動茶 (已結業)

無人駕駛、無人機、無人商店……依家好興無人乜乜乜,，早前經過「麗新商業中心」偶然見到呢一部無人台式飲品機，唔喺賣罐裝汽水嗰啲，而真喺落單後，即點即製，由機械代勞，做出台式手搖飲品，見幾過癮，又唔喺貴，買兩杯試試。相信都喺初階段，所以，見其產品都唔算多，主要分為4類：奶茶系列、茉香奶綠系列、芋泥系列、果茶系列，定價$24-$32，而每杯份量都設定為500cc容量。標明茶底及材料每日新鮮煮製，全自動化製作，無口味偏差又衛生。晌螢幕中全自助咁落單，相信去得多快餐店嘅人都熟悉點搞，甜度、冰量都有得按自己喜好選擇。落單後，睇住機內嘅電子手臂郁嚟郁去，加入奶茶、糖漿、配料、冰粒……等等，再封口，真喺幾得意，成個過程都全自動化，感覺真喺幾夠衛生。百香椰果綠茶 $26老婆最好就喺百香果，所以，晌果茶系列中一眼就相中呢一款配椰果嘅綠茶。色澤鮮明，入口感覺好清爽，綠茶茶底唔錯，亦滲出陣陣百香果嘅酸香，甜度亦啱啱好，底下仲有唔少椰果粒，飲吓又咬吓，幾過癮。茉香珍珠奶綠 $26小弟就揀咗茉香奶綠系列中嘅珍珠奶茶，佢哋嘅珍珠奶茶所用嘅珍珠有別往常嘅黑色珍珠，而喺用咗金黃色嘅琥珀珍珠，但口感一般，未喺好夠咬口，而

長沙灣站📍動茶-見到壽司郎附近好多人睇呢間珍珠奶茶店，原來係全自動嘅珍珠奶茶機🤩未試過當然又試下😎珍珠奶茶（琥珀）（$26）$26一杯又唔算貴，我就梗係要全甜😎！茶底好香濃，唔似係開粉沖，珍珠煙韌，不過女朋友話覺得硬左少少，我ok🤪飲完成個下晏都好精神，建議大家唔好夜晚飲，唔係會成晚數綿羊仔🐑金桔雙重奏綠茶（$28）金桔清香，連綠茶味都好出，配埋椰果、珍珠幾有咬口，呢杯要左少甜，甜度適中。如果飲管再粗身d會好d，可以一次過飲到多d配料🤓呢個價錢唔算貴，配埋佢全自動都幾有gimmick。一杯野飲大概等4-5分鐘就拎到👍🏻

今日要分享一個非常特別嘅體驗👍🏻之前去咗長沙灣廣場度食壽司郎，竟然發現隔離開咗一間全自動嘅奶茶店🥤貪得意嘅我都忍唔住試一試😇估唔到有驚喜喎😛-▪️芋泥鮮奶茶$24市面上嘅珍珠奶茶賣得越嚟越貴🧋估唔到呢度竟然賣得仲未出面嘅地方平🤑全自動化嘅自動奶茶機仲可以做到少甜少冰嘅效果添👍🏻成個過程唔使1分鐘就搞掂非常快手，不過見到有個店員頻頻要喺度加冰🧊可能對於佢哋來講就會麻煩少少啦😲奶茶味唔算超級香濃，奶味比較重，個芋泥幾足料大推薦👍🏻呢個體驗真係非常有趣！

全港首間自動製作嘅奶茶-動茶上線啦係唔少節目都睇過外國有好多自動咖啡機係個機械幫人沖咖啡而香港人一向都好中意飲各式各樣嘅奶茶今日行過荔枝角食完壽司朗發覺有部好潮嘅機原來係部 用機械人沖嘅奶茶店飲品選擇幫哂客人分門別類而且選擇都幾多咖其中最中意earl grey 做base 嘅奶茶仲有琥珀珍珠揀正正！而且每樣野，包括 冰量，甜度，配料都有得自選而且係機械人製作份量一定穩定製作過程都幾有趣見住機械人裝茶加調味料再加珍珠/其他自選配料一步一步咁整好似好高科技今次試左佢嘅earl grey 奶茶味道方面都幾好算係中上earl grey 味夠奶味濃而價錢方面比起一般嘅平小小睇佢整都抵呀

見到裝修珍珠奶茶舖十分好，再細睇原來係自動珍珠奶茶幾特別終於等咗佢開張，新開自動 珍珠奶茶 🧋舖幾得意試吓先，買咗2杯$24的飲品。鮮奶茶系列找極找唔到，放棄要了苿香珍珠奶茶，但..飲落去零茶味，苿香味有，似苿香奶😅珍珠口感反而不錯幾彈牙（最後自己回去沖了濃紅茶包先好味啲😂）。朋友叫珍珠奶茶就話有丁點茶味😅。甜度少甜都比較偏甜，如有個制係少少甜更好。付支款寶嘟極都唔得放棄，幸好有八達通，一杯等約1分鐘都快手。

試咗杯珍珠奶茶，$24杯來講都算有驚喜，飲落同人手沖嘅一樣茶味好香，奶味都好濃，甜度都啱啱好唔會太流，係多冰咗少少佢啲珍珠係黃色嘅，唔同一般見到嗰啲，但味道一樣，同埋咬落幾煙韌。珍珠份量可以再多返少少就perfect！落完order到拎茶都係1分鐘多啲，真係全程機沖無人手，算快同幾方便👍🏻 原本仲以為會伏伏地😂，點知又ok喎係唯一size方面有L size揀就好了，佢得一個size整體來講幾滿意，下次會試吓其他款😆希望之後有多啲choice (見佢多數奶茶款，果茶類反而少) 食完隔離壽司郎可以當甜品咁飲🤣

早陣子經過長沙灣的麗新商業中心時，見到這個珍珠奶茶機，不是買罐裝飲品的，而是即點即製的，相信是全港獨有，覺得非常有趣，所以，即時試試看，點了3杯拿回家跟家人共享。茶飲選擇主要分為四大類：伯爵茶系列、鮮奶茶系列、茉香奶茶系列、果茶系列，定價便宜，都只是廿多塊錢而已，每一杯都以500cc為標準容量。而下單是全自助的，在螢幕中自選，甜度、冰量全可自決，一般時下的電子支付都可以用到。不過，有一點提一提，自助機不提供膠袋，打算一次過買幾杯的話，就要自備購物袋了。下單後，看着機內的電子臂不停郁動，由加入各種材料、冰塊，以致封口，製作過程全自動化，真的十分有趣，轉眼間，又製造成一杯了。首先製作成的是「芋泥鮮奶茶（熱）」（$24），不要以為份量是少了，因為選了熱飲，沒有加冰而已，飲用時要先搖勻，鮮奶茶頗芳香細滑，芋泥亦很粉香，兩者混和效果不俗，入口又「暖笠笠」。另一杯的「茉香琥珀布丁奶茶（凍）」（$26）算是較傳統的台式奶茶，不過，賣點是用上琥珀珍珠，珍珠是金黃色的，口感QQ，再加入了布丁粒，口感豐富，而茉莉茶所做的奶茶底很幽香。此外，還選了一杯果茶系列的「百香椰果綠茶（凍）」（$26），揀少甜，但入