影片
港鐵銅鑼灣站 B 出口, 步行約3分鐘
繼續閱讀
電話號碼
35204111
54020239
開飯介紹
充滿港式情懷的懷舊風裝修，火鍋湯底以新鮮食材熬煮，味道香濃，而配料則必試特色丸類，是和親朋好友開懷暢飲之選。
繼續閱讀
營業時間
今日營業
12:15 - 16:00
17:00 - 23:30
星期一至日
12:15 - 16:00
17:00 - 23:30
*最後點餐時間 22:30
以上資料只供參考, 請與餐廳確認詳情
有關餐廳
有關獎賞計劃
優惠
88折
【火鍋】$100 通用現金券 **無限兌換**
$88
$100
88折
【灣仔及銅鑼灣】$100 通用現金券，歎盡中西日美食 **無限兌換**
$88
$100
相關文章
朋友食過一次夜晚 話氣氛好正有精選二人餐 性價比好高-約咗今日去食lunch 除咗米線套餐人均消費50至60左右-仲有火鍋lunch set 性價比非常高今次應承請佢食飯 所以就嗌多碟靚牛-環境好有大排檔feel但係最緊要冷氣充足先夠舒服呢度又有氣氛 又夠涼爽湯底方面揀咗一個胡椒湯另一款係麻辣湯-首先要讚吓佢哋嘅 手切 牛頸脊$168 /細感覺上比起我喺九龍城買嘅質素更加好果然係本地靚牛厚薄適中 肉質超靚完全值呢個價份量都唔少呢個蝦滑大大大推個名叫做「蝦籽蝦乾鮮蝦滑」$78勁新鮮 食得出真係新鮮打質素好高 仲有粒粒蝦籽更加香大過粒乒乓波🏓午市套餐就可以揀牛肉或者豬肉 平均唔使$100 一位有齊飲品 湯底粉麵另外仲可以加配料勁鍾意佢哋嘅金牌牛丸係爆汁嗰隻 勁正 一次過可以試到唔同的配料例如蔬菜 沙白 幾大隻仲有豬頸肉 牛柏葉等等平時比較少打邊爐有豬頸肉配埋胡椒湯底都幾正 勁飽肚懷舊雪櫃水晶燈 估唔到感覺都好夾啱晒打卡影相 lunch都幾多人 但係都坐得舒服嘅比較闊落啲 地點又幾方便喎時代廣場行過嚟都係兩三分鐘一人套餐 鍋底 好快滾 呢個設計唔錯因為可以防風 自己一個食都開心
繼續閱讀
Happy Friday 想搵間餐廳🍴食得開心啲，就黎左燈龍街入面嘅永光中心覓食！呢間十下火鍋食物及服務質素向來都幾好，當然要入嚟食啦～精選二人餐 (餐廳建議3人食, 所以全部都係女士既話, 呢個二人餐絕對合適)湯底：卜卜蜆煲一上湯底，中間係一球蒜蓉伴隨住超大隻嘅蜆肉，每一隻都好新鮮，無任何沙粒，師傅清洗得好乾淨～大刀手切本地牛頸脊（小）厚切牛頸脊，食落去好濃郁嘅牛味，而且唔會有太多筋，一啲都唔鞋口，基本上不用蘸任何醬汁，都食得牛肉嘅鮮嫩～蟹肉蟹粉餃蟹肉蟹粉香濃飽滿, 咬落去整個口腔都充斥住蟹的鮮味, 清香甘甜, 每一口都是享受, 真係非常滿足肥美大沙白除左本身個湯底有沙白之外, 套餐仲包埋大量沙白, 所以基本上3個人食呢個餐絕對足夠, 尤其全部都係女士~十下三寶滑店員好好服務, 會幫客戶將蟹籽拌勻, 然後放落湯底煮~鮮打鹹蛋黃墨魚滑: 有微微的鹹蛋黃, 而最重要既係, 墨魚滑真係非常彈牙! 食得出師傅絕對係即場手打!蝦籽蝦乾蝦滑: 平時蝦籽蝦滑食得多, 加埋蝦乾真係第1次, 真係好濃郁蝦味, 絕對係真材實料~發財好市牛筋滑: 包含左蠔豉和髮菜, 牛筋本身已經彈牙, 變成牛筋滑, 再拌勻蠔豉和髮菜, 鮮味提升更高層次~頂級野生竹笙超級大條, 食落去吸收晒湯底既海鮮精華, 非常滿足~醬爆瀨尿牛丸一咬落去會有醬汁吱出黎, 所以咬落去真係小心燙口, 要慢慢食!不過真係好juicy既牛丸~懷舊果皮魚蛋好濃郁既果皮香味, 而且魚蛋也挺彈牙的~再有餐廳播放住各種懷舊金曲襯托住, 真係好有懷舊風~紫菜響鈴響鈴入面包住紫菜, 再放入湯底一起煮, 基本上煮5秒左右就可以即食,有外軟內脆既感覺~蔬菜拼盤有清甜蘿蔔, 翠綠生菜, 新鮮娃娃菜, 大粒冬菇, 爽甜粟米~前面食得咁豐富, 當然要食返D蔬菜平衡一下~竹蔗茅根打邊爐當然最不能缺少既生津解渴既飲品啦!係潮濕悶熱既夏天，飲返一渣竹蔗茅根, 絕對可以清熱降火、滋潤身體!
繼續閱讀
今次同大家分享一間超正嘅港式火鍋餐廳，無論湯底、食材定飲品都令人驚喜連連！由養生豆乳白鍋到麻辣鍋，再到高質安格斯牛小排同創意鹹蛋黃墨魚滑，每樣嘢都值得大讚。以下就同大家詳細講下呢餐有幾正！ 🤍養生豆乳白鍋拼麻辣鍋：雙重享受，滋味無窮首先講吓個湯底，餐廳提供鴛鴦鍋選擇，一邊係養生豆乳白鍋**，另一邊係麻辣鍋，完全滿足晒想食清淡同重口味嘅朋友！ 🤍養生豆乳白鍋真係超驚喜，湯底用濃郁豆乳熬製，入口順滑，豆香十足，仲加咗紅棗、杞子同淮山等滋補食材，飲落去暖胃又舒服，尤其適合鍾意健康飲食嘅人。涮蔬菜或者海鮮時，更能帶出食材鮮甜，絕對係養生之選！ 另一邊嘅麻辣鍋亦絕不馬虎，麻香十足而唔會過分嗆喉，辣度適中，湯底仲有大量花椒同香料，越煮越入味。特別推介用嚟涮牛肉同內臟，麻辣湯底完全滲入肉質，食落香辣過癮，但唔會蓋過肉味，平衡得恰到好處！ 🤍安格斯牛小排(大）：肉質鮮嫩，油脂甘香作為牛魔王，呢度嘅安格斯牛小排真係無得輸！牛肉切成薄片，脂肪分布均勻，雪花紋理清晰，一睇就知係高質貨。放入湯底輕輕一涮，3-5秒就已經可以食，肉質超級嫩滑，入口即化，牛油香喺口腔爆發，正到不得了！ 無論係放喺豆乳鍋定麻辣鍋都咁夾，豆乳鍋可以突出牛肉嘅鮮甜，而麻辣鍋就增添香辣風味，兩種食法都令人回味無窮。份量亦夠大，適合三五知己分享，絕對係必點之選！ 🤍鹹蛋黃墨魚滑：創意十足，鮮味爆棚平時墨魚滑就食得多，但呢度嘅鹹蛋黃墨魚滑真係第一次試，完全被驚艷到！墨魚滑本身已經打得非常彈牙，鮮味十足，而中間夾住流心鹹蛋黃，煮熟後一咬開，鹹香蛋黃汁湧出，同墨魚鮮味完美融合，層次感超豐富！ 呢個配搭真係創意滿分，鹹蛋黃嘅濃郁完全唔會搶咗墨魚嘅鮮甜，反而令整體味道更昇華，絕對係必試招牌菜！ 🤍紫菜響鈴：脆口惹味，火鍋絕配紫菜響鈴係另一樣令人驚喜嘅配菜，比起普通響鈴更多一層紫菜香氣。即炸上枱，可以直接當小食咁食，又或者輕輕浸一浸湯，外層微軟內裡仍然保持脆口，吸滿湯汁後更加滋味！ 特別推介放喺豆乳鍋，紫菜同豆乳嘅清香互相襯托，食落更加鮮美。如果鍾意香脆口感，可以試吓唔浸太耐，保持爽脆，一樣好正！ 🤍油麥菜：清新爽甜，平衡膩感食咗咁多肉同濃味嘢，當然要叫返份油麥菜平衡一下。呢度嘅油麥菜非常新鮮，菜葉翠綠爽嫩，放喺豆乳鍋輕輕一灼，吸晒湯汁精華，食落清甜解膩，仲帶微微豆香，絕對係健康又美味嘅配搭！ 🤍冬瓜茶：清涼解辣，完美結尾最後不得不提佢哋嘅冬瓜茶，自家熬製，甜度適中，飲落清涼潤喉，尤其食完麻辣鍋後飲一啖，即刻解辣又消滯，係火鍋嘅完美配搭！
繼續閱讀
香港而家有唔少放題火鍋店，但年紀有返咁上下唔想食得咁飽，幾時去試吓裝修非常有特色嘅火鍋店十下火鍋。餐廳以香港70-80年代風格裝修，有唔少有年代咁嘅產品非常有特色。我哋叫咗精選二人套餐，有喜歡嘅椰子雞湯底，套餐包括了手切牛肉，丸類，海鮮，蟹粉餃，蔬菜等等。椰子雞湯底竟然用用上原隻鮮雞熬製，一開始仲以為係半隻雞，兩個人根本食唔晒。手切牛肉足夠兩個人食，係我最喜歡嘅牛頸脊油花十足，滿滿牛味。仲有餐廳自家製手打滑，有髮菜蠔豉牛肉滑，鹹蛋黃墨魚滑，蝦乾蝦子蝦滑每一款都非常有特色，出邊唔會食到。個人最喜歡髮菜蠔豉牛肉滑，蠔豉嘅香氣配上牛肉滑非常夾，另外蝦乾亦將蝦嘅鮮甜味吊出黎，店員跟會主動幫你下鍋。你好，花甲亦非常新鮮大隻，蟹肉蟹粉餃充滿了蟹肉蟹粉唔會用溝豬肉，每一啖都滿滿蟹肉非常鮮甜。另外套餐亦包括了牛丸，魚蛋，響鈴及蔬菜拼盤。每一款食材都非常新鮮呢個質素拍得住屋企打邊爐用嘅食材。雖然餐廳唔係放題，但個個人更加喜歡依款套餐式火鍋食到更新鮮優質嘅食材。
繼續閱讀
午餐又抵食，又坐得舒服胡椒湯好好飲，夠味但不會太辣。藥膳湯亦都好香。又可以好似車仔麵咁自己點菜，好多選擇。一人火鍋好足料，一定食得飽，湯底味道都好。場地寬敞，唔會逼，冷氣夠大，夏天啱晒。
繼續閱讀