北京水餃店

營業中

休息中

星期日放假到處走走，來到元朗廣場附近揾野食，唔想去連鎖店，有意揾間小店支持下🤪在巴士總站一帶有好多選擇，茶餐廳、麵店、餃子店、粥店等，真係對有選擇困難症嘅我，唔知食乜好😅天氣太熱唔想坐大排擋，最後去咗食水餃🥟🔸上海小籠包$24即叫即蒸，所以需要等候時間，但唔駛等好耐👌🏻一籠有4隻，外表冇乜特別，一咬落去肉汁就流出來💦，juicy😋🔸雞絲湯麵$46姐姐將麵送上枱真的懷疑係咪我叫的雞絲湯麵🍜，只見到滿滿的肉片及菜，完全見唔到麵底😃以為雞絲係幼身一條條，原來係一片片雞肉片，濃郁香醇的酒味，嫩滑👍🏻70元兩人分享都食飽，真心要去支持下小店揾好嘢食😊

今日在元朗巴士站搭車，搭車前想搵啲嘢食先，就響巴士站對面嘅🎈北京水餃店🎈坐低，北京水餃店是一間已經開了很久的店，主要門口有一個小檔攤，就是賣生煎包，手揸餅等，保證新鮮，童叟無欺 👍這店的面積比較小，都可能只有30個座位左右，主要都是做街坊生意 ，環境就一般一般👌👌簡簡單單點咗，✨雞絲上海面，✨小籠包總共70蚊，麵十分大碗，足夠兩個人食， 他們這個上海麵製作，有些少似日式拉麵的做法，就是將雞肉和菜分開炒，炒完再蓋麵頂，但整體來說，味道都很好，仲有燒酒味添，好香，👍小籠包即叫即蒸，攤凍少少，點一些薑醋食，口內爆汁，感覺滿足😋食完之後再過隔離小店🎈多寶🎈，買返12蚊雞蛋仔做甜品，咁就最好啦👏👏👏

今天喺復活節假期最後一日😔， 想食濃味啲嘅嘢，咁走咗去元朗廣場附近嘅北京水餃店外賣返屋企慢慢嘆 平時都有食開北京餡餅、同煎餃，今日就食呢個啦👇酸辣淨雲吞$47.00+炸春卷$15.00酸辣湯好多料、有蛋、荀、豬紅、豆腐、木耳…… 菜肉餃也不錯，大約也有六、七隻🥟， 粒粒飽滿， 有肉汁👍， 炸春捲細條咗，变相D料都少咗😜 👩‍⚖此店都開咗好多年， 好多嘢食都維持一定水準，份量I又多， 咁梗係要繼續支持啦💪💪💪

跑完步經過就俾門口姐姐煎緊既餡餅吸引左佢就係門口加餡煎餅同陳列 超吸引！平時經過都無咁大吸引力😵😱😱望左幾款餡餅 都係北京餡餅我中意 有韮菜！拎上手都仲暖 係就油左d🤭🤭🤭🤭連姐姐找錢個隻手都油到......但係餡餅外皮煎得啱啱好脆 啱啱好厚餡料又夠多 最開心係咬一啖就已經到餡韮菜同豬肉既比例係理想的 唔會太多韮菜無肉食又唔會太少餡料無口感 最正係有汁！但係 略嫌油份太多 揸上手太油囉奉勸大家唔好跑完步就食 我呢d壞榜樣 肥硬😂下次等平時先黎食過😂😂

今日中午，路經元朗食Lunch , 匆匆忙忙之際💨💨💨💨，見到北京水餃店都幾多人光顧，於是入內一試。菜式選擇多😃😃😃，有酸辣湯麵🍜🍜🍜、各式各樣的菜飯🥬🥬🥬、亦有韓式🇰🇷🇰🇷🇰🇷Fusion 北京菜。最近食得多飯麵，於是我決定試泡菜炒年糕～～～～～～😃😃一上菜，呆左，碟年糕大到隻碟都裝唔曬，心諗，抵！食左幾舊年糕，唔算辣，易入口，仲幾有咬口，幾正！最後，因為太大碟，要搵friend 幫手清埋碟年糕！

在香港想找一家正宗的餃子店，可說是並不容易，很多時的餃子店都只是用那種薄薄的廣東水餃皮製作，完全沒有應該有的麵粉香。酸辣湯亦如是，唔酸又唔辣，部份甚至只有筍絲及木耳絲便算某日經過元朗見到這家北京水餃，看門面便覺得可以試一試佢點了一個酸辣水餃麵，水餃是韭菜餡料，雲吞是白菜豬肉水餃是我最愛的傳統厚皮，充滿麵粉香，餡料亦十分美味酸辣湯不得了，有齊筍絲、木耳、豬紅、豬肉、豆腐及紅蘿蔔，如果有埋豬皮就VERYGOOD 喇，但現在都唔錯，又唔會太杰似鬼口水咁好味到我不惜係元朗站行過來食午餐，再行番過去元朗站坐西鐵番工之後有次同老公再去，點左粗炒都幾好，炒得 好乾身，但小籠包就一般D

悶悶地一個人最啱周圍去下尋找一啲小店試下，巴士總站一落車就見到依間北京水餃店，位置相當方便，舖面唔算大，出面有人煎牛肉餅同其他煎炸野，鋪內開放式廚房，裝修雖陳舊但更顯人情味。食物選擇多元化，有飯有面有主打嘅水餃，仼君選擇。我當然試下佢主打嘅水餃，見佢啲餐牌都有好多野夾豬扒，咁我就叫豬扒水餃麵$46，麵係上海扒麵，水餃係自己包嘅韮菜餃，其實有白菜餃同素餃，但唔知可唔可以轉呢🤔 韮菜餃有肉汁，餡料十足，再加埋不可少得嘅豆瓣醬，真係不錯，麵質軟硬適中加啲辣椒油更加惹味，仲有好多雪菜係面，可以一試。至於豬扒塗上麵包糠炸，非常香口，略嫌炸得太燶啦，較乾，雖然豬扒非常入味。最後仲買多個粢飯$16返屋企食添

由細食到大，好耐冇黎過！經過就黎試下先店內地方細細，老店裝修陳舊，味道依舊有水準，只有幾張圓枱，坐得逼逼地。主打水餃🥟、餡餅，全部即日包，即叫即制，食新鮮。🤤🤤🤤北京餡餅都係有名之作，餅皮煎得剛好，呈金黃色，入口香脆，適合喜歡香口野嘅你。份量偏細，一人食剛好二人分就只能淺嚐。👍 鎮江排骨担担水餃面很喜歡食鎮江排骨，因愛酸酸甜甜的味道，這裡的鎮江排骨比較大粒，但都夠味、夠淋，不過應是整定，所以不太熱水餃🥟大大粒，餃皮厚度適中，唔硬帶點煙韌，但不錯吃，餡料頗多，肉味較重，配合清湯一齊食，感覺冇咁鹹。好在碗麵就熱辣辣，麵條粗幼適中，煮得唔會太腍，仲好大碗👍👍👍仲有鹹酸菜酸酸甜甜好好味葱油餅已預先整好，但當你下單後，店員會立即把葱油餅加熱，熱呼呼的，煙煙靭靭十分好吃 由於店內地方細，好接近厨房同煎餅位置，食完會全身充滿油煙味，久久不散。

我兩歲就開始食佢！雖然水準比細個時候食有少少輕微下降！但依然係全世界最好食嘅水餃！另外素菜餃亦都係一絕！如果唔怕熱氣煎餃子都係一個好好嘅選擇！如果你哋覺得堂食佢住得啲皮太林！你哋可以選擇買返屋企自己煮！價錢平！味道好！香港其他地方搵唔到🤤另外起雞地嘅分店！同元朗廣場分店係有分別！老闆娘話雞地分店味道比較淡！因為要就翻客人！元朗廣場店比較濃味！所以大家去食之前記得睇下自己想食淡啲定濃啲喇！ 希望這篇食評大家會受用！

行過見到呢間有餡餅賣，有賣無香菜的餡料，即刻買件試試。因為白菜豬肉餡餅少人叫，所以即叫即整大約等10分鐘。白菜豬肉餡餅（$17）煎好即刻就比我，超級熱辣辣😂外皮幾鬆脆但無調味，內餡估計係包餃子的餡，份量適中，味道一般般無咩特別😅下次試下牛肉餡先😋______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️#一班大食女日記 foodies together#5_foodiestogether

呢間北京水餃店真係由細食到大，細細個放學後好鍾意嚟呢度買個餡餅一路返屋企一路食，大個左出嚟做野，出面乜都有，已經好耐無返嚟幫襯。今晚一於嚟懷緬下，原來宜家有晚餐，坐坐下7點幾已經座無虛席要等位。叫左擔擔水餃麵+豆漿 $45，好抵食！一心以為擔擔麵係淺啡色花生果隻，點知差咁遠，白雪雪嘅麵條上面有一堆肉醬，話佢係炸醬麵都不為過，每碗有三隻餃子，係韮菜豬肉餡，好大隻，一隻等於人地兩隻，啲麵唔粗唔幼啱啱好，麵質偏淋身，但唔會木撻胃好飽肚，肉醬無乜特別，整體偏鹹，有少少辣，如果喺出面食北京菜嘅地方呢碗麵一定唔合格，但唔知點解我就係覺得好啱口味！

真係讀書時期已經有食……到依家做咁××年野喇……間吾中都仲會食下。早排有friend提過呢間。心血來潮走去食。之前印象中係班姨姨打理。依家有後生仔煮喎！一杯 酸辣雲吞麵加豆漿。嘩！啲memory返晒嚟！個湯依然幾thick。仲係好夠酸而且超多料！吾跟麵一齊食都幾難飲得晒呢…… 杯豆漿依然好鬼淡！ 啲麵仲係比較軟身。其實我鍾意煙韌有咬口多啲。不過可能咁致正中啩……平民地方，平民價。味道十年如一。仲可以客似雲來。你話點會吾好味呢？

話說我係lee間鋪買左個水餃麵同兩串牛肉球外賣，我都睇住佢將個牛肉球包好再拎左入鋪，諗住佢係放埋個麵到一齊比我，點知原來包野入面係無左兩串牛肉球，佢重遞比我話多謝哂，真係估唔到咁唔老實加埋都係20蚊姐唔會再買

今日朝早行過元朗西巴士總站，見到這間水餃店。之前行過店外，見到有賣很多煎餃、餡餅、葱油餅等等小食，一直很想入去試一試。入到店裏坐下，幾個店員正在包水餃/餃子，每隻餃子也是全人手製作。今天，我點了一份北京餡餅($12)及一杯凍豆漿($6)作為早餐。餡餅微暖，餡料有大量韮菜及少少豬肉，一個餡餅份量也不少。下次有機會可試試其他小食。在這裡吃一份簡單早餐，吃的除了是食物，還是一份人情味。看到很多老店捱不住貴租要結業，有時亦會概嘆香港的小店要生存真的一點也不容易，真的要好好珍惜。

元朗這間水餃店，印象中已經有十多年歷史，以前經常買她的北京餡餅吃，記得5，6年曾經吃過她的酸辣湯，印象很深刻，這次光顧，店面，食物變化不大。這次要了碗酸辣湯素水餃，其實我在水餃和白菜雲吞中爭扎，原因是擔心素餃會過油，靜靜的問，可否每樣一半，落單姐姐靜靜地幫我安排。如願以償，看到這碗酸辣湯雙拼出現，的確勾起我五，六年前光顧的回憶，酸辣湯配料還是那麼多，那麼大方，豆腐，木耳，竹筍，紅蘿蔔絲，雞蛋等等共冶一爐，加上餃子雲吞，份量的確不是開玩笑。素餃的確如我所料，比較油，味道清淡，只是餃子皮太厚；雲吞皮薄，餡料比較多也較濃味，而酸辣湯，酸辣味不夠突出，反而納質偏高，不過叫得酸辣湯我已經知道味道偏濃。豆漿，豆味淡，甜味也淡。賣單42，如果在港島區，相信只能吃個小盤涼菜吧。