包點料理

營業中

休息中

叫外賣執錯3樣嘢，仲要唔好食😅特別唔好食嘅係腸粉(執錯)痴埋晒一舊好似食緊麵粉漿，糯米雞(執錯)乾爭爭，蘿蔔糕陣味好似就變。店員態度更加好差，打電話去就叫人唔鐘意就投訴，點都話唔關佢哋事。

最鐘意食點心湊住2個小朋友返外家就係樓下買啲點心返上去食。個燒賣好好食！大大粒，有冬菇香味，仔仔1人1粒食晒。鳳爪排骨飯好香，個大仔食咗半盒先留返俾我啲排骨幾滑鳳爪都好有味，啲味入晒啲飯仲好食！春卷好大條，啲涵都好實，食到應該有芋頭？脆卜卜牛肉球都好食！喼汁唔太酸，好味！仲有生煎包，拎返屋企時覺得唔係好夠熱就拎去叮，叮十秒就已經好香！好好食😋如果自己再煎燶少少仲好味！

呢間啲員工態度勁差！！似住個個買包/點心都要同佢買，成日都擺埋啲「唔賣咪咪唔賣」嘅嘴臉試過一次跟佢優惠價去揀買包，點知個大嬸收我正價，我同佢講返，佢仲話返我轉頭：「係咪唔要！！唔要我收返！」我都未答返佢，佢就9秒9攞走左個包........超級冇禮貌！根本係佢自己取消左個優惠又冇update 個牌！破壞我一日美好嘅早晨有次朝早有個伯伯想買包，但伯伯對答慢左，就大大聲兇個伯伯，勁唔耐煩！或者明明係我落order先，又執左人哋個包先，真係令人好不爽！

去到唸住買個章魚肉餅飯 幾個客等緊 冇姐姐埋位 咁我都理解嘅 畢竟一人一個企位 到我點果陣 問個姐姐有冇呢個章魚飯 佢話冇 我問佢下面果盤會唔會有啦(態度係誠懇咁問)佢就話唔夠力(上面果盤得三個飯)咁我都算 要左上面排骨飯 跟住我就話你平時d同事都會抽下面d飯賣比人 佢話咁佢地夠力呀嘛 你投訴我囉 我只係講左句咁你都幾好服務態度 佢仲好高EQ話梗係啦 以後都唔幫襯 做老細果個真係落去巡下鋪啦 d員工仲惡過d客 第一次聽叫人投訴佢 我就唔會做呢d咁嘅事 但呢間公司真係要好好檢討下

真係好嬲！員工訓練不足，客人唔排隊都唔處理，慢都算，態度勁差。話說，我排隊買燒賣，但前面仲有2組客人，其實呢類外賣單應該去得好快，平時既嬸嬸處理得好好，但今日果2個好唔掂。執錯俾人，仲要發夢遊魂。有人插單又照做，我出聲話排左好耐，但佢都只係出口而唔係出手，佢仲要停哂手咁話唔夠人丫嘛，你等唔到唔好買啦。真心未試過咁lor。我等唔到就唔會等你地處理左前2組客人再加無啦啦既插單啦！如果佢禮貌少少都仲冇咁火，佢完全係想話，你買就買，唔買就算啦！痴線ga! 唔想做唔好做啦。。。

明明是長發街市，又佯稱青衣市場，裝模作樣。但裝修過後，增設了這點心店，也可以一吃🤔有陣時又會覺得，其實各款點心都差不多，就像普通的燒賣，鵪𪂹蛋燒賣或是山竹牛肉，都只是將肉團黏在一起🤔。鵪𪂹蛋燒賣，鵪𪂹蛋味道又沒有什麼特別。山竹牛肉，亦都相當之普通的味道，底下就像是一個粉團一般。反而這兒的蒸飯，鹹魚肉餅飯，鹹魚有輕微鹹香，但是不會一味的死鹹，配合肉餅，味道也不錯。這間包點料理，在九龍新界多了幾間分店，廉價得來又不會質素太差，總括來說也算是不錯。