北海道活壽司 (已結業)

5月28日, 今晚主打係食雪糕! 不過食雪糕之前就決定去食個壽司打個底先~ 銅鑼灣區晚飯時間唔洗等位嘅壽司店, 之前試過兩間都難食到癲! 而家就剩番呢間活壽司叫做可以一搏…::: 三文魚壽司 ::: $9三文魚色澤都ok鮮, 唔算肥美, 但味道都唔錯!::: 北寄貝沙律軍艦 ::: $18沙律醬多過北寄貝好多~ 所以太一pat pat… 麻麻地::: 蟹棒壽司 ::: $13差… 個蟹柳仲有雪氣, 而且硬硬地, 但又夾硬燒佢, 搞到d邊又黑咗, 用外燶內凍黎形容最貼切不過! 跟住個面又一大pat沙律醬咁… 個重點係條蟹柳毫無鮮味… 失敗!::: 甜蝦蟹籽壽司 ::: $13幾好~ d蝦夠新鮮, 蝦肉仲有彈性~ 蟹籽份量亦夠多~ 好味~~~:::牛舌燒 ::: $13出奇地幾好味wor! 牛舌肉質好彈牙~ 又有牛味~ 仲keep到幾juicy! 唯一要彈嘅係油咁d啦…記憶中曾經被旺角間活壽司一個師傅當住人客面前劏鰤魽劏到一枱都係血嚇親! 自此之後我地都無去過… 今次去其實覺得已經比上次進步, 不過佢都係逃唔過執笠嘅命運…

作為常客係因為近工作架地方, 一向因為三文魚夠新鮮夠大件都係$9 咋（係賣點）~（＄３一件依家冇架喇！）所以旺角果間我都係常客, 但係果邊去TOILET就要老遠喇今晚同至愛食飯緊係去佢超愛未北海道活啦, 但其實Ｅ道冇咩新意....好少會有新款野推出...但就幾新鮮我會比較喜歡食佢架　SET LUNCH多D, 因為LUNCH佢反而會多好多野食同埋抵囉!!!E 道通道太迫太窄, 有時佢地拎野出尼會易撞....個老細又成日擺埋個老細格, 皺眉又鬧D STAFF"辣蹋", 咁架工作環境抵下士氣一定唔合格 .不過最近佢地請左個正宗日本人尼做WAITER, 佢經常九十度躹躬架!!珍寶帆立貝（每次都會叫，又大又新鮮）三文魚壽司吞拿魚腩壽司（唔０岩我地口味）鰻魚壽司（夠厚）軟殼蟹卷炸蝦卷炸芝士薯餅唔記得咩卷（新出，夠清新，正）埋單$190 有 DBS 信用卡有 9 折（記得帶喇）︿︿

昨晚與家人共4人到銅鑼灣活壽司食晚飯,一去到唔太多人,我哋有4人都唔肯比4人卡位(無人坐)我哋坐,要我哋要求多次才肯....個位經理黑口黑面連伙計都係咁,可想而知服務有幾好...最最最差係sushi吧內個位帶眼鏡的師傳不斷大大聲與同伴傾計每個人都知佢地講物野,又唔帶口罩,又係到做壽司....就算有幾好食(但係唔好食好普通好普通個隻)真係唔會再幫襯第二次...差差差

同朋友找地方食晚餐,佢想試下依家北海道活壽司,雖然我唔太想食依家(因為有fd食過都話唔好食),不過我同我個朋友都未食過就俾次機會佢地..點知!!我地叫左以下的食物:-三色魚三文魚吞拿魚(顏色已變黑色)辣味螺肉海膽 帶子 甜蝦所有食物都唔鮮架...而且d員工的服務很差，對工作不太認真，不斷的談天。所以下次都不會再幫襯

http://hk.myblog.yahoo.com/goodboy_philip/article?mid=31284食完上面既岩浪係唔飽既, 落番去一間已 black list 既北海道活壽司, 點解去食? 因為醒起曾幾何時佢地最吸引既火炙三文魚腩東西味壽司, 之不過點解 order 唔會0係回轉食既三文魚壽司? 因為活壽司之前試過一碟有三件三文魚 promotion! 金融海嘯下, 想質飽自己, 唯有咁啦...嗚 wa! 點知原來已經無左個 promotion! 硬食了!火炙三文魚腩西味壽司: 因為我係 "蔥怪" 同 "汁怪", 又係 "腩怪", 所以鐘意食啊!火炙三文魚腩東味壽司: 東味太咸了!

好多人都話北海道活唔好食,服務麻麻。不過佢既9蚊三件三文魚又好吸引wor,都係試下先知好唔好。下午3點半去到無咩人,可以坐bar台或者卡位。我同女朋友就選擇坐卡位。其實諗住食個tea,所以無打算點好多野,簡單食下三文魚呀帶子就算。order左兩份三文魚手握壽司,有六件~仲有帆立貝,蟹籽之類。傳說中飯散既問題,我地今日睇唔到,可能下午時段人少少,質素好d。三文魚手握壽司($9): 優惠價有三件。我食到師傅既手心既溫暖呀!!!!!!!!不過三文魚唔夠鮮。珍寶帆立貝壽司($35): 帆立貝有點凍,大大件,不過普通。烏冬($18): 還可以。特長芝士帶子海鰻壽司($35): 鰻魚係肥既,帶子干干地,食唔出芝士味,普通之作。蟹籽壽司($13): 沒有特別。煎餃子($13): 三件,內裡不太好吃。

http://hk.myblog.yahoo.com/goodboy_philip/article?mid=34907迴轉特輯: (有相)全港二十間迴轉壽司拖羅大戰全紀錄! 市道唔好, 間間迴轉壽司都有特別優惠, 無論係黑夜一或日頭, 各出其謀搶客, 務求令迴轉壽司愛好者0係褲袋 um 錢出黎幫襯, 可以話係去到群雄割據既迴轉壽司戰國時代! 暫時金融海潚下有目黑壽司全線結業, 睇0下下一間係邊間?迴轉壽司攪特惠, 對鍾意食迴轉壽司既好孩子, 真係好消息! 咁好唔好食? 又睇落去?都整個小特輯, 等好孩子做白老鼠試一試 D 黑夜/優惠壽司, 睇下抵唔抵食?又睇落去?北海道活壽司唔同既分店有唔同既優惠時段, 唯一係銅鑼灣分店 "全日" 都係優惠時段! 夜晚七點食飯時候去, 完全唔使等。如果要等, 係一定會走!之前話過北海道活壽司, 除左東西味火灸三文魚腩壽司係 OK 之外, 其他壽司全部唔得! 咁點解又會去食? 因為佢其中一個優惠係叫一碟東味(兩件)同一碟西味(兩件)各送一件, 即係兩碟價錢有三件東味同三件西味夾埋六件, 對好孩子黎講係好消息, 因為去北海道活只食火灸三文魚腩壽司!至於其

今晚和朋友到銅鑼灣吃飯.佢想吃廻轉寿司,朋友知我最怕等,佢知呢間比較少人,佢上次食過都唔錯,等了＋分鐘左右.起初都不抱甚麽期望,因為間鋪好似好少員工咁,不過我哋都係嚟食嘢啫.鵝肝寿司,佢上次食過唔錯所以我哋點咗兩客鵝肝寿司,兩客三文魚寿司,北寄貝沙律寿司,七味粒貝寿司,鮮蝦沙律寿司,鵝肝寿司,帶子寿司,三文魚卷,炸雞翼,燒秋刀魚.三文魚寿司新鮮,抵食.北寄貝沙律,七味粒貝沙律,鮮蝦沙律寿司相信都係叫貨,但都不錯.最好味都係鵝肝寿司,好香,好食炸雞翼啲汁幾好味,燒秋刀魚燒得好香整體上都很滿意.可能起初不抱甚麽期望,真係估唔到

早兩晚同朋友去呢間(活)食飯,朋友話好食,所以唻試,.............點知.......唉!又中計三文魚湯,第一啖幾好味,有魚味,但越飲越咸燒鯖魚,OK,應是全餐最好味三文魚壽司,塊三文魚爛都照出,有無搞錯?????油甘魚壽司,唔夠新鮮,可能因為無咩人叫鱆紅魚刺身,OK啦鵝肝壽司,OK雞翼,都幾好味另外叫好多壽司,但壽司飯一夾就散而且服務真係差,既然要人客剔Order紙,然後入電腦,但出品全部用顏色碟,(包括熟食)所以D熟食好細碟,而且食完無人收碟,留返埋單數色碟,(咁點解用電腦入單?)如果食物沽清又無人通知,要你追單至同你講,成個場60-70坐位,但經理連侍應都係得3個人,點做?食物更好都無用啦,無Service又何來有客呢?

女朋友話佢同佢同事上次係屯門個間食過都ok想去銅鑼灣個間試下,咁就係夜晚8點左右去左銅鑼灣o既呢間北海道活壽司分店一入門口,已經feel到d侍應係非常唔專業我女朋友兩次要求住卡位分別被兩個侍應九唔搭八咁回應第1個 -->個d係6人位黎第2個 -->個d係4人或者6人位黎個下真係想爆粗,我地問o既係可唔可以坐卡位,而唔係問個d卡位坐幾多個人我唔介意佢地話有必要時要搭枱但我好介意佢地呢d九唔搭八o既答案咁算喇,坐迴轉位咁我女朋友見張櫈唔太乾淨,就拎佢地提供o既濕紙巾去清潔一下跟住女朋友叫個侍應拎紙巾,佢都算醒水,拿拿聲拎出黎呢度都冇乜大問題由於已經預左樓面會同壽司bar有溝通所以都費事落單,盡量食迴轉帶o既野就算由於女朋友想食蟹子沙律壽司咁佢順便幫我叫埋三色魚(曼魚壽司、三文魚壽司、油甘壽司各一件)但黎到o既並唔係油甘,而係章紅未食入口,剩係睇就已經知跟本唔係油甘單單睇色澤,魚紋肉質已經分得到食物o既衛生都ok,不過就唔太新鮮三文魚都還可以講到尾都係香港人最常食o既壽司剌身但吞拿魚...我見到都唔想拎黎食,片吞拿魚已經黑晒劍魚表面都仲算濕,不過冇拎黎食o既關係,唔知係後期濕

昨天是我朋友的生日，特意帶她到來試試。我朋友覺得食品有水準，並非食評講到好難食。我都去過板前、峰、羽壽司，但水準都不及活壽司好。看到一些食評很好笑及無知，話壽司飯“一夾就散”，其實一件正宗有質素的壽司，就是：　1) 人手握製　2) 飯團不會握得太實，飯粒之間須留有空間　3) 食落軟綿有飯香及少許醋味。日本人吃壽司是用手握來吃的，不像香港人用筷子進食，這樣才更有滋味。如您到過日本當地的日本餐廳或一些五六星級大酒店內之日式餐廳品嚐壽司，壽司飯時有鬆散是很普遍及正常的。若喜歡“一夾不散、硬實實”的壽司，那機器製造的就最啱他們的口味及要求了。

同女朋友去試下啦.入到去冇咩人.咁坐低叫.我同女朋友覺得D飯散到暈.1夾就散.而最普通既三文魚食落去1D味都冇.鮮都唔鮮下.D八爪魚咸到暈.個炸蝦仲衰依落去'林'哂.不過我覺得係唯一個炸薯餅幾好.但女朋友覺得麻麻.埋單之後我地寧願食元氣都好過佢.

激嬲﹗我話過一定要投訴佢，主要係服務態度差。估唔到我做左 member 咁耐，第一篇食評居然係寫衰呢間野﹗晚上 9 點去到，明明無乜人，但侍應堅持我地一定要坐門口位，隔離住自由人又唔知點解要打斜坐，大佬呀﹗點食呀？點解唔可以安排第二個位我地坐喎﹗都算啦﹗反正食迴轉都預左迫，要我坐得「熱鬧」D 咪坐 law。但 9 點鐘已經聽到個經理同個職員講，食埋枝煙好收工，仲要話「收 10 點半，依家 9 點，食埋差唔多啦﹗」唔使咁快話定我知 10 點半要走呀？至於食物方面，壽司一般，叫左三文魚、吞拿魚、章紅魚、劍魚腩、油金魚、海膽尤魚軍艦 & 章魚小丸子一串，味道一般，最好食既係海膽尤魚，好鮮味，其餘既…… 我差少少唔知自己係度食緊乜。埋單既時候，中銀信用咭有 95 折，個職員拎張單埋黎果陣，發呆咁企係我隔離，我望望佢，佢先突然蘇醒咁話：「呀﹗借枝筆俾你丫﹗」(你唔俾枝筆我，我點簽咭呢？) 跟住個職員放低張單就閃左去，不過…… 點解會計多我 2 碟錢既？又話感謝週，三文魚壽司 HK$5 一件？我問個職員，佢先望望張單，佢自言自語左一陣，先發現張單計錯數，佢話因為電腦入單，所以會錯喎，但張

...會有迴轉壽司店比元氣壽司差! 北海道活壽司的確達到這個最低水平 十月十六日, 約了朋友喝酒, 飯卻自己一個人吃. 想起迴轉壽司, 因為一個人等位大概不用等太久吧. 結果決定試北海道. 怎知到了店門口發現"拍烏蠅", 已心知不妙也決定給他們機會.吃了六種壽司和味增湯. 特別要點名:八爪 - 不知所謂. 八爪魚片馬上從飯上跌落. 類似"放"在飯上.吞拿 - 一客兩件, 但第一和第二件不一樣. 味道無驚喜, 但賣相極差.秋刀 - 蔥和薑都已變亁, 像切了很久, 完全不新鮮. 這正是吃秋刀魚的季節, 但這兩塊就完全不肥美.全部壽司握得極差, 飯非常硬, 魚不新鮮. 連綠茶(在杯中放了很久的茶包)也沒其他的店好喝. 味增湯淡而無味.地方還算清潔衛生. 服務健在, 但員工的態度像快睡覺的感覺. 價錢不貴, 抵不抵吃見仁見智.

我鐘意食孰野,所以我唔會食生壽司.我唔知佢同生壽司好唔好食la.但d孰食都ok呀.燒牛肉飯定食,同蟹子沙拉豆腐x壽司都好好味呀.價錢唔貴同佢地無咩人可以坐得輕鬆d.如果你鐘意食孰壽司可以一試呀燒牛肉飯定食就要星期1-5下午去先有呀