北京水餃店

營業中

休息中

呢間北京水餃店🥟應該好耐歷史了（估計十年以上），地點好便利，就係巴士站隔離，而且應該係一間幾有人情味嘅舖頭，次次經過都見到有熟客幫襯，店員又會記得老顧客想食乜嘢。店舖外有一個位置煎餃子，餡餅，葱油餅等小食，買外賣亦很方便。餐廳內佈置簡陋，有一張枱係員工包餃子用（餃子一板一板疊起，應該很好賣🤭），算係一間很平民化的小店。今次揀咗兩個午餐同兩個小食😋酸辣湯麵➕豆漿酸辣湯有驚喜，一啲都唔稀，好濃，仲大大碗好夠飽🍜北京淨水餃➕豆漿水餃好大粒🥟牛肉餡餅🥢好香濃，肉汁滲哂入餡餅好入味小籠包🥢皮薄，即叫即蒸好新鮮呢個價錢呢個質素的確好抵食👍

男朋友細細個住元朗，佢話呢間一定要帶我去食，一早已經長註咗張To Eat List上面📝話佢細個個陣媽媽成日帶佢黎食，佢食左成20年都有（佢話）🤣必食鍋貼同餃子🥟大大隻，仲有北京餡餅全部人手包，一路食隔離職員都一路包🙌🏻鍋貼入面沖滿濃郁的韭菜，味道好夠又多湯汁不過油份較高⚠️北京餡餅都好juicy架，又足料，好多葱，仲有牛肉同羊肉揀架👏🏽👏🏽👏🏽不過食咁多都好濟下🤣🤣，所以飲番杯豆漿就岩岩好！如果想買生餃番去，自己煮都得架🤩另外佢地既豬扒菜飯不得了，但食唔落咁多野，下次再介紹比大家睇返OpenRice 原來尖沙咀都有分店😲😲方便返唔係住大西北既朋友仔👏🏽👏🏽但唔知味道會唔會都係一樣呢….📍 北京水餃店 (元朗)元朗擊壤路9號金寶大廈

尋日經過附近有啲餓，就入左呢間小店醫肚～雖然係星期日但我黎到已經兩點幾，全場依然坐滿人😮我叫左個豬扒擔擔麵($50)同北京餡餅($14)～呢度嘅擔擔麵同我期望嘅有啲唔同，佢係用豆瓣醬，蝦米，肉碎同蔥蒜自家調配出嚟，而唔係我心目中想食果種濃郁花生醬味既擔擔麵😅味道都幾濃，唔算辣，但係略嫌鹹咗少少，麵條都爽口唔會太淋～塊豬扒黎到個樣覺得濃左啲唔太吸引。。食落簡直令我驚艷！！😱😱香脆！唔油膩！似薄皮吉列但唔會太硬！肉質岩岩好，有趙口得黎唔韌，亦唔係靠鬆肉粉令肉質變到太淋！呢個口感對我黎講係完美！😱北京餡餅上檯時溫度岩岩好👍都幾足料，juicy，不過如果底層既皮再薄啲就更好😁呢間小店有驚喜！下次會試埋牛肉餡餅，羊肉餡餅同鎮江骨😍

捉緊歲月痕跡嘅尾巴，疫情真係令到好多小店逐一結業，食得一間得一間，位於元朗擊壤路嘅北京水餃店，門面同裝修都比人一種好殘舊嘅感覺，但係千其吾好睇小佢地嘅食物，可能會比到驚喜大家…酸辣湯雲吞配豆漿（$49）坊間酸辣湯一係好酸一係就好辣，而且食材比較少，呢到嘅酸辣湯間直係多料到爆炸，我覺得係元朗最好食嘅酸辣湯，有木耳絲、筍絲、紅蘿蔔絲、肉絲、蛋絲、豆腐、豬紅，成碗都係！食落去酸度適中，微辣嘅後勁，可能呢種就係老北京嘅做法，雲吞皮薄菜肉餡配埋酸辣湯一齊食好順滑，湯入邊有六大粒，飽到上心口…牛肉餡餅（$28@2）牛肉餡餅主要用洋蔥同牛肉作餡料，今次呢兩件就啱啱煎起佢，熱辣辣脆卜卜，佢喺門口會有個鐵板爐不停咁樣煎，好多人收工都會去買黎食，啱啱熟嘅洋蔥絲唔會太林有辛辣同埋甜味，牛肉餡帶少少酸味，呢款餡餅唔係好多湯汁但係勝在足料…大家唔好期望呢啲開咗好耐嘅小店衛生情況有幾咁好，地下係比較滑但枱面基本係乾淨嘅…回憶麻！

北京水餃店雖然多不勝數，但說到最有傳統味道的就非他莫屬就是位於元朗廣場附近的 - 北京水餃店-路過門口就已經散發住一陣陣香氣因為門口正在賣餡餅，很多下班的人路過都會忍不到買一兩件作小食🍜酸辣水餃粗這裡的酸辣湯十分出色，不但足料而且滿滿的一大碗麵。內有大量我喜愛的豆腐和豬紅，再加上濃郁的韭菜餃，只要咬一口滿滿的水餃汁絕對讓人會一試便上癮還有多款小食都十分適合男女老少再配上一杯豆漿簡直是完美的組合，豆漿還有凍熱選擇。十分便利於女生們

話説呢間店已經幫襯超過10年，餡餅以前覺得好好食，所以呢日經過就外賣餡餅、豆漿，因為不吃韭菜所以點左個白菜豬肉餡餅即做等左15分鐘拎得，打開一望個餅既厚度薄過薄餅d餡又薄又少，食落去仲係有d空心，外皮又燶，即時反映比個男職員知，佢回應：塊餅係薄左，但係大塊左所以無乜分別，跟著我就話點會無分別？（個爐嗰度有韭菜豬肉餡餅），我叫佢睇下點會無分別........之後走了，順便劣評杯豆漿原全唔新鮮，無味，好似糖加水咁，好甜，一d都唔漿無豆味！中伏

有個早上路過北京水餃店，發現佢有做早市，去幫襯下之前多次試過佢嘅麵，擔擔麵，酸辣湯麵等等，都不錯。輕量級早餐就來個正宗粢飯！去到時，師傅仲包緊，熱辣辣的炸油條維持外脆內軟，又香脆可口！讚！

今日黎到實而不華嘅北京水餃店,做咗下午茶嘅時間,下午茶餐牌選擇就唔算好多,俾你小食呀麵呀炒野呀都有架,想平少少就可以諗下午茶,因為都有送豆漿｡下午茶我地就叫左兩個餐,第一個只係韭菜餅餐，另外嗌左酸辣湯面。再加多一份北京煎餃｡酸辣湯麵用料都好豐富, 上面你見到啲超級多的豆腐，木耳，肉絲，雞蛋，紅蘿蔔等，酸辣湯味道黎都幾適中，食落開胃好嘢味，適合香港人口味，聽到唔少人都會點呢個酸辣湯。面質黎都欣賞，因為佢用左一個比較幼身少少見面，咁對於呢類黎要掛湯嘅面，用唔太粗身的面可以掛到更加飲到多啲湯汁｡另外點的就有北京煎餃，絕對唔同日式煎餃嗰皮好簿，呢隻係皮厚，但唔硬，一咬落去入邊都有湯汁流出來｡而且餡餅一向都係佢地間店嘅招牌菜,除左韭菜餡餅之外，仲牛肉餡餅同埋羊肉餡餅，不過不午茶無，想食的朋友可以另外點。睇相都見到，外皮的都知道好香脆，入邊都有好多韭菜同埋有濃郁香味｡

一入到舖頭，就見到員工用人手包水餃，感覺品質會好新鮮👍🏻。要讚一讚水餃內的韭菜十分香濃，而且味道鮮美。一口咬落去，啲汁仲湧哂出嚟🤣。一啖水餃，一啖豆漿，味道正好。

以前喺元朗返工果陣成日黎依度食，夠平同埋夠大碟之外，最緊要係多素食揀。素餃、春卷、蔥油餅、上海粗麵、年糕，款式多，日日食都唔怕悶。離開左元朗成年，終於有機會再返黎幫襯。個春卷係必食既，15蚊有3大條。可惜今次食既時候唔係新鮮炸起，而係放耐左凍左，有少少失望。有時食野都要睇運，我地一食完佢就炸起左啲新既春卷喇！素什錦菜飯既份量相當驚人，一大碟素什錦再加一大碟菜飯，叫左少飯都仲係夠食兩餐既份量！素什錦有冬菇、豆乾、麵筋、椰菜同蘿蔔，味道偏濃，就咁食會有啲鹹，所以一定要連埋菜飯一齊食。仲叫左一碟煎素水餃，不過唔記得左影，食完真係飽到上心口。依度啲餃子仲可以買返屋企自己煮，價錢唔貴，又唔會好似超級市場果啲急凍貨落好多添加劑，可以買定啲喺屋企煮麵加兩隻落去！

之前已經食過，印象深刻有時外賣都要買佢。今晚天氣寒冷，想吃湯麵。思前想後，最後決定不嘗試新餐廳，還是食返北京水餃麵。之前食過水餃擔擔麵，很不錯！擔擔湯底正宗而且足料！今次試吓鎮江排骨水餃麵。都果然沒有令人失望！鹹酸菜肉碎配淨麵都好好味😋 佢嘅麵質剛剛好的！有口感，但不會好硬身。鎮江排骨酸甜，夠䭃。至於水餃（雖然影唔到，喺排骨底下），當然不令人失望，足料多餡，有三隻咁多！隨餐奉送冷/ 熱豆漿，豆味香濃，而且微甜的佢嘅餐好足料，都幾飽肚的，對女士來說，可能略嫌太油膩 和份量太多。

呢間小店已在元朗很久了, 今晚心血來潮, 就入去食啦, 反正一個人, 也是快食快走吧。坐下來, 就見到晚餐的餐牌, 於是叫了東坡肉菜飯, 很快, 見到姐姐在裡面拿了一碟菜飯出來, 再交另一位姐姐, 然後那碟飯就在我面前了, 東坡肉的份量不算少, 但真係幾好味, 好林身, 好入味, 雖然浪費d, 但亦決為太肥, 所以我只食左d瘦既肉。至於d菜飯, d菜係比較大塊的, 飯的份量亦不算少, 晚餐47元, 已包一杯豆漿, 算是不錯的選擇吧。

由我有印象開始，呢間鋪頭係元朗都好似都有10年，基本上外都都無咩點改變，外表唔吸引，環境一般，但老闆娘招呼都係好客氣，食物依然保持一貫水準。而最喜歡食嘅都係呢度嘅餃子，不論係煎餃還是湯餃，都做到多汁 味道吸引。餃子絕非那種皮薄的，餡料花款多多的。餃子皮厚而帶點黏實，餡料亦基本上是韭菜餡為主。一貫老派的味道，實而不華。最愛的組合是酸辣湯水餃麵，酸辣湯本身的配料豐富，酸辣適中。而上海麵麵質煙韌滑溜，容易掛湯。在而家食物講求創意 多變 速食底下，呢類繼續傳承老派風味的小店相對珍貴。

月尾了，錢包已見底同丈夫去了一間我們初認識的時候常常都去的北京水餃店這店的裝潢從我小時候到現在就沒有變過，價錢也沒有漲很多鎮江排骨水餃粉絲 配豆漿 $47份量很足 有3隻水餃 很多排骨水餃很大隻 肉餡和水餃皮不容易散開 排骨好唸很容易咬 但最加分的是雪菜！雪菜好爽 加上少少酸甜 是我很喜歡的味道丈夫吃的是水餃擔擔麵 配豆漿 $47微辣 麵條很彈牙春卷 $15比起兩碗麵 春卷就不算十分突出了內餡是粉絲 木耳 菜 紅蘿蔔很脆 如果熱一點相信會更好吃豆漿好好飲 我飲多杯

假日真係懶到只想係屋企訓到天昏地暗, 所以近近地係屋企附近解決晚餐.睇個門面就知呢間 鋪頭有歷史啦.餡餅 - 餡都夠多, 唔會粉多過餡, 但因為放左一陣子, 只係微溫, 冇咩肉汁但好彩撞到新鮮真係又多汁又香脆豬扒菜飯 - 份量大到夠分2餐食, 見到人地一般都係叫少飯嘅, 一見上菜就知咩事了菜飯粒粒分明,但菜如果可以切再碎DD會更好喇. 豬扒肥瘦適中, 又唔會過柴.擔擔雲吞麵  - 份量又係大到痴線, 因為落左D擔擔肉碎嘅醬, 湯底會偏油些少, 都偏向重口味.唯一覺得如果麵唔好煮咁耐會好D. 整體黎講, 老店又好食又抵食, 當然會時不時黎幫襯下啦