北園酒家

朋友家中有喜事，決定同大家食餐好，又唔想食一般酒樓菜色，又貴又看新意，又唔好食。所以一早去左鴨利洲街市買左啲新鮮海產，帶去北園酒家。我都去過呢間飲茶，不會晚市第一次。朋友卜左廳，入面一枱一個 waiter , 服務都ok . 普通樓面吖姐。海鮮方面真係幾有驚喜，煮得好正，好野味。尤其係個鮑魚，煮完都仲係林，唔會煮老左，硬左，其實因為新鮮，少少配味已經 Lam Lam 脷。…查看更多

預祝肥髀生日，本來想帶佢出去食好野，睡公主訓到天黑先肯醒，魚佬就帶佢去會所食，會所有上下兩層餐廳，下層比人包場，上層火鍋嗰層做晚飯（門口個名又唔係北園）地方乾淨企理，我到時已上咗茶及花生🥜，餐牌小菜選擇多，又有晚市孖寶嘅小菜！小菜套餐（$438）招牌地圖叉燒：蜜汁叉塊厚切，淋身嫩滑，纖維有點粗，所以痴牙！味道好味！椒鹽龍躉頭腩：避風塘式炸頭腩，鹹香惹味唔辣，頭腩外脆內嫩滑！幾鮮味！好味！蒜茸粉絲蒸貴妃蚌6隻：貴妃蚌尺寸正常，無沙唔腥，粉絲索晒啲汁！好味西蘭花🥦炒帶子（$148）細細碟，份量唔多夠，西蘭花爽口，帶子唔似炒過，似係灼好放在西蘭花面咁！帶子軟滑唔腥！味道幾好清蒸星斑仔（$68）細細條蒸得剛剛好，魚肉滑，落豉油熟油剛剛好！白飯（$13）白飯碗熱到辣手，應該係𢳂好放在焗爐內存熱，幾鬆軟！茶位（$14）茶葉都幾濃香花生（$10）鹹脆好味芋頭紅豆糖水（送）食物幾好，店員勤快，好似我哋碟叉燒遲遲未有，問女店員佢跟進後會過來講多聲來緊！唔會跟完就算！晚飯小菜環境舒服…查看更多

我的朋友住在海怡，就只有一間酒樓，所以冇得簡，唯有選擇套餐，味道都可以，唔算太差，又唔算好好，只是一般，唯一要讚就是獨市生意來講，都唔算貴，我諗如果假期或週末生意好得多…查看更多

相信好多中上環打工仔都去過中環間北園酒家飲茶，今日介紹，佢係鴨脷洲海怡住戶俱樂部分店。濃湯叉燒鵝瀨 - 無呃你，的確係濃湯，瀨粉索左d燒臘味，又彈牙；叉燒有豬味，瘦叉唔會肥淋淋，夠新鮮；但點食依舊都係燒鴨，而唔係餐牌所寫既燒鵝，肥瘦適中，食燒鴨無少少肥，唔好味嫁，皮脆內嫰，成碗野，比個滿分你。星州籮蔔糕 - 一睇個樣，都知你係炒定叮返熱，不過食落味道有XO醬味辣辣地，表面煎過有層焦，籮蔔糕就傳統粉粉地，淋個隻，我自己就鐘意食彈牙多d，算係咁啦。手打牛肉球 - 有茜味，根肉適中，有咬口，手打牛味濃，塊山竹無浸淋比你，食落仲有脆脆地炸過感覺。南乳豬手 - 切到細細舊，容易放入口，火喉剛剛好，無炆過時，豬手入口彈牙，花生入味，佢味道偏咸，如果餸飯，絕對一流。香茜叉燒腸 - 丫姐一放上枱，已經落好豉油，但絕對重手左，皮厚叉燒少，好明顯放耐左，成舊粉咁痴實曬，又無味，今次腸粉唔得囉。餐廳環境方面，枱與枱之間有適當距離，絕對唔會密麻麻，行出行入好方便，酒樓黎講，一d都唔嘈，同枱傾計，都無比間離嘈親，自己講大聲d都唔怕騷擾到人。全個酒樓都係落地玻璃，無敵海景送多個南丫島景。如果想要privacy，就可以book佢個卡位海景水晶燈玻璃包廂，最多坐六人，拉埋門，好靜，坐得舒服，對坐海景，兩個字 '浪漫'，全酒樓得三個卡廂，手快有，手慢無。今日煙雨霧霧，我又無帶摭，行出酒樓，對住個海景，真係要唱返句：頭沾濕 無可避免 倫敦總依戀雨點 乘早機 忍耐著呵欠 完全為見你一面。。。…查看更多

家人聚餐對住個海景真系好正新裝修過又換左大電視吹K好過以前廳房夠大幾十人都唔會覺迫雞燉翅好夠火候又夠晒清一人一盎北菇鴨掌炆得好入味又好夠腍條沙巴戥相當滑蒸得剛剛離骨炸子雞又系無得彈嫩滑又夠脆d菜ge份量又好夠加上佢地系新接手無論安排同菜式都好過舊個間希望可以保持水準…查看更多

海怡會所酒家結業，經過裝潢後，以「北園」名稱重開。酒家名稱改了，但營運集團依舊是寶湖集團。店內人員已換，店內格局差不多，但感覺上更光猛。家常便飯，先來一盅神草燉螺湯，湯料都算足，有螺頭、雞腳、豬肉、蟲草花等等，湯料比預期美味，燉湯味濃，但鹹了少許。燒味地圖叉燒，夠腍得來亦富質感，不俗。新張期另送茶皇燻雞半只，皮脆肉嫩，茶燻味突出，好吃。小菜金湯脆皮石斑塊，金湯(南瓜蓉)挺甜，斑塊只用上龍脷柳，用料上有點失望。炸魚塊外層都算脆，OK喇。石鍋唐生菜，石鍋夠滾熱，香氣撲鼻，唐生菜夠綠嫩搶口，只是多吃略鹹。飯畢送上紅豆沙，甜度OK，質感稍稀而不起沙，普通。…查看更多