北海道麵包店

營業中

休息中

「北海道麵包」係新蒲崗屹立多年，以前好鍾意食佢嘅吞拿魚燒餅同蛋糕仔，佢嘅價錢係同區嚟講其實唔算平，不過勝在質素唔錯，吞拿魚燒餅夠大個，麵包鬆軟而吞拿魚份量都唔少，質素都高；蛋糕仔就有陣檸檬香，唔會太乾，甜店剛剛好；早排再食吞拿魚燒餅已感覺退步----------今日行經新蒲崗見到5:30後麵包做買二送一就被吸引咗入去睇，見到有吞拿魚燒餅就二話不說夾落麵包盤到，諗住俾多次機會佢，買咗兩個燒餅加一個菠蘿芋頭包，每個$11, 買二送一後三個包$22菠蘿芋頭包還好，個皮都夠香唔算好甜，芋頭都幾粉綿有少少芋香，只係份量少咗D至於吞拿魚燒餅，絕對可以用難食嚟形容，首先個包係夠大不過好薄身冇口感，一咬落去個包質地勁乾仲好有空氣感，輕飄飄，吞拿魚份量好少而且腥腥地唔多討好嘅味道如果正價$11一個真係一D都唔值，性價比超低，就算買二送一都唔見得有價值，睇住呢間麵包鋪越做越差真係好難唔令人放棄佢

北海道的芒果蛋糕當年出名，現在越做越爛！可悲！放在冰箱M久爛芒果蛋糕當現做來賣，我訂時說好訂做，結果给了個放了很久在展示柜里的爛芒果蛋糕给老人拿回家，做生意不老實，欺負老人，晚上打開吃了跑厠所，便秘的是不錯的選擇！

入去買一個蛋撻，$3.5一個。散紙包啱啱有三個半（一個兩蚊，一個一蚊，兩個兩毫子，一個一毫子），咁我就襯四眼老闆娘攞蛋撻嗰陣攞定錢出嚟放喺收銀枱，咁就可以一攞蛋撻免找續即走。點知老闆娘見到啲錢，用手掃開啲毫子，話：「唔好意思，唔收毫子。」我有啲愕然，我話：「個蛋撻三個半喎，點樣唔收毫子呀？我無其他散紙喎！」啱啱後面有個唔知係咪熟客，攞咗一個五毫子出嚟兌換咗我啲毫子，老闆娘先肯收。跟住仲要話：「你咪去七十一用啲毫子囉！」成件事個邏輯都莫名其妙，你啲貨賣三蚊四蚊，咁啲客咪唔會俾毫子，你啲貨尾數有毫子，又唔准人俾毫子，咩事呀？啲態度超差，又唔係得你一度有蛋撻賣，真係無下次呀！

因為住係附近既關係，呢間蛋糕鋪真係由細食到大，平時一向都食佢地既芒果蛋糕，因為佢地既蛋糕真係好出色！首先想講蛋糕入面既海棉蛋糕真係好有蛋味而且相當軟熟，最重要係食左咁多次每一次食都覺得好新鮮，從來都無失手過！而蛋糕既Cream亦都相當出色，入口既棉密又夠滑，對於我黎講簡直滿分，雖然可能會有人覺得偏甜，但食蛋糕既話甜少少我覺得係ok既！最後就係生果，因為我食親都芒果蛋糕，雖然我唔知佢地用咩芒果，但普遍黎講都唔會話食到好酸既芒果，不過就算酸既芒果配合埋佢地甜甜既Cream中和返都係好好食！不過今次我係食芒果栗子蛋糕，同普通芒果蛋糕黎講就多左啲栗子Cream，個栗子Cream係食到有栗子係入面，雖然唔算係最好食既栗子Cream（最好食既係法國），但係因為佢有栗子味得黎又唔會好甜所以我覺得比起啲大集團黎講好食多了，但都有一個缺點就係佢既普通Cream都有好多比例差唔多一比一，食起黎栗子味會顯得唔夠！

話說前幾日係小妹既生日，男朋友仔都買左個蛋糕俾小妹飯後切下開心下男朋友仔買左小妹中意既栗子蛋糕，蛋糕既面頭有朵由好多片芒果整成既芒果花同一粒好大粒既士多啤梨萬中無人既大粒草莓當然係落入當日既壽星女：小妹既肚中啦呢粒士多啤梨同啲芒果都好甜好甜同好甜！！而蛋糕入面有好幾層，有三層海綿蛋糕，蛋糕之間就夾住忌廉同栗子蓉！海綿蛋糕夠鬆軟，食落都好新鮮！不過唔好忌廉又貪心既小妹表示，如果可以少啲忌廉，多啲栗子蓉既話就好啦

每次經過都會買個脆皮波蘿包 , $ 2.5 個 , 又大個又好食 . 平時d麵包店買既波蘿包都個軟皮既 , 一咬就碎晒 . 不過吾中意食甜既人可能會吾中意食 . 另外佢既麥方包都好鬆軟好味 , 排包個人認為嘛嘛地 , 好乾 , 吾好食 .有一隻包係蘋果蓉做餡 , 超級吾推介 , 好爛食 , 陣味好怪 .吾中意個收銀姐姐太大力夾我個波蘿包 , 搞到扁左

此區令我留下不好的回憶, 臨走前在這裡買了個紙包蛋糕, $4.5, 買它...因為反轉了, 應是新鮮出的吧, 價錢不平宜...幸而拿起之後, 是暖暖的, 蛋味淡淡, 但勝在軟綿綿, 可補償之前的不足!

開係一個較唔顯眼既地方, 試食佢地既新鮮出爐麵包, 都幾有特色. 最好味既首選係"脆皮菠蘿包", 佢地整既脆皮真係好脆, 較硬但唔易散. 再加上剛剛出爐, "熱辣辣", 好味!

路過想食麵包,入去望一望有甚麼好吃的呢??最後揀了6元一隻的熱狗.熱狗的包唔夠鬆軟,有未去籽的瓜青一大片,蕃茄和生菜絲,當然主角腸仔,腸仔幾大條,有少許鹹味,腸的味道欠奉,沙律醬少到我都唔記得有定無呢??這個包唔只賣相港式,味道和材料也一貫兒時味道,懷舊下倒不錯.除了熱狗,還買了一個綠茶紅豆餅,紅豆餅扁扁的,外層有少許青綠色,初吃時沒甚麼味道,慢慢吃又吃到一丁點綠茶味道,紅豆唔會過甜,作為清淡之選不俗原本影了相,點知影極都係白影為免嚇怕食友,還是不放出來了

Our office is in San Po Kong, thus we order from this shop and ppl usually order mango cake We have this over 2 yeras However nowadays, it's still ok, but theh cream is almost as much as the cake size.The best part of this Mango cake piece is that with the cream, they also put in mango, so it's not just cream. However, this cream is still way big...for ppl who are concern about fats. But overall the mangoes are fresh and the cream are good, the cake are soft and all good!!!