十三座牛雜 (已結業)

跟太座路過，太座忽然問呢度嘅牛什係唔係真係咁得。心感奇怪，因太太一向對內臟嘅物體避之則吉，難得佢話想一試，就響亳無心理準備下買咗一串什俾佢試試...對小弟來講，每一次食佢哋嘅牛什，都發覺水準不太平穩。上次食就覺得挺不錯，是日食到嘅又麻麻哋 --- 腸肥膏太多，肚不太夠淰，而且整體總覺得味道不太入味....睇吓下次再食會唔會又係咁先....

我係十三座牛雜既fans,每個星期起碼要食兩次先舒服!強力推薦:- 金錢肚: $7一串,d鹵水汁入晒味,牛肚又腍又鬆化,配埋d辣椒油,一個字- 正!- 腸粉: $6蚊4條,非常滑溜,不過甜醬較稀. 記得加辣椒醬,野味好多!- 八爪魚: 超彈牙,加埋d咖喱汁真係冇得彈!- 咖喱魚蛋: 一流,大粒爽口,唔似得其他d魚蛋檔,腍之之咁.- 港式奶茶: 係甜左少少,不過真係好滑好香.咁乾淨既街邊檔,貴少少都值既!

很久沒有打食評了=)今天到了北角一趟，想起早前飲食男女的介紹，一出mtr便走來吃了~買了一串牛肚、一串牛肺和一串八爪魚..(各$7)牛肺是男友的，他說只是一般牛肚我則覺得好像太"林"..而八爪魚則淋上咖喱魚蛋的汁..味道有點奇怪呢..也許平時吃慣的不是這種味道吧..早前看飲食男女介紹得何其吸引..親身吃過則覺得沒有那麼特別..如果住在附近經常路過偶而吃一串也沒所謂,但特登去的話則有點不值了。

無食lunch 0既關係餓了成個下午, 0黎食串牛雜($7) 醫醫肚.走了肺的關係, 一串得5 件(牛膀1 件, 牛肚牛腸各2), 乜醬都唔落就咁食... d 鹵水汁勁正, 又香又夠味又惹味! 牛肚腍得0黎又帶點咬口; 牛膀完全唔係坊間0個d 咁硬實又澀澀0地, 呢度的極鬆化入味, 入口即溶, 食落感覺有d 似(月閏), 又係勁正! 牛腸洗得好乾淨, 腸壁脆身, 都幾好食, 可惜入面就有勁多我唔敢食的肥膏=P 唔怪得咁人氣, 果然值得推介!另外不得不提, 呢度買牛雜係用個小兜載住的, 感覺比好多街邊檔衛生得多, 值得一讚.$7 一串, 份量係唔多, 但比好多地方好食得多, 加上呢d 咁高膽固醇0既0野都係小食多滋味為主, 點解咁都嫌「貴」? $10 一包味如嚼蠟0既老麥薯條又好抵嗎? 真係難明lak!P.S. 老闆幾好人!

識飲識食復活節(四)久聞其名，加上前幾期有位飲食男女的專訪，令我實在太想來試試了。叫了碗細牛什，$28，的確比一般的貴。先吃到牛膀，鬆軟，女友也說好吃(她之前不太喜歡牛膀，因為通常都煮得實實的，口感不好)，而且膀能吸汁，嘗到這兒的汁有特出的花椒八角味，但又不會搶去牛雜的味道，難得矣。肺也好吃，爽口；肥腸實在是夠肥，而且洗得很乾淨！食得很放心。價錢偏貴，其實能吃到出色的牛雜，耐不耐吃一次都還可以呀。那有不來Encore之理呢？

本人係極之愛食牛腸既人,由自小開始,係屋村既大排檔經常食到牛腸既我,對牛腸有種情意結...可惜自從大排檔的粉麵檔結業後,再難找到一間食牛腸係頂瓜瓜既食肆...而且,牛腸的清洗工作較為麻煩,而且分竹腸,粉腸同大腸,很多食肆都會免麻煩,而避免入牛腸既貨...之但係,十三座牛雜,某日同女朋友去北角,見係新光戲院附近開左新鋪,當然要試一試...要左一個細碗裝牛雜($28),好貴...我要番我一直以來既食法,走牛膀,多牛腸,竹腸,同以前食過既一樣,而我最鐘意食既就係粉腸,粉腸較為失望,因為我期望既粉腸係有陣好濃郁既牛味...雖然有,但明顯因為每日既供應量多,令到烹調既時候唔夠長...至於牛肺,反而有驚喜,口感一流,非常爽口,而兩款牛肚,草肚同金錢肚都較平凡,不過不失咁啦...原因係佢地秘方烹調既醬汁並冇預期既驚喜...但點都要講一句,呢度係牛雜,食落係非常之乾淨!!!以我食咁多年牛雜既經驗,依家出面好難食到係冇沙既...不過$28蚊碗,真係太貴了,再大一個碼既話竟要$42,但實際俾得多唔多料,個人認為,唔算多..而呢度既魚蛋,亦係一流,大粒彈牙,醬汁特別香濃,$5一串,抵!!!而腸粉就$6蚊4條

每次经過，都癮起要放下幾元，今次都不例外。七元一串，頗貴，但牛雜的汁特濃，燜的合如其分，所以還是值得的。其實最愛的是豬腸粉，但已售罄，只得下回請早。

尋日2人試左個大碗$42要排一陣隊(我係第4個)即場食(企在戲院後門則),因為牛雜只要凍左的dir,味道已差好遠.腸幾肥美, 不過得2舊你唔講佢就比好多肺你(有成7,8舊,好ar位果只)整體味道算不錯; 不過此水準實在不大難搵.

開左咁耐，我日日都經過但就無去試，一來巴士站邊好大塵，二來成日都好多人，對牛雜無乜好感既我見昨天早上無乜人又無乜車膽粗粗去買左盒細($28)返屋企試，亞姐問我有咩唔食，我話"下，我都唔知邊部份打邊部份，咩都要ｄ"其實我只係識分牛肚．．哈！返到去，覺得好大碗，有一部份係白色好似腸而入面係好似脂肪咁，食左一舊口感唔得，好肥同滑嘟嘟，我唔識果part係乜，不過下次我識叫亞姐唔好比果part我架喇。仲有下次試埋其他野先，因為見到都多人食腸粉。

收工路經此地發現自己餓餓地於是來呢度諗住食串齋﹗對上一次來食素齋真係一試難忘﹗個汁超香超好味﹗點知齋已經賣哂於是食左都是最愛的八爪魚﹗呢度少少鋪位但入面員工有成五六個一字排開見到都覺得搞笑﹗八爪魚用碟上唔洗滴到周圍都係夠衛生一讚﹗八爪魚入口超彈牙爽口，我食左咁耐街邊野最正既八爪魚就係呢度﹗個汁既香且辣，食到後來個口仲麻麻地超正﹗一流呀﹗

放工之後引唔住又落左北角食十三座牛雜，大碗的買回家，$38，味道依然，只是有部份雜剪得太薄了，暫時只有澳門手信街的牛離檔可與之一比。

天氣得十度左右，雖然食左熱狗，有點飽，但仍然想塞D暖野入肚。之前睇食評，有人讚其腸粉頗滑。一於棄牛雜而取一盒腸粉($10)。見住個女店員起勢咁剪剪剪，我嚇左跳，估唔到$10會有咁多。叫佢多醬油就真係俾好多。但係....佢求其放個盒落袋，搞到個盒打斜曬，結果D汁流左落個袋。咁都不特止，最慘既係，佢放竹籤既時候，整穿個lone，D汁就係咁滴落地下。

尋日去食團年飯...去到其他人都未到唯有同男朋友去食串牛雜..佢要左牛雜我要牛肚..d牛肚整得好腍..幾入味..唔錯..食完加多串八爪魚..男朋友話旺角間肥媽好食d..之後兜個round佢又買多碗$25...跟住有兩個frd到又帶佢地去買..再跟手有個frd黎買左$38大碗一齊食..男朋友覺得牛頭角個車仔檔牛雜好d..我就覺得呢度好d啦..至少乾淨d先啦...

在北角,除左買雞蛋仔要排隊,買牛什一樣要排隊。路過又排埋一份,買串牛什。一串六七件,並不便宜。牛什腍而入味,加上芥末醬,嫌其醬不夠辣。最愛的還是多肥膏的牛腸,帶其膏油香,但真的是不可多吃。食畢,口內尚存牛什與鹵水汁的香,心卻不斷想,為何店要名為「十三座」?

一出北角A2MTR,見大大個招牌，整番串$7.點知老婆要指定尼樣個樣，又問長問短！難得事頭婆又肯張就喎！重鬼咁有禮貌！講真味道就見人見智啦!我覺八角味太重啦！但又咁多人食喎！相信好生意是有道理的！