真係好大，感覺三至四人食都可以，結果加兩蚊攞咗個外賣盒帶走，下次嚟食都係自備環保玻璃盒🤭，兩個人加埋三百幾蚊（加一後$388埋單），仲可以帶一盒走，性價比真係唔錯。‼️另外就試咗佢新出嘅滷水拼盤，有豬耳/雞腎/牛肚/青瓜/炸花生，唔係潮州或者港式嗰啲滷水入味，不過全部都好彈牙都好有骨膠原質感，配埋佢個辣粉都幾過癮，送啤酒一流。 我哋六點去嗰陣未開始有人，之後好快就要等位，不過有得喺OpenRice

好耐沒返內地，想起川菜就流口水，好在奧海城有間好正宗的川菜館十二味可以解解饞😋黑豆花鮮椒魚香嫩的魚片在口中化開,柔滑細緻的口感，鮮椒的辣味隨即來襲,香辣交織,令人欲罷不能。還有黑豆豆腐吸收了鮮椒魚湯汁的鮮香,軟糯清爽,搭配上新鮮彈牙的魚肉,口感層次豐富,十分可口。這道菜是集鮮、香、辣於一體的完美佳餚！夫妻肺片牛肉經過滷制之後，變得非常軟爛，而且切得非常薄，味道多層次，既有麻辣的刺激，又有鮮香的回味，果然是經典的川菜！川式口水雞香味非常濃郁，麻辣鮮香的味道撲鼻而來，花椒和辣椒的香味刺激味蕾，雞肉非常嫩滑，麻辣鮮香的醬汁包裹著雞肉，每一口都讓人回味無窮，送飯真是一流！

呢間主打川菜既中菜館係全香港已經有二十間分店, 而奧海城呢間因為新開, 裝修光鮮新淨, 所以就去試下. 秘製醬香鍋 $38鍾意食辣既朋友仔可以點經典香辣鍋, 見都有好多人推薦, 而我今次就選擇試佢唔辣既醬香鍋, 鍋底有京蔥、芝麻、芫茜、脆黃豆等做配襯, 醬香味十足, 調得非常惹味. 另外店舖亦提供數十款自選配料比你做配搭, 有肉類、丸類、鮮蝦、蔬菜等. 今次我地就揀左9樣配料, 包括肥牛、五花腩、雞翼、墨魚丸、年糕、娃娃菜等. 當中雞翼同肥牛都非常出色, 雞翼有先拎先炸再放入鍋中, 所以入口更加香脆, 肥牛亦都吸引哂鍋底既醬香汁, 非常惹味.而且我眼見店舖所有料理都非常足料, 每碟份量都好多, 好大碟, 所以絕對係高性價比餐廳!

今次呢間餐廳係老公想試，本身我見係川菜有少少擔心，因為食唔到好辣，但最後都有驚喜：川香回鍋肉回鍋肉一直俾我感覺都係好辣，但呢度照顧到唔食得辣嘅客人們（即係我😂），估唔到唔辣嘅回鍋肉係預料之外嘅好食，就算唔辣都好惹味😍，肉片唔鞋口仲好入味，而且一碟入面有好多肉，抵食😆清炒萵筍絲因為叫咗啲辣嘢同肉，想叫返個清少少嘅菜中和吓。萵筍好鮮甜爽脆，就算冇配菜一齊煮都好好食，感覺更健康，成碟好快清晒👍🏻蔥油拌麵我好鍾意拌麵炒麵之類，所以一見到就叫佢。麵質煙靭，又唔會太鹹，撈埋乾蔥好香口。燒椒皮蛋我哋揀咗小辣，雖然佢係麻辣，但小辣對我嚟講啱啱好，麻麻辣辣好過癮，仲好好送飯👍🏻慾望酸梅好大杯嘅酸梅湯，配重口味食物啱啱好，即刻減膩。地點方便，一出地鐵站🚉就係，餐廳亦好整齊乾淨，我哋會再去👍🏻

牛媽今日同一班朋友仔去左位於奧海城既十二味！必點菜式一定係佢哋嘅經典香辣鍋，自選配料非常豐富！牛媽今次就點咗牛柏葉、金錢肚、美國肥牛、牛舌、豆皮、寬粉，鍋內嘅辣椒非常之香，辣度仲可以任君選擇，仲有加入咗不同香菜等等嘅調味料，更令整體嘅味道非常之獨特美味 ！🌶️😋除此之外，仲點少得牛媽最愛嘅清炒萵筍絲同埋酸辣土豆絲呢！每道小菜都十分有鑊氣！飲品方面，配搭埋桂花冰讓，真係一絕啊👍其蔥油拌麵亦都非常好吃！Yummy! 甜品方面，紅糖糍粑係一定要叫嘅！糍粑配搭紅糖醬料，香脆可口👍快啲約埋家人朋友仔一齊嚟十二味品嚐唔同風味嘅小炒菜式啦！

這間餐廳，由於味道口感都很接近國內口味，所以最初開張的時候，很多人以為“它”也是國內過江龍，其實“它”係來自香港餐廳環境：主打簡單的裝修，實而不華！最有印象應該是隻吉祥物 - 熊貓食物方面：水煮牛肉 $158 水煮牛肉的牛肉肉質細嫩，鮮香可口，加上麻辣，香味濃烈，配菜亦很足夠，是伴飯的最佳拍檔川式口水雞 $73川式口水雞是一道經典的四川菜，雞肉鮮嫩，加了辣椒紅油的醬料，口感鮮香麻辣、香氣四溢！梅菜虎皮扣肉 $68梅菜加上扣肉，扣肉肉爛味香，重點是肥而不膩，吃起來咸中略帶甜味！同樣是伴飯的最佳拍檔慾望酸梅 $28超巨型酸梅汁，吃了这么多辣的东西，喝一口酸梅汁，既解渴又解辣整體來說：相信很多香港人對餐廳不會陌生，餐廳在香港建立當年，雖然以川味聞名，但仍為了香港人調配適合的味道！加上現在分店已經遍布港九新界，最近亦進駐奧海城，無辣不歡的朋友，一定要試試

川菜風味滋味‼️😋同屋企人去咗大角咀🏠奧海城二期新開的十二味🌶古典與現代的新裝修😀精緻的餐具到舒適的座椅🫶🏻餐廳場地非常大古典風格🔥視覺與味覺的盛宴😃水煮牛肉 🐮不僅辣而不燥，肉質鮮嫩，每一口都能感受到牛肉的鮮美與辣椒的醇厚。乾煸肥腸則是另一道令人讚不絕口的佳餚，肥而不膩，腸壁外酥內軟，配上秘製醬料 🫶🏻乾煸肥腸🐷一股辣味迅速襲來，辣椒與花椒的結合，讓這道菜的風味更加豐富。肥腸的油脂在高溫下炸至微脆，卻不失其鮮嫩。每一口都能感受到辣椒的火辣，肥腸的鮮香🥳蔥油拌麵🍜麵條彈牙，蔥香撲鼻，每一絲麵條都均勻地裹上了蔥油，簡單卻不失精緻😋整體總的來說，「十二味」不僅僅是一家餐廳，它是一個川菜的藝術殿堂。無論是對於川菜的愛好者🫶🏻

今日係奧海城收工，同朋友行下搵食！有時中午都會食十二味，奧海城新開就諗住去試下！位置都唔難搵，係奧海城2期好多食肆嘅1樓！座位都幾寬敞，不過十二味一向都係大熱餐廳，所以晚市都比較多人！坐低店員就會比個QR code你自己落單！🌶️招牌自選香鍋🌶️我哋今次就想食經典香辣鍋（其實我好鍾意食香鍋嘅味道），個鍋都只係$38蚊，當然配料全部都係自己揀，咁先好，鍾意食乜就點乜！我哋就點咗田雞、午餐肉🐽、滷水肥腸、牛百葉🐮、魚腐、豆皮同萵荀，揀辣度我哋就揀少辣！嚟到係勁大鍋🤣🤣🤣啲配菜勁多勁入味，由其係田雞同牛百葉，好香好爽！佢哋炒嘅香鍋啲味道真係啱啱好啱唔會太咸，好愛❤️‍🔥🌶️🥚燒椒皮蛋&🍜 蔥油拌麵我哋仲有點咗十二味好特色嘅燒椒皮蛋同蔥油拌麵！燒椒皮蛋我就只係食呢間，因為佢用嘅皮蛋係個皮晶瑩剔透，個多黃係流心黃，配埋佢哋自家製嘅辣汁，少酸少辣好開胃！蔥油拌麵個味道都幾濃，份量適中，2個人食啱啱好！我好鍾意食十二味嘅原因係佢真係好方便，我去好多地方都會有呢間食肆，啱曬我成日都好想食辣嘢嘅人！📌十二味（奧海城二期）📍大角咀海庭道18號奧海城2期1樓146B舖#十二味 #招牌香鍋 #經典香辣鍋 #燒椒皮蛋

這家連鎖餐廳分店遍佈港九新界，能做到成行成市都並非偶爾😏食物大份，價錢親民，大部分開在人流多的地方，夠方便😜餐廳點評：位置寬闊，員工服務親切，問是什麼食材都耐心回應和介紹🥰食物普遍都是辣，吃下去不太辣，但辣味停在口內一段時間🌶️🐟黑豆花鮮椒魚 $138新出的菜式，出乎意料之外地喜歡💕湯底比較清，帶有花椒的麻香😤下了豆腐、貢菜，很拌飯🍚魚當然不用多說，又大塊又滑😍🐓川式口水雞 $73平常午餐也會點，大部分都是雞肉，少量雞骨😄不太辣，但辣油很香，是老X媽的味道🤣✨鹵水拼盤 $88裡面有豬耳、牛𦟌、牛肚，滷水味不太出😗反而蘸了旁邊的調味粉，好像燒烤的味道😆白飯 $12總價錢－ $342評分－回頭草指數（🍀🍀🍀🍀🍀滿分）食物：🍀🍀🍀🍀環境：🍀🍀🍀🍀服務：🍀🍀🍀🍀

呢排可能因為想得內地多，成日都會想食啲辣嘢，早幾日就已經上網預訂咗位，嚟呢間奧海城嘅十二味！其實呢間餐廳都嚟過好多次，唔同分店都食過，覺得佢哋嘅食物都有品質保證！ 今次一坐低就已經覺得成間舖頭感覺都係好乾淨，唔會黐黐立立，員工嘅態度亦都好好，仲要我好鍾意佢碗碟嘅顏色，好特別！首先叫咗個極品麻婆豆腐要小辣 $73，呢樣係我每次嚟都必點嘅，因為豆腐真係好滑身，好好味，直接滑落喉嚨嗰度！之後要左個人見人愛酸菜魚，門口都有賣廣告話一年賣出咗190,000份，超級厲害！做到咁嘅銷售，就梗係有原因啦，比起一般香港好多食酸菜魚嘅地方，呢度魚嘅份量特別多，而且酸菜好好食，連個湯都可以直接飲埋，真係覺得好正，大家一定要點！

我好耐都冇來過奧海城，今日因為有朋友係附近返工，咁岩我哋兩個都夜收工，就決定不如食啲刺激啲嘅辣嘢，講吓講吓就決定嚟奧海城呢間十二味度食晚餐。今日大概八點嚟到，門口竟然仲有人排隊，不過好快都有得入座，坐低都係用QR code落單，十分之方便，加上呢度有提供冰檸檬水，所以食辣都唔怕！今日要左人見人愛酸菜魚，叫咗寬粉同小辣 ，價錢$276但係超大碗，好多塊魚，完全冇腥味，好新鮮，辣度剛剛好，加埋有少少麻辣，真係越食越過癮，不過最鍾意都係啲酸菜好好食，萵筍片亦都好多！干鍋要左小辣少油，另外要咗排骨仔，豬頸肉，牛片，土豆同油菜，咁樣加埋先$206，抵食啦！最後都要讚吓呢度嘅服務員個個都好好禮貌，同埋個個都笑面迎人，真係食得好開心！

今日放工同朋友一齊去食十二味，聽講黑豆花鮮椒魚蠻不錯，就一齊黎試吓～🙌🏻黑豆花鮮椒魚🐟魚片嘅量好足 食材新鮮 魚肉柔軟嫩滑 🫶🏻 我地揀小辣 辣度啱啱好～ 加上藤椒嘅麻香味 真係好食😋黑豆花第一次試 無豆腥味 味道唔錯 吸滿濃郁嘅湯汁 一口爆汁嘅感覺😌 貢菜嘅脆爽搭配軟滑嘅魚肉 增加左豐富嘅層次感👍🏻武隆尖椒雞🐓雞肉肉質較為緊實，搭配藕丁、青椒、麻椒等爆炒之後鍋氣十足，炫飯好搭配👍🏻蔥油拌面🍜看起黎平平無奇，但面條都掛滿蔥油香味，勁道順滑，體會嗦面嘅快樂🤩熱情果蘇打🥤好大一杯，看著蘇打不斷冒出嘅上升氣泡🫧好療愈嘅過程😂 就係有少少偏甜了 幺妹冰粉🥰四川甜品必點～ 熱辣辣之後冰粉黎緩解一下～ 🥳

唔知大家知唔知，奧海城二期1️⃣樓打通咗去戲院📽條路之後多咗幾間食肆，除咗有我至愛嘅拉麵店外🍜，仲有間壽司店🍣，點知未夠6點🕕已經大排長龍🚶‍♂️，唯有打退堂鼓🙈。望望下發現原來隔離開咗間 十二味，見仲有少量座位，即刻同阿仔衝咗入去😆。十二味一向係我至愛店舖之一，由於今次只有D兩父子，所以只點了個香辣鍋。經典香辣鍋小辣 $38(跟最少5️⃣款配料，總共$218) 鮮腐竹 $28肥牛 $48蓮藕片 $28土豆 $28鮮蝦 $48香辣鍋🥘用上大量切碎嘅青椒、辣椒、薑、蒜、蔥及芫茜，再加上調味料一齊炒，味道非常惹味香辣🌶，小辣對我嚟講就啱啱好，鮮腐竹口感柔韌，但一啲都唔乾身🥰、蓮藕片和土豆🥔吸收哂香辣鍋啲味，勁好食🤤、肥牛🐂肉質軟腍帶牛香味、大蝦🦐肉質彈牙。材料份量勁多☺️，兩個人都差啲食唔哂。白飯 $12食香辣鍋，真係一定要叫碗白飯食🍚，呢度白飯又真係唔錯，粒粒分明，又有飯香味😋。熱情果梳打 $28檸檬梳打 $28食完香辣鍋，飲返杯冰冰涼涼嘅梳打🥤，解膩解辣一流😋。