北京老家 (已結業)

同朋友相約咗去食北京菜，未入到去已經俾佢嘅裝修吸引着，好有電視劇入面啲衙門嘅感覺。本身以為裝修已經好勁，點知更勁嘅係食飯嘅枱面底下竟然可以望到一盤金魚！係等上菜嘅時間可以望住啲金魚游黎游去，真係好寫意啊。不過唔知上菜既時候會不會嚇親啲金魚？叫咗個小籠包，鄙薄多汁，食嘅時候好多湯汁，肉幾嫩，唔錯唔錯。叫咗個京燒排骨，肉質好軟身，加上肉汁幾惹味！拔絲香蕉賣相好靚，一上菜大家都爭住影相，之前未食過拔絲，原來係咁甜既🤣食第二舊我就已經覺得好漏🙈加上凍咗之後d糖漿更加甜，如果無返5-7位朋友一齊share就唔建議大家嗌啦！下次黎一定要試試！今次因為有朋友唔食鴨，所以試唔到招牌片皮鴨！

朋友聚餐，今次去北京老家食北京菜，我們已訂座，等了五分鐘便安排到座位。我們點了5個菜，北京填鸭，草綑牛骨，蘋果拔絲最出色👍🏻北京填鴨肥瘦均勻，上枱還熱熱地，有肉计😋，包皮軟軟地又不太厚👍🏻草綑牛骨夠冧👍🏻又唔韌兼食到慢慢渗出的肉味，正😋這店的名菜還有蘋果拔絲，也可以選擇士多啤梨或香蕉拔絲，單看蘋果拔絲賣相已十分吸引，果肉包了糖漿，再添加少少芝麻，用糖絲拉花，活像一件藝術品😍,推薦👍🏻👍🏻👍🏻

早前去完北京公幹 非常想念當地的風味😝今天專程來到試試懷緬一下～未入到去，睇裝潢已經充滿中國情懷～坐低仲有金魚缸枱，望住d魚游下游下咁，食得份外寫意😆😆先叫北京填鴨- 香而不膩，恰到好處～而且厚度一致，肥瘦適中，好味！仲有叫半隻上適合人少少去食😁😁豬肉水餃，皮滑餡足料～多汁鮮甜，咬落好入味！京燒排骨架，大大舊～肉汁燘得到位，夠入味；食落唔會韌，功夫到家！炸銀絲卷 熱辣辣香噴噴～外脆內軟～上湯豆苗 食返d菜均衡返營養～菜夠新鮮 而且俾足料～甜品係拔絲士多啤梨，賣相靚，士多啤梨夠甜 配埋拔絲 口感一流😋食完今餐 越來越對傳統中國菜產生濃厚興趣😊😊

成日食打邊爐 今晚有機會約齊人一齊試下傳統京菜～訂左枱 去到好快有位～十分欣賞餐廳裝潢，非常別緻😊張枱好特別 枱面下是金魚缸 格局好特別好中國風～ 😊😊食得京菜第一件事就梗係叫返半隻北京填鴨😋賣相一流 皮薄肉嫩 好有正宗北京菜味道😋😋之後上個京燒排骨架～燘得好入味，而且韌度適中 唔太硬唔太軟 老少咸宜😎😎食京菜水餃走唔甩la 簡單黎講 皮薄餡靚～值得一試！炸銀絲卷 外層鬆脆 內裏鬆軟 而且熱辣辣～好味😋食到差唔多 叫返個菜清淡d～ 用料新鮮～食埋甜品 拔絲士多啤梨（八粒），感覺好美滿呢😋整體成餐都好正，由餐廳格局到碗碟都別出心裁！食物用料新鮮，師傅手勢正宗，可以Encore😎

家人聚餐 想食片皮鴨輾轉之下book左呢間(其他想試的都full)😕北京人家係舊舖時我食過一次事隔幾年今次第一次黎到新舖唔。。。。。我覺得舊舖有情調好多新舖裝修唔夠古色古香😬我地六大三小～頭盤：麻辣粉皮 唔夠凍唔夠辣唔夠咸 完全無麻辣味豬皮凍味道幾好 起碼夠凍 咬落去滑嘟嘟好正主菜：煎鍋貼 無乜特別 唔試都得嗌左白菜餃 都係普通 (唔記得影相)水煮魚片 😋辣度適中 魚片厚身 份量不少底部有芽菜同少量薯粉墊底皮片鴨一隻份量 感覺有點少皮唔夠包哂一整碟 要另外加多份皮小朋友們好鐘意食😂 個人感覺同普通酒樓無乜分別。。。。。稱唔上係主打菜辣子羊羊粒炒得好惹味 辣度適中干扁四季豆夠獲氣又唔會太咸 陽春麵嗌比小朋友食 麵身稍為硬 幼童食的話要留意炒飯原來係小米炒飯 menu上無寫職員亦無講小朋友唔啱食 炒飯扁油 稱唔上合格拔絲士多啤梨招牌甜品 粒粒都大粒 夠甜😍總結：可能地方大左 唔夠職員較難嗌到人落單加茶 但服務態度尚可

今日朋友生日，約埋三五知己一齊柴娃娃食午餐慶祝， 朋友話要帶我哋去見識下金馬桶，所以揀咗嚟北京老家食飯。 因為是先一早已經book咗,位所以唔使等就可以坐低, 慢慢睇餐牌叫嘢食 。 我哋點咗以下食物: 北京填鴨半隻、蔥油海蜇、上湯豆苗、胡同刀削牛肉麵、白菜豬肉水餃……我覺得北京填鴨好好味，因為上枱時隻鴨及薄餅都仲係熱辣辣的， 另外胡同刀削牛肉麵都做得非常出色， 刀削麵整得比烏冬還要滑，容易入口，唔覺唔覺食咗好多，牛肉 調味一流 ，入口都好滑，有牛肉味 其他菜式都達水準之上，讚！

最近真係忙到氣咳，今日硬攝左個lunch同朋友去食北京菜。話說好耐都冇去北京喇， 以前久不久都會去北京食地道烤鴨，順便探下同學仔嘅😝。Lunch又得三個人我地應該食唔到全隻烤鴨，好彩餐廳可以點半隻啫。填鴨片得很薄，肉嫩，件件鴨肉層次分明，好味！冷盤點左呢道薑蔥海蜇，貪個海蜇爽脆可口，可以清下口，咁食多啲烤鴨都唔怕膩啦。 為左要均衡飲食，朋友就點左上湯豆苗，識我嘅人都知我係食肉獸，幸好豆苗都幾嫩幾爽甜，我就夾左兩箸交差囉😜。主食叫左北京白菜豬肉水餃，一碟有八隻，皮薄餡靚，食埋就剛好飽了。

最近內地成日都話「老北京」字眼給人濫用。的確，北京的食物有其特色及風味，當中最出名是北京填鴨，要保維一下。今日約了幾位朋友去尖東的北京老店。 這間食店位於8樓，裝修好有心思，尤其是二人小枱，擺了一個魚缸在枱面下，透過玻璃，可一面看金魚遊來游去，一面吃飯。當然首先要試佢哋嘅北京填鴨。我們叫了半隻填鴨，有水準，不肥膩。另外我們叫了葱油海蜇，海蜇爽，但如果葱油能加多些會更香。上湯豆苗，好清甜，好味。白菜豬肉水餃，皮薄餡靚。胡同刀削牛肉麵，牛肉好滑，刀削麵好飽肚，湯底味道一流。這裏果然是名符其實，有北京的特色及水準。

今次喺第一次黎北京老家食lunch今次嗌咗五碟餸分別喺：糖醋排骨 紅燒帶魚 蒸銀絲卷 京牌炒飯 齋菜炒年糕 其中最值得推介嘅喺糖醋排骨 甜甜酸酸令人胃口大開 抵嗌黎講炒飯都喺其中之一 因為分量真喺相當足夠 上次三人同行都食唔哂 至於齋菜炒年糕同蒸絲卷呢兩碟菜式都相對地普通 炒年糕方面有濃烈嘅菜味 對呢種味有少少抗拒嘅我就難啲接受啦 而蒸絲卷味道就似鏝頭 如果唔怕熱氣嘅話選擇炸會更佳 但喺整體嘅味道黎講不過不失 環境方面:整個環境充滿中國風 喺枱中間有相當有特色嘅金盤裝飾 令人眼前一亮 令食客可以一路品嚐美食之餘又可以欣賞下餐廳既特色 呢個值得一讚

一入到去 餐廳佈置得幾有中國風 碗碗碟碟亦有配合主題🤗 好有北京既味道呀糖醋排骨 小編個人覺得糖醋排骨 肉拿捏得宜並非一件易事 但呢個真心做到 甜酸味剛剛好 唔油唔膩 口感豐富😀紅燒帶魚火侯正拿捏得剛剛好 魚🐟非常新鮮 但略嫌佢個紅燒汁太多 食落有點味精 好鹹小編大愛既銀絲卷黎拉 蒸銀絲卷炸 軟軟地 加上煉奶 好滋味😌黎食得北京菜少不了嗌個京牌炒飯 炒到好有風味 但個調味料調味不太突出 味道偏淡🥴

一行六人到北京老家晚飯， 環境古色古香，充滿中國北京特色。食物水準高，填鴨香而不膩，恰到好處。 炸雞脆口肉嫩。蟹粉豆苗，蟹粉舖滿整碟菜，賣相特別。鍋貼夠熱。豬肉排骨大大條，肉汁好味。甜品高力豆沙，不太甜，也夠熱， 必食。士多卑梨跋絲賣相靚，甜甜的糖槳絲伴士多卑梨， 絕配。服務員態度麻麻，我們未叫埋單，就要我們埋單。當我們正準備離開時，就請我們離開，話門口有客人等僅我們張枱。真是坐多一分鐘都唔得。咁嘅服務態度，下次都未必會再來。

搬鋪後再黎。環境更勝之前。都keep住有金魚枱。小朋友最喜歡講返嘢食先。最鍾意佢有得叫半隻填鴨。啱晒小人去食嘅我地。唔會叫得小小就飽。黎呢到必食刀削麵暫時未食到有第二間好味過呢到。今次叫左酸辣湯試，有少少伏味可以試其他。照舊叫左海哲同炸醬麵仲有春卷。今次春卷冇舊鋪咁好味。但都接受範圍內。仲有叫左個菜肉雲吞。非常好味。價錢冇乜點加份量亦冇點減。服務態度都好好。係個洗手間有d滑。但大致上比舊鋪好。而家仲有得打邊爐。下次可以再黎試下

屋企人生日想食中國菜，所以就揀咗食呢間北京人家嘅晚市。入面中國風裝潢好靚，古色古香，最特別嘅係每張枱下面都有一個魚缸，客人可以一邊望住啲魚游黎游去，一邊食嘢。我最中意佢嘅北京填鴨，賣相一流，皮脆肉嫩，唯一美中不足嘅就係，佢啲用黎包肉嘅皮係唔夠包哂啲肉架，所以我地要另外加錢買啲皮黎包肉。雞絲粉皮嘅份量夠哂多，啲粉皮好薄又爽口，好好食。上湯津白嘅菜夠鮮甜得黎又唔會太咸。小籠包嘅餡不過不失，但係啲皮略嫌太厚。下次有機會嘅話或者會再試下其他菜式。

友人突然間話好想食北京填鴨, 話好耐冇食過, 咁喺附近搵間有得食又坐得舒舒服服既一路食一路吹水😝國際商業信貸銀行大廈8樓搵到呢間門面好古式古鄉既北京老家裝修真係好豪華好有特式, 中間d 枱仲有個金魚缸喺枱底, 可以一邊食一邊睇住d 金魚游黎游去😂茶具同餐牌都整得好精美👍炸銀絲卷兩條 - $48外皮炸至極吸引既金黃色, 一咬鬆脆無比, 沾少少甜煉奶食, 極為惹味🤤韭菜豬肉水餃 (8粒) - $78水餃皮略嫌有少少厚, 薄d 會更好👍一咬開餃內鮮嫩肉汁即時爆發, 填滿口腔😍北京填鴨半隻 - $218到主角黎喇, 2個人食其實半隻都已經好多, 拎一塊晶瑩剔透既薄餅皮放喺掌心, 夾一舊填鴨, 點少少海鮮醬, 加埋京蔥同青瓜, 雖然填鴨好香好惹味, 但夾埋京蔥同青瓜一齊食即可去除肉膩感😝

食過旺角的北京老家後對其味道正宗的北京菜很有印象，見到尖沙咀新開分店，就約朋友過來食個午餐。餐廳環境裝修富有中國特式，連檯底下仲有個魚缸裝住金魚，頗有心思。北京填鴨，半隻，$218,價錢中等，但質素卻是優質，每片都切得厚度一致，肥瘦適中，皮香脆而入味，鴨肉味香濃，偏廢質嫩滑軟稔，咬落油脂味香濃，配上醬汁同青瓜絲，蔥條等，醬汁都好惹味，用餅皮夾住食口感層次豐富。韭菜豬肉水餃，8隻$88,即包即蒸，皮滑餡靚，豬肉份量多，多汁香甜，咬落軟稔入味。