北海道活壽司 (已結業)

對上一次來已是一年前的事了，今天來吃lunch，順道看看質素比上次有沒有甚麼改善。點了一個燒牛肉飯定食。定食包括一個燒牛肉飯，一個沙律，一個麵豉湯。另外要了兩客壽司，秋刀魚壽司，燒三文魚腩壽司﹙東味﹚。最先來的是兩客壽司。壽司是依然失望的。和上次來的時候一樣，第一件秋刀魚壽司，拿起來吃時飯團便隋之而散開了，令人吃起來甚為狼狽，即使魚片多新鮮已補救不了這大大的失誤了。而這裏燒三文魚腩分了東味和西味兩種，上次兩款也點過了一次，個人較喜歡東味，今次特點了一客來回味。雖然和秋刀魚相比，壽司飯沒散下來，但也不能令人輕鬆地拿起來吃，拿起時仍要小心翼翼，飯始終是握得不夠實。而且有點兒出奇，燒三文魚腩壽司東西味均為$13，但如果生吃的三文魚腩壽司每客盛惠$18，感覺得抵食呢。燒牛肉飯定食。雖然只是$28貨色，起初也沒抱甚麼太大的期望。但出來的比我預期好。牛肉燒得好香，在牛肉之中加了大量的洋蔥再配以醬汁，吃起來更為惹味。牛肉和飯的比例亦比想像中的好，至少差不多每一口飯也可夾著牛肉和洋蔥來吃。不致於很多時吃到近尾時，只剩下飯沒了牛肉。廿八元可以有這樣的份量和質素，十分滿足了。

不過不失啦但d野真係無乜味，全部靠個汁火焰三文魚燒得幾香口，其他壽司都唔係特別好食叫左個雞軟骨，炸得都幾香口，可以一試o既~但冷氣好凍，真係要記得帶外套！

食過幾次，貪佢不用排隊，次次都會叫三文魚(腩)刺身，好味，饅魚都不錯，其他壽司就一般。最搞笑，尋晚有staff叫咪，話宜家有什麼什麼壽司推介，接著繼個問要唔要試下，我地都試左碟，味道普通，都係三文魚最好食。

之前食過一次,覺得唔錯,前日再食都覺得ok,本來搵其他食肆0既資料,點知見到北海道活壽司,咁就check入黎睇睇啦,見到d人話唔好食,咁我又唔覺wor,可能大家食唔同0既野啦,不如我同大家分享吓我覺得好食0既野呀~~活帶子壽司-->勁鮮,勁好味,一d都唔腥,鮮得黎仲甜甜地,好好味~~必食推介蟹捧壽司-->抵食,唔似一般無味0既麵粉蟹柳,有蟹味,有口感,又唔貴,抵食推介~~海膽壽司-->好鮮甜北寄背壽司-->好爽口同新鮮服務態度唔錯,仲有儲印花優惠,儲夠印花分別有九折同85折.而我有中銀信用咭,所以仲有95折添~~

唔好食o既.........d魚生唔新鮮........三文魚仲有筋tim, 4件都有.......劍魚、吞拿魚、賴尿蝦無味o既......完全唔知食緊咩.........仲有個special唔知咩魚刺身都麻麻地.......唔會再去.....

D 食物好唔得呀。個經理好唔得。三文魚有筋。帶子好鯹。鰻魚好霉。吞拿魚有冰。我本身對壽司無咩研究，無咩要求，但係我都話唔好食o既，可想言之啦。最唔得o既係個經理咯。我隔o黎係兩個國內女人帶住一個小Baby，佢o地整到成地都係飯呀紙呀咁。佢o地一走，個經理就話「x，食o個幾十蚊，整到鬼咁污糟，正一xx o黎o架。」我認為人o地食幾多錢都好(都食o左270幾o架)，都唔應該咁講咯，就算咁諗都唔可以講出口咯。我唔會再去o架啦。最後用o左$170 買o左個唔好o既經驗。

聽說呢度既sushi唔好食...但都係想黎親身試下~食左唔係好多款~普通啦..唔算難食..但唔係好食~最好味既係海鮮芝士軍艦!!!真係好好味~其他就麻麻啦...不過呢度既service真係唔係好得....唔再黎...

我之前去食過幾次,感覺一般野食麻麻,今次唔係d朋友話板前好多人又趕睇戲,都未必會去食,不過錯有錯著,佢地整體變咗好多,上次去食呀,d侍應個個黑口黑面架,今次d服務態度好咗,d侍應有禮貌咗,可惜個收銀姐姐就全程黑面,叫佢數碟數極都錯,同一個問題問幾次,等佢埋單等幾個字都未搞掂,好心就換咗佢啦,但係有個高高地ge男侍應,同一個個名好特別ge女侍應值得一讚,笑容+禮貌唔在講,俾我地係咁問呢樣問果樣,要求多多ge客人煩完一次又一次,佢地都仲不厭其煩笑笑口好有禮貌咁答我地,仲介紹咗d新野俾我地食tim,呢d先叫服務態度架嘛.今次去環境比之前清潔咗d,不過d位一樣係好窄,特別去廁所條路呀,好窄好難行,見到班侍應拎住d野食係果道行呀,鄧佢地辛苦呀,講到食呀...雖然係細舊咗,不過食落都幾新鮮,特別係活粒貝,超新鮮又抵食,生蠔就瘦咗d囉,都ok新鮮抵食ge,仲有原來佢地有個special推介架,食咗一個佢地ge日本師傅整ge咩炸飯壽司,幾好味架,不過佢地話唔係時時有lo~總括黎講,有進步ge空間,

呢間北海道活壽司好似旺角都見倒有分店，不過果陣無乜意思想試，今日下午三點左右行過銅鑼灣呢頭原來呢度都有，餓餓地所以試下，入到去個感覺本身幾好，壽司係即叫即做，先黎個特式牛柳壽司，十六蚊兩件，幾好味，牛肉半生熟o岩晒胃口，跟住本來想食海膽三文魚壽司，但原來海膽賣晒，所以唯有食三文魚壽司跟手要埋蛋壽司，兩樣都係八蚊兩件，算係抵食不過夠飯好似特別細.... 然後試d貴小小，首先黎個鵝肝壽司，一件都要三十五蚊，不過真係非常好味，都係抵食的，然後叫我相當鍾意食既吞拿魚腩壽司，都係三十五蚊一件，不過咁就中招，唔知切果位師傅係咪唔識切，一咬落去個口感已經唔掂，味道又唔算係好，講真換轉係八蚊兩件我都唔會食，就係呢件野扣晒分，食夠六十蚊有杯野飲送，埋單一百一十幾，咁大個仔第一次食餐咁貴既下午茶，不過已經唔係貴既問題，真係覺得唔多抵食...... 同埋呢度既水係自己用自助水機沖，好似好方便，但我睇倒個出水口唔多乾淨囉.......呢度全程播放緊濱崎步既大碟「GUILTY」，好聽但同呢度既質素不付......曲目01. Mirror 02. (don't) Leave me alone 03. talkin

好好味呀~~~~雖然好細舊但係都真係好好味始終手握的係唔同d....全部d魚都好新鮮...正!!