影片
尋日突然間話要壽包做生日🎂好多店舖都要預早兩三日以上訂😞我搵咗好耐，之後好好彩上網睇到包點超人有壽包，查詢一下之後佢話可以做到今日落訂聽日就拎得😭👍🏻👍🏻壽包都幾靚❤️👍🏻整得好好，味道方面都唔差😋唔太甜，蒸返熱嚟食個麵包都好軟熟🍑價錢方面合理$288，重點係可以做到今日落訂聽日就拎得🥰服務態度同質素冇網上講到咁差，其實態度唔差嘅，可能因為太繁忙。送比長輩就最適合不過👍🏻必送首選❤️
繼續閱讀
食物可以，價錢化算，間中都會買來做早餐吃雖然店員姐姐禮貌一般，但以這種小店來話是可以接受。但今次不吐不快😤去買菜肉包一個，店員姐姐隨手攞咗#一團#膠袋打開就袋起我買的菜肉包，我接了打開睇吓，見到皺晒的二手膠袋裏面有少量其他的食物碎😳我立刻向她反映，她不斷反駁：膠袋係新的，因為之前攞多咗一個，所以皺，我哋係唔會用到膠袋㗎！我趕住班巴士，冇再同佢爭拗，有圖有真相😤
繼續閱讀
有時都會好忙要食下頹飯，平平哋買個外賣返屋企食又唔使等就最好啦！包點超人嘅蒸飯$22，學生午餐優惠仲有飲品送，通常係檸檬茶同菊花茶二揀一。而我通常就$22飯加多$11要多個點心，通常食鳳爪排骨飯加雞扎，又或者北菇雞飯加燒賣，Total$33蚊食個豐富頹飯算係咁啦。不過佢啲料又真係麻麻哋，排骨冇乜肉，雞啲皮又肥，如果唔係就手我都未必喺度買。相比起其他賣蒸飯嘅連鎖店，呢間係差少少，勝在啲點心選擇多啲，因為佢仲會有煎釀三寶、煎堆、炒米粉等等嘅小食揀。
繼續閱讀
每一次都會點燒賣，一份有4顆，又大顆，又足料，不用加醬料已經很好吃。這次除了燒賣再點了蝦餃，一份有3顆，皮有一點厚，也算不錯。其他點心包括鳳爪，排骨，雞扎，粉果等等，還有包子，燉湯，選擇挺多的，而且開得很晚，所以很多街坊也會來光顧。
繼續閱讀
包點超人~一直都係我心中理想嘅食店，因為呢度嘅食品種類繁多，而且價錢又正合我意，呢度有好多嘅點心~燒賣/牛肉/粉果/鳳爪排骨等，各式盅頭飯$22元，香茜粉果$15元4隻，糯米雞$20元一隻，不過最令我驚喜嘅就係糯米雞，實在太大隻，餡料又豐富，好食又抵食！個糯米雞真係成隻手掌咁大，真係不得了！
繼續閱讀