北京老家 (已結業)

我好鐘意食片皮鴨，同朋友去食梗係要食物好食環境又靚，所以結伴北京老家晚餐。濃厚京城裝潢🏮，最具特色是有一個小小的魚缸鑲嵌檯中心。看著小魚兒在缸中暢游感覺很療癒🐟蟹粉小龍包🦀第一時間當然要先食小籠包，小籠包皮薄煙靭，餡肉嫩滑多汁，濃郁嘅蟹味，但係一啲都唔腥北京燒餅跟炸菜肉末肉餡濃郁多汁，外皮香脆芝麻的香味，酥脆香口片皮鴨🦆片皮鴨外皮酥鬆脆肉質嫩滑，鴨餅一啲都唔乾，配上鴨餅和配料更添滋味蔥油海蜇酸酸甜甜好惹味，海蜇咬口彈牙上湯津白🥦食落有香濃的香菇味，蔬菜新鮮香脆京城豬皮凍🐖酸酸甜甜嘅醋配上豬皮凍令人好開胃，可化解片皮鴨嘅油膩感，更加滿足拔絲士多啤梨🍓香甜的士多啤梨配上香脆的拔絲香甜可口,甜香四溢

北京老家位置非常方便，尖沙咀地鐵站N2一出，直行1分鐘就到！北京老家裝修好有古式古香的感覺，好似去左老北京宮廷之中。餐廳的位置好寬敞，坐得好舒服，唔會有迫夾的感覺。我哋點左皇牌4人餐同小籠包，每道菜都擺得好精緻，服務員叔叔同姨姨都好周到，呢一點真係要讚佢哋的服務好貼心👍佢話我係小朋友，鐘意食酸酸甜甜，所以提議我哋將柚子魚轉做松鼠桂魚，結果條魚有一半，都俾我食左，😋唔好睇我細細粒，其實我呢個小foodie一見到美食就好擦得😆🌟推介菜式：🌟北京片皮鴨：這是北京老家一道非常有名的菜，去親的人，每枱都必點之一。以其脆皮和鮮嫩的鴨肉而聞名。將鴨皮及鴨肉切成薄片，然後搭配蔥、黃瓜和甜麵醬一起食用。🌟松鼠桂魚：這是一道具有北京特色的菜餚，通常是用炸過的桂魚，再加上松子和甜酸的醬汁。非常開胃的一道菜🌟鐵板京葱羊肉：這道菜用鐵板燒烤的嫩羊肉，配以京葱及醬料，可以去掉羊肉的羊羶味，想食羊但又怕羶的人必試🌟炒刀削麵：這是一道北京特色的麵食，刀削麵是由廚師用刀片直接削成的寬麵條，配合蔬菜一起炒。🌟蒜蓉炒豆苗：以蒜蓉和炒豆苗為主要配料，落鑊炒至豆苗熟透，簡單但又美味的一道菜🌟老醋蜇頭：這是一道以蜇頭（海蜇）為主

週末family day一家人去尖沙咀食吓家常菜呢間北京菜餐廳，全場枱凳都係木製，牆上有京劇變面元素🎭中國風十足我哋一家四口叫咗個< 溫馨二人餐 >再加碗 紅燒牛肉麵🐂先嚟 冷盤雙拼 ，雞絲粉皮配 老醋蜇頭▶️爽口彈牙，芝麻香十足京味酸辣湯▶️酸酸辣辣，好開胃🤤糖醋魚片🐟▶️炸得好鬆脆，啖啖肉，細佬好鍾意❤️乾煸四季豆▶️少許鹹口，炒得好香小籠包▶️爆汁新鮮熱辣，職員仲會提我哋趁熱食壓軸登場梗係🌟烤北京填鴨🪿▶️皮肉分布平均，包上青瓜清脆爽口唔會油膩洋洋最愛嘅牛肉麵🍲▶️唔會辣，牛骨湯底香濃，牛肉都好腍，最啱小朋友食🥣

近排西餐燒肉都食得好多，深深念住想食下中餐，北京填鴨就係我喜歡的食物之一。朋友專登上網搵到呢間餐廳，推介喺傳統北京菜式。我地今日得兩個人所以唔喺叫左好多嘢食:⭐香脆鴨皮連 半隻$228(京蔥、青瓜條 、薄餅)- 片皮鴨皮脆肉厚⭐番茄炒菜花$88- 蕃茄酸酸甜甜 ，菜花份量足夠⭐熗羊肉片兒湯麵$108- 羊肉好多，湯面羊肉味又夠濃郁⭐小籠包(6個) $78- 每個小籠包都有熱辣辣嘅濃湯喺包入邊，大家要小心食餐館整體環境好好，好北京風味，上菜又上得好快，價錢亦都好合理!

話說母親大人話好鐘意食北京填鴨,我想搵一間好有特色的餐廳,所以帶佢黎位於尖沙咀既「北京老家」!北京老家是一家以東北菜為主的餐廳，以其經典的京城風味聞名!北京老家的裝潢以中國古代的京城為靈感，如餐椅便選用仿古設計，環境別具特色北京填鴨鴨皮脆脆的,肉質鮮嫩!十分有北京的味道!老家辣子羊東北菜的代表之一,羊肉入味,辣度適中,口感不錯!婆婆豆腐豆腐口感滑嫩,湯汁鮮美,撈飯一流韭菜豬肉水餃餡料豐富,皮薄餡大,值得一試!拔絲蘋果蘋果口感爽脆,糖醬香甜,一食愛上!

係尖沙咀行行下街，突然好想食北京填鴨，即刻捉朋友去呢間度食！今次我地叫左個溫馨二人餐 $568 (個名好正🤣🤣)，入面都算幾多野食。 🟠 冷盤雙拼- 老醋蜇頭+雞絲粉皮 蜇頭酸酸地， 我本身好鍾意食雞絲粉皮，粉皮夠入味，加埋嫩滑既雞絲，幾開胃～ 🔴 北京填鴨（半隻） 雖然係半隻但份量都幾多，肉質鮮嫩鴨香味濃，我同朋友都食到唔停口， 加埋薄餅、烤鴨醬、青瓜、京蔥呢個配搭，好味道😍😍 ⚫ 豆腐湯 2 盅 本身係酸辣湯兩盅但係咁岩兩個都想飲清D就轉左豆腐湯～幾足料，食完比較油既野，飲呢個湯無咁肥膩！ 🔵 糖醋魚片呢個好吸引，一入口食到酸酸甜甜既醬，再加上入左味既魚，魚片都好嫩滑，加上唔同顏色既彩椒，好快就清晒成碟。 🟡小籠包 入面夠晒juicy，皮薄餡靚，不過可惜得兩粒，完全唔夠喉！另外仲有干扁四季豆，夠鑊氣

同屋企人食飯有老有嫩，梗係要食返啲傳統嘅中國菜啦！好耐冇食過片皮鴨啦，今次就去咗位於尖沙咀嘅北京老家睇吓我哋今次嗌咗啲咩好嘢先前菜小食，當然唔少得嘅就有～胡同素鵝、蒜泥白肉、雞絲粉皮、蔥油海蜇以上幾款都好，有傳統風味，我就最鍾意蔥油海蜇，好爽口，蔥油又夠香👍主菜就梗係有呢度最出名嘅～北京填鴨肥瘦適中、鴨皮燒得甘香、一啲都唔覺得油膩，再配上青瓜大蔥加上醬汁用薄餅皮包黎一齊食，真係好滿足，沙膽同表哥仔都好鍾意食，每人起碼食咗六件🤭松仁魚呢個又係招牌菜，一睇就知係廚師嘅手工菜，肉質鮮嫩，外皮仲係脆卜卜，淋水酸酸甜甜嘅汁，非常開胃！宮爆大蝦 好大隻蝦，非常彈牙另外仲叫咗好多小菜、包點麵食～小籠包、北京燒餅、北京燒餅（三個）跟榨菜肉木、清炒萵荀、上湯豆苗、炒刀削麵、白菜豬肉水餃🥟、鍋貼、炸銀絲、陽春麵🍜、酸辣湯麵🍜⋯⋯非常有水準最後又點少得傳統特色甜品呢？我同沙膽都係最鍾意食炸芝麻湯圓😍炸芝麻湯丸酒釀丸子豆沙高力拔絲香蕉呢度成個環境裝修都好有中國特色，呢度嘅食物質素都唔錯！最緊要係性價比高，我哋食咗咁多嘢人均都係$200 左右咋！

好想食片皮🪿上網 search 咗呢間 😃 原來佢係尖沙咀已經好多年，位於K11旁邊又好方便，行完街順便食嘢 😜全店裝修風格為傳統北京文化 😍 好靚～ 打卡位好多 📸 如果坐十二人枱，枱中間仲有魚缸供賞 👍 好特別✅ 我哋叫咗份 2人餐 ($568) 不包茶位及需+10% 1️⃣冷盤雙拼（老醋蜇頭 ＋雞絲粉皮）蜇頭囗感爽脆，粉皮亦軟嫩爽滑搭配雞絲同青瓜塊，口感清爽，整體 ⭐️⭐️⭐️⭐️2️⃣ 烤北京填鴨 🪿⭐️⭐️⭐️⭐️⭐️北京填鴨外皮酥脆，內裡肉質鮮嫩帶有濃郁既鴨肉味，配上青瓜絲/京蔥絲及獨有既醬汁，口感豐富；而且餅皮薄，超級💯👍3️⃣ 京味酸辣湯 - 酸辣開胃⭐️⭐️⭐️4️⃣ 糖醋魚片⭐️⭐️⭐️⭐️⭐️酥脆可口魚肉質地細嫩滑爽，醬汁配白飯勁開胃 🤤5️⃣ 乾煸四季豆 - 四季豆既味道帶有微辣⭐️⭐️⭐️⭐️6️⃣ 小籠包(2只）- 皮唔算薄但多汁肉鮮⭐️⭐️⭐️⭐️

今日 同公公去尖沙咀食飯， 去咗呢間北京老家， 佢 灣仔旺角都有分店， 佢個地方 打卡一流 好有特色， 環境舒服座位寬敞， 我哋當然嗌 佢嘅特色 北京填鴨半隻， 清炒蝦仁， 老家炒年糕， 豆沙高力 (六粒)北京填鴨半隻$228， 皮香肉嫩, 包住個皮連埋啲青瓜,蔥 非常之好食, 仲咁好畀咗一大碗海鮮醬👍( 平時 第二度 呢個海鮮醬一定唔夠)清炒蝦仁 $168, 一睇就知好有份量, 呢個價錢咁 大碟, 蝦好滑同鮮味, 食落爽爽地 ,好鍾意佢呢種清炒嘅味道.老家炒年糕 $98， 佢呢個年糕 煙煙靭靭， 加埋肉絲椒絲仲有荷蘭豆， 小小辣 ， 又夠鑊氣 ,非常香口惹味.甜品 豆沙高力(6 大粒), 之前唔記得咗邊度食 過細細粒到喉唔到肺 , 小插曲 *開頭睇唔到有豆沙 就咁叫咗高力, 好彩 落單嗰陣 仁慈嘅侍應姨姨提我哋 有豆沙味, 我哋當然即刻改返 豆 沙味. 抵 讚!好滿足嘅一餐 ,好食, 三個人每人二百幾食到飽!b/t 佢啲 唔知咩茶好特別好好飲, 如果有人知道話我知係咩茶 pls🙏

諗住灣仔分店好出色，點知尖沙咀分店係禁失望，10個人食一圍套餐，個片皮鴨好唔掂，其他菜色都相對一般，酸菜魚我地有2個女仔食完肚痛唔舒服，可能受唔到，如果想食都係去翻灣仔分店，呢間完全唔掂

疫情前，曾想到“北京老家”品嚐一下，但到今日才有機會到訪。接近中午用餐時間12：15,人數不多，大約十數人，但過多15分鐘後，便相繼有人進場。地方環境闊落舒適，我坐的八人圓枱中間係一個魚缸，先來一壺麥香花清茶，細心欣賞圓枱中央的魚缸，有金魚在暢泳，賞心樂事地點菜。午餐有套餐飯及麵...等，價錢也相宜，因一行有八人，所以點了有飯、麵、年糕、水餃、雲吞各樣出品質素一般般，未有驚喜。如果相約朋友共嘗，談談心，說說笑，不要求食物質素，都係一個好地方。

上一次去尖沙咀北京老家仲係舊舖，搬左舖之後第一次去。仍然都係同類型嘅裝修風格，有嘅枱嘅中層放左一缸魚，不過我比較鍾意舊舖有少少昏暗嘅格調，而家略嫌一片死光死白照亮全場咁。 大概叫左以下食物：雞絲粉皮叫化雞老家柚子魚北京填鴨酸辣土豆絲老家辣子羊上湯豆苗炸銀絲卷拔絲香蕉 叫化雞需要預訂，睇相覺得幾有趣。不過原來都係打卡野，可以自己扑一下，儀式感滿滿。唔好諗住全程自己扑爛佢，會整到成枱都係泥，輕輕扑一兩下就收返入廚房處理。食落無乜特別。 老家柚子魚嘅柚子幾好食。北京填鴨不過不失。辣子羊幾香口。 🤯拔絲香蕉層糖膠硬到可以咬崩牙。🤔而家好多餐廳嘅拔絲乜乜已經唔係原本嘅拔絲乜乜，分為兩部分，「拔絲」同埋「乜乜」。糖漿脆皮包住一粒野同埋糖絲。糖絲係分開處理，拉絲之後放喺上面，而唔係喺「拔」出黎，明就明。 ☹️上菜速度好快，快到好似「整定」咁。我諗有人會鍾意放到成枱都係野，睇落好豐富咁，但係我就唔鍾意（睇下食咩啦）。 ❄️基本上除左叫化雞，每一道熱盤都唔熱，本身拎出黎都唔係熱。起碼都食到一半左右先出下一道菜丫，如果配搭得好，一次過出兩三樣都唔係問題嘅。 ⏱️一次過拎出黎根本食唔切，完全係浪費食物。又唔知點解

放假諗吾到食咩好, 手機loop loop吓無意中搵到呢間餐廳, 睇落好似幾吸引, 一於就試吓喇😚 👩🏻‍🤝‍👨🏼溫馨2人餐 ($568) 💡冷盤雙拼 (老醋蜇頭 + 雞絲粉皮)蜇頭口感爽脆, 帶有微酸味道; 雞絲粉皮亦軟嫩爽滑, 搭配清淡既雞絲同青瓜塊, 口感清爽🥒 💡烤北京填鴨北京填鴨外皮酥脆, 內裡肉質鮮嫩帶有濃郁既鴨肉味, 配上青瓜絲/京蔥絲及獨有既醬汁, 口感豐富; 餅皮薄但因為每一塊都未有餅隔, 一凍左就痴埋一舊好難拆開🙊 💡京味酸辣湯湯入面有木耳、豆腐皮、肉絲同蛋花等, 口感酸辣開胃💁🏻‍♀️ 💡糖醋魚片🐟外皮炸得酥脆可口, 魚肉質地細嫩滑爽, 口感唔錯,  而且醬汁開胃令人忍唔住叫多碗白飯!🍚 💡乾煸四季豆🫘四季豆既味道帶有微微焦香, 可惜”去絲”部份處理得唔太好, 好難咬得爛😬 💡小籠包 (2只)皮薄多汁, 一籠不過不失既小籠包~ 💕整體黎講味道都算吾錯, 烤鴨味道出色而且份量唔少, 加上店內座位空間幾闊落, 適合一家大小同長輩聚會既地方~👍🏻

味道唔錯，價格合理，點咗四人餐，連甜品有八樣食物，但話半隻填鴨，實際得三分一，包鴨的皮很薄，不似其他酒樓好似食麵粉咁，刀削麵亦是很薄；但環境很嘈，要匆匆食完走，有點無引，裝修有點古舊，服務幾好!

慶祝母親節，第一次試，點知食物質素已好差，雲吞雞無味，雲吞好厚皮，話高力豆沙是必食，但無豆沙，🐔𢇃粉皮無乜雞絲，半隻北京填鴨得10片粉皮，小籠包皮厚，食物質素差到不得了。服務仲差，不會再黎，又唔系平，我哋仲有人仲食緊，不停收野，又要讓開比個位佢收野，好聲好氣叫佢唔好收住，5分鐘內我哋就會走，啲樓面仲要好串咁同另一個伙記講，5分鐘喎，比5分鐘人啦，𨍭頭第二個又黎收野，真係煩到不得了，不知所謂。咁不知所謂啊食店，加上咁不知所謂既伙記，以後唔會再黎。