包點先生 (已結業)

茶樓餐廳等食肆條人龍唔見咗，但呢D飽點店又幾好生完意，人潮不絕，唔通人人食個包就算。同一條街有兩間一模一樣嘅食店，所賣的包點又好相似，梗會互相比較，款式似乎呢間多D除咗中式亦有西式甜品如布甸等，中式包類尤其係咸點都有D創新款式，但我都係保守D試咗韭菜包（$4）同南瓜包（$4）。首先兩種包都好鬆軟，饀料就咸點好D，韭菜味好香，但南瓜茸就無乜南瓜味亦唔係好甜，普通而已，似乎真係咸包好D。

之前見雜誌介紹過呢間新式中式包點店，對於嗜包之人既我當然有興趣試下啦！由於做緊買三送一既關係，所以就揀左價錢相同既麥饅頭&黑芝麻饅頭 ($3.5/ 個) 黎試！味道都ok，幾軟熟，但口感卻較一般上海包點店的遜色；不過勝在大大個兼新鮮製造．其實包點既選擇都有好多，有白饅頭、南瓜饅頭、香芋饅頭、綠茶饅頭、蕃薯包、菜肉包、鮑魚包、魚翅包、馬拉糕、千層糕、壽包等等．．．下次若果仲有優惠都會試下其他款式的．基於玻璃之隔便見到廚房，內裡小小的地方原來擠滿了不少師傅正忙於努力地製作包點，而揀包期間也見到有不少包點新鮮出爐添！買三送一，一試無妨！

唉, 媽媽六十大壽,拿拿林去訂壽包啦...... 點知原來要預早一天訂購. 於是向店員說明緊急之用...... 好彩, 店員立即幫忙, 在兩個小時內完成 那款 $108.- 的壽包set, 嘩..... 樣子精美, 新鮮即做, 包裝得體....真係多謝晒那位店員的幫助. 媽媽見了, 都笑口大開.我都試過那款 " 南瓜包 " , 都幾好食呀, 用嚟做早餐, 認真唔錯, 而宜論價錢, 都算ok, 可以afford得起.我見到廚房裏面的師傅, 都好似幾專業, 兼且都幾衛生添.有機會都要試齊每一款包.

聽過好多人講紫蕃薯包, 上星期經過包點先生, 見到有類似的包在熱櫃內, 就想買來試。但我叫蕃薯包時, 職員給我的是深黃色的包, 我問紫色的是什麼包, 她答是香芋包, 因為之前在另一間包點先生食過芋蓉包(不過是白色包面的), 今次就唯有試和我想像有出入的黃色蕃薯包.........包是深黃色的, 有點怪味, 唔好食！涵是黃色的蕃薯, 一粒粒的, 唔甜, 都有蕃薯味, 一般而已~包雖然在熱櫃, 但唔夠熱, 敗筆！一直想試的是紫蕃薯包, 但到過兩間都沒有發現。

叉燒包--唔係好夠叉燒, 有點似乾吃包紫米卷--好夠"米需"米卷味...吞拿魚--成條魚型咁, 真係唔知佢係吞拿魚做, 仲要係隔左一日蒸番熱佢都好好味~唔會話好乾爭爭咁!

食流沙奶黃包只能在酒樓這些地方食今次紅叮只能要求平凡一點,想食一個奶黃包~平日早上在旺角經過這間包點店~看到奶黃飽~不如買一個來食吧~奶黃包算是份量不細小~包的不算厚~不過內裏的奶黃反而有半溶的感覺~有點像在大埔食鯛魚燒的感覺~但那裏的奶黃更加好~價錢在旺角來說算是便宜整體上也可以一食,不要求很大期望~

九月廿六日(星期五)今日我早點出門,為了什麼?...都是吃啦!!^^特別在旺角下車!走到包點先生買早餐吃!今日我買了义燒包給老公吃!老公覺得:包質感鬆軟富彈性,口感不俗 犬燒一粒一粒的,很分明...唔會係义燒漿,醒上醒胃醬汁,很夾 時間關係...雖然凍了點,仍然很好味... 四元一個又好吃又飽肚的大包........當然是"好評"!下次要食live呢!!.......熱食應該更好吃呢!

同媽咪經過包點先生,咪一齊入去睇下有咩買好多選擇,但決定買：黑芝麻包 X2 - 未食前諗咪又前包厚少料既包 , 第一啖有驚喜 , 同我之前食的唔同好香黑芝麻 , 加上包薄, 黑芝麻一D都唔少！好味！（因佢唔係寫流沙包 , 合格之上）炸菜肉包 - 媽咪食的 , 好香既炸菜, 料多的！滿意佢地既特大壽包好靚 , 爸爸一定會鐘意（快近生日）p.s 等付款時 ,收銀員好有禮貌！抵讚！

今次小弟帶番屋企自己蒸跟佢話7分鐘首先$10 6個饅頭算好大個用呢個時間就幾軟熟但所謂香芋 / 綠茶味就唔算好濃做早餐都不失為一個選擇輪到$9.5鮑魚雞飽第一口己經吃到鮑魚！另有冬菇+雞用料都算新鮮份量就無想像中咁多，但合格有餘幾支持呢種新式飽點，加油！P.S 第一次邊食邊寫食評

又買了d包做早餐。梅菜包幾好食，梅菜同豬肉份量勻稱，而且梅菜甜甜咸咸，味道不錯。奶黃包唔掂，唔知似乜，D奶黃一pat 野咁，又無味，好似食膠水咁。粟米碎蛋味道西他，與中式包皮不太夾。

一心想去飽點王子買流沙叉燒包順路經過包點先生就先買左一個叉燒包來試食.餡料有加色素紅左D.汁多肉少.包唔夠熱.但味道唔錯!食完0岩0岩好行到飽點王子.

次次去都要買3,4個返屋企, 真係...真係好好味, 屋企人都好鐘意~~d麻蓉好香, 比茶樓的好, 有水準~~另外妹妹最愛香菇雞包~~八號風球都開門, 有服務精神~ps. 另一家"包點王子"都唔錯~

真的有好有不好,我買過數次,覺得"羅漢齋包"十分好吃,足料外味道亦不錯! 如果愛吃菇類的更會喜歡它! 馬拉糕亦很鬆軟,而"素菜包"及"炸菜肉絲包"也尚算出色!不過,"黑芝麻包"真的不行, (比較過"飽點王子"的黑芝麻包,你會知道答案!) 此外,义燒包亦不行, 絕對被王子的流沙义燒包給比下去呢! 至於什麼瑤柱包,我認為一般吧,沒什麼特別呀!

去完羅坤發食面，行多兩步試har 呢間野d包先。買了3個包。馬拉糕：賣相好吸引，好飽滿。有數片杏仁片在上。幾軟熟，但就唔係好夠香。甜度就都幾適中。叉燒包：實在太多餡，只得幾粒叉燒"碎"...汁又少。幸好個包本身好軟熟，也有淡淡面粉香。炸菜肉餅包：呢個好好食，個包軟熟唔在講，個餡都好正，好多料，炸菜不會太咸。肥肉亦不多。非常好食。會再encore 呢個包。

好軟熟又好味, 包既涵不太甜剛剛好。