包點先生 (已結業)

平時都有去開包點先生買早餐，但食開既都係普通個啲包，因為驚特別個啲包公既味會唔夾。但今次心血來潮好想試下食芋頭包，因為聽講芋頭包係幾健康。個芋頭包既面有少少芋頭既絲，望落去個似削左皮既芋頭咁。我一淡咬落去，好濃既芋頭香味已經滿佈我口腔到，真係冇諗過味道會咁好同咁好食！佢入面既餡愈咬得入就愈多，而且唔係好甜，應該冇落好多糖。芋香味好重好濃，唔係稀個種，感覺上好似食緊真既芋頭咁。對於大食既我哩講，佢個包唔算大，而且食完一個會想再食第二個。哩個價我覺得幾抵食。

今日見到呢款咖哩豬肉包,心思思想買,所以買1個返去蒸熱來吃!!今次我很醒目地將每個包點先切開1半,之後再放入大火蒸8min左右,咁就連整個包及餡料也100分熟透了! 成功了!而且包點的口感非常佳~蒸熟後包點發得更加大個 其實本身包點的size已經屬於大,所以一個人食晒1個包點,已經飽飽了!!!咖哩豬肉包 $5香濃的咖哩味~又唔會過辣,但的確有點兒辣所在~豬肉無硬粒,味道很好!    日式南瓜包 $5整個包點的造型就係南瓜,十分可愛~橙色的色素又唔會造得好假,相信喜歡南瓜的小朋友一睇到呢款包,都會心郁郁想買來吃吧! 麵包本身帶少許甜味,餡料方面,有足夠的南瓜茸,十分香甜呢!!必吃必吃 包點款式很多,未食過都唔知邊款好味道!      

當天在店內買下3款包點,在店內的海報提示-只需隔水用大火蒸7min便可以吃用,回家後隔水蒸7min來吃,點知中間的餡料根本未完全熱透..所以又要再蒸多5min左右….但包皮便變得太軟了   素齋包 $5餡料有紅蘿蔔粒,粟米粒,馬蹄粒,少許碎肉,不算特別的鮮味,略為淡味的一款包點~     奶皇包 $4.5奶皇餡料充足,美味!香濃的奶黃香味湧入味蕾!相當不錯~奶皇包熟透後很軟!   菜脯豬肉包 $5這個包相當大個,但餡料不太多,所以吃起來有點dry的感覺~但菜脯及豬肉的味道不錯~

(769)最近荃灣328廣場新開了一間包點先生，開幕那天路過，選購了豆漿及砵仔糕回家。豆漿，每支600毫升，標示採用加拿大黃豆，雖然豆味不太濃，但飲落都好飲。砵仔糕，選擇了黃豆及白豆各一個，每個用有蓋膠盒獨立包裝，口感味道都不錯。這間包點先生乃荃灣第二間分店，因為今天太飽了，並沒有試他的招牌包點。

前日(12﹣6﹣2013Wed)端午節同男友o係屋企,佢唔鍾意留o係屋企,就搵戲睇,我o地決定去荃新天地睇6:20pm o既戲。到時間喇,我o地搭車到寶石大廈落車後,男友話要食o野，但佢覺得唔夠時間坐低食,於是沿路行,就o係呢o度買o野去戲院食。我o地揀o左好似係＄6.50o既南瓜包,$5.50o既糯米卷同$5.50o既豆沙包。不過我o地o岩o岩o係優惠時間o黎到,買三樣o野都只係$12.00,無他，因為已經唔新鮮同凍晒囉。我o地行到荃新天地搵到地方坐o黎食,我先食糯米卷,糯米開始變硬喇,不過都食到佢o既香味。之後到豆沙包,掰開睇,豆沙餡唔多,食落,過厚o既包皮冇乜味,豆沙餡亦然。而南瓜包呢,我o地要入場至食喇。入到去即刻掰開o黎食。其實都唔個自己食o黎乜,同樣係冇味,攪咩?味道係1.5分